Fréttablaðið - 31.08.2010, Blaðsíða 6

6 31. ágúst 2010 ÞRIÐJUDAGUR
Góður ávöxtunarkostur – einnig í áskrift
*Árleg nafnávöxtun frá 15.01.2001 til 31.07.2010. Ávöxtun í fortíð er ekki
ávísun á ávöxtun í framtíð.
Áskriftarsjóður ríkisverðbréfa er verðbréfasjóður skv. lögum nr. 30/2003
um verðbréfasjóði og fjárfestingarsjóði. Rekstrarfélag verðbréfasjóða ÍV
hf. er rekstrarfélag sjóðsins. Útboðslýsingu og nánari upplýsingar er hægt
að nálgast á heimasíðu www.iv.is. Fjárfestar eru hvattir til að kynna sér
útboðslýsingu sjóðsins og þá sérstaklega umfjöllun um áhættuþætti.
@Hafðu samband við
ráðgjafa okkar í
síma 460 4700 eða
kynntu þér málið
á www.iv.is
LÚXUS HUMMUS Á eldri umbúðum kom
ekki fram að varan getur valdið ofnæmi
hjá þeim sem ekki þola sesam.
HEILBRIGÐISMÁL Lúxus hummus
sem framleitt er af Yndisauka
inniheldur efnið tahini. Á umbúð-
um vörunnar kemur ekki fram að
tahini er unnið úr sesamfræjum,
en sesamfræ eru þekktur ofnæm-
is- og óþolsvaldur.
„Yndisauki hefur því í sam-
starfi við matvælaeftirlit Heil-
brigðiseftirlits Reykjavíkur
ákveðið að endurbæta merking-
ar vörunnar og verður vanmerkt
vara ekki á markaði eftir 31.
ágúst 2010,“ segir í tilkynningu
Yndisauka. „Tekið skal fram að
varan er skaðlaus öðrum en þeim
sem hafa ofnæmi fyrir sesami og
sesamafurðum.“
Lúxus hummus frá Yndisauka
hefur verið til sölu víða á stórhöf-
uðborgarsvæðinu. - óká
Umbúðirnar endurbættar:
Ekki varað við
sesamafurð
Hr. Ólafur Ragnar Grímsson og frú Dorrit
Moussaieff ásamt Stefáni B. Sigurðssyni
rektor og eiginkonu hans, frú Önnu
Jóhannesdóttur. MYND/HÁSKÓLINN Á AKUREYRI
SKÓLAMÁL Nýtt húsnæði Háskól-
ans á Akureyri var vígt við hátíð-
lega athöfn á Sólborg á laugar-
daginn var. Viðstödd athöfnina
voru forsetahjónin og flutti hr.
Ólafur Ragnar Grímsson ávarp.
Katrín Jakobsdóttir mennta-
málaráðherra ávarpaði einnig
gesti. Eftir athöfnina var opið hús
og heimsóttu á milli 700 og 800
manns Háskólann á Akureyri í
tilefni dagsins. - rat
Nýbygging vígð:
Bætt aðstaða til
náms við HA
Innbrotsþjófur tekinn
Innbrotsþjófur, karlmaður á þrítugs-
aldri, var handtekinn í austurborginni
um hádegisbil á föstudag. Á heimili
hans fundust ýmsir stolnir munir,
meðal annars fartölva sem hafði
verið stolið í innbroti á öðrum stað í
borginni deginum áður.
LÖGREGLUMÁL
Kannabis í Kópavogi
Lögreglan á höfuðborgarsvæðinu
stöðvaði kannabisræktun í fjölbýl-
ishúsi í Kópavogi á föstudag. Við
húsleit fundust 85 kannabisplöntur.
Húsráðandi, karlmaður á þrítugsaldri,
játaði aðild sína að málinu.
SJÁVARÚTVEGUR Ágætur gangur
hefur verið í síld- og makrílveið-
um upp á síðkastið. Hins vegar
veldur það skipunum erfiðleik-
um við veiðarnar hversu mik-
ill makríll veiðist með síldinni.
