Fréttablaðið - 16.08.2010, Blaðsíða 2
2 16. ágúst 2010 MÁNUDAGUR
HEILBRIGÐISMÁL Allt að tveggja vikna
bið er eftir tíma hjá heimilislækni
á höfuðborgarsvæðinu um þess-
ar mundir, samkvæmt óformlegri
könnun Fréttablaðsins. Íbúar í
sumum hverfum komast strax að
en aðrir geta þurft að bíða lengi.
Afar misjafnt er eftir heilsu-
gæslustöðvum hversu lengi fólk
þarf að bíða eftir því að fá tíma. Á
nær helmingi heilsugæslustöðva
á höfuðborgarsvæðinu var ýmist
enginn biðtími, eða sjúklingar gátu
fengið tíma eftir einn virkan dag. Á
öðrum stöðvum var biðtíminn níu
eða tíu virkir dagar, eða um tvær
vikur.
Í könnun Fréttablaðsins, sem gerð
var síðastliðinn föstudag, var hringt
í allar heilsugæslustöðvar á höfuð-
borgarsvæðinu og kannað hvenær
næst væri laus tími hjá einhverj-
um heimilislækni. Á fjórum heilsu-
gæslustöðvum af sextán var biðtím-
inn lengri en ein vika, eins og sjá má
í meðfylgjandi töflu. Meðal biðtím-
inn var ríflega þrír virkir dagar.
„Það er ófullnægjandi að biðtím-
inn skuli geta verið svona langur,“
segir Lúðvík Ólafsson, lækninga-
forstjóri Heilsugæslu höfuðborgar-
svæðisins. Hann segir að biðtíminn
mælist yfirleitt minni í reglulegum
könnunum sem heilsugæslan gerir
á þjónustu. Lúðvík bendir á að yfir-
leitt geymi heilsugæslustöðvarnar
einhverja læknatíma fyrir sjúklinga
sem ekki geti beðið, og taka verði
það með í reikninginn.
„Auðvitað vildi maður helst að
biðtíminn væri sem stystur,“ segir
Lúðvík. Hann segir það alltaf
vandamál þegar biðtíminn sé lang-
ur að nýting tímanna sé verri, enda
gleymi fólk að mæta, eða því batni
og gleymi að afpanta tímann.
„Það er grundvallarvandi hjá
okkur að það eru of fáir læknar
til að sinna heimilislækningum á
höfuðborgarsvæðinu,“ segir Lúð-
vík. Sú staðreynd sé þekkt að hlut-
fallslega færri læknar séhæfi sig í
heimilislækningum hér á landi en á
nágrannalöndunum.
brjann@frettabladid.is
Allt að 2 vikna bið
eftir heimilislækni
Bið eftir tíma hjá lækni er afar misjöfn milli heilsugæslustöðva á höfuðborgar-
svæðinu samkvæmt könnun Fréttablaðsins. Heimilislæknar eru of fáir en ófull-
nægjandi er að biðtíminn skuli geta verið tvær vikur segir lækningarforstjóri.
Misjafn biðtími
Heilsugæslustöð Biðtími*
Hlíðum 10 dagar
Miðbæ 9 dagar
Grafarvogi og Mjódd 7 dagar
Árbæ og Sólvangi 4 dagar
Efra-Breiðholti og Hvammi 3 dagar
Lágmúla 2 dagar
Efstaleiti, Glæsibæ og Mosfellsbæ 1 dagur
Firði, Garðabæ, Hamraborg
og Seltjarnarnesi Engin bið
*Biðtími mældur í virkum dögum
frá því að tími er pantaður.
Heimild: Könnun Fréttablaðsins
13. ágúst 2010.
BIÐTÍMI Íbúar í sumum hverfum í Reykjavík þurfa að bíða lengi eftir tímum hjá
heimilislæknum á meðan íbúar annarra hverfa, sem og í nágrannasveitarfélögum
höfuðborgarinnar, geta fengið tíma fyrr. FRÉTTABLAÐIÐ/STEFÁN
Síðdegisvakt á heilsugæslustöðvum á höfuðborgarsvæðinu opnar á nýjan
leik í dag á þeim stöðvum þar sem vaktinni var lokað í sumar, og full þjón-
usta tekur nú við á þeim stöðvum þar sem þjónusta var skert, segir Lúðvík
Ólafsson, lækningaforstjóri Heilsugæslu höfuðborgarsvæðisins.
