Fréttablaðið - 06.09.2010, Blaðsíða 6
6 6. september 2010 MÁNUDAGUR
Mikið úrval af frábærum tilboðum - líttu við
697 kr/kg
Á að leyfa hollenska hernaðar-
fyrirtækinu ECA að reka starf-
semi sína hér á landi?
JÁ 56,2%
NEI 43,8%
SPURNING DAGSINS Í DAG:
Er það rétt hjá fangelsisyfirvöld-
um að banna fæðubótarefni í
fangelsum?
Segðu þína skoðun á visir.is
Eyjólfur Örn Jónsson, sálfræðingur og sérfræðingur í ungum afbrotamönn-
um og netfíkn, segir ekkert sambærilegt mál hafa komið upp á Íslandi.
Hann segir samband Gunnars Rúnars og kærustu
Hannesar vera mjög áberandi og málið hljómi eins og
ástríðuglæpur miðað við hversu ofbeldisfullur verknað-
urinn reyndist vera, en Hannes var stunginn margsinnis
og skorinn með hníf á meðan hann lá í rúmi sínu. Sú
staðreynd að Gunnar losaði sig við sönnunargögnin að
verknaðinum loknum bendi einnig sterklega til þess að
hann hafi gert sér fulla grein fyrir því að hann væri að
gera eitthvað af sér. En nauðsynlegt sé að geðrannsókn
fari fram til að leggja mat á það að fullu.
Eyjólfur segir áberandi í umræðum erlendis að
tölvuleikir og sjónvarpsefni eins og CSI og annað sem
fjallar um tæknivinnu á vettvangi glæpa, gera glæpa-
menn meðvitaðri um verknaði sína en þeir verði jafnvel
ónæmari fyrir því sem þeir eru að gera. Í tilviki Gunnars
Rúnars segir Eyjólfur greinilegt að eitthvað í skapi hans
hafi brostið og gert það að verkum að hann fremji
ódæðið, en hvað það hafi verið sé ómögulegt að segja til um. Margar breyt-
ur komi að málinu og ekki sé hægt að leggja mat á það fyrr en geðrannsókn
hefur verið framkvæmd.
Gerði sér líklega grein fyrir glæp sínum
Helgi Gunnlaugsson afbrotafræð-
ingur segir morðið á Hannesi Þór
mjög sérstakt sé það borið saman
við önnur manndrápsmál á Íslandi
fyrir margra hluta sakir.
„Í fyrsta lagi tekur óvenju langan
tíma að upplýsa málið og rann-
sóknin er gríðarlega umfangsmikil.
Flest mál hér á landi upplýsast
annaðhvort samdægurs eða
örfáum dögum eftir að glæpurinn
var framinn. Oft er það gerandinn
sjálfur sem tilkynnir málið,“ segir
Helgi. „Fæst manndrápsmál eru
ráðgáta í sjálfu sér og eru framin
í augnabliksæði í mikilli vímu. En
í þessu tilviki er komið inn um
miðja nótt og að Hannesi sofandi.
Þetta er bara aftaka og ásetning-
urinn virðist einbeittari en maður
sér oftast í manndrápsmálum hér
á landi.“
Afar óvenjulegt
„Það eru í raun mun fleiri spurningar heldur en svör. Hlutirnir eru ekki alltaf
eins einfaldir og maður heldur,“ segir Anna Kristín Newton, sálfræðingur hjá
Fangelsismálastofnun, um játningu Gunnars Rúnars Sigþórssonar á morðinu
á Hannesi Þór Helgasyni. Gunnar mun sæta geðrannsókn í kjölfar játningar-
innar og segir Anna Kristín slíkt ferli oftast ekki taka langan tíma. Viðtöl, próf
og bakgrunnsathuganir á viðkomandi muni setja saman heildarmynd af sak-
borningi sem síðan verður til þess að geðlæknar, sálfræðingar og dómarar
geti mögulega skorið úr um hvort hann teljist ábyrgur gjörða sinna eða ekki.
