Fréttablaðið - 24.08.2010, Blaðsíða 29
heilsa og lífsstíll ● fréttablaðið ●ÞRIÐJUDAGUR 24. ÁGÚST 2010 5
Apótekið þitt
í gamla Héðinshúsinu við Sel javeg 2.
Frí heimsendingarþjónusta til eldri borgara og öryrkja.
Reykjavíkur Apótek býður
NOW vítamín og bætiefni með
20% afslætti út september.
Reykjavíkur Apótek er
sjálfstætt starfandi apótek sem
leggur áherslu á persónulega
þjónustu og hagstætt
verð. Apótekið er í gamla
Héðinshúsinu við Seljaveg 2.
Sel javegur 2 | S ími : 511-3340 | Fax: 511-3341 | www.reyap. is | reyap@reyap. is
Guðrún Lára Sveinbjörnsdóttir er
frumkvöðull hér á landi í líkams-
rækt sem nefnist Pole Freestyle
eða súlufimi þar sem dansi, styrk,
tækni og úthaldi er blandað saman
og súla er notuð sem líkamsrækt-
artæki. Guðrún Lára hefur kennt
greinina í Heilsuakademíunni síð-
ustu þrjú ár og smitað út frá sér
áhuganum enda hefur þátttaka í
námskeiðum verið mikil að henn-
ar sögn. „Það hefur verið fullt á
öll námskeið hjá okkur frá því að
ég og önnur stelpa byrjuðum að
kenna hér haustið 2007,“ upplýsir
hún. En hvar skyldi hún hafa lært?
„Ég byrjaði í Magadanshúsi Josy og
fór svo út til Amsterdam og tók al-
þjóðleg kennsluréttindi í Pole Fitn-
ess. Það er bara kennt inni á heilsu-
ræktarstöðvum.“
Nú er Guðrún Lára nýkomin
frá Svíþjóð og Danmörku þar sem
þessi æfingagrein hefur líka náð
fótfestu. „Við kennararnir vorum
að samræma okkar þjálfunarkerfi
og reglur enda hefur greinin verið
að þróast hratt síðustu ár. Ég fór
fyrst út fyrir tveimur árum þegar
ég og dönsk stelpa, Camilla Mari-
enhof, störtuðum svona líkamsrækt
í Danmörku. Hún fékk kennararétt-
indi á sama stað og ég.“
En verður súlufimin ekki fyrir
aðkasti vegna súlunnar sem notuð
er sem hjálpartæki? „Jú, jú, nafn-
ið Pole Fitness hefur verið svert
af stúlkum sem eru að kenna dans
á háum hælum og með allt aðrar
hugmyndir en við,“ segir Guðrún
Lára sem brátt fer til Svíþjóðar að
hitta kollega sem eru í sömu bar-
áttu. „Mér hefur verið boðið á svo-
kallaða Poleart-keppni sem er ein
sú stærsta í heiminum í anda list-
dans og íþróttar. Ég tek ekki þátt
í keppni heldur fer sem fulltrúi Ís-
lands og þar munu kennarar og af-
reksmenn úr öllum heiminum koma
saman. Þeir eru allir á þeirri línu
að halda greininni sem líkamsrækt
og leiðrétta þann misskilning að um
erótískan dans sé að ræða.“
Nánar er hægt að fræðast um
greinina á www.polefreestyle.is.
- gun
Í anda dans og íþróttar
Camilla Marienhof og Guðrún Lára gera æfingar á danskri súlu. MYNDIR/ÚR EINKASAFNI