Fréttablaðið - 30.08.2010, Blaðsíða 2

2 30. ágúst 2010 MÁNUDAGUR
DÓMSMÁL Ríkissaksóknari hefur
ákært, fyrir Héraðsdómi Norð-
urlands eystra, tvo handrukkara
fyrir að misþyrma rúmlega tví-
tugum manni hrottalega. Öðrum
handrukkaranum er meðal annars
gefið að sök að hafa stungið unga
manninn með blóðugri sprautunál
og smitað hann af lifrarbólgu C.
Ofbeldismennirnir eru ákærð-
ir fyrir frelsissviptingu, stórfellda
líkamsárás, ólögmæta nauðung og
tilraun til fjárkúgunar. Þeir héldu
unga manninum nauðugum frá
klukkan níu að kvöldi sunnudags-
ins 9. ágúst 2009 til níu morgun-
inn eftir. Auk þess sem þeir beittu
hann líkamlegu ofbeldi hótuðu þeir
ítrekað að meiða eða lífláta hans
nánustu greiddi hann þeim ekki
allt að einni milljón króna.
Annar ódæðismannanna er
ákærður fyrir að hafa svipt mann-
inn frelsi eftir að hann kom sjálf-
viljugur heim til hans. Sá fyrr-
nefndi ógnaði hinum síðarnefnda
með hnífi, lét hann setjast á stól,
vafði kaðli utan um líkama hans
og herti að þannig að hann átti erf-
itt með andardrátt. Þá barði ofbeld-
ismaðurinn fórnarlambið ítrekað
með ryksuguröri í andlitið.
Handrukkarinn veittist enn frem-
ur að fórnarlambinu með spörk-
um, kýlingum og barefli, og lentu
höggin bæði á höfuð og líkama.
Þá stappaði hann á unga mannin-
um, hótaði að smita hann af lifrar-
bólgu, ógnaði honum með blóðugri
sprautunál, sem hann stakk síðan
í eyrnasnepil hans. Loks skvetti
hann tvisvar heitu kertavaxi á
fórnarlambið, kastaði af sér þvagi
yfir hann, hellti yfir hann áfengi og
henti á hann logandi pappír.
Hinn handrukkarinn tók drjúgan
BLÓÐSMITUN Lifrarbólga C smitast með blóðsmitun. Aðalsmitleiðin er við notkun
sprautufíkla á óhreinum nálum og sprautum, að því er fram kemur á vef land-
læknisembættisins.
Smitaði fórnarlamb
af lifrarbólgu C
Tveir handrukkarar hafa verið ákærðir fyrir að svipta ungan mann frelsi sínu
og beita hann hrottalegu ofbeldi. Annar þeirra stakk hann meðal annars með
blóðugri sprautunál í eyrnasnepilinn og smitaði hann af lifrarbólgu C.
Lifrarbólga C er bólgusjúkdómur í lifur af völdum veiru sem kölluð er lifrar-
bólguveira C. Hún smitast aðallega við blóðblöndun, þegar sýkt blóð berst
frá einum eintaklingi til annars. Flestir sem sýkjast af veirunni fá langvinna
lifrarbólgu.
Lyfjameðferð við þessum sjúkdómi kemur aðeins hluta sjúklinga að
gagni. Aukaverkanir eru algengar og meðferðin tekur marga mánuði.
Hvað er lifrarbólga C?
þátt í ofbeldinu eftir að ungi maður-
inn hafði verið sviptur frelsi sínu,
bæði með höggum og spörkum. Þá
lagðist hann ofan á manninn, hótaði
honum lífláti og jafnframt að beita
systur hans og móður hrottalegu
ofbeldi og lífláta systurina.
Að misþyrmingunum loknum
neyddu handrukkararnir manninn
til að þrífa húsnæðið. Þeir létu hann
vaska upp og þrífa baðherbergið,
auk þess sem annar handrukkar-
anna neyddi hann til að sleikja sal-
ernisskálina.
Afleiðingar árásarinnar urðu
meðal annars þær að ungi maður-
inn smitaðist af lifrarbólgu C og
hlaut miklar bólgur, mar og eymsli
á höfði og líkama, auk skurðsára á
hálsi, að því er fram kemur í ákæru.
