Fréttablaðið - 20.08.2010, Blaðsíða 10

10 20. ágúst 2010 FÖSTUDAGUR
1 Hvað heitir nýr forstjóri
Orkuveitu Reykjavíkur?
2 Hvaða pólska félag hefur
sýnt áhuga á að fá knattspyrnu-
manninn Alfreð Finnbogason í
sínar raðir?
3 Hvaða erlendi grínisti ætlar
að vera með uppistand hér á
landi seint í september?
SVÖRIN ERU Á SÍÐU 46

Íbúfen®
– Bólgueyðandi og verkjastillandi
Njóttu
stundarinnar
án verkja
Notkunarsvið: Íbúfen inniheldur íbúprófen sem er bólgueyðandi, verkjastillandi og hitalækkandi lyf. Íbúfen er
notað við liðagigt, slitgigt, tíðaverkjum, tannpínu og höfuðverk. Einnig eftir minniháttar aðgerðir, t.d. tanndrátt.
Varúðarreglur: Fólk sem hefur ofnæmi fyrir íbúprófeni eða öðrum skyldum lyfjum (NSAID), með skerta
lifrarstarfsemi eða alvarlegan hjarta- eða nýrnasjúkdóm á ekki að nota lyfið. Fólk sem fengið hefur astma,
nefslímubólgu eða ofsakláða eftir töku acetýlsalicýlsýru eða annarra bólgueyðandi lyfja á ekki að nota lyfið.
Gæta þarf varúðar við gjöf lyfsins hjá fólki með tilhneigingu til magasárs eða með sögu um slík sár, aukna
blæðingartilhneigingu eða helluroða (SLE). Einnig hjá sjúklingum með veilt hjarta, nýrna- eða lifrarsjúkdóm,
sérstaklega ef meðhöndlað er með þvagræsilyfi samtímis, þá þarf að fylgjast með mögulegri minnkaðri
nýrnastarfsemi og vökvasöfnun. Lyfið er ekki ætlað barnshafandi konum. Aukaverkanir: Íbúfen getur valdið
aukaverkunum eins og t.d. meltingaróþægindum, niðurgangi, ógleði, útbrotum, þreytu og höfuðverk.
Skammtastærðir: Fullorðnir: Venjulegir skammtar eru 600-2000 mg á dag í 3-4 jöfnum skömmtum. Ekki er
mælt með stærri dagskammti en 2400 mg. Börn: Venjulegir skammtar eru 20 mg/kg líkamsþunga á dag í 3-4
jöfnum skömmtum. Börnum <30 kg skal eigi gefa meira en 500 mg á dag. Lesið vel leiðbeiningar sem fylgja
lyfinu. Lyfið skal geymt þar sem börn hvorki ná til né sjá. Janúar 2009
DÓMSMÁL Pálmi Haraldsson, aðal-
eigandi Iceland Express, sakar
slitastjórn Glitnis um að reyna að
afla samkeppnisupplýsinga um
starfsemi Iceland Express í Banda-
ríkjunum í dómsmáli sem höfðað
hefur verið fyrir dómstóli í New
York.
Slitastjórnin hefur meðal annars
krafist þess að fá afhent öll sam-
skipti Iceland Express við banda-
rísk flugmálayfirvöld, samstarfs-
aðila félagsins í Bandaríkjunum og
fleiri aðila.
Í yfirlýsingu sem lögmaður
Pálma hefur lagt fram hjá dóm-
stólnum í New York er því haldið
fram að með afar víðtækri kröfu
um upplýsingar sé slitastjórnin ein-
ungis að reyna að veiða fram upp-
lýsingar sem nota megi í öðrum
mögulegum dómsmálum gegn
Pálma eða öðrum. Þess er krafist
að dómarinn stöðvi það sem kallað
er „veiðiferð“ slitastjórnarinnar.
Krafa slitastjórnarinnar um
gögn tengd flugi Iceland Express
til New York er sérstaklega for-
dæmd í yfirlýsingu Pálma. Þar
er bent á að hvergi sé látið að því
liggja í stefnunni að fyrirtækið
hafi tengst Glitni á einhvern hátt.
Fyrirtækið hafi ekki byrjað að
fljúga til New York fyrr en eftir
að stefnan hafi verið lögð fram.
„Í þessu samhengi er rétt að
hafa í huga að Íslandsbanki, arf-
taki Glitnis, á
nærri 47 pró-
sent í Iceland-
a i r G r o u p ,
aðalsamkeppn-
isaðila Iceland
Express, sem
gerir kröfu um
upplýsingar enn
grunsamlegri,“
segir í yfirlýs-
ingunni.
Pálmi mótmælir því eins og
aðrir sem slitastjórnin hefur stefnt
í málinu, að mál þrotabús íslensks
banka gegn íslenskum ríkisborg-
urum sé rekið í New York þar
sem hann eigi engar eignir og
hafi engin tengsl við fylkið. Hann
krefst þess að málinu verði vísað
frá dómi.
Slitastjórnin höfðaði mál í byrjun
maí á hendur Jóni Ásgeiri Jóhann-
essyni, Pálma Haraldssyni og
fimm öðrum fyrrverandi eigend-
um og stjórnendum Glitnis fyrir
dómstóli í New York. Sjömenning-
arnir eru krafðir um sem nemur
260 milljörðum króna fyrir að hafa
staðið að meintu samsæri um að
svíkja lánsfé út úr bankanum til
að nota í eigin fyrirtæki.
