Fréttablaðið - 03.09.2010, Blaðsíða 6

6 3. september 2010 FÖSTUDAGUR
Líflegt og fjölbreytt nám fyrir alla þá sem vilja tileinka sér
þekkingu á sölu- og markaðsmálum. Námið er sérstaklega
fjölbreytt eins og sést hér að neðan:
NÝI TÖLVU- OG VIÐSKIPTASKÓLINN – HLÍÐASMÁRA 9 - SÍMI 544 4500 - WWW.NTV.IS
ÞAÐ VANTAR
GÓÐA SÖLUMENN!

Sölu- og
markaðsnám

Sérðu eftir Gylfa Magnússyni og
Rögnu Árnadóttur úr ríkisstjórn?
JÁ 65,6%
NEI 34,4%
SPURNING DAGSINS Í DAG:
Telur þú að ríkisstjórnin sé betri
eftir breytingar sem gerðar voru
í gær?
Segðu þína skoðun á visir.is
EVRÓPUMÁL Framkvæmdastjórn
Evrópusambandsins ákvað á mið-
vikudag að setja viðmið um gott
umhverfisástand sjávar. Þessu er
ætlað að auðvelda aðildarríkjum
að þróa samhæfðar áætlanir um
þessi mál á hverju hafsvæði fyrir
sig. Þetta á að tryggja samræmi og
þannig auðvelda samanburð milli
svæða.
Viðmiðin tengjast annarri vinnu
framkvæmdastjórnarinnar á þessu
sviði, með það að markmiði að koma
umhverfismálum í gott lag á öllum
hafsvæðum ESB fyrir árið 2020.
Þetta kemur fram í fréttatilkynn-
ingu frá framkvæmdastjórninni.
„Við viljum að hafsvæði okkar sé
við góða heilsu og gefi vel af sér,“
segir þar Janez Potocnik, sem fer
með sjávarútvegsmál fyrir fram-
kvæmdastjórnina.
Viðmiðin snúast um vistkerfi
sjávar með áherslu á meðal ann-
ars líffræðilegan fjölbreytileika,
umfang fiskistofna, ofauðgun
(vegna offlæðis næringarefna).
Einnig mengunarvalda, rusl og
hávaðamengun.
Í tilkynningunni segir að við-
miðin byggi á vísindalegri ráðgjöf
óháðra sérfræðinga. Margt sé þó
óunnið og þau verði endurskoðuð
þegar aukin þekking kemur fram.
– kóþ
Evrópusambandið setur viðmið um gott umhverfisástand sjávar:
Stuðlað að betri heilsu hafsins
MYKONOS Evrópusambandið hefur sett
ný viðmið í umhverfismálum tengdum
verndun sjávar.
NORDICPHOTOS/GETTY
ATVINNUMÁL „Þetta var ekki mitt
síðasta embættisverk. Þetta var
ákveðið eftir ríkisstjórnarfund
síðastliðinn þriðjudag. Ég ræddi
þetta við Steingrím og Jóhönnu og
fékk grænt ljós á að senda þetta til
Flugmálastjórnar,“ segir Kristján
Möller, fráfarandi samgöngu- og
sveitarstjórnarráðherra.
Kristján gefur lítið fyrir þann
orðróm að ákvörðunin hafi verið
tekin án vitneskju ráðherra Vinstri
grænna. „Það var Steingrímur
sem hélt á málinu ásamt Jóhönnu.
Þau fólu okkur að afla meiri upp-
lýsinga. Það hlýtur að segja þér
hversu mikið er spunnið í þær
sögur allar,“ segir Kristján.
Ráðuneytið sendi frá sér til-
kynningu í gær um að Kristján
hefði veitt flugmálastjóra heimild
til að hefja undirbúning á skrán-
ingu loftfara fyrir hollenska fyrir-
tækið ECA Program Limited hér
á landi. „Eftir mikla yfirlegu og
rannsóknarvinnu var ákveðið
að veita Flugmálastjórn Íslands
heimild til að hefja undirbúning að
skráningu loftfaranna hér á landi,“
segir í tilkynningunni. Eins og
kunnugt er felst rekstur ECA í að
þjálfa flugmenn herþotna. Málið
er mjög umdeilt og hefur meðal
annars verið fordæmt af Samtök-
um hernaðarandstæðinga og stórs
hóps innan Vinstri grænna.
„Því fer fjarri að þetta þýði að
leyfi hafi verið gefið fyrir þessum
rekstri. Það á einfaldlega að leita
svara við vissum spurningum um
þennan rekstur, eins og hvort þetta
hafi áhrif á losunarkvóta og hvort
