Fréttablaðið - 03.09.2010, Blaðsíða 56

3. september 2010 FÖSTUDAGUR36
sport@frettabladid.is
UTAN VALLAR
Eiríkur Stefán Ásgeirsson
segir sína skoðun
Í dag verður Ólafur Jóhannes-
son landsliðsþjálfari að sýna að
hann sé á réttri leið með lands-
liðið. Í fyrsta sinn síðan hann tók
við þjálfun liðsins er raunveruleg
pressa á honum. Eins og forver-
ar hans hefur Ólafur fengið eina
undan keppni til þess að aðlagast
landsliðinu – koma sínum áhersl-
um að og fastmóta sinn leikmanna-
hóp. Í dag hefst ný undankeppni
og Ólafur byrjar með hreinan
skjöld.
Hvaða væntingar er hægt að
gera til íslenska landsliðsins í
knattspyrnu? Liðið er í erfiðum
og fámennum riðli í undankeppni
EM 2012. Af liðunum í riðlinum er
Ísland talið lakast – í fimmta og
neðsta styrkleikaflokki.
Engu að síður eru þær kröfur
gerðar til liðsins að það nái í ein-
hver stig – sérstaklega á heima-
velli. Það er skiljanleg krafa.
Laugardalsvöllur á að vera vígi
þar sem ekkert lið á að geta bókað
auðveldan sigur.
Leikgleðin og áhuginn
En það er fleira sem kemur til en
úrslit leikja og stigafjöldi, þó svo
að það séu vissulega mikilvæg
atriði. Leikmenn íslenska lands-
liðsins þurfa að leggja sig fram
og berjast til síðasta blóðdropa.
Það á að vera gaman að spila með
íslenska landsliðinu. Aðeins þannig
verður gaman að horfa á íslenska
landsliðið spila.
Ef leikgleði og áhugi verða
aðaleinkenni íslenska landsliðs-
ins undir stjórn Ólafs Jóhannes-
sonar er hálfur sigur unninn. Það
eru hins vegar mörg ár síðan hinn
almenni áhorfendi fann að þessi
stemning væri ríkjandi í íslenska
landsliðshópnum, ef frá eru taldir
fyrstu leikir þess eftir að hann tók
við. Síðan þá hefur hallað undan
fæti og andleysið náði algeru
hámarki í skelfilegum 1-1 jafntefl-
isleik gegn Liechtenstein í síðasta
mánuði.
Fyrir ári mættust Ísland og Nor-
egur undir lok undankeppninnar
fyrir HM 2010. Ísland var óheppið
að vinna ekki sigur og mátti sætta
sig við ódýrt 1-1 jafntefli. Ísland
spilaði vel í þessum leik og þó svo
að niðurstaðan hafi orðið neðsta
sæti riðilsins og aðeins fimm stig
þótti liðið hafa endað á jákvæðum
nótum.
Hér til hliðar má sjá árangur
liðanna á undanförnu ári, fyrst
og fremst í vináttulandsleikj-
um. Eins og leikur liðanna
sýndi í fyrra á Ísland
fullt erindi í þetta
norska lið sem hefur
oft verið betra en nú.
Á samanburði á
árangri liðanna má
sjá að báðum liðum
hefur vegnað ágæt-
lega í sínum leikjum.
Augljósasti munur-
inn er þó sá að Nor-
egur hefur verið að
vinna flesta sína leiki
sem hafa verið spilað-
ir við talsvert sterkari
andstæðinga en þá sem
Ísland hefur mætt.
Í ruslflokki
Noregur spilaði síð-
ast við Úkraínu og
Frakkland. Ísland við
Andorra og Liecht-
enstein. Margoft
hefur komið fram
að það hefur reynst
erfitt fyrir Ólaf að fá alvöru vin-
áttulandsleiki og er honum vissu-
lega vorkunn í því. En munurinn á
gæðum undirbúnings liðanna fyrir
leikinn í kvöld er augljós og Ísland
fær ekki betri andstæðinga í fram-
tíðinni nema að styrkja stöðu sína
á alþjóðlegum vettvangi. Engu lík-
ara er en að landsliðið í dag sé í
ruslflokki.
