Fréttablaðið - 17.08.2010, Blaðsíða 26

17. ÁGÚST 2010 ÞRIÐJUDAGUR6 ● fréttablaðið ● heilsa og lífsstíll
Höskuldur Kristvinsson skurð-
læknir ætlar að hlaupa í kringum
fjallið Mont-Blanc nú í ágúst þegar
hann tekur þátt í Ultra-Trail du
Mont-Blanc. Hlaupið er 165 kíló-
metra langt og mikil þrekraun en
hæðarmismunur er um 9.000 metr-
ar. Höskuldur tekur nú þátt í þriðja
sinn og hefur undirbúið sig undan-
farið hálft ár.
„Það þarf töluvert mikla fjalla-
æfingu fyrir þetta og ég er búinn að
skokka Esjuna yfir 50 ferðir á árinu.
Þetta er býsna erfitt en með réttum
undirbúningi er þetta vel mögulegt
fólki á mínum aldri,“ segir Höskuld-
ur sem stendur á sextugu. Höskuld-
ur er heldur enginn nýgræðingur í
hlaupunum en hann hefur stundað
langhlaup í tæp 30 ár og hljóp sitt
fyrsta maraþon árið 1985.
„Ég fer nú ekki hratt yfir og er
að þessu bara fyrir sjálfan mig.
Ég tók fyrst þátt í Ultra-Trail du
Mount-Blanc árið 2003, þá gafst ég
reyndar upp eftir 117 kílómetra. Ég
var betur undirbúinn árið 2007 og
kláraði þá hlaupið. Ég hef gaman
af því að halda mér í formi og tek
yfirleitt þátt í tveimur langhlaupum
á ári. Í júní tók ég þátt í hundrað
mílna hlaupi í Bandaríkjunum. Við
erum tveir sem ætlum að fara allan
hringinn um Mont Blanc núna, ég
og Börkur Árnason og vonandi tekst
að klára hlaupið. Annars er Börk-
ur yngri og fljótari og að fara í sitt
fjórða skipti,“ segir Höskuldur og á
von á því að verða stunginn af. „Já,
ekki spurning, ég mun horfa undir
skósólana hans fljótlega, en það er
allt í lagi.“ - rat
Býsna erfitt en mögulegt
„Eftir að hafa kennt jóga og dans,
jassballet og leikfimi í yfir 30 ár
fór ég að skoða afhverju það létt-
ast ekki allir með hefðbundum að-
ferðum,“ segir Sigríður Guðjohn-
sen jógakennari, en hún hefur sett
saman nýtt námskeið þar sem fæðu-
tegundir, sem þekktar eru fyrir að
valda óþoli hjá fólki, eru teknar út.
„Matvara er orðin svo stútfull
af alls konar efnum sem líkam-
ar okkar þekkja ekki og bregðast
þannig við að við bólgnum út og
léttumst ekki þó við förum í átak.
Námskeiðið er fyrst og fremst heils-
unámskeið þar sem við léttum á
meltingu og örvum hana,“ útskýrir
Sigríður. „Við erum í jóga þrisvar í
viku og lyftum í tækjasal tvisvar í
viku. Svo er farið ýtarlega yfir mat-
aræðið og teknar út mjólkurvörur,
hvítt hveiti, ger og sykur. Ég vinn
eftir Hafa-jógaheilsufræðum og
sæki í náttúrulækningar en þetta er
fyrsta námskeiðið sinnar tegundar,
þar sem heilsufræði er tekin með
inn í líkamsræktarátak.“
Við upphaf og lok námskeiðs
eru þátttakendur mældir og vigtað
verður einu sinni í viku. Einnig
verður settur upp matseðill sem
þátttakendur fylgja. Áherslan er
þó ekki bara líkamleg en Sigríður
segir hluta námskeiðsins að læra
að þekkja sjálfan sig og koma á
jafnvægi.
„Við vinnum líka með tilfinn-
ingar en þegar við erum neikvæð
lokast fyrir flæðið í líkamanum.
