Fréttablaðið - 14.08.2010, Blaðsíða 10
10 14. ágúst 2010 LAUGARDAGUR
SAMFÉLAGSMÁL Þúsund kosningabærir Íslend-
ingar úr öllum landshlutum og úr öllum aldurs-
hópum verða kvaddir til að sitja þjóðfund
fyrstu helgina í nóvember. Á þjóðfundinum
geta þátttakendur haft áhrif á fyrirhugaðar
breytingar á stjórnarskránni.
„Við skulum vona að nú takist það sem ekki
hefur tekist áður frá stofnun lýðveldisins,“
sagði Guðrún Pétursdóttir, formaður stjórn-
laganefndar, á fundi með fjölmiðlafólki í Þjóð-
menningarhúsinu í gær.
„Þetta er mjög spennandi tækifæri, og augu
heimsins hvíla á okkur enda spennandi að sjá
hvort þessi tilraun sem Ísland er að gera geng-
ur upp,“ sagði Guðrún.
Stjórnlaganefnd hefur það hlutverk að undir-
búa breytingar á stjórnarskránni. Nefndin
undirbýr þjóðfundinn í nóvember og vinnur
svo úr þeim hugmyndum sem þar koma, sem
og aðsendum erindum sem nefndinni berast.
Það sem út úr þeirri vinnu kemur verður
haft til hliðsjónar á stjórnlagaþingi, sem
kemur saman í febrúar á næsta ári. Nefndin
á auk þess að leggja efnislegar tillögur um
breytingar á stjórnarskrá fyrir stjórnlaga-
þingið.
Þeir eitt þúsund Íslendingar sem kvaddir
verða til að sitja þjóðfundinn munu fá bréf frá
nefndinni um næstu mánaðamót. Þeir verða
valdir með handahófsaðferð úr stjórnarskrá,
en skipt jafnt eftir kyni og hlutfallslega eftir
landshlutum og aldri.
Guðrún sagði að um eitt þúsund manns eigi
lögum samkvæmt að sitja fundinn. Treysti
einhverjir þeirra sem valdir verði til verks-
ins sér ekki til fundarins verði nýtt fólk valið í
þeirra stað. Kostnaður þjóðfundargesta verð-
ur greiddur af ríkinu.
„Þessi aðferð við að leggja drög að stjórn-
ar skrá er einstæð í öllum heiminum,“ sagði
Skúli Magnússon, sem sæti á í stjórnlaga-
nefnd. Hann sagði að á þjóðfundinum muni
þverskurður af þjóðinni fá tækifæri til að
tjá sínar áherslur í nýrri stjórnskipan í
landinu.
Meðal þess sem þjóðfundurinn gæti tekið
afstöðu til er hvort nauðsynlegt sé að vinna
nýja stjórnarskrá frá grunni, eða hvort
breyta eigi og bæta núverandi stjórnarskrá,
sagði Aðalheiður Ámundadóttir, sem sæti á í
stjórnlaganefndinni.
„Eitt af því sem getur verið vandamál við
stjórnarskrána, þótt hún hafi í sjálfu sér
reynst ágætlega sem slík […] er að hún er
ekki vel læsileg eða skiljanleg borgurunum
í landinu,“ sagði Björg Thorarensen, einn
nefndarmanna. Hún segir líklegt að þjóð-
fundurinn geri þá kröfu að stjórnarskráin
verði læsileg og skiljanleg almenningi.
brjann@frettabladid.is
Þúsund Íslendingar kvaddir
á þjóðfund um stjórnarskrá
Mikilvægt skref í endurskoðun stjórnarskrárinnar verður stigið á þjóðfundi í nóvember. Augu heimsins
hvíla á Íslandi vegna þessarar tilraunar, segir Guðrún Pétursdóttir, formaður stjórnlaganefndar.
ÞJÓÐFUNDUR Stjórnlaganefnd kynnti undirbúning þjóðfundar í Þjóðmenningarhúsinu í gær. Í nefndinni sitja, auk
annarra, (frá vinstri): Aðalheiður Ámundadóttir, Njörður P. Njarðvík, Guðrún Pétursdóttir, Björg Thorarensen og
Skúli Magnússon. FRÉTTABLAÐIÐ/GVA
BJÖRGUN Þyrla Landhelgisgæsl-
unnar, TF-LIF, fór í óvenju langt
sjúkraflug eftir veikum sjómanni
um borð í spænskum togara suð-
vestur af Reykjanesi seint í fyrra-
kvöld og var flugvél frá Mýflugi
send með þyrlunni til öryggis.
Þegar komið var að togaranum
eftir langt flug í sterkum mótvindi
komu upp tungumálaörðugleik-
ar og spænski skipstjórinn hafði
aðrar hugmyndir um vinnnubrögð
við björgunina en áhöfn þyrlunnar.
Það var ekki fyrr en stýrimað-
ur þyrlunnar hótaði að snúa við,
að skipstjórinn gafst upp og þyrlu-
áhöfnin tók stjórnina og náði sjó-
manninum um borð. Lent var með
hann í Reykjavík um tvö leytið í
nótt, en hann mun ekki vera í lífs-
hættu. Flogið var rúmlega 500 sjó-
mílur og tók leiðangurinn fimm
klukkustundir.
Þyrla Landhelgisgæslunnar:
Fór 500 sjómílur
eftir sjómanni
UMKOMULAUS Í PAKISTAN Þessi litli
drengur býr nú í flóttamannabúðum
í Pakistan eftir að flæddi yfir heimili
hans. NORDICPHOTOS/AFP