Fréttablaðið - 13.08.2010, Blaðsíða 50
30 13. ágúst 2010 FÖSTUDAGUR
sport@frettabladid.is
Stjörnustælar hörundssára
framherjans ná hámarki
Stærsta knattspyrnustjarna
Íslandssögunnar, Eiður Smári
Guðjohnsen, sannaði endanlega í
vikunni hversu hörundssár hann
er með því að neita að tala við
íslenska fjölmiðla í aðdraganda
leiks Íslands og Liechtenstein sem
og eftir leikinn.
Eiður hefur iðulega tekið
gagnrýni íslenskra fjölmiðla illa.
Skiptir engu þó sú gagnrýni hafi
verið af afar skornum skammti í
gegnum tíðina og ekkert í líkingu
við það sem gerist erlendis.
Það er því erfitt að lesa annað
út úr stöðunni en það megi ekki
gagnrýna hann. Þá fari hann í
fýlu. Það er sérstakt í ljósi þess
að líklega enginn íslenskur
íþróttamaður hefur fengið
skrifaðar eins margar lofgreinar
um sjálfan sig og Eiður.
Ég velti því síðan fyrir mér
hvort þetta fjölmiðlabann sé
aumkunarverð tilraun til þess að
kúga íslenska fjölmiðla til þess
að sleikja hann upp. Ef svo er þá
mun það ekki virka. Eiði, líkt og
öðrum, verður hampað þegar
tilefni er til og að sama skapi
verður hann gagnrýndur er hann
þykir ekki standa sig. Það er eðli
íþróttaumfjöllunar.
Eiður Smári er ekki hafinn
yfir gagnrýni frekar en aðrir.
Staðreyndir málsins eru þær
að hann átti skelfilega lélegan
síðasta vetur. Hrökklaðist
markalaus með skottið
á milli lappanna
f r á M o n a c o
eftir arfaslaka
frammistöðu til
þess eins að taka
sæti á bekknum
hjá Tottenham.
Þar átti hann
fáa spretti og
skoraði aðeins tvö
mörk allt tímabilið.
Hvað landsliðið snert-
ir átti hann enga gull-
leiki í þeim leikjum
sem hentaði honum
að spila. Það var því
hægt að skrifa fátt jákvætt um
hann síðasta vetur.
Með þessu fjölmiðlabanni gerir
Eiður lítið annað en að valda sínum
fjölmörgu aðdáendum á Íslandi
vonbrigðum. Krakkarnir
sem líta upp til
hans, og greiða
sig inn á leiki til
að sjá hann spila,
vilja lesa um
skoðanir hans og
framtíðarplön.
Hann hefur greinilega
lítinn áhuga á að sinna
þessu fólki og kýs
frekar að vera í fýlu
þar sem honum finnst
greinilega að íslenskir
fjölmiðlamenn
séu svo vondir
við sig. Þetta er
ekkert annað en
leiðinlegir
stjörnustælar.
UTAN VALLAR
Henry Birgir Gunnarsson
segir sína skoðun
> Jón Guðni farinn til PSV
Framarinn og U-21 árs landsliðsmaðurinn Jón Guðni
Fjóluson fór í gær til Hollands til þess að skoða aðstæð-
ur hjá hollenska stórliðinu PSV Eindhoven
næstu daga. Félagið er sagt hafa mikinn
áhuga á þessum fjölhæfa leikmanni sem
átti algjöran stórleik í vörn Íslands gegn
Þýskalandi á miðvikudag. Hann hefur
einnig leikið einkar vel með Frömurum
og þá skiptir engu máli hvaða stöðu
hann er látinn spila.
FÓTBOLTI Íslenska ungmennalands-
liðið spilaði einn besta leik sem
íslenskt landslið hefur spilað und-
anfarin ár gegn Þjóðverjum á mið-
vikudag. Spilamennska liðsins í 4-1
sigrinum á Þjóðverjum var frábær,
sama hvernig á hana er litið.
Eyjólfur Sverrisson, þjálfari
liðsins, hefur ákveðnar hugmyndir
um hvernig hann vill að liðið spili.
Leikaðferð hans gekk fullkomlega
upp og endurspeglar hvað býr í lið-
inu.
„Strákarnir eru meðvitaðir um
hvað þarf til að ná árangri. Það
er með liðsheildinni. Ef það næst
eiga einstaklingarnir möguleika
á að blómstra, eins og strákarn-
ir hafa gert hver á sinn hátt. Mér
finnst mikilvægt að hver og einn
nýti styrk sinn fyrir liðið. Þannig
eru allir mikilvægir liðinu, sama
hvað þeir heita og sama með
hvaða liði þeir spila. Strákarn-
ir eru samheldnir í þessu, það er
enginn merkilegri en annar. Það
er engin spurning að þetta er eitt-
hvað sem þeir þurfa að læra ef
menn ætla að ná árangri,“ segir
Eyjólfur.
Þjálfarinn segist velja í leik-
mannahópinn og byrjunarliðið
eftir því hvernig hann vill spila.
