Fréttablaðið - 10.08.2010, Blaðsíða 31

ÞRIÐJUDAGUR 10. ágúst 2010 15
sport@frettabladid.is
> Óvissa með Hurst
Heyrst hefur að enski bakvörðurinn James Hurst sé
á förum frá ÍBV. Trausti Hjaltason, framkvæmdastjóri
ÍBV, segir ekkert staðfest í þeim efnum en viðurkennir
þó að Hurst gæti horfið með skömmum fyrirvara kalli
Portsmouth á hann. Hurst er á lánssamningi hjá ÍBV
til 30. ágúst og hann mun alltaf missa af
lokaspretti deildarinnar. Fari hann ekki til
Englands fyrir þann tíma mun hann ekki
geta spilað í heimalandinu.
FÓTBOLTI Þegar Danien Justin
Warlem byrjaði að æfa með ÍBV
fyrir tímabilið höfðu ekki margir
trú á þessum strák. Þar á meðal
liðsfélagar hans. Honum gekk
svo illa að aðlagast boltanum
á Íslandi að hann komst ekki í
leikmannahóp félagsins framan
af móti.
Hann hefur fengið langþráð
tækifæri í síðustu leikjum og
það tækifæri hefur hann nýtt til
fullnustu með fjórum mörkum í
fimm leikjum. Hann skoraði eina
mark leiksins gegn Fram, jafnaði
gegn Val og ÍBV vann síðan þann
leik og kom svo af bekknum gegn
Haukum og kláraði þann leik með
tveimur mörkum.
Warlem skoraði mikið í
næstefstu deildinni í Suður-Afríku
og varð markahæsti leikmaður
deildarinnar þó svo hann hefði
verið í liði sem féll úr deildinni.
Það var því vitað að hann gæti
skorað þó svo hann sýndi lítið á
æfingum framan af.
„Ég var farinn að íhuga að fá að
fara frá félaginu. Mér gekk illa að
aðlagast veðrinu og svo sest sólin
aldrei. Það var margt sem ég
þurfti að takast á við og gekk það
misvel. Smám saman kom þetta
hjá mér og strákarnir í liðinu fóru
að tala við mig.
Þeir töluðu ekki við mig áður
og skildu ekkert hvað ég væri að
gera hérna fyrst ég væri ekki að
spila. Héldu örugglega að ég væri
að drepa tímann. Eftir að það kom
þá fór mér að líða betur og mér
finnst ég vera hluti af hópnum
núna,“ sagði Warlem.
Framherjinn kemur frá
Höfðaborg og viðbrigðin að koma
til Eyja voru því afar mikil.
„Þar gera fáir sömu hlutina en
hér gera allir allt á sama tíma.
Borða sama matinn og á sama
tíma. Það hefur vanist en erfiðasti
hlutinn er að það er nákvæmlega
ekkert að gera hérna í Eyjum. Við
bíðum eftir æfingu allan daginn
en það er hápunktur hvers dags.
Drjúgur hluti dagsins fer því í
að hanga uppi í rúmi og við erum
margoft búnir að horfa á sömu
myndirnar,“ sagði Warlem en hann
býr í einbýlishúsi ásamt félögum
sínum í liðinu, þeim James
Hurst og Rasmus Christiansen.
„Dagarnir geta því verið mjög
langir.“
Warlem segir að fjölskylda
hans hafi stutt hann er hann
ákvað að fara til Íslands og segir
að foreldrar sínir séu stoltir af
honum.
„Þau vildu að ég kæmist úr
landi því það er mikil spilling
í boltanum heima og þar ráða
svörtu leikmennirnir ferðinni.
Það er erfitt að komast langt þar
sem svarta fólkið ræður öllu í
boltanum heima. Þau gleðjast því
með mér og ég sé ekki eftir því að
hafa verið áfram í Eyjum þó svo
fyrstu tveir mánuðirnir hafi verið
erfiðir.“ henry@frettabladid.is
Strákarnir töluðu
ekki við mig
Suður-Afríkumaðurinn Danien Justin Warlem er
kominn í gang með ÍBV eftir afar erfiða byrjun.
Hann er maður 15. umferðar hjá Fréttablaðinu.
SJÓÐHEITUR Danien Justin Warlem hefur reynst ÍBV drjúgur í síðustu leikjum.
Liðsfélagar hans, sem í fyrstu töluðu ekki við hann, fagna honum hér eftir að hann
skoraði gegn Haukum. MYND/ÓMAR GARÐARSSON
KÖRFUBOLTI Landsliðskonan
Sigrún Ámundadóttir hefur
gert samning við franska liðið
Olympique Sannois Saint-Grati-
en og mun spila í frönsku NF2-
deildinni í vetur.
Sigrún er 21 árs og spilaði
með Hamri á síðustu leiktíð þar
sem hún var með 11,9 stig og 8,2
fráköst að meðaltali í leik. Hún
hefur einnig spilað með KR og
Haukum en hún er frá Borgar-
nesi. - óój
Sigrún Sjöfn Ámundadóttir:
Til Frakklands
TIL FRAKKLANDS Sigrún Ámundadóttir í
leik með Hamri. FRÉTTABLAÐIÐ/DANÍEL
Kvennalið Breiðabliks spilar algjöran úrslitaleik í dag um sæti í 32
liða úrslitum Meistaradeildar Evrópu þegar liðið mætir franska lið-
inu Juvisy Essonne á Kópavogsvellinum. Bæði lið hafa unnið fyrstu
tvo leiki sína í riðlinum af miklu öryggi.
