Fréttablaðið - 28.08.2010, Blaðsíða 6

6 28. ágúst 2010 LAUGARDAGUR
STJÓRNSÝSLA Stjórn Íbúðalánasjóðs
nær ekki samstöðu um ráðningu
nýs framkvæmdastjóra. Að ráði
Árna Páls Árnasonar félagsmála-
ráðherra hefur nú verið skipuð sér-
stök valnefnd til að gera tillögu um
hæfasta umsækjandann.
„Þetta er gífurlega mikilvæg
stofnun og það eru mörg erfið
verkefni fram undan. Ég mat það
þannig og er þeirrar bjargföstu
skoðunar að það sé nauðsynlegt
fyrir nýjan framkvæmdastjóra
að hafa mjög víðtækan styrk
stjórnarmanna
í þau verkefni
sem bíða. Ráð-
herra viðraði
þessa hugmynd
við stjórnina
til að ná helst
öllum atkvæð-
um stjórnar-
manna á bak við
framkvæmda-
stjórann,“ segir
Hákon Hákonarson, formaður
stjórnar Íbúðalánasjóðs.
Árni Páll Árnason tekur undir
að mikilvægt sé að ná samstöðu
um niðurstöðuna. „Við viljum vera
viss um að nýr framkvæmdastjóri
hafi tiltrú og að það sé víðtækur
skilningur á því að um hæfasta
umsækjandann sé að ræða,“ segir
ráðherra sem aðspurður kveðst
enga skoðun hafa á því hvern eigi
að ráða.
Starfandi framkvæmdastjóri,
Ásta H. Bragadóttir, naut stuðn-
ings þriggja af fimm stjórnar-
mönnum í starfið. Ekki hefur þó
verið gengið til atkvæða um málið.
Ásta hefur nú dregið umsókn sína
til baka. Starfsmenn Íbúðalána-
sjóðs lýstu yfir stuðningi við Ástu
með yfirlýsingu í gær. „Ég hefði
viljað sjá hennar nafn í ferlinu allt
til enda,“ segir ráðherrann.
Þau sem skipa valnefndina eru
Magnús Pétursson ríkissátta-
semjari, Jón Sigurðsson lektor
við Háskólann í Reykjavík og dr.
Tinna Laufey Ásgeirsdóttir lekt-
or við Háskóla Íslands. Niðurstaða
þeirra á að liggja fyrir eftir um
þrjár vikur.
Staða Íbúðalánasjóðs er slæm.
Koma þar bæði til vanskil þeirra
sem tekið hafa lán hjá sjóðnum og
einnig milljarða tap vegna skulda-
bréfakaupa af viðskiptabönkunum
sem féllu haustið 2008. Þá segir
Hákon um átta hundruð íbúðir í
eigu sjóðsins. Staðan sé þó heldur
að batna því fleiri lán séu að komast
í skil og frystingum lána fækki.
Fram kom í Fréttablaðinu í júlí
að gert væri ráð fyrir að ríkið
þyrfti að leggja Íbúðalánasjóði
til allt að tuttugu milljarða króna
fram til ársins 2014. Ráðherrann
segir forsendur varðandi þetta
lítið hafa breyst. „Ríkið stendur að
baki Íbúðalánasjóði og mun grípa
til aðgerða til að styrkja sjóðinn og
einnig til að draga úr áhættu hans,“
segir Árni Páll um framhaldið.
gar@frettabladid.is
Nefnd velur forstjóra
fyrir Íbúðalánasjóð
Stjórn Íbúðalánasjóðs gafst upp á að ná samstöðu um nýjan forstjóra og skipar
að tillögu ráðherra valnefnd til að finna hæfasta umsækjandann. Nefndin á að
ljúka störfum á þremur vikum. Sjóðurinn þarf almenna tiltrú segir ráðherra.
ÁRNI PÁLL
ÁRNASON
ÍBÚÐALÁNASJÓÐUR Framkvæmdastjórinn hætti 1. júlí og aðstoðarframkvæmdastjór-
inn hefur sinnt starfinu síðan. FRÉTTABLAÐIÐ/E. ÓL.
UTANRÍKISMÁL „Stuðningur ESB
við umsóknarríki er án kvaða eða
skuldbindinga þannig að þótt ekk-
ert verði af aðild gerir ESB enga
kröfu um endurgreiðslu á styrkj-
um eða kostnaðarþátttöku umfram
það sem felst í mótframlögum ein-
stakra verkefna,“ segir í minnis-
blaði fyrir utanríkismálanefnd,
sem dagsett er 25. ágúst síðastlið-
inn.
Í minnisblaðinu er farið nokkuð
ítarlega yfir þær stuðningsaðgerð-
ir sem Evrópusambandið býður
Íslandi upp á í umsóknarferlinu.
Þar kemur fram að Evrópu-
sambandið krefst mótframlaga til
sumra þeirra verkefna, sem styrkt
eru, en annarra ekki. Þannig eru
styrkir til fjárfestinga bundn-
ir að minnsta kosti 15 prósenta
mótframlagi, en beinir styrkir
að minnsta kosti 10 prósenta mót-
framlagi.
