Fréttablaðið - 12.08.2010, Qupperneq 6

6 12. ágúst 2010 FIMMTUDAGUR
RÚSSLAND, AP Starfsmenn almanna-
varna í Rússlandi standa nú vakt í
Brjansk-héraði, suður undir Úkr-
aínu, þar sem eldar hafa kviknað
á að minnsta kosti sex stöðum nú
í vikunni.
Héraðið varð illa úti vorið 1986
vegna mengunar frá Tsjernóbyl-
héraðinu í Úkraínu, sem þá til-
heyrði Sovétríkjunum. Geisla-
virkar agnir eru þar enn í jörðu,
og hafa umhverfissamtök bent á þá
hættu sem stafar af því að eldarn-
ir hrófli við þessum ögnum og þær
berist síðan með vindi langar leið-
ir. Sergei Shoigu, almannavarna-
ráðherra Rússlands, hefur viður-
kennt að hættan sé fyrir hendi.
Vel hefur þó gengið að slökkva
eldana í Brjansk, að sögn Irinu
Jegoruskinu, talskonu almanna-
varnaráðuneytisins. Hún segir
sömuleiðis að ekki hafi mælst
aukin geislavirkni í héraðinu, þrátt
fyrir eldana.
„Það hafa kviknað hér nokkr-
ir eldar, en ástandið er ekki jafn
slæmt og í nágrenni Moskvu,“
segir hún.
Hundruð elda loga enn í vestan-
verðu Rússlandi, flestir í nánd við
höfuðborgina Moskvu þar sem
kæfandi reykjarmökkur hefur gert
íbúum afar erfitt fyrir.
Fjölmargir hafa veikst alvar-
lega og dánartíðni í borginni er
nú komin upp í 700 manns á degi
hverjum. Líkhús eru sögð yfir-
full.
Um 165 þúsund manns vinna við
að slökkva eldana. Beitt er 39 flug-
vélum.
Vladimír Pútín forsætisráðherra
hefur látið til sín taka á vettvangi
og verið áberandi í fjölmiðlum. Hörð
gagnrýni hefur engu að síður beinst
að stjórnvöldum almennt og Pútín
sérstaklega fyrir að hafa ekki varað
fólk við hættunni strax og spáð var
óvenju skæðri hitabylgju nú í sumar.
Stjórnvöld þykja hafa brugðist seint
og illa við vandanum, og rússnesk-
ir leiðarahöfundar segja sýndar-
mennsku Pútíns, sem settist sjálf-
ur í flugstjórnarklefa einnar þeirra
flugvéla, sem notaðar eru í slökkvi-
starfinu, ekki bæta þar úr.
Skoðanakannanir sýna að vin-
sældir bæði Pútíns og Dmitrís
Medvedev forseta hafa dvínað
undanfarið.
Talið er að það tjón, sem nú
þegar hefur orðið af völdum eld-
anna, geti orðið nærri 2.000 millj-
arðar í krónum talið, en það er um
eitt prósent af þjóðarframleiðslu
Rússlands.
Hitarnir í Rússlandi nú í sumar
hafa mælst meiri en nokkru sinni
frá því reglulegar mælingar hóf-
ust fyrir 130 árum.
gudsteinn@frettabladid.is
ROFAR TIL Í MOSKVU Eftir kæfandi reykjarmengun í heila viku snerist vindáttin svo
Moskvubúar geta nú loks dregið andann þrátt fyrir eldana í næsta nágrenni.
NORDICPHOTOS/AFP
Óttast geislavirkni
af völdum eldanna
Eldarnir í Rússlandi hafa náð inn á svæði sem varð illa úti af völdum geisla-
mengunar frá Tsjernóbyl-kjarnorkuverinu vorið 1986. Óttast er að eldarnir geti
hróflað við geislavirkum efnum í jörðu og dreift þeim víða um lönd.
VIÐSKIPTI Útlán Íbúðalánasjóðs
hafa dregist saman um fimm
milljarða það sem af er ári
miðað við sama tímabil í fyrra.
Þá hefur vísitala íbúðaverðs á
höfuðborgarsvæðinu lækkað
um 1,3 prósent milli ára.
Samtals námu útlánin fyrstu
sjö mánuði ársins tæpum 14,8
milljörðum en í fyrra voru það
19,9 milljarðar. Þetta kemur
fram í mánaðarskýrslu sjóðs-
ins.
Heildarútlán í júlí voru
tæpir 2,8 milljarðar og voru 1,8 milljarðar vegna
almennra lána. Meðalútlán voru 9,9 milljónir króna.
Lækkun á vísitölu íbúða-
verðs er tilkomin vegna átta
prósenta lækkunar á vísitölu
fyrir sérbýli, en vísitala fyrir
fjölbýli lækkaði um tæpt
prósent. Þá var heildarvelta
íbúðabréfa 34,2 milljarðar
króna í júlí. Það sem af er ári
hefur hún numið 374,4 millj-
örðum króna, en var 529,9
milljarðar á sama tímabili í
fyrra.
Greiðslur sjóðsins voru rúm-
lega 352 milljónir króna í júlí
vegna afborgana hús- og húsnæðisbréfa. Uppgreiðsl-
ur lána voru rúmir 2,8 milljarðar. - þeb
Íbúðalánasjóður hefur lánað fimm milljörðum minna en í fyrra:
Útlán dragast saman milli ára
HÚSNÆÐI Íbúðalánasjóður lánaði 2,8 milljarða
króna í júlí. FRÉTTABLAÐIÐ/GVA
DÓMSMÁL Ákæra á hendur rúm-
lega þrítugum manni, sem varð
manni á sextugsaldri að bana í
maí, var þingfest í Héraðsdómi
Reykjaness í gær.
