Fréttablaðið - 17.08.2010, Blaðsíða 25
heilsa og lífstíll ● fréttablaðið ●ÞRIÐJUDAGUR 17. ÁGÚST 2010 5
Nú býðst Íslendingum í fyrsta
sinn að yngjast upp um ára-
fjöld með ayurvedísku andlits-
nuddi til andlitslyftingar.
„Ég byrja alltaf á að nudda hægri
helming andlitsins fyrst, til að
sýna muninn sem sést mjög greini-
lega, og klára svo meðferðina svo
samræmi sé fullkomið í hvert
skipti,“ segir Arnhildur Magnús-
dóttir svæðanuddari sem á vordög-
um lauk tveggja ára námi í nuddi
til andlitslyftingar, eða Face-
lift Massage, eftir ayurvedískum
fræðum. Ayurveda er indversk al-
þýðulækningaraðferð sem stunduð
hefur verið í árþúsundir, en með
henni er lögð áhersla á sjálfsheil-
andi krafta í viðhaldi ónæmiskerf-
is líkamans, með réttum lifnaðar-
háttum, mismunandi nuddaðferð-
um og líkamsmeðhöndlunum.
„Meðferð þessi er einstök.
Engar olíur né krem eru notuð við
nuddið, en í stað þess teygi ég og
sný upp á húðina. Það kemur blóð-
rás og sogæðakerfi líkamans af
stað, með þeim árangri að fólk
finnur víðtæk og góð áhrif um
allan líkamann, auk þess að yngj-
ast upp um mörg ár í andliti,“ segir
Arnhildur sem er ein þriggja ís-
lenskra nuddara sem lokið hafa
námi í Facelift Massage, sem
er lögverndað meðferðarheiti,
en hinar eru Emilía Einarsdóttir í
Keflavík og Svava Svavarsdóttir í
Hafnarfirði.
„Nudd til andlitslyftingar hent-
ar öllum sem farnir eru að merkja
öldrunareinkenni í andliti sínu.
Slíkt liggur oftar en ekki í genum
viðkomandi, en umhverfisáhrif
hafa líka mikið að segja. Við-
skiptavinir eru því konur og karl-
ar frá 25 ára og upp úr; sumir
með minni háttar hrukkumynd-
un, meðan aðrir eru orðnir tölu-
vert mikið hrukkóttir,“ segir Arn-
hildur sem mælir með sex til átta
skiptum til að veruleg andlitslyft-
ing eigi sér stað. Eftir það sé gott
að koma annan hvern mánuð í eitt
til tvö skipti til að halda sér við.
„Munurinn er sláandi mikill,
jafnvel þótt hrukkur hafi verið
djúpar fyrir. Þreyta og pokamyndun
í kringum augu minnkar til muna
og allir andlitsdrættir mýkjast. Ár-
angurinn kom sjálfri mér virki-
lega á óvart þegar ég byrjaði að
nota þessa aðferð hér heima; bæði
hvernig fólkinu leið eftir á, leit út í
andliti, og hvernig líkaminn brást
við. Ýmsir kvillar lagast í kjölfar-
ið; það dregur úr mígreniköstum og
melting batnar við örvun sogæða-
kerfis og blóðrásar við punktanudd
í andliti og á hálsi.“
Arnhildur segir hvert skipti í
Facelift Massage taka um klukku-
stund og valda góðri slökun og
vellíðan meðan á stendur.
„Ég mæli hiklaust með nuddi
til andlitslyftingar umfram and-
litsstrekkingu með lýtaaðgerð, því
hingað hafa komið einstaklingar
sem borgað hafa fúlgur fjár til að
fara undir hnífinn í þeim tilgangi
að yngjast í útiliti. Útkoman hefur
valdið þeim vonbrigðum og þeir
verið ánægðari með árangurinn
eftir andlitsnuddið. Andlitslyfting
verður þó aldrei varanleg til lengri
tíma því öll höldum við áfram að
eldast, en góðu útliti má vel við-
halda með náttúrulegum aðferð-
um, eins og andlitsnuddi.“
Þess má geta að Arnhildur er
með aðstöðu á Beauty Bar í Höfða-
túni 2, en fer einnig á lands-
byggðina til að nudda. Nán-
ari upplýsingar í síma
895 5848.
- þlg
Hrukkurnar nuddaðar burt
Arnhildur Magnúsdóttir svæðanuddari lauk nýverið ströngu námi á Englandi til að
verða fullnuma í andlitslyftingu með andlitsnuddi, en þar í landi nýtur slíkt nudd
mikilla vinsælda, enda árangurinn góður. FRÉTTABLAÐIÐ/VALLI
WC efni
-20%
Kælibox
15900
-50%
7.950.-
Sólarsellur
9780068.460.- Grill49.900.-
-30%
34.980.-
Allt í ferðalagið með miklum afslætti.
-30%
Opnunartími
Virka daga 9–18
Lokað um helgar
VÍKURVERK | VÍKURHVARFI 6 | KÓPAVOGI | SÍMI 557 7720 | vikurverk@vikurverk.is | www.vikurverk.is