Fréttablaðið - 03.09.2010, Blaðsíða 8

8 3. september 2010 FÖSTUDAGUR
SALON REYKJAVÍK
Vertu velkomin(n)!
1. Hvað er næstelsta timburhús
Grjótaþorpsins kallað?
2. Hvar fara fyrirhugaðar
friðar viðræður Ísraela og
Palestínumanna fram?
3. Hvað heitir fyrrverandi
trommuleikari hljómsveitarinn-
ar Endless Dark?
SVÖRIN ERU Á SÍÐU 42
VARNARMÁL Össur Skarphéðinsson
utanríkisráðherra hefur skipað
verkefnisstjórn til að fara með
stjórn Varnarmálastofnunar og
bera ábyrgð á daglegum rekstri
hennar frá 1. september til ára-
móta er stofnunin verður lögð
niður, að því er segir í frétt frá
utanríkisráðuneytinu.
Á þessu tímabili er ráðgert að
verkefni Varnarmálastofnunar
verði samþætt hlutverki annarra
opinberra stofnana í samræmi við
áform ríkisstjórnarinnar um end-
urskipulagningu opinberrar þjón-
ustu. Getur verkefnisstjórnin gert
tillögur til utanríkisráðherra um
ráðstöfun verkefna samkvæmt
ákvæðum varnarmálalaga. Sam-
kvæmt lögunum skulu ríkisstofn-
anir sem taka við verkefnum
Varnarmálastofnunar bjóða því
starfsfólki sem fæst við þau verk-
efni starf fyrir 1. janúar 2011.
Í verkefnisstjórninni sitja Guð-
mundur B. Helgason, formaður,
fyrir hönd utanríkisráðuneytis,
Anna Jóhannsdóttir, fulltrúi for-
sætisráðuneytis, Halla Gunnars-
dóttir fyrir hönd fjármálaráðu-
neytis, Valur Ingimundarson
fyrir hönd dómsmála- og mann-
réttindaráðuneytis og Margrét S.
Björnsdóttir, fulltrúi samgöngu-
og sveitar stjórnarráðuneytis.
Samsetning verkefnisstjórn-
arinnar er sögð endurspegla þá
stefnumörkun ríkisstjórnarinn-
ar að samræma ákvörðun um að
leggja Varnarmálastofnun niður
við áform um stofnun innanríkis-
ráðuneytis með sameiningu sam-
göngu- og sveitarstjórnaráðuneytis
og dómsmála- og mannréttinda-
ráðuneytis.
Ekki hefur náðst í Össur Skarp-
héðinssson utanríkisráðherra
vegna málsins. - jss
UTANRÍKISRÁÐHERRA Ekki hefur náðst í
Össur Skarphéðinsson vegna Varnar-
málastofnunar.
Ríkisstofnanir sem taka við verkefnum Varnarmálastofnunar skulu bjóða starfsfólki hennar starf:
Verkefnisstjórn tekur við Varnarmálastofnun
ÍÞRÓTTIR Fyrsta sérhannaða fjalla-
hjólabraut landsins verður vígð
á laugardag í Kjarnaskógi við
Akureyri. Þriggja kílómetra
braut var lögð sumarið 2008 og
segir í tilkynningu frá Skógrækt-
arfélagi Eyfirðinga að hún hafi
strax orðið vinsæl. Hjólreiðafólk
sæki mikið í Kjarnaskóg en
umferð gangandi og hjólandi fari
ekki alltaf saman.
„Í kjölfar mikilla vinsælda
brautanna sem lagðar voru var
ákveðið að leggja fleiri brautir og
nú er orðin til sérhönnuð fjalla-
hjólabraut þar sem hægt er að
hjóla um tólf kílómetra hring sem
er lengsta sérhannaða fjallahjóla-
braut landsins,“ segir í tilkynn-
ingunni. - gar
Lyftistöng fyrir hjólreiðafólk:
Fjallahjólabraut
í Kjarnaskógi
NÝJA BRAUTIN Krefjandi leiðir eru á
hjólabrautinni.
FJÖLMIÐLAR Fréttavefur DV varð
fyrir árás tölvuhakkara í fyrra-
dag og þurfti að loka síðunni í
kjölfarið. Árásin átti sér stað
klukkan 17.40 á miðvikudaginn
og var síðunni lokað um hádegi
í gær. Forsvarsmenn DV benda
þeim notendum síðunnar sem
hafa farið þar inn á milli klukk-
an 17.40 á miðvikudeginum til
11.50 í gær að gæta fyllstu var-
úðarráðstafana og skanna tölvur
sínar fyrir vírusum.
