Fréttablaðið - 28.08.2010, Blaðsíða 40
SÍÐASTA HELGIN í ágúst er í hugum margra
einnig síðasta helgi sumarsins. Því er um að gera
að nota daginn í dag og á morgun vel.
Heiða Guðmundsdóttir ljósmyndari
opnar í dag í Deiglunni á Akureyri
sýningu á myndum sem hún hefur
verið að taka síðustu ár af börn-
um tólf ára og yngri. Langflestar
myndirnar eru þó af alveg nýfædd-
um börnum.
Áhugi Heiðu á ljósmyndun kvikn-
aði eftir að hún átti fyrsta barn-
ið sitt en hún er fjögurra barna
móðir í dag. „Frá 2000 til 2001 var
ég í Frakklandi og þar kynntist ég
Pétri Thomsen ljósmyndara sem
var í námi þar og hann kenndi mér
ýmislegt. Ég ætlaði að fara í skóla
þarna úti en þá kom annað barnið
svo ég fór aftur heim en hélt áfram
að mynda. Ég komst á samning hjá
Grími Bjarnasyni ljósmyndara og
inn í Iðnskóla Reykjavíkur, sem nú
heitir Tækniskólinn, árið 2005. Eftir
útskrift 2006 vann ég í Myndrún á
Akureyri í eitt ár en þá ákvað ég
að fara að vinna sjálfstætt. Á þeim
tíma vorum við að byggja okkur hús
og það var bara ákveðið að búa til
stúdíó þannig að ég gæti átt fleiri
börn og unnið heima.“
Stúdíóið var tilbúið í ágúst 2007 og
Heiða er mjög ánægð með það. „Það
er heilir 65 fermetrar og rosa flott.
Þegar það var tilbúið var ég orðin
ófrísk að þriðja stráknum. Þá var ég
farin að taka myndir af börnum og
fann hvað mér fannst það yndislegt.
Ég uppgötvaði að mér fannst best að
mynda við gluggann og nota bara þá
náttúrulegu lýsingu sem dagsbirtan
er. Síðan varð ég ófrísk í fjórða sinn,
þá að dóttur minni og þegar hún
fæddist 2009 var farið beint heim
af sjúkrahúsinu og hún mynduð
enn með naflastrenginn. Þá var ég
búin að æfa mig aðeins og koma við
önnur lítil kríli og vissi svona hvað
ég gat og að eftir því sem svefninn
var dýpri hjá þeim þeim mun meira
gat ég mótað þau eins og þau væru í
móðurkviði,“ segir Heiða.
Heiða segist ekki vita neitt
skemmtilegra en að mynda litla
sæta rassa. „Ef ég sé börn úti í búð
reyni ég oft að plata mömmurnar
með þau í myndatöku. En ef þau eiga
að fara í svona myndatöku þar sem
ég móta þau þá mega þau ekki vera
eldri en tveggja vikna, eftir það eru
þau meira vakandi og vilja ekki að
neinn sé að kássast í þeim nema
mamma. Fimm til tíu daga er besti
aldurinn. Því hefur það líka verið
þannig að þegar ég sé einhverja
ólétta læt ég hana vita af mér og svo
bara bíð ég eftir að hún hringi í mig
þegar barnið er fætt.
Heiða segist vera að skoða það að
vera í Reykjavík tvo til þrjá daga í
mánuði. „Þá get ég bara komið heim
til fólks,“ segir hún. Nánari upplýs-
ingar á heida.is.“ emilia@frettabladid.is
Nýfæddar ofurfyrirsætur
Ljósmyndarinn Heiða Guðmundsdóttir verður með sýningu í Deigl unni í Listagilinu á Akureyri í dag og á morgun þar sem hún sýnir myndir sem hún hefur verið að taka síðustu
ár af börnum, flestum yngri en tveggja vikna en hún hefur sérhæft sig svolítið í myndum af þeim.
Heiða gengin 39 vikur með dóttur sína að mynda lítinn barnskropp.
Grensásvegur 16 - s ími 553 7300 - Opið mán - fös 14–19. Laugd. 12–17
SOHO / MARKET
Á FACEBOOK
ÚTSALAN Í FULLUM GANGI – 50–70% AFSLÁTTUR
BOLIR - KJÓLAR - LEGGINGS - KLÚTAR - PILS - TÖSKUR - SKART - JAKKAR - PEYSUR
Heiða segir best að mynda börnin fimm til tíu daga gömul. MYND/HEIÐA.IS
Myndirnar á sýningunni eru af börnum
alveg upp í 12 ára. MYND/HEIÐA.IS
Flestar myndirnar eru af börnum yngri
en tveggja vikna. MYND/HEIÐA.IS