„Okkur er búið að ganga vel í þessum tveimur síðustu
leikjum en það er allt annar leikur á morgun (í dag) því
Frakkarnir eru miklu sterkari en þetta rúmenska og
eistneska lið,“ segir Sara Björk Gunnarsdóttir,
sem hefur skorað þrjú mörk í leikjunum
tveimur. Markatala Blika út úr fyrstu tveimur
leikjunum er 15-1 en markatala FCF Juvisy
Essonne er tveimur mörkum betri eða 17-1. „Við höfum
verið að spila vel og hópurinn er mjög góður. Ég held
að við eigum alveg jafnmikla möguleika og þær og
þetta verður bara hörkuleikur. Það væri frábær árang-
ur að komast í 32 liða úrslitin og við ætlum okkur
þangað,“ segir Sara og hún segir Evrópukeppnina
hafa gefið Blikaliðinu mikið. „Við erum að smella saman í þess-
ari Evrópukeppni og hún á örugglega eftir að hjálpa okkur líka
það sem eftir er af Íslandsmótinu,“ sagði Sara. Blikastúlkur
hafa hins vegar eytt miklum tíma saman alveg eins og þær
væru staddar saman erlendis. „Við vorum á æfingu í morgun
klukkan ellefu og fórum síðan í hádegismat upp í Smára. Svo
hittumst við í kvöld í félagslegu verkefni og borðum síðan
kvöldmat á eftir. Við höldum hópinn nánast allan daginn,“
segir Sara og bætir við:
„Það er búið að vera mikið álag á leikmönnum. Frakkarnir
verða kannski aðeins þreyttari en við þurfum að hlaupa
af okkur rassinn. Við erum búnar að taka kæliböð og
pottinn og hugsa mjög vel um að ná góðri endurheimt
og borða vel. Það skiptir miklu máli þegar það er spilað svona
þétt,“ segir Sara og hún sjálf segist vera í góðu standi þrátt fyrir
mikil hlaup í síðustu tveimur leikjum. Leikur Breiðabliks og Juvisy
Essonne hefst klukkan 16.00 í dag.
SARA BJÖRK GUNNARSDÓTTIR OG FÉLAGAR Í BREIÐABLIK: SPILA ALGJÖRAN ÚRSLITALEIK VIÐ JUVISY ESSONNE Í DAG
Við þurfum að hlaupa af okkur rassinn
Svooona gott
Því lengi býr að fyrstu gerð
Sumt breytist aldrei
Enn sem fyrr býður Gerber upp á mikið úrval af næringarríkum,
hollum og góðum barnamat. Veldu aðeins það besta fyrir
barnið þitt, því lengi býr að fyrstu gerð.
E
N
N
E
M
M
/
S
ÍA
/
N
M
4
2
6
6
5
FÓTBOLTI Það verður Íslendinga-
slagur í úrslitum sænsku bikar-
keppninnar í ár en Örebro, lið
Eddu Garðarsdóttur og Ólínu Guð-
bjargar Viðarsdóttur, tryggði sér
í kvöld sæti í úrslitaleiknum með
2-1 sigri á Linköping eftir fram-
lengingu.
Örebro mætir Djurgarden í
úrslitum en í marki þess liðs stend-
ur Guðbjörg Gunnarsdóttir.
Örebro náði forystunni í leikn-
um með marki Sanna Talonen á 38.
mínútu en Edda lagði upp markið
fyrir hana.
Louise Fors jafnaði leikinn fyrir
Linköping á 56. mínútu og meira
var ekki skorað í venjulegum leik-
tíma.
Marie Hammarström tryggði
Örebro svo sigurinn þegar aðeins
tvær mínútur voru eftir af fram-
lengingunni.
Þær Edda og Ólína munu því
spila sinn fimmta bikarúrslitaleik
á aðeins sex árum.
Þær spiluðu með Blikum 2005 og
unnu, fóru með KR í úrslit 2006,
2007 og 2008 og unnu árin 2007 og
2008. - hbg / óój
Íslendingaslagur í úrslitum sænsku bikarkeppninnar:
Edda og Ólína í úrslit
STERK Edda lagði upp mark fyrir Örebro
í gær. MYND/OSSI AHOLA
Lið umferðarinnar
Ingvar Þór Kale, Breiðablik
Valur F. Gíslason, Fylkir
Ólafur Örn Bjarnason, Grindavík
Elfar Freyr Helgason, Breiðablik
Halldór Orri Björnsson, Stjarnan
Jökull Elísabetarson, Breiðablik
Matthías Vilhjálmsson, FH
Óskar Örn Hauksson, KR
Scott Ramsay, Grindavík
Ellert Hreinsson, Stjarnan
Danien Justin Warlem, ÍBV