Fréttablaðið - 16.08.2010, Blaðsíða 41
MÁNUDAGUR 16. ágúst 2010 21
FÓTBOLTI „Við fengum góð tækifæri
til að skora fallegri mörk en þetta
sem réði úrslitum en náðum því
ekki. En við erum með bikarinn svo
mér er alveg sama hvernig markið
var,“ sagði Freyr Alexandersson,
þjálfari kvennaliðs Vals, eftir að
liðið vann 1-0 sigur á Stjörnunni í
bikarúrslitaleik.
Skemmtanagildi leiksins var því
miður ekki mikið og sáralítið um
opin marktækifæri. Ekki var hægt
að hrópa húrra fyrir veðrinu enda
blés vel á vellinum. Spil Stjörnuliðs-
ins í fyrri hálfleik var alltof hægt
og Valskonur áttu ekki í miklum
vandræðum með að stöðva sóknar-
aðgerðir þess.
Í seinni hálfleik var mun betra
flæði í spilamennsku Garðabæjar-
liðsins og skapaðist nokkrum sinn-
um ansi mikil hætta upp við mark
Vals. En það er bagalegt fyrir Krist-
rúnu Kristjánsdóttur að sjálfsmark-
ið sem hún skoraði á tólftu mínútu
var það sem skildi liðin að.
Markið var verulega slysalegt
en báðir deildarleikir þessara liða
enduðu með jafntefli. „Okkar leik-
ur riðlaðist þegar Kata [Katrín
Jónsdóttir] fór meidd af velli. Lauf-
ey [Ólafsdóttir] er ekki í toppleik-
æfingu en hún er frábær leikmaður
og gerði ótrúlega hluti í lokin,“ sagði
Freyr sem var virkilega ánægður
með sitt lið.
„Við héldum alveg leikskipulag-
inu allan tímann og héldum mark-
inu hreinu. Mér fannst við vera með
tögl og hagldir í leiknum allan tím-
ann. Það var einhverju kastað upp í
loftið í lokin en heilt yfir vorum við
betri aðilinn.“
Valsliðið byrjaði leikinn af
nokkrum krafti og Katrín fékk
hörkufæri strax í byrjun en skalli
hennar fór framhjá. Næst komst
Stjarnan því að skora í fyrri hálf-
leik þegar Anna Björk Kristjáns-
dóttir fékk hættulegt skallafæri
eftir horn.
Undir blálokin var nokkurt
stress í varnarlínu Vals þegar
boltinn var á flakki um teiginn
en inn vildi hann ekki og bikar-
inn því áfram á Hlíðarenda.
Freyr er alls ekki kominn með
leið á því að vinna titla með Val.
„Maður rakar þessu inn, maður.
Við höldum bara áfram að vinna
eftir okkar markmiðum og fáum
aldrei leiða á að vinna titla,“ sagði
Freyr en nú tekur deildarkeppn-
in við og markmið Vals þar eru
augljós.
„Við setjum stefnuna á að vinna
hundraðasta bikar Vals. Vonandi
náum við því markmiði. Svo er
það Evrópukeppnin, það er nóg
eftir af þessu.“
elvargeir@frettabladid.is
Sjálfsmark réð úrslitum
Valskonur lögðu Stjörnuna 1-0 í bikarúrslitum kvenna. Eina mark leiksins var
sjálfsmark Stjörnunnar en það skoraði Kristrún Kristjánsdóttir snemma leiks.
BIKARMEISTARAR Í TÓLFTA SINN Valskonan Rakel Logadóttir var í stuði með bikarinn
í verðlaunafhendingunni í gær. FRÉTTABLAÐIÐ/DANÍEL
FÓTBOLTI Ólafur Guðbjörnsson,
þjálfari Stjörnunnar, var svekkt-
ur eftir leik. „Það er hundfúlt að
standa hér og horfa á Val taka við
bikarnum eftir að hafa unnið leik-
inn á þessu marki,“ sagði Ólafur.
„Þetta er þriðji leikurinn sem
við spilum við þær í sumar og að
þetta mark skuli ráða úrslitum í
þessu er bara mjög svekkjandi.“
„Það tók tíma að ná skjálft-
anum úr liðinu, það þurfti þetta
mark til þess,“ sagði Ólafur. „Nú
er bara að einbeita sér að deild-
inni þar sem eru fjórir leikir
eftir. Við ætlum okkur ofar í
deildinni og stefnum á tólf stig úr
þessum leikjum.“
Katrín Jónsdóttir, fyrirliði
Vals, var öllu kátari eftir leik.
„Þetta var rosalegur baráttuleik-
ur og lítið um færi. Mark er mark
og sigur er sigur. Það skiptir ekki
máli hvernig sigur verður til.“
Katrín missteig sig illa í leikn-
um og þurfti að fara af velli.
„Það dugði ekki að teipa þetta og
því fannst mér rétt að fá ferskar
fætur inn. Það var hryllilegt fyrir
taugarnar að vera fyrir utan
völlinn og horfa á þetta,“ sagði
Katrín. - egm
Ólafur, þjálfari Stjörnunnar:
Hundfúlt að
tapa svona
SIGURGUSAN Hallbera Gísladóttir sturtar
vatni yfir Rakel Loga. FRÉTTABLAÐIÐ/DANÍEL
FÓTBOLTI Keflvíkingar unnu á
laugardag fyrsta sigur íslensks
liðs í Evrópukeppninni í futsal en
þeir urðu síðan að sætta sig við
stórt tap í gær. Keppni í G-riðli
undankeppni Evrópukeppninn-
ar fer fram á Ásvöllum og lýkur
með lokaumferðinni á morgun.
Keflavík vann 10-6 sigur á
sænska liðinu Vimmerby þar sem
Magnús Þorsteinsson skoraði
fernu og Guðmundur Steinarsson
var með tvö mörk.
Keflavík komst síðan í 2-0 á
KB France í gær en fékk síðan 14
mörk á sig í röð og tapaði leiknum
á endanum 5-17. - óój
Keflavíkingar á fullu í futsal:
Sigur og tap