Fréttablaðið - 28.08.2010, Blaðsíða 39
LAUGARDAGUR 28. ágúst 2010 3
„Við erum að fara af stað með þetta
námskeið í fimmta sinn og áhuginn
er alltaf góður,“ segir gítarsmið-
urinn Gunnar Örn Sigurðsson sem
mun kenna nemendum að smíða
gítar á námskeiði hjá Tækniskól-
anum í haust.
„Fólk fær í hendurnar fjór-
ar spýtur og úr þeim verður raf-
magnsgítar,“ lýsir Gunnar og bætir
við að nemendur geti valið milli
þess að smíða Telecaster, Strato-
caster eða Jazz-bass. Tréefni er
innifalið í námskeiðsverðinu sem
er 140 þúsund krónur en nemend-
ur kaupa sjálfir hardware og pick-
up. Námskeiðið er í allt hundrað
klukkustundir og er kennt tvisv-
ar í viku frá september og fram í
nóvember.
Gunnar er inntur eftir gæðum
gítara sem verði til á slíku nám-
skeiði. „Þau eru auðvitað mismun-
andi og fara eftir hverjum ein-
staklingi,“ svarar hann en áréttar
þó að allir séu þetta fullgildir gít-
arar. „Og ég veit að nokkrir sem
smíðað hafa gítar hjá mér nota þá
í hljómsveitum.“
Gunnar sjálfur hefur haft brenn-
andi áhuga á gítarsmíðum frá því
að hann var smástrákur. Hann
lærði að spila á tólfta ári en gít-
arsmíði fór hann að fást við fyrir
rúmum áratug, eftir nám í gítar-
smíði á spænsku eyjunni Forment-
era og í Svíþjóð.
„Það er mikill munur á smíði
kassagítara og rafmagnsgítara,
en það tekur mörg ár að verða
fullnuma í hvoru um sig,“ segir
Gunnar. Hann segir flesta sem
koma á námskeiðið til sín aðeins
vilja smíða einn gítar en ætli sér
svo ekki meira með námið.
Nánari upplýsingar um nám-
skeiðið er að finna á vef Tækni-
skólans, www.tskoli.is, en Gunn-
ar Örn heldur sjálfur úti síðunni
www.luthier.is.
solveig@frettabladid.is
Fjórar spýtur verða gítar
Námskeið í gítarsmíði verður haldið í Tækniskólanum í haust. Þar fá nemendur að smíða rafmagnsgítar
frá a til ö. Kennari er gítarsmiðurinn Gunnar Örn Sigurðsson sem hefur stundað gítarsmíði í áratug.
Gunnar Örn á verkstæði sínu við Laugalæk en námskeiðið í gítarsmíði fer fram í húsnæði Tækniskólans. FRÉTTABLAÐIÐ/GVA
TÓNLISTARNÁM
fyrir þig
Langar þig til þess að spila uppáhaldslögin þín eftir eyranu?
Tónheimar bjóða skemmtilegt og hagnýtt tónlistarnám
sem hentar fólki á öllum aldri.
Haustönn hefst 13. september
PÍANÓ
DJASSPÍANÓ
RAFMAGNSGÍTAR
KASSAGÍTAR
POPP • BLÚS • DJASS • SÖNGLÖGALLIR VELKOMNIR
Upplýsingar og skráning á tonheimar.is og í síma 553 2010 / 846 8888
Ástvaldur Traustason
skólastjóri Tónheima
Þú getur alltaf lesið Fréttablaðið frítt á Vísi
eða fengið sendan daglegan tölvupóst
með blaði dagsins. Nánari
upplýsingar á: visir.is/dreifing
FRÉTTABLAÐIÐ Á NETINU
Hringdu í síma
ef blaðið berst ekki