Ekki náðist í Steinunni Guð-
bjartsdóttur, formann slitastjórn-
ar Glitnis, við vinnslu fréttarinnar
þrátt fyrir ítrekaðar tilraunir.
brjann@frettabladid.is
Slitastjórn vill
gögn um Ice-
land Express
Pálmi Haraldsson sakar slitastjórn Glitnis um að
reyna með ólögmætum hætti að afla samkeppnis-
upplýsinga um Iceland Express í dómsmáli í New
York. Slitastjórnin vill til dæmis öll samskipti fyrir-
tækisins við bandarísk flugmálayfirvöld.
FLUG Flugfélagið Iceland Express hóf flug til New York í Bandaríkjunum í byrjun
sumars, eftir að slitastjórn Glitnis stefndi Pálma Haraldssyni og fleirum. Hér sést þota
félagsins á Reykjavíkurflugvelli. FRÉTTABLAÐIÐ/GVA
PÁLMI
HARALDSSON
STJÓRNMÁL „Misréttið í heimin-
um er bein afurð ósjálfbærrar
stjórnmálastefnu sem fyrst og
fremst snýst um arðrán á auð-
lindum,“ sagði Katrín Jakobs-
dóttir, menntamálaráðherra og
varaformaður VG, í ræðu á Hóla-
hátíð síðastliðinn sunnudag.
„Náttúra okkar er fjöregg
okkar,“ sagði Katrín. „Í orðræðu
viðskiptanna gætum við sagt að
náttúra okkar væri okkar eigið
fé. Og góðir bissnessmenn vita að
það dugir ekki að ganga bara á
eiginfé, reksturinn þarf að ganga
upp án þess. Nákvæmlega sama
úrlausnarefni blasir við mann-
kyninu og eiginfé þess — jörð-
inni.“
„Það þýðir vissulega ný viðhorf
og það þýðir að
við þurfum að
vera gagnrýn-
in á þau við-
horf sem hafa
ríkt. Hingað
til hefur það
ver ið dæmt
sem óskhyggja
og vit leysis-
gangur að taka
huglæg gæði
og siðferðisleg gæði fram yfir
þau veraldlegu. Samt sem áður
sýna rannsóknir og reynsla að
hamingja manna eykst ekki með
auði. Kannski er einmitt færi nú
að raða hinum veraldlegu gæðum
neðar í stigann en hinum hug-
lægu og siðferðislegu.“ - pg
Katrín Jakobsdóttir harðorð á Hólahátíð:
Misréttið bein afurð
ósjálfbærra stjórnmála
KATRÍN
JAKOBSDÓTTIR
SVISS Ríkisstjórnin í Sviss vill end-
urnýja tvíhliða samninga ríkisins
við Evrópusambandið. Þeir eru
orðnir tíu ára gamlir og renna út
innan skamms.
Doris Leuthard, forseti Sviss,
viðurkennir að það verði erfitt að
semja við Evrópusambandið um
þetta. Bæði hafi Evrópusamband-
ið stækkað mjög þann áratug sem
liðinn er síðan tvíhliðasamningur-
inn var gerður og svo hafi Lissa-
bon-sáttmáli Evrópusambandsins,
sem tók gildi á síðasta ári, breytt
ýmsu.
Auk þess er flókið mál að fara
í gegnum tuttugu stóra samninga
og hundrað minni samninga sem
í gildi eru milli Sviss og Evrópu-
sambandsins, en með hverju árinu
hefur framkvæmd og utanumhald
allra þessara samninga orðið æ
flóknara.
Leuthard minnir hins vegar á að
Sviss er Evrópusambandinu mikil-
vægt. Evrópusambandsríkin eiga,
næst á eftir Bandaríkjunum, meiri
viðskipti við Sviss en öll önnur ríki
heims. „Þess vegna megum við af
heilbrigðu sjálfsöryggi reikna með
hagkvæmri niðurstöðu,“ segir hún.
- gb
Sviss vill endurnýja tvíhliða samninga sína við Evrópusambandið:
Framkvæmdin orðin flóknari
LEUTHARD OG VAN ROMPUY Forseti
Sviss og forseti leiðtogaráðs Evrópu-
sambandsins að loknum fundi í júlí
síðastliðnum. NORDICPHOTOS/AFP
MENNING Toyota á Íslandi verður
aðalstyrktaraðili Salarins, tónlist-
arhúss Kópavogs, næstu tvö árin
samkvæmt nýjum samningi.
Markmið samningsins er að
efla enn frekar menningu og listir
í Kópavogi og mun Toyota greiða
Salnum 1,5 milljónir króna hvort
ár. Fénu verður varið til mark-
aðs- og kynningarmála Salarsins.
Salurinn var opnaður árið 1999
og var fyrsti sérhannaði tónleika-
salur landsins. Á milli fimmtíu
og sextíu þúsund gestir sóttu tón-
leika í Salnum í fyrra. - mþl
Nýr aðalstyrktaraðili:
Toyota á Íslandi
styrkir Salinn
VIÐSKIPTI Eimskip hagnaðist um
7,5 milljónir evra, jafnvirði 1,3
milljarða króna, á fyrri helmingi
ársins. Þar af
nam hagnað-
urinn á öðrum
ársfjórðungi
12,2 milljónum
evra. Þetta er
umfram vænt-
ingar.
Á fyrri hluta
síðasta árs tap-
aði fyrirtækið
254,7 milljónum evra eða fjörutíu
milljörðum. Afkoma allra rekstr-
areininga var umfram væntingar
þótt flutningar séu nú sambærileg-
ir og árið 2000. Í tilkynningu segir
Gylfi Sigfússon forstjóri að rekst-
urinn hafi verið sniðinn að breytt-
um aðstæðum og árangurinn nú að
líta dagsins ljós. - jab
Afkoma Eimskips batnar:
Hagnast um 1,3
milljarða króna
GYLFI SIGFÚSSON
VEISTU SVARIÐ?