vélarnar fengju yfirleitt lending-
arleyfi í Evrópu ef til þess kæmi,“
segir Kristján. - shá
Kristján Möller segir heimild flugmálastjóra vegna ECA snúast um gagnaöflun en ekki leyfisveitingu:
Málið frá Steingrími og Jóhönnu komið
ODDVITARNIR Jóhanna Sigurðardóttir
forsætisráðherra og Steingrímur J. Sigfús-
son fjármálaráðherra komu málinu af
borði nýs ráðherra á þriðjudag.
FRÉTTABLAÐIÐ/GVA
ORKUMÁL HS Orka þarf að fara út í
um fimm hundruð milljóna króna
framkvæmdir á næstu árum til að
veita umframvökva úr Bláa lóninu
til sjávar. Eins og fram hefur komið
í Fréttablaðinu er yfirborð lónsins
orðið of hátt þar sem niðurfallshol-
ur eru stíflaðar og flæðir jafnvel
upp á veg á köflum.
Lónið er í landi Grindavíkur, en
Róbert Ragnarsson bæjarstjóri
segir í samtali við Fréttablaðið
að samkomulag hafi tekist við HS
Orku um að bregðast við vandan-
um með tvennum hætti. „Annars
vegar verður lögð lögn frá lóninu
ofan í niðurdælingarholu sem er
ofan í sprungu og á að leysa málið
til næstu mánaða og ára. Endanlega
lausnin er hins vegar sú að lögð
verður fráveitulögn frá orkuverinu,
vestur fyrir [fjallið] Þorbjörn, inn á
iðnaðarsvæði sem er á skipulagi hjá
okkur og þaðan til sjávar.“
Vegagerðin og heilbrigðiseft-
irlit eiga enn eftir að samþykkja
þessar áætlanir, en Róbert segir
að ef engar athugasemdir verði
gerðar, megi gera ráð fyrir að til-
lagan verði samþykkt af bæjar-
yfirvöldum í Grindavík. HS Orka
mun bera allan kostnað af fram-
kvæmdum þar sem það er þeirra
að sjá til þess að frárennsli sé
viðunandi.
Albert Albertsson, aðstoðar-
forstjóri HS Orku, segir í samtali
við Fréttablaðið að þessi útlát hafi
vissulega áhrif. „En þetta veltir
fyrirtækinu engan veginn. Lang-
tímaframkvæmdin hefur hangið
yfir okkur og við höfum gert áætl-
un sem fer núna fyrir næstu fjár-
hags- og framkvæmdaáætlun.“
Albert segir að framkvæmdin
muni taka að minnsta kosti eitt ár
þar sem ekki sé enn búið að taka
ákvörðun um nákvæma útfærslu.
„Ef við byrjuðum í dag yrði það
ekki fyrr en einhvern tíma á árinu
2011 sem þessi varanlega lausn
yrði komin í gagnið.“
Albert segir að um tvær útfærsl-
ur sé að ræða, annaðhvort verður
lögnin grafin í jörð eða lögð ofan-
jarðar, en hann vonast til að þess
að fyrir áramót verði til reiðu for-
hönnun á endanlegu mannvirki.
Eins og kunnugt er, hefur stað-
ið mikill styr um eignarhald á HS
Orku, en Albert segist ekki hafa
heyrt nokkuð um það hvort nýr
eigandi, Magma Energy, hyggist
gera kröfu á fyrri eigendur sökum
þessara útgjalda, en hann eigi erf-
itt með að ímynda sér það. „Eig-
andinn veit af þessu en það hefur
ekki eitt neikvætt orð fallið.“
Á næstunni verður gripið til
bráðabirgðaaðgerða til að losa
stíflur í niðurfallsholum.
thorgils@frettabladid.is
Hálfur milljarður í
fráveitu Bláa lónsins
HS Orka fer í miklar framkvæmdir á næstunni vegna yfirfalls úr Bláa lóninu.
Samkomulag um að veita umframvökva til sjávar vestan Grindavíkur. Aðstoðar-
forstjóri HS Orku segir forsvarsmenn Magma Energy meðvitaða um stöðuna.
BLÁA LÓNIÐ FLÆÐIR YFIR BAKKA SÍNA Annaðhvort
verður fráveitulögn til að koma vatninu til sjávar lögð
ofan jarðar eða grafin í jörðu. Framkvæmdin mun
kosta um 500 milljónir króna.
FR
ÉTTA
B
LA
Ð
IÐ
/A
N
TO
N

KJÖRKASSINN