Ólafur nýtur góðs af sterku U-21
landsliði Íslands sem hefur verið
að halda uppi merki karlaknatt-
spyrnunnar á Íslandi undanfarin
misseri. Það er óskandi að hann
færi sér þann meðbyr í nyt.
Það er einnig óskandi að íslenska
landsliðið byrji vel gegn Noregi í
kvöld, kalli fram gamlan baráttu-
anda og láti Norðmennina finna
vel fyrir sér.
Í dag þarf endur-
reisn Ólafs að byrja
Leikir Noregs
Árangur Noregs undanfarið ár:
Dags. Andstæðingur h/ú úrslit
9.9.09 Makedónía* h 2-1
10.10.09 Suður-Afríka h 1-0
14.11.09 Sviss ú 1-0
3.3.10 Slóvakía ú 1-0
29.5.10 Svartfjallaland h 2-1
2.6.10 Úkraína h 0-1
11.8.10 Frakkland h 2-1
* í undankeppni HM 2010
Samtals 7 leikir: 6 sigrar, 1 tap
Markatala: 9-4
Leikir Íslands
Árangur Íslands undanfarið ár:
Dags. Andstæðingur h/ú úrslit
9.9.09 Georgía h 1-1
13.10.09 Suður-Afríka h 1-0
10.11.09 Íran ú 0-1
14.11.09 Lúxemborg ú 1-1
3.3.10 Kýpur ú 0-0
21.3.10 Færeyjar h 2-0
24.3.10 Mexíkó ú 0-0
29.5.10 Andorra h 4-0
11.8.10 Liechtenstein h 1-1
Samtals 9 leikir: 3 sigrar, 5 jafntefli, 1 tap
Markatala: 10-4
NORSKA LANDSLIÐIÐ í knattspyrnu fær um 200 milljónir íslenskra, komist það alla leið á EM.
Íslenska liðið hefur engan slíkan samning en Geir Þorsteinsson, formaður KSÍ, segir að ef Ísland kæm-
ist alla leið yrðu leikmenn verðlaunaðir ríkulega þar sem KSÍ fengi þá umtalsverðar tekjur í kassann.
200.000.000
FÓTBOLTI Undankeppni EM 2012
hefst í dag. Fyrsti mótherji
Íslands í keppninni er kunnugleg-
ur en frændur vorir Norðmenn
sækja okkur heim á Laugardals-
völlinn í kvöld. Ísland og Noregur
voru einnig saman í riðli í síðustu
undankeppni og þá enduðu báðir
leikirnir með jafntefli.
Báðir leikirnir voru ágætlega
leiknir af hálfu íslenska liðsins
„Bæði þessi lið eru líkamlega
sterk og ég geri ráð fyrir mikl-
um átakaleik. Fyrir fram mætti
kannski segja að það væru 60
prósent líkur á sigri Noregs. Þar
sem við erum á heimavelli jafn-
ast líkurnar og ég tel okkur eiga
helmingsmöguleika á því að vinna
þennan leik,“ sagði Ólafur Jóhann-
esson landsliðsþjálfari á blaða-
mannafundi í gær en hann er að
stýra liðinu í sinni annarri undan-
keppni.
„Það eru margir ungir leik-
menn í liðinu að þessu sinni. Ein-
hverjir þeirra munu byrja leik-
inn en ég hef ekki ákveðið hverjir
það verða,“ sagði Ólafur sem mun
væntanlega tilkynna byrjunarlið
sitt í hádeginu í dag. Hann sagði
það vera ljóst að einhverjar breyt-
ingar yrðu á liðinu og meðalaldur-
inn lægri en oft áður.
Eiður Smári spilaði mjög vel í
báðum leikjunum gegn Noregi í
síðustu undankeppni en hann verð-
ur fjarri góðu gamni í kvöld þar
sem landsliðsþjálfarinn gaf honum
frí til þess að finna sér nýtt félag.
