Fréttablaðið - 03.09.2010, Blaðsíða 2
2 3. september 2010 FÖSTUDAGUR
SKIPULAGSMÁL Keilir – miðstöð vís-
inda, fræða og atvinnulífs hefur
óskað eft því við sveitarfélagið
Garð að fá allt að fimm þúsund
fermetra lóð undir „fjölnota orku-
stöð“ hjá síðasta hringtorginu áður
en beygt er inn að Leifsstöð.
Hjálmar Árnason, framkvæmda-
stjóri Keilis, segist sjá fyrir sér
þjónustumiðstöð á borð við Staðar-
skála þar sem leiðirnar í Leifsstöð,
Keflavík og Sandgerði mætast.
„Við hugsum þetta sem fyrsta
möguleika á stoppi fyrir útlend-
inga þegar þeir eru komnir úr
stressinu úr flugstöðinni og þeir
sem eru að taka á móti einhverjum
að utan geta beðið þarna frekar en
að standa þreyttir og pirraðir inni
í flugstöð,“ útskýrir Hjálmar sem
kveður verkefnið unnið í samstarfi
við sveitarfélögin í nágrenninu,
Þróunarfélagið og ýmsa aðila sem
hafi áhugaverðar hugmyndir.
Ætlun Keilis er að bjóða upp
á vistvæna orkugjafa á borð við
metan, vetni, bíódísil og rafmagn
auk þess sem bensín og dísil verð-
ur selt í samstarfi við aðra. Hjálm-
ar segir Keili vilja þjálfa nemend-
ur orkuskóla síns í að umgangast
vistvænt eldsneyti. „Við erum
að fara í þetta til að skapa flotta
kennsluaðstöðu en vonandi um leið
góðar tekjur,“ segir hann.
Lóðaumsóknin er enn á borði
sveitarstjórnarinnar í Garði.
Hjálmar segir viðtökurnar þar
hafa verið mjög jákvæðar og von-
ast til að málið gangi sem hrað-
ast fyrir sig. „Málið er enn á hug-
myndastigi og við eigum eftir
að halda kynningu um það og
umræðufundi með okkar sam-
starfsaðilum,“ segir Hjálmar sem
kveðst sannfærður um að nýi skál-
inn leiði af sér „endalausa“ aðra
starfsemi. - gar
FÓLK „Ósk mín er að gengið sé til
þess að rífa þetta hús sem fyrst,“
segir frænka manns sem fórst í
eldsvoða á Hverfisgötu í ákalli til
Jóns Gnarr borgarstjóra.
Konan segir frá því í bréfinu til
borgarstjórans að 25 ára maður
sem lést í brunanum á Hverfisgötu
aðfararnótt 7. janúar síðastliðinn
hafi verið frændi borgarstjórans. Sá
sem lést hafi borið mikla virðingu
fyrir Jóni og hún voni að hann beiti
sér fyrir því að húsið verði rifið. Að
sjá húsið ennþá svart og sótugt valdi
fólki enn meiri sorg en orðin er.
„Virðing og frændsemi sé að húsið
verði rifið, ekki bara fyrir miðbæ
Reykjavíkur heldur fjölskylduna
sem í raun fær
ekki frið fyrr en
eitthvað hefur
verið gert í þessu
máli,“ segir í
bréfi konunn-
ar sem Frétta-
blaðinu hefur
ekki tekist að ná
tali af og er því
ónefnd hér.
„Húsið stendur ennþá hálfbrunnið
og skemmt líkt og hræ, eins og það
var strax eftir brunann. Gapandi
upp í loftið, brunnar þaksperrur
sem blasa við öllum sem eiga leið
þarna framhjá,“ segir enn fremur í
bréfi konunnar.
Frá skrifstofu borgarstjóra var
erindið sent til meðferðar hjá fram-
kvæmda- og eignasviði. Málið er
nú til skoðunar hjá byggingar-
fulltrúa.
