Fréttablaðið - 06.09.2010, Blaðsíða 14

6. september 2010 MÁNUDAGUR14
timamot@frettabladid.is
LUCIANO PAVAROTTI óperusöngvari (1935-2007) lést þennan dag.
„Ég vil ná til sem flestra með skilaboðum tónlistarinnar, með
stórkostlegri óperu.“
Á þessum degi árið 1994 náðist sá
áfangi í vegavinnu að leiðin milli
Akureyrar og Reykjavíkur var öll komin í
bundið slitlag. Þau tímamót urðu þegar
Suðurverk hf. lauk lagningu á 5,4 kíló-
metra löngum vegi um Bólstaðarhlíðar-
brekku í Austur-Húsavatnssýslu og var
umferð hleypt að því loknu inn á nýja
veginn og var leiðin kölluð Botnastaða-
brekka. Fyrsti maðurinn til að aka nýju
leiðina var Halldór Blöndal samgöngu-
ráðherra.
Með þessum áfanga í malbikun á
íslenskum vegum var bundið slitlag
komið á vegi allt frá Kálfavöllum í Suður-
sveit og norður að Húsavík ef undanskil-
inn var smákafli við Vík í Mýrdal. Umfang
þessarar lokaframkvæmdar til að tengja
Akureyri og Reykjavík saman með mal-
biki samsvaraði um 50.000 vörubíls-
förmum af möl en framkvæmdirnar tóku
um eitt ár og heildarkostnaður nam þá
um 170 milljónum króna. Samgöngur
þóttu batna til muna með nýjum veg.
ÞETTA GERÐIST: 6. SEPTEMBER 1994
Bundið slitlag frá Akureyri til Reykjavíkur
Arkitektafélag Íslands og
Endurmenntun Háskóla
Íslands hafa fengið styrk
frá Evrópubandalaginu að
upphæð 166.000 evrur, eða
rúmlega 25 milljónir króna
til símenntunar innan bygg-
ingageirans á Íslandi.
„Markmið símenntunar-
innar felur í sér yfirfærslu
þekkingar um sjálfbærni
og vistvæn sjónarmið innan
skipulags- og bygginga-
sviðs. Þar eru Íslendingar
á eftir öðrum Evrópuþjóð-
um og mun Arkitektafélag-
ið með samstarfsaðilum nú
sjá um að þýða og staðfæra,
en einnig þróa kennsluefni
til meiri þekkingar og vit-
undarvakningar um þetta
mikilvæga málefni. Það
markar vonandi leið til
grænnar framtíðar,“ segir
í tilkynningu.
Markmið vinnuhópsins er
að ná til sérfræðinga jafnt
sem iðnaðarmanna, koma
fram með reynslu nágranna-
þjóðanna en einnig þróa
aðferðir og kennsluefni fyrir
iðngreinarnar. Jafnframt er
það von hópsins að þekking
um vistvænan lífsmáta og
sjálfbærni verði á námsskrá
á öllum skólaþrepum í meira
mæli en verið hefur og ættu
Íslendingar að geta verið í
fararbroddi í vistvænum
lífsstíl og virðingu fyrir
umhverfinu í framtíðinni.
- jbá
Styrkur til símenntunar
KÆRKOMINN Styrkurinn rennur til símenntunar innan byggingageir-
ans. Frá vinstri: Kristín Jónsdóttir frá Endurmenntun HÍ, arkitektarnir
Anna Sigríður Jóhannsdóttir, Guðmundur Gunnlaugsson, Sigríður
Magnúsdóttir og Magnús Jensson, og svo Andrés Pétursson frá
símenntunaráætlun Leonardo á Íslandi.
Elskuleg eiginkona mín og móðir
okkar, dóttir, systir og amma,
Bryndís Helgadóttir
Sæbakka 18, Neskaupstað,
sem lést 29. ágúst, verður jarðsungin frá Norðfjarðar-
kirkju þriðjudaginn 7. september klukkan 14. Þeim
sem vilja minnast hennar er bent á Krabbameinsfélag
Íslands.
Jón Grétar Guðgeirsson
Guðlaug Helga Þórðardóttir Kári Jóhannsson
Íris Dögg Jónsdóttir Sigurður M. Svanbjörnsson
Guðgeir Jónsson Esther Bergsdóttir
Arnar Freyr Jónsson Eydís Heimisdóttir
Helgi Guðnason Guðlaug Einarsdóttir
Guðný Helgadóttir Ólafur Guðmundsson
Linda Björk Helgadóttir Eiríkur Hilmarsson
og barnabörnin.