Eins er farið að bera á kolmunna
í veiðinni.
Vilhjálmur Vilhjálmsson,
deildarstjóri uppsjávarsviðs HB
Granda, segir að hlutfall makríls
í aflanum í einstökum hölum hafi
verið frá tíu til 70 prósent. Veiði-
svæðið er stórt og hafa skipin
verið að veiðum í Síldarsmugunni
og færeysku lögsögunni. Þá hefur
afli fengist um 40 sjómílur frá
Vopnafirði. - shá
HB Grandi:
Erfitt að sneiða
hjá makrílnum
LÖGREGLUMÁL Gaskútum var stolið
á höfuðborgarsvæðinu í síðustu
viku. Bæði var um að ræða gas-
kúta sem voru teknir af fellihýs-
um í Grafarvogi og Mosfellsbæ
en einnig var gaskútum stolið í
innbroti í vesturborginni. Búið er
að endurheimta að hluta eða öllu
leyti gaskútana sem voru teknir í
vesturbænum og einnig gaskúta
sem var stolið frá fyrirtæki á
öðrum stað í borginni. Á síðast-
nefnda staðnum sást til þjófanna
en lögreglan fann fjóra gaskúta í
bíl þeirra. - jss
Fingralangir gasþjófar:
Stálu gaskútum
af fellihýsum
VIÐSKIPTI Eignarhaldsfélagið
Smáralind hagnaðist um 255 millj-
ónir króna á fyrstu sex mánuðum
ársins. Á sama tíma fyrir ári tap-
aði félagið rúmum einum milljarði
króna.
Rekstrarhagnaður fyrir skatta,
afskriftir og gjöld nam 389 milljón-
um króna, sem er um sjö milljónum
krónum hærra en í fyrra. Tekjur
og gjöld eru sambærileg og í fyrra
og munar mestu um niðurfærslu á
matsbreytingum fjárfestingareigna
sem lituðu bækur félagsins í fyrra.
Þá er gengismunur nú jákvæð-
ur um tæpar 380 milljónir króna.
Hann var neikvæður um 340 millj-
ónir í fyrra.
Heildareignir félagsins námu
þrettán milljörðum króna í lok júní.
Á móti námu skuldir ellefu milljörð-
um króna. Þar af eru fimm millj-
arðar króna á gjalddaga á næstu
tveimur árum. Sjötíu prósent skulda
félagsins er í íslenskum krónum og
evrum en afgangurinn í Banda-
ríkjadölum, pundum og japönskum
jenum.
Smáralind er í eigu Regins, dótt-
urfélags Landsbankans. Verslun-
armiðstöðin hefur verið til sölu frá
apríllokum. - jab
Smáralind skilar 255 milljóna króna hagnaði eftir taprekstur síðastliðin tvö ár:
Hagnast á sterkara gengi krónu
ÚR SMÁRALIND Smáralind er í eigu
dótturfélags Landsbankans. Verslun-
armiðstöðin hefur verið til sölu frá
apríllokum. FRÉTTABLAÐIÐ/DANÍEL
VIÐSKIPTI „Það hefur verið ljóst að
þetta gæti skeð,“ segir Jóhannes
Jónsson, stofnandi Bónuss, sem í
gær var vikið úr sæti stjórnarfor-
manns Haga og tilkynnt að hann
væri hættur afskiptum af félaginu.
Réttur hans til að kaupa tíu pró-
sent hlutafjár í Högum við sölu eða
skráningu félagsins á markað var
jafnframt felldur úr gildi. Kaup-
réttur stjórnenda Haga féll um leið
niður.
Arion banki tók yfir 1998 ehf.,
móðurfélag Haga, í október í fyrra
vegna þrjátíu milljarða króna skuld-
ar félagsins við bankann.
Jóhannes fær níutíu milljónir
króna vegna uppgjörsins við Haga.