Magnús Sædal byggingarfulltrúi
segir ófært að brunahúsið haldi
áfram að vera í núverandi ömur-
legu ástandi. Eigandinn hafi engar
tillögur sett fram til hans embættis
um framtíð eignarinnar. „Húsið er
talið viðgerðarhæft að mati trygg-
ingarfélaga. Það hefur ekkert verið
ákveðið enn af hálfu borgaryfir-
valda í þessu máli en væntanlega
munu þau gera kröfu um að eigand-
inn hefji viðgerðir á húsinu og það
mál fái þannig farsælan endi,“ segir
Magnús Sædal. gar@frettabladid.is
Gapandi brunarúst
kvelur fjölskylduna
Frænka ungs manns sem fórst í eldsvoða á Hverfisgötu 28 í janúar segir fjöl-
skylduna ekki fá frið á meðan brunarústirnar gapi óbreyttar til himins. Hún
vill að borgarstjóri beiti sér. Búast má við borgin krefjist viðgerða á húsinu.
MAGNÚS SÆDAL
FRÉTTABLAÐIÐ
8. JANÚAR 2010
HVERFISGATA 28 Staðurinn þar sem 25 ára gamall maður fórst í eldsvoða blasir enn
óhreyfður við, átta mánuðum eftir hinn voveiflega atburð. FRÉTTABLAÐIÐ/GVA
Virðing og frændsemi
sé að húsið verði rifið,
ekki bara fyrir miðbæ Reykja-
víkur heldur fjölskylduna sem
í raun fær ekki frið fyrr en
eitthvað hefur verið gert.
ÚR BRÉFI TIL BORGARSTJÓRA
KONGÓ, AP Ráðist var á hjálpar-
starfsfólk í austanverðu Kongó
á miðvikudag. Fólkið hafði
unnið að því að hjálpa hundruð-
um kvenna, sem nauðgað hafði
verið í árásum á fjögur þorp
dagana 30. júlí til 4. ágúst.
Alls er vitað um 242, sem var
nauðgað. Margar þeirra flúðu
inn í skóginn og hafa verið að
koma smám saman fram með
sögu sína allt fram á síðustu
daga.
Hjálparstarfsfólkið komst
undan árásarmönnunum, gat
falið sig í skógi og var bjargað
síðar um daginn. - gb
Nauðganir í Kongó:
Ráðist á hjálp-
arstarfsmenn
BANDARÍKIN, AP Sprenging varð
í olíuborpalli í Mexíkóflóa út af
ströndum Louisianaríkis í gær,
um 160 kílómetrum frá þeim stað
þar sem olíuborpallurinn Deep-
water Horizon stóð áður en hann
eyðilagðist i sprengingu í apríl
síðastliðnum.
Þrettán manns voru á pallinum
þegar sprengingin varð. Allir
sluppu lifandi en einn slasaðist.
Eldur logaði í pallinum í gær
og sáu björgunarmenn olíuslikju
á sjónum. Ekki var í gær vitað
hvort mikið magn olíu læki frá
pallinum. Sjávardýpið við olíu-
borpallinn er um 100 metrar,
og aðstæður til að stöðva leka
því mun betri en hjá Deepwater
Horizon. - gb
Annað óhapp í Mexíkóflóa:
Sprenging í
olíuborpalli
SLÖKKVISTARF Björgunarmenn dældu
vatni yfir borpallinn til að slökkva eldinn.
FRÉTTABLAÐIÐ/AP
BANDARÍKIN, AP Ben Bernanke,
seðlabankastjóri Bandaríkj-
anna, segir nauðsynlegt að
stjórnvöld séu tilbúin að loka
hreinlega stórum bönkum ef
þeir standa á brauðfótum og
gætu tekið fjármálakerfi lands-
ins með sér í
fallinu.
„Ef krepp-
an hefur kennt
okkur eitthvað
eitt, þá er það
að finna verð-
ur lausn á þeim
vanda að sumir
séu of stórir til
að mega falla,“
sagði hann í
yfirheyrslum hjá bandarískri
þingnefnd, sem er að ljúka rann-
sókn sinni á fjármálahruninu
vestra árið 2008.
