Fréttablaðið - 13.08.2010, Blaðsíða 28

13. ÁGÚST 2010 FÖSTUDAGUR4 ● enski boltinn
Fimm heitustu félagsskiptin í sumar
Við lítum á nokkra spennandi leikmenn sem höfðu félagaskipti í eða innan úrvalsdeildarinnar.
David Silva, Manchester City
Keyptur frá Valencia á 25 milljónir punda / 24
ára miðjumaður/vængmaður
Kom ekki mikið við sögu hjá Spánverj-
um á heimsmeistaramótinu í sumar. Er
að fara að leika í fyrsta sinn utan Spán-
ar en hann var orðaður við fjölmörg
stórlið í sumar, þar á meðal Chelsea,
Manchester United og Barcelona. Pen-
ingavél City vann þá samkeppni.
Javier Hernandez, Manchester United
Keyptur frá Guadalajara á óuppgefna upphæð /
22 ára sóknarmaður
„Chicharito“ er fyrsti Mexíkóinn til að spila fyrir
Manchester United. Njósnarar félagsins hafa fylgst með
þessum ógnarhraða leikmanni um nokkurt skeið. Það
var ákveðið að drífa í að ganga frá kaupum á honum fyrir
HM. Það var eins gott því hann lék virkilega vel á mótinu
og verðmiðinn hefði hækkað verulega.
Yaya Toure, Manchester City
Keyptur frá Barcelona á 24 milljónir punda
/ 27 ára miðjumaður
Fílabeinsstrendingurinn er mætt-
ur til City eftir þrjú ár í herbúðum
Barcelona. Þessi sterki varnarsinn-
aði miðjumaður hittir þar fyrir eldri
bróður sinn, Kolo Toure. Hjá City
gera menn gríðarlegar væntingar til
Yaya og borga honum laun eftir því.
Joe Cole, Liverpool
Fenginn til Liverpool frá Chelsea á frjálsri sölu / 28 ára vængmaður/
sókndjarfur miðjumaður
Cole fór öfuga leið miðað við Yossi Benayoun og ákvað
að ganga til liðs við Liverpool á frjálsri sölu. Cole á 56
landsleiki að baki fyrir England og eru flestir á
því að Liverpool hafi sýnt klókindi með því
að fá hann. Steven Gerrard segir Cole vera
betri en Lionel Messi en svo langt göng-
um við ekki.
Marouane Chamakh, Arsenal
Fenginn til Arsenal frá Bordeaux á frjálsri sölu / 26 ára sóknarmaður
Chamakh er fæddur og uppalinn í Frakklandi en leikur
þó fyrir landslið Marokkó. Hann vann deild og bikar með
Bordaux áður en hann samþykkti tilboð Arsenal. Skor-
aði sitt fyrsta mark í búningi Arsenal í æfingaleik gegn AC
Milan.
Verslunarkeðjan 10-11 hefur verið samstarfsaðili við
365 um enska boltann síðustu fjögur árin og ákvað
að endurnýja samninginn í vikunni til næstu þriggja
ára.
Sigurður Reynaldsson, framkvæmdastjóri 10-11,
segir ástæðuna fyrir samstarfinu vera gríðarlegan
áhuga viðskiptavina á enska boltanum: „Alla mánuði
ársins sem enski boltinn rúllar býður 10-11 viðskipta-
vinum sínum upp á leik sem gengur út á að kaupa
einhverja vöru og þá eiga menn þess kost að vinna
sér inn miða fyrir 2 á leik í enska boltanum. Flug-
miðar fyrir 2 fylgja einnig með í kaupunum þannig
að vinningurinn er veglegur. Þessir leikir hafa verið
gríðarlega vinsælir hjá okkur og eru í kringum
10.000 manns sem taka þátt í hverjum mánuði.“ Sig-
urður minnti á að verslanir 10-11 eru 23 talsins og
eru opnar allan sólarhringinn. Svangir fótboltaunn-
endur geta því nálgast allt sem þeir þurfa með boltan-
um þegar þeim hentar. Spurður um knattspyrnuvetur-
inn sagðist Sigurður sannfærður um velgengni Man.
United: „Ég er klár á því að Man. United muni koma
sterkir inn í ár og endurheimta titilinn. Það mun vekja
athygli að Chelsea mun missa sjálfstraustið og enda
í fjórða sæti deildarinnar í lok tímabils. Annars mun
deildin verða betri en nokkru sinni og allir skemmta
sér hið besta yfir enska boltanum í vetur.“
Verður betri en nokkru sinni
Sigurður Reynaldsson
Aðrir sem ber að gefa gaum:
Ben Foster – Til Birmingham frá Man Utd
Mame Biram Diouf – Til Blackburn frá Man Utd (lán)
Jermaine Beckford – Til Everton frá Leeds
Yossi Benayon – Til Chelsea frá Liverpool
Milan Jovanovic – Til Liverpool frá Standard Liege
Sol Campbell – Til Newcastle frá Arsenal
Dan Gosling – Til Man City frá Everton
Jerome Boateng – Til Man City frá Hamborg
Pablo Ibanez – Til WBA frá Atletico Madrid
Pablo Barrera – Til West Ham frá Pumas
Antolin Alcaraz – Til Wigan frá Club Brugge
Mauro Boselli – Til Wigan frá Estudiantes
www.joiutherji.is
Ármúla 36– 108 Reykjavík
s. 588 1560