Lúðvík segir að nú standi til að kanna áhrifin af sumarlokunum og skerð-
ingu á þjónustu. Niðurstöðu úr þeirri könnun er að vænta í haust.
Síðdegisvaktin opnar eftir sumarlokanir
Stefán, ertu fullur af áhyggj-
um?
„Já, ég er blindfullur af áhyggjum.“
Stefán Guðjónsson, rekstrarstjóri veit-
ingahússins Einars Ben og framkvæmda-
stjóri vefsíðunnar www.smakkarinn.
is, segir rök stjórnvalda fyrir hækkandi
áfengisgjöldum út í hött. Sorglegt sé að
sjá hvaða áhrif þau hafi á vínmenningu
landsins, sem sé í dag á sama stað og
hún var fyrir átján árum.
LÖGREGLUMÁL Ulrike Kimpfler, 46
ára þýsk kona búsett í Borgarnesi,
fannst látin á laugardagskvöldið.
Menn frá björgunarsveitinni Brák
fundu lík hennar í fjöru í Belgs-
holtsnesi, um tíu kílómetra frá
Borgarnesi, eftir að lögregla hafði
ákveðið að stækka leitarsvæðið
seinni partinn á laugardaginn.
Ulrike hafði verið saknað frá því
á mánudag, en hún fór gangandi
af heimili sínu og skildi farsíma
sinn eftir. Um 150 björgunarsveit-
armenn tóku þátt í leitinni, þegar
mest var.
Ulrike skilur eftir sig sambýlis-
mann og uppkominn son. - hhs
Þýska konan sem leitað var:
Fannst látin
UMHVERFISMÁL Flugvél Landhelgis-
gæslunnar, TF-SIF, kom hingað
til lands í gærkvöldi, en vélin
hefur nú stutta viðdvöl hér á
landi eftir mánaðar langt verkefni
við mengunareftirlit á Mexíkó-
flóa á vegum Bandarísku strand-
gæslunnar og BP-olíufélagsins.
Vélin fer áfram ásamt áhöfn til
Dakar í Senegal um næstu helgi.
Þar mun hún sinna ýmiskonar
eftirliti fyrir landamærastofnun
Evrópusambandsins, sem tekur
vélina á leigu.
Hrafnhildur Stefánsdóttir,
upplýsingafulltrúi Landhelgis-
gæslunnar, segir að TF-SIF sé
væntanleg aftur hingað til lands
snemma í október. Um svipað
leyti komi varðskipið Ægir aftur
hingað til lands, en skipið hefur
verið leigt út til eftirlits á Mið-
jarðarhafi undanfarið. - bj
Flugvél gæslunnar til Senegal:
Kemur til lands-
ins í október
LENTIR Fjölskyldur áhafnarmeðlima tóku
vel á móti þeim við komuna til landsins.
Sigurjón Sigurgeirson flugvirki fékk
dætur sínar, Birtu Ósk og Tinnu Karen, í
fangið eftir lendinguna. FRÉTTABLAÐIÐ/DANÍEL
BANDARÍKIN, AP Átta áhorfendur létust og tólf til
viðbótar slösuðust þegar kappakstursbíll fór út af
braut og hentist inn í hóp áhorfenda í eyðimerkur-
kappakstri í Kaliforníu í Bandaríkjunum á laugar-
dagskvöld.
„Það var ryk alls staðar, fólk öskrandi og hlaup-
andi,“ segir David Conklin ljósmyndari sem var á
vettvangi þegar slysið varð.
„Þegar ég kom á vettvang sá ég að nokkrar
manneskjur voru fastar undir bílnum. Það voru
lík alls staðar,“ segir Conklin. „Ég sá konu með
blæðandi höfuðsár sem lá í blóðpolli. Einhver
annar var kraminn undir bílnum.
Ökumann bílsins sakaði ekki, en hann þurfti að
forða sér á hlaupum þegar reiðir áhorfendur fóru
að grýta steinum í hann eftir að hann komst út úr
bílnum.