Hann segir stóru fjármála-
fyrirtækin hafa verið í senn
orsök kreppunnar og meðal
þess sem helst kom í veg fyrir
að stjórnmálamenn gætu haldið
henni í skefjum.
- gb
Seðlabankastjóri yfirheyrður:
Stórir bankar
eru hættulegir
Baldur, ertu ekki hræddur um
að þakið rifni af húsinu?
„Ef það verður þungarokk gætum
við lent í vandræðum en við ætlum
að reyna að hafa þetta á léttu nót-
unum þannig að þakið haldi.“
Baldur Þórir Guðmundsson hjá
Geimsteini boðar mikla tónleika fjölda
hljómsveita á þaki Rokkheima Rúnars
Júlíussonar á Ljósanótt.
EFNAHAGSMÁL Til greina kemur að
lífeyrissjóðir félagsmanna VM
– félags vélstjóra og málmtækni-
manna dragi sig út úr Framtaks-
sjóði Íslands, samkvæmt yfirlýs-
ingu frá stjórn félagsins.
Þar er lýst furðu á fjárfesting-
um sjóðsins, og þær sagðar fara
langt fram úr samþykktum hans.
Stjórnin telur það skaða Fram-
takssjóðinn og gera hann ótrú-
verðugan að tengjast banka eða
bönkum. Bankinn keypti nýverið
Vestia af Landsbankanum. - bj
Stjórn ósátt við fjárfestingar:
Óánægja með
Framtakssjóð
ALÞINGI Mikill árangur hefur náðst á flestum svið-
um samfélagsins. Það er árangur sem bjartsýn-
ustu menn óraði ekki fyrir og hefur vakið athygli
erlendis, sagði Jóhanna Sigurðardóttir forsætisráð-
herra þegar þing tók aftur til starfa í gær að loknu
sumarleyfi.
Jóhanna benti á að aukinnar bjartsýni gætti í
samfélaginu, atvinnuleysi hefði minnkað og helstu
hagvísar bentu til að bjartari tímar væru fram
undan.
Jóhanna sagði að mörg erfið mál væru fram
undan og að veturinn yrði ekki auðveldur. Loka
þyrfti rösklega 40 milljarða fjárlagagati. Um þrír
fjórðu hlutar þess yrðu brúaðir með niðurskurði
en fjórðungur með auknum skatttekjum. Þá sagði
forsætisráðherra nauðsynlegt að takast á við
skuldavanda heimila og fyrirtækja. Einnig væri
enn vandi fyrir höndum vegna þeirrar óvissu sem
dómur Hæstaréttar um gengistryggð lán skildi
eftir sig.
Sitjandi ríkisstjórn getur ekki þakkað sér þau
jákvæðu teikn sem nú eru á lofti í efnahagslífinu,
sagði Bjarni Benediktsson, formaður Sjálfstæðis-
flokksins, á Alþingi í gær. Hann sagði jákvæð tekn
tilkomin vegna ytri skilyrða og stefnumörkunar
fyrri ríkisstjórnar. Skattahækkanir núverandi
ríkisstjórnar hefðu slæm áhrif. - jhh
Nauðsynlegt að takast á við skuldavanda heimilanna segir forsætisráðherra:
Bjartari tímar fram undan
ÞING SETT Jóhanna Sigurðardóttir forsætisráðherra sagði
mikilvægt að nýta alþjóðlega þekkingu á sviði efnahagsmála,
einangrun veiki landið. FRÉTTABLAÐIÐ/GVA
Forsvarsmenn Keilis vilja reisa fjölnota orkustöð þar sem meðal annars verða seldar veitingar og bensín:
Söluskáli hjá Leifsstöð skapi tekjur fyrir Keili
KEILIR Framkvæmdastjóri Keilis segist
sjá fyrir sér þjónustumiðstöð á borð við
Staðarskála þar sem leiðirnar í Leifsstöð,
Keflavík og Sandgerði mætast.
BEN BERNANKE
SPURNING DAGSINS
ms.is
Ostur
eins og
krakkar
vilja hafa
hann