Fréttablaðið - 03.09.2010, Blaðsíða 58

38 3. september 2010 FÖSTUDAGUR
FÓTBOLTI Fjölmargir leikir fara
fram í undankeppni EM 2012 í
kvöld og ljóst að margra augu verða
á leik Englands og Búlgaríu.
Enska landsliðið beið skipbrot
á HM í Suður-Afríku undir stjórn
Ítalans Fabio Capello. Ítalinn er
þrátt fyrir það enn við stjórnvöl-
inn og fær annað tækifæri með
enska liðið.
Það hefur mikið gengið á síðan
HM lauk. Einhverjir leikmenn eru
hættir að gefa kost á sér, umræð-
an í kringum landsliðið hefur ekki
verið góð og Capello hefur mátt
þola margs konar persónulega
gagnrýni.
Hann stefnir á að yngja liðið upp
en hefur engu að síður skilið unga
og efnilega leikmenn fyrir utan
hópinn. Það er því mikil pressa á
Capello í kvöld.
„Það er hluti af starfinu að vera
undir pressu. Þegar ég vinn leiki
er ég besti þjálfari í heimi en þegar
ég tapa þá er ég sá lélegasti,“ sagði
Capello sem hefur marga fjöruna
sopið á löngum ferli.
„Auðvitað lærði ég mikið af HM.
Maður lærir alltaf með hverri
reynslu. Ég hef breytt ýmsu
en ekki miklu. Við verð-
um samt að leika án
ótta. Mér finnst leik-
mennirnir taka vel á
því á æfingum, þeir eru
með fínt sjálfstraust og
vonandi skilar það sér
inn í leikinn. Búlgarar
verða erfiðir enda með
fínt lið sem kann þá list
vel að verjast. Við verð-
um samt að vinna og ég
vona að stuðningsmenn-
irnir standi með okkur.“
Capello fékk góð tíð-
indi um helgina er
Wayne Rooney skoraði
loksins. Reyndar skor-
aði hann aðeins úr víti
en mark er mark og
þetta mark létti press-
unni örlítið af fram-
herjanum.
„Ég var að fylgj-
ast með þessum
leik. Hann var
góður, hann er
kominn til baka og
ég gleðst yfir því
að hann hafi skor-
að,“ sagði Capello
sem hótaði reyndar
að hætta að gefa viðtöl
eftir mjög óvægna meðferð sem
hann fékk hjá slúðurblaðinu The
Sun á dögunum.
„Rooney hleypur mikið á vellin-
um og hann má fara þangað sem
hann vill. Rooney mun spila þenn-
an leik gegn Búlgörum með stæl.“
Capello hefur verið mikið gagn-
rýndur fyrir það hvernig hann
lokaði dyrunum á David Beck-
ham. Hann hefur dregið í land þar
og ítrekaði aftur í gær að dyrnar
stæðu opnar fyrir Beckham eins
og aðra leikmenn landsliðsins.
Phil Jagielka, leikmaður Evert-
on, mun væntanlega leika í miðju
ensku varnarinnar þar sem vant-
ar bæði John Terry og Rio Ferd-
inand. Capello segist vera langt
kominn með að velja byrjunar-
liðið.
„Joe Hart verður í markinu. Svo
eru það Rooney, Gerrard, Gareth
Barry, Ashley Cole, Glen Johnson
og Jagielka. Ég er líklega búinn
að velja tíu leikmenn í liðið. Það
er smá vafi með eitt sæti,“ sagði
Fabio Capello. henry@frettabladid.is
Við verðum að spila án ótta
Enski landsliðsþjálfarinn Fabio Capello er undir pressu í kvöld þegar enska landsliðið reynir að rétta úr
kútnum eftir vonbrigðin á HM. Landsliðsþjálfarinn óskar eftir stuðningi áhorfenda þó svo þeir séu ósáttir.
FANN SIG EKKI Á HM Rooney
komst aldrei í gang á HM
og vill eflaust ólmur skora í
kvöld. NORDIC PHOTOS/GETTY
UNDIR PRESSU Stuðningsmenn enska landsliðsins hafa margir hverjir snúið bakinu við Fabio Capello landsliðsþjálf-
ara. Hans verk er að ná þeim aftur á sitt band. NORDIC PHOTOS/GETTY IMAGES
Þjálfarar óskast hjá
Handknattleiksdeild HK
Vegna mikillar stækkunar á handknattleiksdeild HK vantar bæði
þjálfara og aðstoðarþjálfar fyrir veturinn 2010 2011. Við leitum bæði
eftir þjálfurum með og án reynslu. Íþrótta- og/eða uppeldismen-
ntun er kostur.
Allar nánari upplýsingar veitir Ólafur Finnbogason yfirþjálfari í
olafur@veidifor.is eða 822 2307
Þjálfarastyrkir ÍSÍ haust 2010
Íþrótta- og Ólympíusamband Íslands auglýsir eftir umsóknum um
þjálfarastyrki vegna menntunar erlendis. Umsóknir berist á þar til
gerðum eyðublöðum fyrir 21. sept. nk. Upplýsingar gefur sviðsstjóri
fræðslusviðs ÍSÍ í síma 460 1467 og á vidar@isi.is
eða
FYRIR
229 KRÓNUR
FÆRÐ ÞÚ:
frábæra skemmtun í
heilan sólarhring fyrir
alla fjölskylduna
Stöð 2, Stöð 2 Bíó og Stöð 2 Extra
kosta aðeins 229 krónur á dag.
