Fréttablaðið - 14.08.2010, Blaðsíða 18

18 14. ágúst 2010 LAUGARDAGUR
Að undanförnu hafa verkföll slökkviliðs- og sjúkraflutn-
ingamanna verið nokkuð í umræð-
unni. Sökum rangfærslna aðila
í launanefnd sveitarfélaga hafa
launatölur slökkviliðs- og sjúkra-
flutningamanna verið stórlega mis-
skildar.
Sá sem þetta skrifar hefur verið
starfandi í faginu í sjö ár. Ég hóf
starf á Keflavíkurflugvelli, á
meðan Bandaríkjaher var við
stjórnvölinn. Þar gekk ég í gegnum
grunnþjálfun í fræðum og sinnti
venjubundnum störfum slökkvi-
liðsmanna en þó á ameríska vísu.
Árið 2005 þreytti ég inntökupróf
hjá Slökkviliði höfuðborgarsvæð-
isins.
Grunnkröfur eru: iðnmenntun
eða sambærileg menntun, meira-
próf og gott líkamlegt ástand. Inn-
tökuprófin sjálf taka um 6 vikur,
þar sem þreyttar eru ýmsar þraut-
ir sem skera úr um hver er hæfur
og hver ekki. Eftir ráðningu situr
maður grunnnám í sjúkraflutn-
ingum sem gerir mann að sjúkra-
flutningamanni (EMT-B), fornám
slökkviliðsmanns sem gerir manni
kleift að stunda reykköfun með
reyndum manni og sinna almenn-
um störfum á neyðarvettvangi.
Þá tekur við vaktavinna þar sem
maður kynnist starfinu betur og ef
vel gengur stendur manni til boða
fastráðning að 6 mánuðum liðn-
um. Að tæpum þremur árum liðn-
um sest maður aftur á skólabekk
og nemur fræði sem gera mann
að neyðarflutningamanni (EMT-I)
og nám atvinnuslökkviliðsmanns,
þar sem lærð eru fræði sem und-
irbúa mann fyrir störf á eldvett-
vangi sem 1. reykkafari, viðbrögð
við eiturefnaslysum og efnaköfun,
viðbrögð við flugslysum, meng-
unarslysi í höfnum, björgun fast-
klemmdra úr bílflökum sem og
grunntækni í fjallabjörgun. Að
þessu loknu tekur svo við vakta-
vinna aftur auk reglubundinnar
sí- og endurmenntunar. Þrekinu má
ekki hraka milli ára svo að sífelld
líkamsrækt bæði á og milli vakta
er nauðsynleg. Miklar nýjungar
eru innleiddar í sjúkraflutningum á
hverju ári sem manni ber að kynna
sér, sem og að fylgjast með nýjustu
stefnum og straumum í utanspítala-
þjónustu. Ekki má gleyma að halda
við þekkingu á þeim fræðum sem
manni eru kennd í náminu.
Þvælukenndar launatölur frá LN
Nú að sjö árum liðnum þigg ég
sem atvinnuslökkviliðsmaður og
neyðarflutningamaður, 209 þús-
und krónur í grunnlaun. Vakta-
álag þiggur allt vaktavinnufólk og
áhættuálag fáum við greitt fyrir
að stunda reykköfun og mæta lík-
amlegum kröfum til þeirra starfa.
Svo detta inn aukavaktir endrum
og sinnum. Heildarlaun mín fyrir
skatta og skyldur eru því oftast á
bilinu 340-360 þúsund krónur á
mánuði. Í vasann fæ ég því 230-
250 þúsund krónur á mánuði. Full-
yrðingar launanefndar sveitarfé-
laga um laun mín og félaga minna
eru því þvælukenndar.
Þess ber að geta að boðtæki sem
slökkviliðið leggur mér til, gerir
það að verkum að ég get verið kall-
aður út hvenær sólarhrings sem er,
allan ársins hring. Svo er ég viss
um að mínir nánustu geta vottað
að þessi vinna á meira í mér en
vaktaskyldan segir til um.