„Auðvitað söknum við Eiðs Smára
enda er hann okkar sterkasti leik-
maður.“
Ólafur segir að það eigi ekk-
ert að koma liðunum á óvart í
leik hvorum annars. Þau þekkist
vel eftir að hafa mæst í síðustu
undankeppni.
„Það eina sem gæti komið þeim
á óvart er að við verðum með
einhverja yngri stráka sem þeir
þekkja ekki of vel. Þeir gætu tekið
boltann á hælinn og boðið upp á
einhverja stæla sem kæmu Norð-
mönnum á óvart,“ sagði Ólafur.
Helsti styrkleiki beggja liða eru
föstu leikatriðin. Norðmenn munu
sakna stóra framherjans John
Carew í kvöld en hann er frá að
þessu sinni.
„Carew er hættulegur í föstum
leikatriðum enda frábær skalla-
maður. Það er því ágætt að vera
laus við hann,“ sagði Ólafur.
„Bæði lið eru líkamlega sterk og
spila ekki beint brasilískan fót-
bolta. Við stöndum vel að vígi þar
og erum tilbúnir í líkamlegan leik
gegn Norðmönnum. Til þess að
vinna leikinn þurfum við að vera
á fullu allan leikinn og gefa okkur
í verkefnið.“ henry@frettabladid.is
Eigum helmingsmöguleika
á því að vinna þennan leik
Ólafur Jóhannesson landsliðsþjálfari segir að ekkert í leik Norðmanna eigi að
koma Íslandi á óvart. Landsliðsþjálfarinn býst við erfiðum leik þar sem fast
verði tekist á. Hann segir möguleikann á góðum úrslitum þó vera ágætan.
GLEÐI Gleðin hefur skinið úr andlitum leikmanna landsliðsins í vikunni. Það virðist vera létt yfir hópnum sem lætur skotin ganga
á milli manna, meðal annars á Facebook. Hér gantast þeir Aron Einar Gunnarsson og Gunnleifur Gunnleifsson á landsliðsæfingu
á Laugardalsvelli í gær. FRÉTTABLAÐIÐ/ANTON
FÓTBOLTI Það er skarð fyrir
skildi í íslenska landsliðinu
að Brynjar Björn Gunnars-
son getur ekki spilað leikinn í
kvöld. Hann meiddist í leik með
Reading um síðustu helgi og
hefur enn ekki jafnað sig.
„Það er einnig mjög tæpt að
hann geti spilað með okkur
gegn Danmörku eftir helgi,“
sagði Ólafur Jóhannesson
landsliðsþjálfari.
Grétar Rafn Steinsson
hefur verið að glíma við
meiðsli en hann er bjartsýnn
á að geta verið með af fullum
krafti í kvöld.
„Ég er ágætur. Ég hef tekið
rólega á því á æfingum síðustu
daga. Það hefur verið mikið álag á
mér en það sem skiptir máli er að
vera í standi þegar leikurinn hefst.
Það þýðir ekkert að vera bestur á
æfingum í upphafi vikunnar. Ég
verð klár þegar leikurinn verður
flautaður á,“ sagði Grétar Rafn og
Ólafur bætti því við að hann reikn-
aði með Grétari sterkum í leiknum.
Rúrik Gíslason hefur verið veikur
síðustu daga en Ólafur sagðist einn-
ig vonast til þess að hann yrði klár í
slaginn í kvöld.
Ólafur segir ekki ljóst hvort hann
muni bæta nýjum leikmönnum við
hópinn. Hann ætlar að taka stöðuna
eftir leikinn í kvöld og sjá til hvort
einhverjir fleiri leikmenn verði fyrir
hnjaski. Ef allt upp í þrír leikmenn
detta úr hópnum mun hann taka nýja
menn inn ef aðeins Brynjar verður
fjarverandi býst hann ekki við því að
kalla á nýja menn. - hbg
Lítils háttar meiðsli hjá íslenska hópnum en aðeins einn leikmaður fjarverandi:
Brynjar meiddur og Grétar tæpur
KLÓRAÐ Grétar Rafn á æfingu landsliðs-
ins í gær. FRÉTTABLAÐIÐ/ANTON