„Mín hugmynd er að neyða and-
stæðinginn til að spila inn á miðj-
una og vera þéttir fyrir þar. Á
miðjunni viljum við vinna bolt-
ann og vera tilbúnir í að spila
góðar skyndisóknir eftir fyrir-
fram ákveðnum leiðum. Ég vildi
búa til gott lið sem væri með það á
hreinu hvernig góðar skyndisókn-
ir eru spilaðar. Við viljum spila
skemmtilegan og góðan fótbolta,“
segir Eyjólfur og er ljóst að vel
hefur tekist til.
„Íslensk landslið hafa oft verið
þekkt fyrir að liggja í vörn og
treysta á föst leikatriði til að skora.
Við viljum frekar sækja hratt og
vera ákveðnir og grimmir fram á
við,“ segir þjálfarinn sem hefur
einnig unnið mikið í sjálfstrausti
liðsins.
„Ég sagði við strákana á sínum
tíma að þeir væru betri en þeir
héldu. Þeir verða að hafa trú á
sinni getu, ef þeir hafa hana ekki
hefur hana enginn. Þú skapar þinn
veg sjálfur þó svo að aðrir geti
hjálpað þér við það,“ sagði þjálf-
arinn.
„Ég leyfi mönnum að taka
ákvarðanir inni á vellinum og ég
krefst þess að þeir standi og falli
með þeim. Mér er alveg sama þó
að menn geri mistök einu sinni og
einu sinni, það kemur fyrir hjá
öllum, líka þeim bestu á HM. En
hvernig menn bregðast við mis-
tökunum skiptir mig máli, ég vil
að menn haldi áfram og hengi ekki
haus, menn verða bara að halda
áfram.“
Árangur liðsins undir stjórn Eyj-
ólfs hefur verið góður. Liðið tapaði
gegn Tékkum í fyrsta leik riðilsins
en hefur ekki tapað leik síðan. Það
gerði jafntefli við Þjóðverja úti og
vann Norður-Íra og San Marínó
tvisvar. „Árangurinn kemur mér
ekki endilega á óvart, en hann
er samt framar öllum björtustu
vonum. Við fengum lítinn undir-
búning fyrir leikinn gegn Tékk-
um og þá vorum við ekki búnir að
stilla liðið saman. Þar keppti allt
annað lið en við vorum fljótir að
finna réttu blönduna. Eftirleikur-
inn var auðveldur,“ segir Eyjólf-
ur.
Hann stýrði liðinu einnig í und-
ankeppni EM árin 2004 og 2005.
Þar náði liðið ágætum árangri og
vann meðal annars Svía og Búlg-
ara tvisvar. Það lenti í fjórða sæti
riðilsins sem Krótar, þá með mann
eins og Luka Modric innanborðs,
unnu.
Eyjólfur tók svo við A-landsliði
Íslands en það gekk ekki vel. Hann
stýrði liðinu í tvö ár og þá aðeins í
fjórtán leikjum. Undir hans stjórn
vann Ísland tvo leiki, gerði fjög-
ur jafntefli og tapaði átta leikjum,
sem gerir 29 prósent árangur.
„Tíminn með A-landsliðinu var
mjög erfiður tími fyrir mig. Það
var margt sem gekk ekki upp þar.
Margir hlutir voru heftandi fyrir
allt liðið og allan undirbúning. Það
var í raun aldrei friður í starfinu,
þetta var erfitt alveg frá byrjun.
En við reyndum bara að kyngja
því en þetta gekk ekki upp,“ segir
Eyjólfur.
Hann segist ekki hafa verið
smeykur við að taka aftur við ung-
mennalandsliðinu eftir tímann með
A-liðinu. „Alls ekki. Ég hef næga
vitneskju um alþjóðlegan bolta og
þekki þetta alveg,“ segir þjálfarinn
sem hefur ekki leitt hugann að því
hvort hann hefði áhuga á að taka
við A-landsliðinu aftur. „Það hefur
ekki einu sinni hvarflað að mér.
Mér líður mjög vel núna sem þjálf-
ari og finnst þetta mjög gaman. Ég
er að reyna að gefa eitthvað af mér
til strákanna og finnst það ganga
vel,“ segir Eyjólfur Sverrisson.
hjalti@frettabladid.is
Strákarnir eru betri en þeir halda
Eftir erfiða tíma með A-landsliðinu hefur Eyjólfur Sverrisson náð frábærum árangri með ungmennalands-
liði Íslands. Hugmyndir þjálfarans um spilamennsku liðsins endurspegluðust í stórsigrinum á Þjóðverjum.
ÁNÆGÐUR Eyjólfur brosir hér í leiknum gegn Þjóðverjum, og hafði ríka ástæðu til.
Spilamennska liðsins í 4-1 sigrinum var frábær. FRÉTTABLAÐIÐ/ANTON
Eyjólfur og landsliðin:
U21-liðið 2004-2005 í undank. EM:
10 leikir: Fjórir sigrar, eitt jafntefli, fimm töp.
A-liðið 2006-2007 í undankeppni EM:
14 leikir: Tveir sigrar, fjögur jafntefli, átta töp.