Hinn látni fannst við Bjarnar-
velli í Reykjanesbæ að morgni
8. maí.
Grunur beindist fljótlega
að hinum ákærða, sem játaði
verknaðinn nokkru síðar. Mað-
urinn, sem er ákærður fyrir
manndráp, hefur verið í varð-
haldi síðan í maí.
- þeb
Banaði manni í Reykjanesbæ:
Þingfesting í
manndrápsmáli
NEYTENDAMÁL Neytendasamtökin
fagna því að Jón Bjarnason,
sjávarútvegs- og landbúnaðarráð-
herra, ætli að setja reglugerð sem
kveður á um að sérmerkja verði
erfðabreytt
matvæli.
„Um árabil
hafa Neytenda-
samtökin kraf-
ist þess að sett-
ar verði reglur
hér á landi
um merkingu
erfðabreyttra
matvæla,“ segir
á vef samtakanna. „Bent hefur
verið á að Ísland er eina ríkið
í Evrópu þar sem engar slíkar
reglur eru í gildi.“ Vonast er til
að þetta „langþráða, en jafnframt
sjálfsagða“ baráttumál verði
brátt í höfn. - óká
JÓN BJARNASON
Neytendasamtökin fagna:
Sjálfsagt bar-
áttumál í höfn
BANDARÍKIN, AP Bandarísk kona,
sem fór í tvöfalt brjóstnám vegna
krabbameins, fær tæplega 200
þúsund dollara í skaðabætur eftir
að í ljós kom að hún var ekki með
krabbamein.
Bæði brjóst konunnar voru
fjarlægð eftir að læknar á sjúkra-
húsi í Los Angeles sögðu krabba-
mein hafa fundist í sýnum árið
2007. Konan kærði spítalann
fyrir vanrækslu og féllst spítal-
inn á kröfur hennar. - þeb
Kona fær skaðabætur:
Brjóstin fjar-
lægð að óþörfu
Ormsteiti að hefjast
Á morgun, 13. ágúst, hefst Ormsteiti,
tíu daga hátíð á Fljótsdalshéraði, með
hverfahátíðum og leikjum og karni-
valstemningu á Vilhjálmsvelli, að því
er segir á vef sveitarfélagsins. Frekari
upplýsingar eru á www.ormsteiti.is.
AUSTURLAND
STJÓRNSÝSLA Þegar starfsmaður
viðskiptaráðuneytisins fékk þrjú
skjöl send frá Seðlabankanum um
heimild til gengistryggingar, með
því fororði að eitt þeirra væri trún-
aðarmál og einungis til að hafa til
hliðsjónar, hélt starfsmaðurinn að
sama gilti um öll skjölin, að sögn
aðstoðarmanns viðskiptaráðherra,
Benedikts Stefánssonar.
Fram kom í blaðinu í gær að
aðallögfræðingur Seðlabank-
ans, í samráði við aðstoðarbanka-
stjóra, sendi skjölin ráðuneyt-
inu til upplýsingar. Að einungis
aðkeypta skjalið hefði verið
sent í trúnaði en að nið-
urstaðan, um ólögmæti
gengistryggingar
lána í íslenskum
krónum, hefði einnig verið reifuð í
hinum skjölunum, með þeim fyrir-
vara að dómstólar þyrftu að skera
úr um málið.
„Eftir á að hyggja virðast starfs-
menn Seðlabanka hafa haft aðrar
væntingar. En það var skilningur
þessa starfsmanns að hún hefði
fengið öll skjölin í trúnaði,“ segir
Benedikt.
Hann telur þó að aðalatriði
málsins sé að enn sé deilt um lög-
mæti þessara lána, eða öllu held-
ur hvað teljist gengislán og hvað
ekki. Skoðun framkvæmdavalds-
ins breyti ekki öllu um það
og hefði ekki gert á sínum
tíma.
„Það þarf að taka
hvern samning fyrir
sig til að vita hvort hann
fellur undir þessi lög.
Það er enginn lokadóm-
ur fólginn í þessum
skjölum. Ég hvet fólk
bara til að lesa þau,“
segir Benedikt. - kóþ
Aðstoðarmaður ráðherra telur að álit Seðlabankans hefði ekki skipt miklu máli:
Misskilningur milli stofnana
BENEDIKT STEFÁNSSON Aðstoðarmaður
ráðherra telur að jafnvel þótt skuldarar
hefðu vitað af minnisblaði Seðlabank-
ans síðastliðið sumar hefðu þeir ekki
endilega haft sterkt vopn í uppgjöri við
bankana. Enn sé deilt um lánin.
www.s24.isSæktu um...
Sími 533 2424
6,35%
innlánsvextir*
Allt að
Óbundinn og óverðtryggður sparnaðarreikningur
*M.v. vaxtatöflu S24 01.07.2010
Hefur þú siglt til Eyja úr Land-
eyjahöfn?
Já 9,7%
Nei 90,3%
SPURNING DAGSINS Í DAG:
Telur þú landbúnaðarráðherra
hafa hagsmuni almennings að
leiðarljósi í mjólkurmálinu?
Segðu skoðun þína í Vísi.is
KJÖRKASSINN