Sanngjarnar kröfur
Mér þykir ekki ósanngjarnt að
fara fram á hækkun á þessum
launum. Ég hef menntað mig og
þjálfað til að sinna hættulegu og
erfiðu starfi sem oft fylgir mikið
líkamlegt og andlegt álag. Betra
starf get ég ekki hugsað mér. Ég
lifi og hrærist í því alla daga en ég
vil geta náð endum vel saman. Sá
tími er liðinn að menn gátu unnið
við önnur störf milli vakta. Krafan
er að geta verið eingöngu slökkvi-
liðs- og sjúkraflutningamaður.
Ég hef menntað mig og þjálfað til að
sinna hættulegu og erfiðu starfi sem oft
fylgir mikið líkamlegt og andlegt álag.
Betra starf get ég ekki hugsað mér.
SEND IÐ OKK UR LÍNU
Fréttablaðið og Vísir hvetja lesendur til að senda línu og leggja orð í belg um
málefni líðandi stundar. Greinar og bréf skulu vera stutt og gagnorð. Tekið er á
móti efni á netfanginu greinar@frettabladid.is eða á vefsíðu Vísis, þar sem finna
má nánari leiðbeiningar. Ritstjórn ákveður hvort efni birtist í Fréttablaðinu eða
Vísi eða í báðum miðlunum að hluta eða í heild. Áskilinn er réttur til leiðréttinga
og til að stytta efni.
Almennur slökkviliðsmaður -
Hvað þýðir það?
Kjaramál
Sverrir
Árnason
slökkviliðs- og
sjúkraflutningamaður
Ég vil óska heilbrigðisráðuneyti og Sjúkratryggingum Íslands
innilega til hamingju með ein-
stæðan og jafnframt undraverð-
an árangur í sparnaði. Tilefnið er
glæsilegur afgangur af fjárlög-
um til tannlækninga upp á litlar
300 milljónir króna fyrir rekstr-
arárið 2009. Samanlagt skiluðu
átta ár þar á undan þokkalegum
afgangi upp á tæpan hálfan millj-
arð af fjárveitingum Alþingis til
tannlækninga. Og nú hefur tekist
að ná enn nýjum og undraverðum
árangri upp á 300 milljónir króna
sem hækkar afgang síðastliðinna
ára í heilar 800 milljónir króna.
Svona glæsilegur árangur næst
aðeins með áræðni, ósérhlífnum
aðgerðum og þrotlausri vinnu.
Höfum við sem stöndum á hliðar-
línunni annað slagið fengið að sjá
í fjölmiðlum hversu frábærlega
að verki er staðið þegar almúginn
reynir að sækja í þessar fjárveit-
ingar Alþingis, en hvergi er gefið
eftir. Hefur náðst að halda eftir
nálægt tuttugu prósentum af fjár-
lögum ársins 2009 til tannlækn-
inga.
Sérstaklega þykir mér undravert
hvernig hægt er að halda eftir fjár-
munum sem Alþingismenn hafa
ákveðið að veita til tannlækninga
án þess að þeir hinir sömu láti sig
nokkru varða. Lofsvert er hvern-
ig almúginn er svikinn um þessar
fjárveitingar eftir að kjörnir full-
trúar hafa ákveðið að þessum fjár-
munum skuli veitt í þennan mála-
flokk.
Samkvæmt rannsóknum hafa
íslensk börn tvöfalt fleiri skemmd-
ir en börn í nágrannalöndum. Ef
til dæmis skemmd er löguð fyrir
15.000 krónur hefði mátt nota þess-
ar 800 milljónir til að laga tæpar
55.000 tennur!
Ég legg til að heiðra eigi þá
starfsmenn sem skila þvílíkum
árangri í starfi og þeir hækkaðir
í tign.
Fjárveiting vannýtt
á glæsilegan hátt
Ég átta mig ekki á því hvers vegna hagsmunir launamanna
hafa ekki náð flugi í umræðunni
um aðild að ESB. Stöðugleiki skipt-
ir launamenn miklu, það veldur
því að hann glatar ekki þeim kaup-
mætti sem hann hefur náð í kjara-
baráttunni. Nokkrir helstu and-
stæðingar inngöngu hafa haldið
því fram að krónan sé til hagsbóta
sakir þess að „þá sé hægt blóðsút-
hellingalaust að leiðrétta of góða
kjarasamninga launamanna“ svo
ég noti þeirra eigin orð.