U21-liðið 2009-2010 í undank. EM:
7 leikir: Fimm sigrar, eitt jafntefli, eitt tap.
Hinn lunkni hornamaður Fram, Stefán Baldvin
Stefánsson, verður væntanlega ekkert með
Frömurum í vetur eftir að hafa slitið hásin á
æfingu í vikunni.
„Ég var að taka af stað og þá var eins og það
væri sparkað aftan í mig þó svo það væri enginn
nálægt. Þetta var sárt en ég gerði mér strax grein fyrir
því hvað hefði gerst. Hef séð svona gerast og veit hvernig
það lýsir sér,“ sagði Stefán Baldvin svekktur.
„Það er talað um að sinin sjálf jafni sig á hálfu
ári. Þá á ég eftir að komast í form og styrkja
sinina. Það er því frekar hæpið að ég nái að
spila eitthvað í vetur,“ sagði Stefán en þetta
er mikið áfall fyrir Framara enda missti liðið annan vinstri
hornamann á dögunum er Guðjón Finnur Drengsson ákvað
að ganga í raðir Selfoss.
Það verður seint sagt að lukkan leiki við Stefán Baldvin í hand-
boltanum því á síðasta vetri skaddaðist hann mjög illa á auga er
hann fékk putta í augað. Hann hefur síðan þurft að leika með
hlífðargleraugu.
„Ég er með 20 prósent sjón á auganu og það lagast líklega ekki
meira,“ sagði Stefán en hann ætlar ekki að hætta í boltanum þó
mótlætið sé mikið.
„Þegar ég hætti þá mun ég hætta á eigin forsendum. Ég hef
ekki áhuga á því að enda ferilinn svona,“ sagði hinn 28 ára
gamli Stefán sem þvertekur fyrir að vera orðinn óheppnasti
handboltamaður landsins og hafi þar með tekið við kyndlin-
um af hinum seinheppna Stjörnumanni, Vilhjálmi Halldórs-
syni.
„Ég á nokkuð í land með að ná honum. Hef ekki enn dottið
ofan af þaki og ökklabrotnað í píptesti,“ sagði Stefán léttur
en hann segist vera mjög jákvæður þrátt fyrir allt mótlætið.
FRAMARINN STEFÁN BALDVIN STEFÁNSSON: MEIDDIST AFTUR MJÖG ALVARLEGA OG VERÐUR LENGI FRÁ
Er ekki óheppnasti handboltamaður landsins
HANDBOLTI Íslenska U18 ára lands-
liðið í handbolta tapaði fyrir Sló-
venum í fyrsta leik sínum á HM
í gær. Lokatölur voru 34-31 en
staðan í hálfleik var 15-15. Akur-
eyringurinn Guðmundur Hólmar
Helgason var besti maður leiks-
ins en hann skoraði sex mörk og
Sveinn Sveinsson var marka-
hæstur með sjö mörk. Geir Guð-
mundsson skoraði fimm og Víg-
lundur Þórsson fjögur. Ísland
mætir Sviss í dag. - hþh
U18 ára liðið á HM:
Tap í fyrsta leik
FÓTBOLTI Landsliði Liechtenstein
hefur gengið vel í leikjum gegn
Íslandi undanfarin þrjú ár og
tölfræði landsliðs Liechtenstein
síðustu árin segir að liðinu gangi
tíu sinnum betur á móti íslenska
landsliðinu heldur en á móti
öðrum knattspyrnuþjóðum.
Ísland og Liechtenstein hafa
mæst fjórum sinnum frá og með
árinu 2007. Hvor þjóð hefur unnið
einn leik og tvisvar hafa liðin
gert jafntefli. Markatalan er 5-4
Liechtenstein í vil.
Liechtenstein hefur spilað 21
landsleik á móti öðrum þjóðum
en Íslandi á þessum tíma, 19
þeirra hafa tapast og liðið hefur
náð í tvö jafntefli á móti Aserba-
ídjan og Finnlandi. Sigurhlutfall-
ið í þeim leikjum er aðeins fimm
prósent á móti fimmtíu prósent
sigurhlutfalli á móti Íslandi. - óój
Landslið Liechtenstein:
Tíu sinni betri
á móti Íslandi
MARK RÚRIKS EKKI NÓG Rúrik Gíslason
í baráttunni í fyrrakvöld. FRÉTTABLAÐIÐ/ANTON
FÓTBOLTI Víkingar unnu botnlið
Njarðvíkur 1-2 í 1. deild karla í
knattspyrnu í gær. Liðið er þar
með komið aftur á toppinn og
hefur eins stigs forystu á Leikni
sem á leik til góða. Daníel Hjalta-
son kom Víkingi yfir en Saka
Mboma jafnaði. Sigurður Egill
Lárusson skoraði svo sigurmark-
ið í seinni hálfleik.
Þá vann Fjölnir 1-0 sigur á
Gróttu á heimavelli með sjálfs-
marki Seltirninga. - hþh
1. deild karla í knattspyrnu:
Víkingar komust
aftur á toppinn
LEIFUR Tók þrjú stig á Njarðtaksvelli í
gærkvöldi. FRÉTTABLAÐIÐ/DANÍEL