Fréttablaðið - 14.08.2010, Blaðsíða 16
16 14. ágúst 2010 LAUGARDAGUR
Í íslensku samfélagi er hópur við-mælenda sem klingir í eins og
sauðabjöllum við hverja hreyfingu
þegar eitthvað fréttnæmt ber við.
Þá gildir einu hvort nokkurt vit er
í því sem þeir segja. Þó um sé að
ræða nokkuð augljós öfugmæli er
þeim skilmerkilega komið á fram-
færi.
Einn slíkra viðmælenda er Vil-
hjálmur Egilsson sem er meðal
forystumanna í samtökum
íslenskra kapítalista. Í hádegis-
fréttum 2. ágúst var fjallað um
andstöðu hér á landi við fjárfest-
ingu Magma Energy í íslenskum
orkuauðlindum og þann árang-
ur þeirrar andstöðu að fyrir-
tækið hygðist fresta eða jafnvel
hætta við fjárfestinguna. And-
staða almennings gegn þessari
fjárfestingu er svo yfirgnæfandi
að stjórnvöld hafa séð sig knúin
til að taka tillit til hennar og láta
kanna málið frekar. Þá stendur
ekki á því að klingi í bjöllu Vil-
hjálms sem líkir vinnubrögðum
stjórnarinnar við ástandið í svo-
kölluðum bananalýðveldum.
Áróður og veruleiki
En hvað er það sem einkennir
þau ríki sem oft eru í niðrandi
tón nefnd bananalýðveldi? Það er
ekki andstaða við fjárfestingar
alþjóðlegra auðhringa í auðlindum
og öðrum mikilvægum greinum
þessara landa. Þvert á móti ein-
kennir það svokölluð bananalýð-
veldi að erlent auðmagn á greiða
leið til fjárfestinga í hverju sem er
og fer smám saman að stjórna öllu
samfélaginu. Lýðræði er fótum
troðið og almenn örbirgð verður
útbreidd. Eru þetta ekki einmitt
einkenni sem í vaxandi mæli setja
mark sitt á íslenskt samfélag en
andspyrna almennings spornar
heldur við?
Fjármagnsinnflutningur þýðir
nefnilega ekki að fé eða önnur
verðmæti séu flutt inn í landið
heldur að hagnaður er fluttur úr
landinu. Þannig þurrkast fljótt
upp eigið fé og möguleikar sam-
félagsins til að þróast á eigin for-
sendum. Það er svo notað til að
greiða fyrir enn frekari einka-
væðingu og erlendri fjárfestingu
og vítahringurinn heldur áfram.
Hlutverk AGS
Með markaðsvæðingu og einka-
væðingu á samfélagslega mikil-
vægum sviðum í efnahagslífinu
er svo búin til svikamylla þar sem
kapítalistarnir geta fleytt rjóm-
ann og hirt gróðann þar sem hann
er að finna en tapinu er velt yfir á
almenning, ýmist beint eða gegn-
um ríkissjóð. Þetta hefur íslenska
þjóðin upplifað beisklega gegnum
fjármálakerfið og lífeyriskerfið
og víðar. Frekari einkavæðing
er í deiglunni bæði í auðlindum
þjóðarinnar, heilbrigðiskerfinu
og víðar. Þó að það sé til veru-
legs óhagræðis og kostnaðar-
auka geta nokkrir kapítalistar
klipið sér nokkurn gróða á kostn-
að almennings. Helsta verkefni
Alþjóðagjaldeyrissjóðsins hér á
landi er að tryggja að þetta nái
fram að ganga.
Nauðsynleg stefnubreyting
Til að koma í veg fyrir að Ísland
verði gert að dæmigerðu ban-
analýðveldi er því mikilvægt að
þjóðin snúi vörn í sókn og berjist
fyrir eflingu lýðræðis og lýðræð-
islegum og félagslegum yfirráð-
um yfir eigin auðlindum og efna-
hag. Þjóðin verður að losa sig
undan járnhæl Alþjóða gjaldeyr-
issjóðsins og standa vörð um og
efla innviði samfélagsins á félags-
legum grunni án tillits til meintra
kröfuhafa og þess hvernig klingir
í bjöllusauðum auðvaldsins.