Geðrannsókn fer þannig fram að fenginn er dómskvaddur matsmaður
til þess að leggja mat á sakborning og verknaðinn sem hann framdi á
meðan hann er í fangelsinu. Séu sakborningar dæmdir ósakhæfir eftir slíkar
rannsóknir fara þeir í flestum tilvikum inn á réttargeðdeildina að Sogni til
meðferðar.
„Að öllu jöfni fer fólk ekki á réttargeðdeildina að Sogni nema það sé
dæmt ósakhæft, sem þýðir að það er ekki talið vera ábyrgt gjörða sinna og
áttar sig raunverulega ekki á orsök og afleiðingum þess sem það gerir,“ segir
Anna Kristín. „Það hafa komið upp undantekningartilvik en þau eru mjög
fá. Dómarar þurfa að fallast á það að einstaklingur sé ekki fær um að bera
ábyrgð á gjörðum sínum.“
Geðrannsókn mun sýna heildarmyndina
BRETLAND, AP Asil Nadir, 69 ára
auðkýfingur frá Kýpur, þarf að
bíða í meira en ár eftir réttarhöld-
um í Bretlandi.
Hann sneri sjálfviljugur aftur
til Bretlands í síðasta mánuði
eftir að hafa flúið fyrir sautján
árum, þegar fyrirtæki hans fór
á hausinn.
Nadir var þá sakaður um að
hafa dregið sér 34 milljónir punda
úr fyrirtækinu, en flúði land áður
en réttarhöld hófust. Hann von-
ast til þess að verða sýknaður nú
þegar hann hefur gefið sig fram.
„Réttarhöldin eru hafin. Þeim
hefur verið frestað í mjög lang-
an tíma, en tæknilega eru þau
hafin,“ segir William Clegg, lög-
maður Nadirs, sem vill að þau
fari sem fyrst af stað á ný.
David Bean, sem verður dóm-
ari í málinu, hefur gefið saksókn-
ara frest fram í desember til að
leggja fram málflutning sinn.
„Þessi sautján ára töf er ekki
sök saksóknara,“ segir Bean, sem
ákvað til bráðabirgða að réttar-
höldin sjálf hefjist ekki fyrr en 3.
október á næsta ári. - gb
Auðkýfingur frá Kýpur þarf að bíða réttarhalda í Bretlandi í meira en ár:
Töfin ekki sök saksóknara
ASIL NADIR Flúði Bretland fyrir sautján
árum til að forðast réttarhöld.
NORDICPHOTOS/AFP
VATIKANIÐ, AP Stjórn Vatikansins
ætlar að leita leiða til að bjarga
lífi írönsku ekkjunnar, Sakineh
Mohammadi Ashtiani, sem hefur
verið dæmd til að verða grýtt í
hel fyrir framjáhald og að eiga
aðild að samsæri um að myrða
eiginmann sinn. Í fyrsta opin-
bera áliti sínu á málinu sagði
Federico Lombardi, talsmaður
Vatikansins, að það teldi grjót-
kast sérstaklega hrottafenginn
dauðadóm. Hann sagði að
kaþólska kirkjan væri almennt á
móti dauðarefsingum. - ve
Vatikanið bregst við:
Vonast til að
bjarga ekkjunni
LÖGREGLUMÁL „Ég er búin að vera
að bíða eftir niðurstöðum úr
þessu máli, hvort sem þetta hafi
verið Gunnar eða einhver annar,
en þetta eru þær verstu sem gátu
verið,“ segir unnusta Hannesar
Þórs Helgasonar sem var myrt-
ur á heimili sínu 15. ágúst. Hún
er einnig æskuvinkona Gunnars
Rúnars Sigþórssonar, 23 ára gam-
als karlmanns, sem hefur nú játað
á sig morðið. „En auðvitað er ég
ánægð að það séu komin mála-
lok.“
Gunnar játaði verknaðinn við
yfirheyrslur á föstudaginn síðasta
eftir að hafa setið í einangrun á
Litla-Hrauni síðan hann var hand-
tekinn og úrskurðaður í fjögurra
vikna gæsluvarðhald 28. ágúst.