Tryggðu þér áskrift í dag!
vhs spólu í
kolaportinu
FÓTBOLTI Þó svo að íbúafjöldi Nor-
egs sé tæplega fimm milljónir má
gera ráð fyrir að fleiri Íslending-
ar en Norðmenn hafi aðgang að
leik landanna á morgun í sjón-
varpstækjum sínum.
Leikurinn verður sýndur á
Canal+ í Noregi og er talið að
50-100 þúsund Norðmenn hafi
áskrift að stöðinni. Menningar-
málaráðherra Noregs, Anniken
Huitfeldt er óánægð með þetta.
„Það er mjög mikil synd að
fáir eigi möguleika á að horfa á
jafn mikilvægan leik hjá norska
landsliðinu,“ sagði hún við norska
fjölmiðla í gær.
Canal+ yfirbauð bæði NRK,
norska ríkissjónvarpið, og TV2 og
sagði einn dagskrárgerðarmanna
NRK að stöðin hefði borgað á bil-
inu 150-200 milljónir króna fyrir
útsendinguna af leiknum í kvöld.
„Það er bara markaðurinn sem
ræður för í þessu,“ segir hann.
Einn forráðamanna TV2 segir
þetta ótrúlega upphæð. „Ef þetta
er rétt fá þeir aldrei peninginn
sinn til baka.“ - esá
Borguðu 150-200 milljónir:
Fáir Norðmenn
sjá leikinn
NORSKAR STJÖRNUR Aldrei hafa færri
átt kost á að sjá alvöruleik með norska
knattspyrnulandsliðinu, fullyrða norskir
fjölmiðlar. FRÉTTABLAÐIÐ/PJETUR
FÓTBOLTI Þór komst á topp 1. deild-
ar karla í knattspyrnu eftir sigur
á grönnum sínum á KA á Akur-
eyri í gær. Þór er með 40 stig á
toppnum og á tvo leiki eftir en
Leiknir og Víkingur eru með 39
og eiga leik til góða á Þór.
Alls voru 1.550 manns á vellin-
um í gær og þeir sáu Þór komast
yfir strax á þriðju mínútu. Atli
Sigurjónsson skoraði þá af stuttu
færi og tuttugu mínútum síðar
tvöfaldaði Þorsteinn Ingason
forystu Þórs.
Sigurður Marinó Kristjánsson
skoraði síðasta mark leiksins
af löngu færi og allt ætlaði um
koll að keyra á meðal stuðnings-
manna Þórs, enda rígurinn á
milli félaganna mikill.
Þór á eftir að mæta HK og
Fjarðabyggð, Leiknir spilar við
HK á morgun, Fjarðabyggð og
loks Fjölni en Víkingar við ÍR á
morgun, KA og svo HK. - hþh
1. deild karla í knattspyrnu:
Þór á toppinn
eftir sigur á KA
FÓTBOLTI Veigar Páll Gunnarsson
hefur leikið frábærlega í Nor-
egi allan sinn feril og fær sinn
skerf af athygli þarlendra fjöl-
miðla fyrir leik Íslands og Noregs
í kvöld. Veigar hefur verið heitur
með Stabæk undanfarið.
Jon Knudsen verður í marki
Norðmanna en hann spilar með
Stabæk líkt og Veigar og segir
samherja sinn vera góðan leik-
mann. „En ég er ekki að missa
neinn svefn yfir honum,“ sagði
Knudsen og bætti við að sjálfs-
traustið í hópnum væri mikið
eftir sigur á Frökkum í vináttu-
leik í ágúst.
Veigar er eflaust staðráðinn
í að framkalla martraðir fyrir
hann næstu daga með góðum leik
í kvöld.
Aftenbladet býst við því að
Ísland stilli upp í 4-2-3-1 leikkerfi
með tvo djúpa miðjumenn og að
Veigar spili fyrir aftan Heiðar
Helguson „í Guðjohnsen-stöðunni“
eins og þeir kalla hana. „Það hent-
ar Veigari vel,“ segja þeir.
Alls eru sex leikmenn í íslenska
hópnum á mála hjá liðum í Noregi.
Aftenbladet slær því föstu að Birk-
ir Bjarnason og Indriði Sigurðs-
son, samherjarnir hjá Viking, byrji
báðir leikinn, ásamt Kristjáni Erni
Sigurðssyni.
Flestir fjölmiðlar eru varkárir
en segja þó að ef allt sé eðlilegt
eigi norska liðið að vinna. Aftenbla-
det segir þó að riðillinn megi alls
ekki hefjast á því að liðið „kasti frá
sér stigum gegn lélegasta liðinu í
riðlinum“. - hþh
Norskir fjölmiðlar eru varkárir en heimta sigur í kvöld:
Missi engan svefn
yfir Veigari Páli
SKOT Samherji Veigars hjá Stabæk skaut létt á hann í norskum fjölmiðlum í gær.
Veigar þarf að hefna sín með í leiknum í kvöld. FRÉTTABLAÐIÐ/ANTON