Tugir þúsunda fylgjast með þessum kappakstri
sem fram fer í Mojave-eyðimörkinni í Kaliforníu
ár hvert. Engar girðingar skilja að gríðarlega öfl-
uga torfærubíla sem keppa í kappakstrinum og
áhorfendaskarann, þrátt fyrir að ekki sé ekið á
vegum og bílarnir stökkvi oft langar vegalengdir
í brautinni. Áhorfendurnir sem létust og slösuðust
voru flestir aðeins nokkra metra frá akstursleið-
inni. - bj
Í það minnsta átta látnir og tólf slasaðir þegar kappakstursbíll valt yfir áhorfendur:
Ökumaðurinn forðaði sér á hlaupum
VALT Bíllinn sem hentist út í áhorfendaskarann valt yfir
áhorfendurna. Honum var velt aftur á réttan kjöl til að ná fólki
undan honum. FRÉTTABLAÐIÐ/AP
Þjóðarsorg í Kína
Þjóðlíf í Kína lamaðist um stund í gær
þegar efnt var til minningarathafnar
um 1.200 fórnarlömb aurskriðanna í
Kína í síðustu viku. Enn er nærri 500
manns að auki saknað.
KÍNA
PAKISTAN, AP Framkvæmdastjóri
Sameinuðu þjóðanna segist aldrei
hafa orðið vitni að neinu í líkingu
við hörmungarnar í kjölfar flóð-
anna í Pakistan. Hann segir að
þjóðir heims verði að bregðast
hratt við og veita Pakistönum alla
þá aðstoð sem hugsast geti.
„Þetta hefur verið afar erfiður
dagur fyrir mig,“ sagði Ban Ki-
moon, framkvæmdastjóri SÞ, við
fréttamenn í Pakistan í gær eftir að
hafa flogið yfir flóðasvæðin. „Ég
mun aldrei gleyma þeirri eyðilegg-
ingu og þeim hörmungum sem ég
varð vitni að í dag. Ég hef í gegnum
tíðina séð afleiðingar margra nátt-
úruhamfara um allan heim, en ekk-
ert í líkingu við þetta.“
Ban heimsótti meðal annars
Búrma eftir að fellibylur lagði
landið í rúst í maí 2008, og fór til
Sichuan-héraðs í Kína nokkrum
dögum eftir jarðskjálftann í mars
2008.
Ban hvatti í gær alþjóðasam-
félagið til að flýta neyðaraðstoð
eins og kostur er. Talið er að um
20 milljónir hafi misst heimili sín í
flóðunum, en um 170 milljónir búa
í Pakistan. Flóðin byrjuðu fyrir um
tveimur vikum og hafa náð til um
fjórðungs landsins, aðallega í land-
búnaðarhéröðum í miðju landsins.
- bj
Framkvæmdastjóri Sameinuðu þjóðanna segir ástandið í Pakistan hræðilegt:
Þjóðir heims bregðist hratt við
AÐSTOÐ Neyðarbirgðum var dreift
meðal íbúa í Muzaffargarh í Mið-Pakist-
an í gær. FRÉTTABLAÐIÐ/AP
ÍTALÍA, AP Lögreglan á Sikiley
telur sig hafa höggvið að rótum
fjármálafyrirtækis sem er tengt
mafíustarfsemi á svæðinu.
Lögreglan lagði hald á 800
milljónir evra eða 123 milljarða
íslenskra króna í formi fast-
eigna og fyrirtækja, þar á meðal
læknastöð fyrir krabbameins-
sjúka og fótboltalið í Sikiley.
Eigandi fjármálafyrirtækisins
er Michele Aiello en hann var
dæmdur í 15 og hálfs árs fangelsi
fyrir tengsl við mafíuna, spill-
ingu og fjársvik.
Lögreglan á Sikiley stendur í
stórræðum þessa dagana eftir
að saksóknarar heimtuðu að
hún legði hald á eignir maf-
íunnar í kjölfar handtakna á
mafíuforingjum. - áp
Höggvið að rótum mafíunnar:
Hald var lagt á
tugi milljarða
JAPAN, AP Hvorki Naoto Kan for-
sætisráðherra né neinn ráðherra
í ríkisstjórn hans lagði leið sína
að minnismerki um japansk-
ar stríðshetj-
ur í gær, þegar
þess var minnst
að 65 ár eru
liðin frá lokum
seinni heims-
styrjaldarinnar.
Þetta er frá-
hvarf frá langri
hefð japanskra
ráðamanna,
sem hafa jafnan heimsótt minn-
ismerkið í Tókíó á þessum degi
þrátt fyrir harða gagnrýni, enda
er meðal annars verið að heiðra
stríðsglæpamenn á borð við
Hideki Tojo, fyrrverandi forsæt-
isráðherra sem var tekinn af lífi
1948.
Þess í stað baðst Kan afsökunar
á þeim þjáningum sem styrjöldin
olli. - gb
Stríðsloka minnst í Japan:
Baðst afsökun-
ar á þjáningum
NAOTO KAN