Inni í upphæðinni eru samnings-
bundin kaupréttarákvæði og bann
við samkeppni við Haga í eitt og
hálft ár. Það sama á við um fjöl-
skyldu Jóhannesar.
Samhliða þessu samdi Jóhann-
es um kaup á sérverslunum Top
Shop, Zara og All Saint og átta mat-
vöruverslunum í Færeyjum fyrir
1.237 milljónir króna. Heimamenn
í Færeyjum hafa átt helming á móti
Högum í átján ár.
Í tilkynningu frá Arion banka
kemur fram að bankinn hafi ekki
talið æskilegt að selja sérvöruversl-
anirnar vegna tengsla milli eigenda
umboðanna og fjölskyldu Jóhannes-
ar. Á meðal annarra eigna sem hann
kaupir er bíll sem hann hefur haft til
umráða, íbúð á Akureyri og sumar-
hús fyrir austan fjall. Áætlað verð-
mæti eignanna þriggja eru fjörutíu
milljónir króna, samkvæmt upplýs-
ingum úr Arion banka.
Höskuldur Ólafsson, bankastjóri
Arion banka, segir áhuga Jóhann-
esar á að eignast hlut í Högum hafa
staðið í mönnum. „Okkur fannst
hreinlegra að hann færi út og væri
í sömu aðstöðu og aðrir,“ segir hann.
Steinn Logi Björnsson, fyrrverandi
forstjóri Húsasmiðjunnar, tekur við
af Jóhannesi sem stjórnarformaður.
Um nokkurt skeið hefur legið
fyrir að stjórnarseta Jóhannesar
hafi tafið fyrir skráningu félagsins
á markað. Fyrirhugað var að félagið
færi á markað um mitt ár, en því var
frestað. Höskuldur segir skráningar-
ferli langt komið. „Þessir hlutir hafa
tekið svolítinn tíma. Það er búið að
losa um hluti og það gefur byr undir
báða vængi,“ segir hann en stefnt er
að því að skrá Haga fyrir áramót.
Þegar Jóhannes er spurður hvort
hann ætli þrátt fyrir þróun mála að
halda til streitu þeirri ætlun sinni
að kaupa hlut í Högum svarar hann:
„Ég býst við því. Það þekkir félagið
enginn betur en ég.“
jonab@frettabladid.is
Jóhannes í Bónus
rekinn úr Högum
Jóhannes Jónsson í Bónus fær 90 milljónir króna fyrir að afsala sér rétt til kaupa
á hlutabréfum í Högum og fyrir að fara ekki í samkeppni við félagið. Bankastjóri
Arion banka segir Jóhannes hafa truflað skráningu félagsins á markað.
FYRSTA VERSLUNIN Jóhannes Jónsson opnaði fyrstu Bónusverslunina í apríl í Skútu-
vogi árið 1989. FRÉTTABLAÐIÐ/LJÓSMYNDASAFN REYKJAVÍKUR
Hagar högnuðust um 44 milljónir króna á síðasta rekstrarári, samkvæmt
ársuppgjöri félagsins. Rekstrarár Haga stendur frá febrúar ár hvert.
Tekjur Haga námu tæpum 683 milljörðum króna og var rekstrarhagnaður-
inn fyrir afskriftir, gjöld og skatta, (EBTIDA) rétt rúmir fjórir milljarðar króna.
Eignir félagsins námu í lok uppgjörsársins 24,5 milljörðum króna á móti 22
milljarða skuldum. Eigið fé nam rétt rúmum 2,5 milljörðum króna og var
eiginfjárhlutfall félagsins 10,3 prósent.
Hagar hagnast um 44 milljónir króna
Hefur þú farið fram á launa-
hækkun síðastliðin tvö ár?
Já 23%
Nei 77%
SPURNING DAGSINS Í DAG:
Var rétt af Arion banka að reka
Jóhannes Jónsson frá Högum?
Segðu skoðun þína á visir.is.
KJÖRKASSINN