Hann krefst ríflega fjögurra millj-
óna í skaðabætur. jss@frettabladid.is
RÚANDA, AP Rúandastjórn hótar
því að hætta þátttöku í friðar-
gæslustarfi Sameinuðu þjóðanna,
ef stofnunin birtir skýrslu þar
sem Rúandaher er sakaður um að
hafa framið þjóðarmorð í Kongó
á tíunda áratugnum.
Í skýrslunni, sem að hluta var
lekið til fjölmiðla í síðustu viku,
eru hermenn frá Rúanda og upp-
reisnarsveitir hliðhollar núver-
andi forseta Kongó sagðar hafa
myrt tugi þúsunda hútúa í Kongó,
tveimur árum eftir að Rúandaher
stöðvaði þjóðarmorð á tútsum í
Rúanda árið 1994. - gb
Ásakanir um þjóðarmorð:
Rúanda hótar
Ban Ki-moon
Magnús, er þetta rótgróið
félag?
„Já, og sprotar út um allt. Gróskan
leynir sér ekki.“
Magnús Gunnarsson er formaður Skóg-
ræktarfélags Íslands en það fagnaði 80
ára starfsafmæli í gær. Félagsmenn eru
milli sjö og átta þúsund í 61 skógræktar-
félagi um allt land.
INDÓNESÍA, AP Allt að tíu þúsund manns forðuðu
sér að heiman þegar fjallið Sinabung á norðan-
verðri Súmötru tók upp á því að gjósa í fyrrinótt,
eftir að hafa ekkert bært á sér í rúmlega fjórar
aldir.
Að sögn eldfjallafræðingsins Surono, sem eins
og fleiri landar hans ber aðeins eitt nafn, hófust
skjálftar í fjallinu fyrir nokkrum dögum. Íbúar
vöknuðu síðan við það í gærmorgun að gos var
hafið.
Aska þeyttist allt að einn og hálfan kílómetra í
loft upp, en hraun streymdi aðeins rétt í kringum
gíginn. Gosið olli engum teljandi skaða og hafði
að mestu lognast út af síðar um daginn.
Surono segir fjallið síðast hafa bært á sér árið
1600. Fræðimenn hafa þó afar takmarkaðar
heimildir um það hvernig fjallið hefur hagað sér
í fyrri gosum, þannig að grannt er fylgst með því
áfram.
Byrjað var að flytja fólk úr húsum í hlíðum
fjallsins strax á föstudag. Fólkið hefst við í opin-
berum byggingum, bænahúsum og fleiri bygg-
ingum í tveimur borgum skammt frá. - gb
Eldfjall á Indónesíu rumskar eftir að hafa legið í dvala í fjögur hundruð ár:
Þúsundir manna flúðu
ELDFJALLIÐ VAKNAÐ Gosið reyndist ekki mjög stórt og lognað-
ist smám saman út af. NORDICPHOTOS/AFP
TRÚFÉLÖG Samstarfshópur á vegum
Þjóðkirkjunnar og annarra kristinna
trúfélaga mun hleypa af stokkunum
átaki gegn kynferðislegu ofbeldi
næstkomandi þriðjudag. Alls taka
fimmtán trúfélög þátt í átakinu.
Þetta samkirkjulega átak nær
beint og óbeint inn í allar kirkjur og
til allra kristinna söfnuða landsins.
Kortum og plakötum verður dreift
því til áréttingar að kynferðisof-
beldi verði aldrei liðið í kristnum
söfnuðum. Þar er fjallað um hvar
kynferðislegt ofbeldi getur átt sér
stað. Kynferðislegt ofbeldi er skil-
greint, algengar tilfinningar þeirra
sem lenda í kynferðislegu ofbeldi til-
greindar auk þess sem fólki er bent
á ýmsar leiðir sem í boði eru fyrir
þá sem hafa lent í slíku ofbeldi.
Á sama tíma heldur guðfræði-
og trúarbragðafræðideild Háskóla
Íslands, auk Rannsóknastofu í
kvenna- og kynjafræðum, fyrir-
lestraröð undir yfirskriftinni Kirkj-
an og kynferðisofbeldi.