Ástkær eiginkona mín og móðir,
Ólöf Kristín Ingólfsdóttir
snyrti- og förðunarfræðingur,
Álftamýri 37, Reykjavík,
lést á krabbameinsdeild 11-E, Landspítalanum mið-
vikudaginn 25. ágúst. Jarðarförin hefur farið fram í
kyrrþey að ósk hinnar látnu. Stofnaður hefur verið
námssjóður fyrir Ragnar Má til minningar um Ólöfu
Ingólfs 0130-18-750129 kt. 251095-2649. Ástvinir
þakka auðsýnda samúð.
Hannes Ragnarsson
Ragnar Már Hannesson
Ástkær eiginkona mín, móðir,
tengdamóðir, amma og systir,
Helena Svavarsdóttir
Hjaltabakka 8,
verður jarðsungin frá Bústaðakirkju miðvikudaginn
8. september kl. 13. Blóm og kransar vinsamlegast
afþakkaðir en þeim sem vilja minnast hennar
er bent á að láta samtökin Hugarafl njóta þess.
Reynir A. Eiríksson
Linda Sólveig Birgisdóttir Svan Hector Trampe
Brynja Björk Birgisdóttir
Birgir Fannar Birgisson Dagmar Valgerður
Kristinsdóttir
barnabörn, systkini hinnar látnu og fjölskyldur.
Gjótuhrauni 8, 220 Hafnarfirði Sími: 571 0400, legsteinar@gmail.com
GRANÍT OG LEGSTEINAR
Fallegir legsteinar
á einstöku verði
Frí
áletr
un
MOSAIK
Nýr Íþróttaskóli Latabæjar tekur
formlega til starfa um miðjan mán-
uðinn en námskeið hjá skólanum eru
hugsuð fyrir yngstu börnin, á aldrinum
3-6 ára. Heiða Björk Ásbjörnsdóttir er
skólastýra skólans en aðsetur hans er
í Sporthúsinu í Kópavogi. Hún ásamt
fleiri kennurum hafa verið í strangri
þjálfun til að fá að gerast leiðbein-
endur á námskeiðum sem hefjast 15.
september.
„Ég útskrifaðist sem einkaþjálfari
frá Íþróttaakademíu Keilis í febrúar
og hef í eitt og hálft ár kennt spinn-
ing í Sporthúsinu. Ég hef einnig góða
reynslu af því að vinna með börnum
en ég starfaði á leikskóla í þrjú ár
og finnst svakalega gaman að vinna
með yngstu kynslóðinni,“ segir Heiða
Björk.
Latibær starfrækir íþróttaskóla
fyrir börn í Bretlandi en þetta er í
fyrsta skipti sem skólinn er starfrækt-
ur hérlendis. Hugmyndin er að stuðla
að hollri hreyfingu hjá börnum í gegn-
um leik og þeirra eigin heim. „Þetta er
í raun alger ævintýraheimur sem börn-
in stíga inn í í tímunum sjálfum þar
sem þau upplifa ævintýri með persón-
um Latabæjar allan tíman. Við erum
búin að horfa á myndband með prufu-
tíma fyrir skólann og maður sá að
börnin voru með stjörnur í augunum
allan tímann. Kennararnir verða svo-
kallaðar hjálphellur Íþróttaálfsins.“
Heiða Björk segir að börnum sé
eðlislægt að hreyfa sig og hreyfing sé
ekki kvöð í þeirra huga, eins og gjarn-
an vilji verða hjá fullorðnum. Eftir dag
á leikskólanum sé námskeiðið frábær
leið til að losa um spennu og njóta sín
í gegnum uppbyggjandi leik. Eitt nám-
skeið er tólf vikur og klukkutími í senn
einu sinni í viku.
„Að þjálfa fyrir Íþróttaskóla Lata-
bæjar er eitt það skemmtilegasta sem
ég hef á ævi minni gert. Við lærðum
allt frá Sollu stirðu dansinum upp í alls
kyns leiki. Í hverjum tíma með börn-
unum verður svo alltaf einhver boð-
skapur, sem er dulbúinn sem skila-
boð frá Íþróttaálfinum en hann felur
bréf í salnum og verkefni barnanna
er að finna það. Skilaboðin eru þá til
að mynda hvatning um að vera dugleg
að borða ávexti eða að drekka vatn,
án þess að verið sé að lesa yfir hausa-
mótunum á þeim. Við leggjum mesta
áherslu á jákvæða upplifun í leik.“
juliam@frettabladid.is
ÍÞRÓTTASKÓLI LATABÆJAR: FYRSTA STARFSÁR MEÐ NÝRRI SKÓLASTÝRU
STIGIÐ INN Í ÆVINTÝRAHEIM
EINNIG Í BRETLANDI Heiða Björk Ásbjörnsdóttir er ný skólastýra Íþróttaskóla Latabæjar en Latibær starfrækir einnig slíkan skóla í Bretlandi.
FRÉTTABLAÐIÐ/ANTON