Eins og áður hefur komið fram
hefur Evrópusambandið lýst sig
reiðubúið til að verja allt að 28
milljónum evra, eða ríflega fjórum
milljörðum króna, til svonefndrar
landsáætlunar fyrir Ísland næstu
þrjú árin, sem er stærsti þáttur
aðstoðarinnar.
Engar ákvarðanir hafa verið
teknar um það, hvernig þetta fé
verður nýtt hér á landi, en í minnis-
blaðinu kemur fram að talsverðum
hluta styrkjanna verði væntanlega
veitt til nokkurra verkefna, sem
ljóst þykir að verði sérlega kostnað-
arsöm fyrir stjórnsýsluna. Eru þar
nefnd tvö dæmi, annars vegar þýð-
ingamál og hins vegar innheimta
tolla og virðisaukaskatts.
Í minnisblaðinu segir mikil-
vægt að „útfæra verkefni þannig
að þau verði gagnleg, óháð því
hvort Ísland gerist aðili að ESB eða
ekki.“ - gb
Í minnisblaði fyrir utanríkismálanefnd er farið yfir stuðningsaðgerðir Evrópusambandsins við Ísland:
Engin krafa um endurgreiðslu styrkja
FÁNI EVRÓPUSAMBANDSINS Sumir
styrkjanna eru bundnir að minnsta kosti
tíu eða fimmtán prósenta mótframlagi
af hálfu Íslands, en aðrir ekki.
NORDICPHOTOS/AFP
Fjölbreytt úrval af rafskutlum
Bjóðum upp á margar
gerðir af rafskutlum.
Hafðu samband og við
Fastus ehf. | Síðumúla 16 | 108 Reykjavík | Sími 580 3900 | www.fastus.is
UPPLÝSINGAR OG SKRÁNING Í SÍMA
897-2896 OG Á www.bakleikfimi.is
RÓLEGIR OG KRÖFTUGIR HÓPAR Í
HÁDEGINU OG EFTIRMIÐDAGA Í
NÝLEGRI OG BJARTRI SUNDLAUG
VIÐ LAUGARÁS
BAKLEIKFIMI Í VATNI
BETRI LÍÐAN Í HÁLSI HERÐUM OG BAKI
UNDIR LEIÐSÖGN SJÚKRAÞJÁLFARA
150 lítrar af landa teknir
Lögreglan á Akureyri lagði hald á 150
lítra af landa eftir húsleit í iðnaðarhús-
næði í fyrrakvöld. Þá lagði lögreglan
hald á 260 lítra af gambra auk tækja
til landaframleiðslu svo sem eim-
ingjartækja, umbúða og efna. Einn
maður var handtekinn en honum
sleppt að yfirheyrslum loknum.
LÖGREGLUFRÉTTIR
Aðstoðaði erlendan togara
Varðskipið Týr kom til aðstoðar erlend-
um togara sem varð vélarvana um 490
sjómílur vest-suð-vestur af Reykjanesi
aðfaranótt miðvikudags. Þegar komið
var að togaranum var dráttarlínu skotið
yfir. Áætlað er að skipin verði komin
í Faxaflóa á laugardag segir á vef
Gæslunnar.
LANDHELGISGÆSLAN
NORÐUR-KÓREA, AP Bandaríkja-
maðurinn Aijalon Gomes
brosti lítillega þegar hann
faðmaði Jimmy Carter, fyrr-
verandi Bandaríkjaforseta,
áður en hann steig upp í flug-
vél áleiðis til Bandaríkjanna.
Carter hafði tekist að fá
Gomes lausan úr fangelsi í
Norður-Kóreu, sjö mánuðum
eftir að hann var handtekinn
þar. Gomes hafði fengið átta
ára fangelsisdóm fyrir að hafa
komið án heimildar til Norður-
Kóreu yfir landamærin frá
Kína.
- gb
Carter í N-Kóreu:
Fékk fangann
látinn lausan
FÓLK Aðstandendur séra Ágústs
Sigurðssonar fylgdu honum fót-
gangandi til grafar í gær, úr Dóm-
kirkjunni yfir í Hólavallakirkju-
garð. Að líkindum er þetta í fyrsta
sinn í áratugi sem líkfylgd er fót-
gangandi.
„Útfararstjórinn sagðist hafa
verið í þessu í fimmtán til tuttugu
ár og aldrei hafa gert þetta fyrr,“
segir séra Kristján Björnsson,
bróðursonur Ágústs.
Nú til dags er sjaldgæft að fólk
sé jarðsett í Hólavallakirkjugarði,
en áður fyrr tíðkaðist að bera kist-
una alla leið úr kirkjunni yfir í
garðinn eða notast við hest. Í gær
var bíll látinn duga. - sh
Gengið frá Dómkirkjunni yfir í Hólavallakirkjugarð:
Líkfylgd á fæti að gömlum sið
TILKOMUMIKIL FYLGD Margmenni gekk
fylktu liði í garðinn, þar sem séra Ágúst
var jarðsettur.
FRÉTTABLAÐIÐ/ANTON
Ættu orkufyrirtæki frekar að
selja græna orku til annarra
fyrirtækja en álvera?
JÁ 59,5 %
NEI 40,5 %
SPURNING DAGSINS Í DAG
„Ætti að skipta Reykjavík upp í
sjálfbær hverfi?“
Segðu þína skoðun á visir.is
KJÖRKASSINN