Vopnið sem Gunnar notaði til
að bana Hannesi, hnífur með um
15 til 20 sentimetra löngu blaði,
er enn ófundið. Kafarar frá sér-
sveit lögreglunnar hafa leitað
hans í smábátahöfninni í Hafnar-
firði síðan játning lá fyrir. Fatnað-
ur hefur fundist í höfninni og var
hann sendur til rannsóknar. Ekki
er gefið hvort hann tengist rann-
sókninni á einhvern hátt. Friðrik
Smári Björgvinsson, yfirlögreglu-
þjónn rannsóknardeildar, segir
mikinn létti að málið sé upplýst og
lögregla telji víst að Gunnar hafi
verið einn að verki.
Unnusta Hannesar segir játn-
ingu Gunnars hafa verið gríðar-
legt áfall fyrir sig, einnig í ljósi
þess að þeir Hannes höfðu verið
ágætis félagar. Hún hafi verið með
Hannesi til klukkan hálf þrjú á
aðfaranótt, þegar hann keyrði
hana niður í miðbæ Reykjavíkur.
Þar hafi hún hitt Gunnar Rúnar,
ásamt vinkonum sínum og verið
með þeim um kvöldið, en Hannes
farið heim til sín í Háaberg. Hún
hafi vaknað næsta morgun á heim-
ili Gunnars Rúnars, án þess að
muna nokkuð hvernig hún komst
þangað.
„Það kemur ekkert annað til
greina en að eitthvað hafi verið
sett út í glasið mitt. Gunnar fer
með mig heim til sín um morgun-
inn úr miðbænum, án míns sam-
þykkis. Mér var sagt seinna að ég
hafði neitað að fara með honum
þegar hann vildi draga mig með
sér heim, en hann hlustaði ekki á
mig,“ segir hún. „Gunnar var full-
ur að keyra og var víst hræddur
um að vera stoppaður. Hann vildi
ekki taka á sig krókaleið heim til
Hannesar þannig að hann tók mig
heim til sín í staðinn. Hann sagði
mér daginn eftir að hann hafði
þurft að halda á mér inn.“
Unnusta Hannesar vaknaði um
klukkan ellefu á sunnudagsmorgn-
inum heima hjá Gunnari Rúnari.
Hún gekk fram og heilsaði mömmu
hans og segir allt hafa litið eðli-
lega út. Gunnar bauð henni far
heim, sem hún þáði.
Þegar í Háaberg var komið
bauðst Gunnar til þess að fylgja
stúlkunni inn til Hannesar, en hún
afþakkaði það og sagðist þurfa að
greiða sjálf úr sínum málum við
Hannes og útskýra fyrir honum
hvers vegna hún hefði ekki komið
heim til hans um nóttina. Hún fann
síðan Hannes á gólfinu þegar inn
var komið og hringdi strax í Neyð-
arlínuna. „Það sást ekki á Gunnari.
Ég á ennþá svo erfitt með að trúa
því að hann hafi vitað af honum
liggjandi á gólfinu og samt hleypt
mér inn. Hvers konar mannvonska
er það?“ segir hún.
Gunnari Rúnari er gert að sæta
geðrannsókn og er honum enn
haldið í einangrun á Litla-Hrauni.
sunna@frettabladid.is
Æskuvinur játaði
á sig ódæðisverkið
Gunnar Rúnar Sigurþórsson, 23 ára karlmaður, hefur játað á sig morðið á
Hannesi Þór Helgasyni. Gríðarlegt áfall, segir unnusta Hannesar. Málið telst
upplýst en morðvopnið er enn ófundið. Gunnar skal sæta geðrannsókn.
VOPNSINS LEITAÐ Kafarar úr sérsveit lögreglunnar leituðu að vopninu sem talið er að
hafi orðið Hannesi Þór Helgasyni að bana í Hafnarfjarðarhöfn í gær. Vopnið var ekki
fundið þegar Fréttablaðið fór í prentun. FRÉTTABLAÐIÐ/ARNÞÓR
EYJÓLFUR ÖRN
JÓNSSON
KJÖRKASSINN