Þetta upplifa íslenskir launa-
menn reglulega þegar stjórnvöld
hafa ítrekað með einu pennastriki
eyðilagt árangur mikillar og lang-
vinnrar kjarabaráttu og svo ein-
kennilegt sem það nú er að síðan
er veist að stéttarfélögunum vegna
slakra launakjara. Nú stendur enn
eina ferðina yfir gríðarleg eigna-
tilfærsla og reikningurinn er send-
ur launamönnum.
Staða krónunnar er allt of lág.
Með því að halda krónunni svona
lágri er verið að skapa nýjan
heimatilbúinn og gríðarlegan
vanda, í formi aukinna skulda upp
á þúsundir milljarða. Það veld-
ur mikilli eignarýrnun, greiðslu-
þroti og gjaldþrotum. Ávinningur-
inn kemur þá í hlut fárra útvalda
(skuldlausra). Því er haldið að
okkur að sveigjanleikinn er dýru
verði keyptur og það er íslensk-
ur almenningur sem borgar þann
brúsa, t.d. með því að borga þegar
upp er staðið 4 - 5 sinnum meira en
t.d. Danir og Svíar fyrir þakið sem
hann byggir yfir sig og sína.
Sveigjanleikinn kostar okkur
himinháa vexti. Frá árinu 1995
og til ársloka 2007 var vaxtamun-
ur við útlönd að meðaltali um 5%.
Gengi krónunnar var nánast hið
sama í lok þessa tímabils og það
var í upphafi. Við erum að borga 3
- 4 sinnum meira fyrir þakið sem
við kaupum yfir fjölskylduna, það
er vegna þess að við erum með
krónuna.
Þessi vandi er miklu mun
stærri og alvarlegri en sá ávinn-
ingur, sem kemur fram á rekstr-
arhlið fárra fyrirtækja. Geng-
isfallið skapar miklu mun meiri
vanda fyrir venjuleg fyrirtæki á
efnahagshliðinni - þar sem aukn-
ing erl. skulda þurrkar út allt eigin
fé og setur viðkomandi einingu í
greiðslu stopp eða mikinn vanda.
Gengisfallið er því ekki að hjálpa
neinum, nema kannski skuldlaus-
um aðilum í útflutningi. Á meðan
allir aðrir tapa og yfir standa
stórkostlegustu eignatilfærsl-
ur Íslandssögunar. Hér er um að
kenna kerfishruni krónunnar og
allri umgjörð hennar. Endurreisn
á gengi verður því viðkomið með
hefðbundnum aðferðum, þær eru
ekki lengur fyrir hendi á Íslandi.
Þessu veldur breytt í umgjörð
krónunnar; hrunið bankakerfi,
traust á fjármálamörkuðum, láns-
hæfnismat Íslands með lokuðum
aðgang að erl. bankakerfi og getu-
leysi Seðlabankans okkar sem lán-
veitanda til þrautavara.
Kerfisáhætta krónunnar jókst
við fall bankanna. Samningar við
ESB og aðstoð Seðlabanka Evrópu
er okkur lífnauðsyn með fastgengi
þar til evra verður tekin upp eins
fljótt og mögulegt er - í samstafi
við Seðlabanka Evrópu - byggt á
langtíma jafnvægisgegni (gengis-
vísitölu 135 -140).
Krónan hækkar fjármagnskostn-
að íslenskra fyrirtækja um 5% að
staðaldri. Er það að geta fellt geng-
ið í niðursveiflu nægilega mikils
virði til þess að hann réttlæti það
að íslenskt atvinnulíf þurfi að búa
við 5% hærri fjármagnskostnað en
samkeppnisaðilar í öðrum löndum
ár eftir ár? Margir kvarta sáran
yfir okurvöxtum og vísitöluteng-
ingu lána á Íslandi. Sömu aðilar
eru oft svarnir andstæðingar þess
að krónunni sé kastað og annar
gjaldmiðill tekinn upp í staðinn.
Í rauninni er eini raunhæfi mögu-
leikinn til þess að losna við okur-
vexti og vísitölutengingu lána að
við köstum krónunni.
Blóðsúthellingalaus
leiðrétting
Efnahagsmál
Guðmundur
Gunnarsson
formaður Rafiðnaðar-
sambands Íslands
Heilbrigðismál
Sigurður
Benediktsson
formaður Tannlækna-
félags Íslands