Bananar og bjöllusauðir
Þann 10. febrúar sl. breytti Fjár-málaeftirlitið framkvæmd við
mat á hæfi stjórnarmanna í fjár-
málastofnunum. Eins og fram
kemur á vef FME er tilgangurinn
að stuðla að bættu og hertu eftirliti
með því að hæfisskilyrði um stjórn-
armenn séu uppfyllt og ekki síður
að tryggja að stjórnarmenn séu vel
meðvitaðir um hvaða þekkingar er
krafist og hvað felst í ábyrgð sem
fylgir stjórnarstörfum. Eins kemur
fram að eftir áföll þau er urðu á fjár-
málamörkuðum haustið 2008 vökn-
uðu margar spurningar er vörðuðu
hæfi stjórnenda, unnar voru skýrsl-
ur um málið. Kemur í ljós að lög og
reglur voru ekki megin vandamálið,
heldur þekking og viðhorf þeirra er
sátu við stjórnvölinn.
Þegar hefur verið staðfest, að
þrír af stærstu lífeyrissjóðunum,
Gildi, LSR og LV, hafa afskrifað 86
milljarða og þar af hefur Lífeyris-
sjóður verslunarmanna afskrifað
26 milljarða, skert lífeyrisgreiðsl-
ur um 10% til sjóðsfélaga og hávær-
ar raddir eru um að hækka lífeyris-
aldur upp í 68 ár.
Fjármálaeftirlitið hefur staðfest,
að þeir stjórnarmenn sem sátu í
stjórn Lífeyrissjóðs verslunar-
manna fyrir þann tíma, skulu ekki
sæta sérstakri skoðun þrátt fyrir
breytt mat á hæfi stjórnarmanna.
Forstöðumaður eignastýringar Líf-
eyrissjóðs verslunarmanna, Guð-
mundur Þórhallsson, var gerður að
framkvæmdastjóra sjóðsins þrátt
fyrir að bera ábyrgð á fjárfesting-
um þeim sem nú hafa verið afskrif-
aðar og til að gera vel, var gerður 7
ára ráðningarsamningur. Varafor-
maður stjórnar sjóðsins, Ragnar
Önundarson, sem var framkvæmda-
stjóri Kreditkorta þegar kredit-
kortafyrirtækjunum Greiðslumiðl-
un sem nú er Valitor, Kreditkort
sem nú er Borgun og Fjölgreiðslu-
miðlun, var gert að greiða 735 millj-
ónir fyrir samkeppnisbrot. Kr.
735.000.000.- sem fyrirtæki og allir
korthafar hafa greitt með þjónustu-
gjöldum og kostnaði sem fyrirtæk-
in rukka okkur um. Stefanía Magn-
úsdóttir sem einnig á sæti í stjórn
Lífeyrissjóðs verslunarmanna var
formaður rannsóknarnefndar sem
skipuð var vegna meints misbrests
á meðferð á fjármunum VR sem
hlupu á tugum milljóna. Rannsókn-
arnefndin lauk störfum með þeirri
niðurstöðu að ekki væri ástæða til
að aðhafast frekar en allar regl-
ur hertar til muna um meðferð á
fjármunum félagsins. Þær reglur
voru aldrei gerðar. Helgi Magnús-
son, formaður Samtaka iðnaðarins,
sem nú gegnir stjórnarformennsku
stjórnar L.V., á sæti í um 20 stjórn-
um stærri sem minni fyrirtækja,
spyr maður sig hvort ekki skapist
hagsmunaárekstrar?
Við Guðrún Jóhanna og Ragnar
Þór Ingólfsson sem sitjum í stjórn
VR höfum unnið ötullega að mörg-
um málum er varða félagsmenn VR.
Þar á meðal höfum við lagt fram,
á fundum stjórnar VR sem og á
aðalfundi Lífeyrissjóðs verslunar-
manna í sumar, tillögu er snýr að
því að stjórnendur lífeyrissjóðsins
myndu undirgangast strangasta
hæfismat Fjármálaeftirlitsins sem
nú gildir.
Stjórnarformaður sjóðsins, Helgi
Magnússon, barðist fyrir að tillagan
yrði felld og þannig fór. Sömu sögu
er að segja frá fundi stjórnar VR.