Jógaæfingarnar styðja flæðið. Við
erum komin úr takti við allt í dag
og þurfum að hverfa aftur til nátt-
úrunnar,“ útskýrir Sigríður og
segir námskeiðið ætlað öllum sem
vilja hreinsa sig og þeim sem geng-
ur illa að ná árangri. Námskeiðið
er kennt í Nordica Spa og stendur í
fjórar vikur. -rat
Aftur til móður jarðar
FR
ÉT
TA
BL
A
Ð
IÐ
/V
IL
H
EL
M
Höskuldur Kristvinsson
læknir ætlar að hlaupa
165 km kringum fjallið
Mont Blanc nú í lok
ágúst.
● RISA SPINNING Á SUNDLAUGARBAKKA
Actic líkamsrækt og sund, sem áður héð Nautilus heilsurækt, stóð fyrir
skemmtilegri uppákomu í byrjun mánaðarins. Þá var haldinn risa spinn-
ing-tími á sundlaugarbakkanum í Sundlaug Kópavogs. Ríflega sjötíu
manns tóku þátt í tímanum og var stemningin mjög góð enda skein sólin
á þátttakendur.
Actic er með starfsemi á níu stöðum. Elsta stöðin er í Sundlaug Kópa-
vogs en þar var hún opnuð 1997. Aðrar stöðvar eru í Suðurbæjarlaug í
Hafnarfirði, Salalaug í Kópavogi, íþróttamiðstöð Álftaness, íþróttamiðstöð
Vestmannaeyja, í Vogum, á Selfossi, Hellu og í Vík í Mýrdal.
Hjá Actic er boðið upp á sund, tækjasal og spinning en helsta nýjungin í
stöðinni er sú að boðið er upp á kort fyrir krakka á aldrinum 13 til 16 ára.
Um sjötíu manns mættu í spinning á bakka Sundlaugar Kópavogs.
Hotel and Tourism Management Studies
Iceland/Switzerland
Árni Valur Sólonsson, Sími: 896-2204 eða
Baldur Sæmundsson, Sími: 594-4000
Hospitality and Culinary School of Iceland
University Centre "César Ritz" in Switzerland
Skólinn hefst á eftirfarandi dags.
Fyrsta ár: 24. águst 2010 - Ísland
Annað & þriðja ár: Júlí 2011 - Sviss
Innritun stendur yfir
Hótel og Veitingaskóli Íslands
Menntaskólanum í Kópavogi
Merkja umsókn B/t. Baldur Sæmundsson
Innritun stendur yfi r
Hótel- og matvælaskólinn
Menntaskólanum í Kópavogi
Skólinn hefst á eftirfarandi dags.
Fyrsta ár: 24. águst 2010 - Ísland
Annað & þriðja ár: Júlí 2011 - Sviss
Hospitality and Culinary School of Iceland
University Centre "Césa Ritz" in Switzerland
Árni Valur Sólonsson, Sími: 896-2204 eða
Baldur Sæmundsson, Sími: 59 -4000
Sigríður Guðjohnsen jógakennari hefur sett saman heilsunámskeið í Nordica Spa þar
sem hún tvinnar saman jóga og lyftingum. FRÉTTABLAÐIÐ/ANTON
● SKYR SELST VEL Í BANDARÍKJUNUM
Áætlað er að fyrirtækið Siggi‘s skyr í Bandaríkjunum muni hala inn um
sex milljónir dollara á þessu ári vegna sölu íslensks skyrs vítt og breitt um
Bandaríkin.
Íslendingurinn Sigurður Hilmarsson hóf tilraunir
með skyr- og jógúrtframleiðslu í New York árið 2004
þegar hann var þar námsmaður. Varan, Siggi‘s skyr,
var tilbúin ári síðar og hann byrjaði að selja skyrið sitt
á sveitamarkaði í upphéraði New York ríkis.
Hjólin fóru að snúast árið 2007 þegar hann kynntist
af tilviljun starfsmanni Whole Foods-verslanakeðjunnar
og ári síðar var Siggi‘s skyr farið að sjást í hillum þar.
Nánar á www.bbl.is.