Í tilkynningu segir að síðustu
daga hafi verið hávær umræða
í samfélaginu um kynferðisbrot
innan kirkjunnar og að úrræði
skorti í kirkjunni til að taka á slík-
um málum. Í fimm erindum verður
tekist á við birtingarmyndir kyn-
ferðisofbeldis og leitað svara. - shá
Fimmtán trúfélög í sameiginlegu átaki gegn kynferðislegu ofbeldi:
Kynferðisofbeldi ekki liðið
FRÁ KIRKJUSTEFNU Fimmtán trúfélög
sameinast um átak gegn kynferðislegu
ofbeldi og Háskóli Íslands boðar til
fyrirlestraraðar um sama efni.
PAKISTAN, AP Nærri allir íbúar í
Sujawal, 250 þúsund manna borg
í sunnanverðu Pakistan, flúðu
borgina í gær vegna flóðanna,
sem vikum saman hafa vald-
ið ómældu tjóni og þjáningum í
landinu.
Flóðið kaffærði borgina í gær,
tveimur dögum eftir að stífla
brast á Indusfljóti sem til þessa
hafði varið borgina.
Á vegum stjórnvalda var reynt
að reisa nýjar stíflur úr grjóti
og leir til að koma í veg fyrir að
íbúar borgarinnar Thatta þurfi
einnig að hrekjast að heiman, en
þar búa 350 þúsund manns.
Meira en átta milljón manns
eru í brýnni þörf fyrir aðstoð.
- gb
Reynt að reisa nýjar stíflur:
Fjölmenn borg
á kafi í vatni
NEYÐIN ER BRÝN Gamall maður með
búslóð sína. FRÉTTABLAÐIÐ/AP
SJÁVARÚTVEGUR Aflaverðmæti
þorskafurða nam 36,9 milljörðum
árið 2009. Heildaraflaverðmæti
var 115 milljarðar svo 32 prósent
þess liggja í þorskinum.
Á heimasíðu Landssambands
smábátaeigenda segir að aflaverð-
mætið hafi lækkað um 2,8 prósent
að raungildi, þ.e. á föstu verðlagi.
Á árinu 2009 voru veidd 189
þúsund tonn af þorski sem er 38
þúsund tonnum meira en 2008.
Aflaverðmætið jókst um 4,7 millj-
arða sem þýðir 20 prósent raun-
verðslækkun. - shá
Verðmæti þorskafurða:
Þorskurinn skil-
ar þriðjungi
VEIÐI Félagsmenn Stangveiði-
félags Reykjavíkur eru orðnir
4.000 talsins. Á föstudaginn gerð-
ist sá merkisatburður að úthlutað
var félagsnúmeri 4.000 í félaginu,
eins og segir á vef svfr. Aldrei
hafa félagsmenn verið fleiri.
Síðustu tvo mánuði hefur á
sjötta tug félaga gengið til liðs
við félagið og þykir það mikið
yfir sumarmánuðina.
Af þessum félagafjölda eru um
tíu prósent börn og unglingar
undir 18 ára aldri. Telja forsvars-
menn SVFR það til merkis um
að grasrótarstarf félagsins sé að
skila verulegum ávinningi. - shá
Stangveiðifélag Reykjavíkur:
Yfir 4.000 félag-
ar í fyrsta skipti
VEITT Í ELLIÐAÁNUM Veiðiperlan innan
borgarmarkanna hefur lengi verið undir
merkjum Stangveiðifélagsins.
FRÉTTABLAÐIÐ/VALLI
LÖGREGLUMÁL Maðurinn, sem
handtekinn var í síðustu viku
grunaður um að hafa orðið Hann-
esi Þór Helgasyni að bana, er enn
í gæsluvarðhaldi og einangrun.
Engar yfirheyrslur voru yfir
honum um helgina. Hann var
handtekinn á fimmtudag og féllst
Héraðsdómur Reykjavíkur á fjög-
urra vikna gæsluvarðhald. Þeim
úrskurði var áfrýjað til Hæsta-
réttar, en maðurinn hafði fyrir
helgi staðfastlega neitað allri sök
í málinu. - gb
Rannsókn morðmálsins:
Ekki yfirheyrð-
ur um helgina
SPURNING DAGSINS
Heitar sósur skilja sig.
Ég skil ekki af hverju.
– Þú finnur fjölda girnilegra uppskrifta að kvöldmatnum á www.gottimatinn.is
H
V
ÍT
A
H
Ú
S
IÐ
/S
ÍA
–
1
0
-0
0
7
1