Veiru var komið fyrir í vef-
þjóni síðunnar og allt útlit er
fyrir að hún eigi sér upptök á
vesturströnd Bandaríkjanna. Svo
virðist sem töluverðir veikleik-
ar hafi verið í auglýsingakerfi
DV.is og nýttu tölvuhakkararnir
sér það.
Bogi Örn Emilsson, fram-
kvæmdastjóri DV, segir árás-
ina vera mikið áfall fyrir DV og
þeirra ímynd. Blaðið sé í harðri
samkeppni við önnur fjölmiðla-
fyrirtæki um veftraffík og hætt
sé við að árásin hafi áhrif á það.
„En við bindum vonir við
það að lesendur DV.is sjái hvað
við tókum vel á þessu máli og
treysti okkur enn frekar eftir
þetta,“ segir Bogi. Gögn síðunn-
ar frá 1. september eru glötuð
en segir Bogi að fyrirtækið hafi
ekki orðið fyrir frekara gagna-
tapi. Hann telur óvíst að þrjót-
arnir hafi ráðist að DV af öðrum
orsökum en þeim að síðan sé
ein af þremur mest sóttu síðum
landsins og það geri hana sjálf-
krafa skotmark fyrir árásir sem
þessar.
Guðjón Magnússon, sérfræð-
ingur hjá Upplýsingatæknifélag-
inu, segir tilganginn að ráðast á
síður sem séu eins vel sóttar
og DV.is, að koma fyrir dulinni
óværu sem geri eitthvað af sér.
„Tilgangurinn er í mörgum til-
vikum sá að ef farið er inn á síðu
sem notandi treystir þá er ekki
ólíklegt að hann samþykki nið-
urhal á uppfærslu á hinum ýmsu
forritum. Þar dvelur vírusinn og
er fyrr en varir kominn út um
allt.“
Guðjón segir öryggisgallann í
auglýsingakerfi DV koma sér á
óvart og viðgerð á síðunni taki
óvenju langan tíma. Hann taldi
þó afar ólíklegt að notendur síð-
unnar hefðu orðið fyrir smiti,
þó ekki sé hægt að fullyrða um
það.
Að sögn framkvæmdastjóra
DV benti til þess að síðan kæm-
ist aftur í gagnið um fimmleytið
í gærdag, en hún lá enn þá niðri
þegar Fréttablaðið fór í prentun
í gærkvöldi. sunna@frettabladid.is
Árásin mikið áfall fyrir DV
Tölvuþrjótar réðust á fréttasíðu DV á þriðjudag og þurfti að loka síðunni í kjölfarið. Virðist hafa átt sér
upptök á vesturströnd Bandaríkjanna. Áfall fyrir ímynd fyrirtækisins, segir framkvæmdastjóri DV.
ÁRÁS TÖLVUÞRJÓTA Fréttavefur DV varð fyrir fólskulegri árás tölvuhakkara sem gerði
það að verkum að gögn töpuðust og loka þurfti síðunni. fréttABLAÐIÐ/GVA
STÆRSTA SEGLSKIP HEIMS Stærsta seglskip heims, Sedov, lagðist að Reykjavíkurhöfn í
gærmorgun. Skipið, sem er rússneskt, er 120 metra langt og 15 metra breitt og telst það stærsta í hópi seglskipa
af eldri gerð. Hæstu masturstoppar skipsins eru 58 metrar. Skipið var smíðað í Þýskalandi árið 1921. Fyrstu árin var
skipið notað til vöruflutninga en eftir seinna stríð var skipið selt til Rússlands og gegnir nú hlutverki skólaskips. Alls
eru 240 í áhöfn skipsins, þar af 120 nemar.
Tilgangurinn er í
mörgum tilvikum sá
að ef farið er inn á síðu sem
notandi treystir þá er ekki
ólíklegt að hann samþykki
niðurhal á uppfærslu á hin-
um ýmsu forritum.
GUÐJÓN MAGNÚSSON
SÉRFRÆÐINGUR HJÁ UPPLÝSINGATÆKNI-
FÉLAGNU
FR
ÉTTA
B
LA
Ð
IÐ
/G
VA
VEISTU SVARIÐ?