Fréttablaðið - 13.08.2010, Blaðsíða 47

FÖSTUDAGUR 13. ágúst 2010 27
Næsta plata rapparans Kanye
West gæti innihaldið samstarf
með hljómsveitinni Bon Iver.
Samkvæmt vefmiðlinum Stereo-
gum.com sendi West flugvél á
eftir Justin Vernon, forsprakka
Bon Iver, sem flaug með hann til
Havaí, þar sem West tekur upp
plötuna.
Í sama miðli er greint frá því
að West hafi lýst yfir áhuga á að
nota vel þekkt Bon Iver-lag í einu
af lögum sínum. Plata Wests er
væntanleg í nóvember
og hefur hlotið vinnu-
titilinn Good Ass Job.
West fer ávallt sínar
leiðir og segir í
nýlegu viðtali
að hann sé
undir áhrif-
um Radio-
head og níu
tommu
naglans
Trents Rez-
nor.
Kanye West
og Bon Iver
Í SÓLINNI Kanye
West tekur nú upp
plötu í sólinni á
Havaí.
Múgsefjun hefur sent frá sér
nýtt lag sem nefnist Þórðargleði.
Þetta er annað lagið sem heyrist
af væntanlegri plötu hljómsveit-
arinnar sem kemur út næsta
vetur. Af þessu tilefni heldur
Múgsefjun í stutta tónleikaferð.
Sveitin spilar á tónlistarhátíðinni
Gærunni á Sauðárkróki í kvöld
og svo verður hún á Gamla bauk
á Húsavík annað kvöld. Ferðinni
lýkur með tónleikum á Faktorý
í Reykjavík í næstu viku. Þar
koma Nóra og Nista einnig fram.
Tónleikarnir um helgina verða
þeir fyrstu hjá Múgsefjun eftir
vel heppnaða tónleikaferð til
Þýskalands og Danmerkur í vor.
Múgsefjun í
tónleikaferð
MÚGSEFJUN Hljómsveitin Múgsefjun er
á leiðinni í stutt tónleikaferðalag.
Tónlist ★★★
Er einhver að hlusta?
Nóra
Gott byrjendaverk
Er einhver að hlusta? er fyrsta plata Reykja-
víkursveitarinnar Nóru sem var stofnuð fyrir
nokkrum árum, en fór að láta að sér kveða
með tónleikahaldi árið 2008. Nóra er fimm manna popphljómsveit sem er
leidd af systkinunum Auði og Agli Viðarsbörnum. Þau syngja, en að auki
spilar Auður á hljómborð og Egill á gítar. Aðrir meðlimir eru bassaleikarinn
Hrafn, trommuleikarinn Bragi og Frank sem spilar á ýmis hljóðfæri.
Tólf frumsamin lög með íslenskum textum eru á plötunni. Tónlistin er
indípopp og það hefur verið töluvert lagt í bæði lagasmíðarnar sjálfar og
útsetningarnar. Mörg laganna eru flott upp byggð, t.d. með innspili og stig-
mögnun. Það setur líka svip á plötuna að það er bæði kvenrödd og karlrödd
í framlínunni. Stundum syngja systkinin saman, stundum hvort í sínu lagi.
Þá setja aukahljóðfæri; strengir og blásturshljóðfæri, svip á nokkur laganna.
Er einhver að hlusta er býsna gott byrjendaverk. Lögin eru svolítið
missterk, en sveitin er hiklaust efnileg og sýnir á köflum fína takta, t.d. í upp-
hafslaginu Apóteles, smellinum Sjónskekkju og í lögunum Hæðir og Opin
fyrir morði. Vonandi eru nógu margir að hlusta svo við fáum aðra plötu frá
Nóru. Ég er sannfærður um að hún verður enn þá betri.
Trausti Júlíusson
Niðurstaða: Metnaðarfullar lagasmíðar og útsetningar setja svip á þetta fína
byrjendaverk.
„Ég held að þessar myndir séu
algjörlega málið. Það er fínt að enda
bíósumarið með þeim,“ segir Tómas
Valgeirsson hjá síðunni Kvikmynd-
ir.is.
Hún stendur fyrir tveimur power-
miðnætursýningum í Laugarásbíói
í kvöld og annað kvöld. Fyrst verð-
ur sýnd Scott Pilgrim vs The World,
sem er byggð á myndasögunum um
Scott Pilgrim, og kvöldið eftir harð-
hausamyndin The Expendables með
Sylvester Stallone, Jet Li, Bruce
Willis, Mickey Rourke og Jason
Statham í helstu hlutverkum.
Báðar myndirnar verða frum-
sýndar hérlendis síðar í
mánuðinum.
Tómas vonast til að
áhuginn fyrir mið-
nætursýningum hér
á landi muni aukast
með þessum sýning-
um. „Það er óneitan-
lega ákveðin stemning
á slíkum sýningum.
Okkur finnst skrítið
að þetta hafi ekki verið gert
oftar því við höfum nánast
alltaf náð að fylla salinn
þegar við höfum haft
sýningar á þessum tíma,“ segir
hann.
Tómas bætir við að allar þær
myndir sem Kvikmyndir.is hefur
forsýnt hafi komist á lista bíósíðunn-
ar Imdb.com yfir 250 bestu myndir
allra tíma. Þar má nefna Inglori-
ous Basterds, Inception, District 9
og Kick-Ass. „Við erum alltaf með
ákveðnar gæðakröfur sem við
reynum að halda í. Það skiptir mjög
miklu máli fyrir okkur.“ - fb
Vill endurvekja miðnæturbíó
TÓMAS VALGEIRSSON
Tómas vonast til að áhug-
inn fyrir miðnætursýning-
um eigi eftir að aukast hér
á landi.
POWER-MIÐNÆTURSÝNING Sylvester Stallone, Bruce Willis og Mickey Rourke
leika í The Expendables. NORDICPHOTOS/GETTY