Þar barðist formaður VR, Kristinn
Örn Jóhannesson, fyrir því að til-
lagan yrði felld, þannig fór. Hvað
veldur því að á sama tíma og okkur
almenningi er sagt fullum fetum
að unnið sé að enduruppbyggingu
á breyttum forsendum að lítið sem
ekkert breytist? Hvað veldur því að
Fjármálaeftirlitið framkvæmi ekki
hæfismat á öllum stjórnarmönn-
um lífeyrissjóðanna á Íslandi eftir
breyttu fyrirkomulagi, þegar vitað
er að helsta vandamálið er þekking
og viðhorf stjórnarmanna? Hvað
veldur því að eigendur peninganna
sem í lífeyrissjóðunum eru geta
ekki treyst á Fjármálaeftirlitið?
Hæfi núverandi stjórnarmanna Líf-
eyrissjóðs verslunarmanna eykur
ekki traust á íslensku samfélagi.
Er stjórn Lífeyrissjóðs
verslunarmanna hæf?
Samkvæmt tilskipun hins opin-bera á undirritaður að verða
ánauðugur framfærandi þess sem
skammstafað er RUV. Var gott
og blessað en er ekki lengur gott
og blessað. Þetta RUV sem m.a.
sendir út fyrir sjónvarp hefur
tekið óíslenska ákvörðun um að
verða miðstöð myndbandaleiga í
ódýrari partinum en hætta með
það sem Íslendingum hefur þótt
vænst um af íslensku myndefni;
Spaugstofan og leikir handbolta-
hetjanna.
Niðurlæging, niðurlæging, nið-
urlæging. Hver sem vill getur
leigt sér myndspólur úti í sölu-
turni með álíka myndefni amer-
ísku, ómerkilegu, og hið OHF
RUV ætlar nú að pína fólk til að
horfa á sér til óþurftar og tíma-
þjófs. Hefur stjórn RUV ekki
skilið skyldur sínar sem birt-
ar eru í landslögum um áhersl-
ur á íslenskt efni í sjónvarpi?
Hefur stjórn RUV ekki skilið
að ekki er boðlegt Íslendingum
klukkustundum saman að horfa á
útlenska soraslyddu og heiladeyfu
frá myndverum sem gera út á for-
heimskan og myndgræðgi þeirra
er hafa sent heila sína í frímín-
útur? Er menntamálaráðuneytið
dautt. Er menntamálaráðherrann
dáinn?
Hér með í ljósi mannréttinda
og rétti frá átroðslu innantóms
myndefnis óskar undirritað-
ur eftir að fá nafn sitt afmáð af
nafnalista framfæranda RUV.
Bless RÚV
Þjóðmál
Þorvaldur
Þorvaldsson
trésmiður og formaður
Rauðs vettvangs
Ríkisútvarpið
Snorri S.
Konráðsson
framkvæmdastjóri
Kemur í ljós að lög og reglur voru ekki
megin vandamálið, heldur þekking og
viðhorf þeirra er sátu við stjórnvölinn.
Lífeyrissjóðir
Bjarki
Steingrímsson
stjórnarmaður og
fyrrum varaformaður VR
FJÖREGG
Kl. 13.00
Gilligill og Diskóeyja
Kl. 14.00
Jazzhátíð Reykjavíkur
Memfismafían leikur fyrir börnin ásamt gestum
Memfismafían stígur á stokk og leikur valin lög eftir Baggalútinn
Braga Valdimar Skúlason – af hljómplötunni Gilligill, ásamt efni
af væntanlegri barnaplötu, sem nefnist Diskóeyja.
Með í för verða Magga Stína, Sigtryggur Baldursson,
Sigurður Guðmundsson – að ógleymdum sjálfum Prófessornum.
Samnorrænt stuð og sjóðheitt diskó fyrir alla fjölskylduna.
Óskar Guðjóns og Matthías Hemstock ásamt fleiri jazzgeggjurum,
kynna spennandi tilraun fyrir alla fjölskylduna.
Spilaðu á hljóðfæri á nýjan og spennandi máta.
Ekki er verra að þekkja söngvana úr Kardimommubænum.
Tilraunalandið og Gróðurkaffihúsið opið
Ókeypis aðgangur
Velkomin í Norræna húsið
Norræna húsið | Sturlugötu 5 | 101 Reykjavík | Sími 551 7030 | www.nordice.is
á morgun 15. ágúst
Fjölskyldutónleikar
í Norræna húsinu