Fréttablaðið - 06.09.2010, Blaðsíða 42

22 6. september 2010 MÁNUDAGUR
FÓTBOLTI Það virtist vera létt yfir
íslenska hópnum fyrir leikinn
gegn Noregi. Þeir grínuðust mikið
á æfingum og ekkert hefur breyst
eftir tapið á Laugardalsvelli hvað
andann varðar.
„Tapið gegn Noregi var gríðar-
lega svekkjandi. Það þýðir þó ekk-
ert að dvelja við þetta, við erum
búnir að koma okkur yfir tapið.
Núna er undirbúningur fyrir leik-
inn gegn Dönum hafinn og við horf-
um einbeittir á hann,“ segir Sölvi
Geir Ottesen sem bar fyrirliða-
bandið í Noregsleiknum.
Hann var að horfa á enn eina
rómantísku gamanmyndina með
Ragnari Sigurðssyni þegar Frétta-
blaðið ræddi við hann í gær. „Ragn-
ar er sérstakur maður. Á góðan
hátt,“ segir Sölvi um vin sinn og
herbergisfélaga þegar grenjandi
öskur heyrðust í Ragnari.
Sölvi segir að allt gangi sinn
vanagang hjá liðinu, aðstæður væru
góðar og allir væru heilir. „Þetta er
svipuð rútína, við æfum, fundum og
étum vel. Það er mikilvægt að hafa
orku fyrir þetta allt. Svo hvílum við
okkur inn á milli.“
Hann segir að létt sé yfir mönn-
um. „Það er gríðarlega mikilvægt
að andinn í hópnum sé góður. Við
fórum yfir það á fundum þegar við
hittumst að við þyrftum að þjappa
okkur saman og gera þetta sem ein
liðsheild. Það gefur okkur betri
möguleika á að ná árangri,“ segir
hann.
Íslenska landsliðið hefur verið
sakað um áhuga- og stemnings-
leysi en Sölvi þvertekur fyrir það.
„Í þann tíma sem ég hef verið með
landsliðinu hef ég aldrei tekið eftir
því að andinn sé ekki góður. Hann
var góður áður en er frábær núna,“
segir hann.
Liðið æfði tvisvar í gær á Tårnby
Stadion sem er skammt frá hóteli
þess. Það æfir á Parken í dag þar
sem leikurinn fer fram auk þess
sem það hefur fundað um leik sinn
og danska liðsins inn á milli.
Í kvöld fer svo fram spurninga-
keppni sem Gunnleifur Gunn-
leifsson markmaður stýrir. „Það
er komin ný leikmannanefnd sem
ætlar að sanna sig. Gulli má ekki
vera með í spurningakeppninni þar
sem hann veit allt, hann er góður
sem spyrill. Það eru yfirleitt þess-
ir eldri sem vinna. Ég býst ekki
við því að ungu strákarnir viti
neitt voðalega mikið,“ segir Sölvi
kíminn.
Sölvi spilar með
FC Köbenhavn og þekkir því nokk-
uð til danska liðsins, sem og Parken
þar sem liðið spilar heimaleiki sína.
„Ég hlakka til að spila á Parken
með landsliðinu, ég hef ekki gert
það áður en ég ætti að þekkja gras-
ið ágætlega. Ég fæ þó ekki að vera
á mínum stað í mínum klefa þar
sem við verðum í gestaklefanum.
En hann er fínn líka,“ segir fyrir-
liðinn.
„Danska liðið er mjög sterkt, það
er betur mannað en norska liðið.
Þeir hafa sýnt okkur það í gegn-
um árin hvað þeir eru góðir. Ég
þekki nokkra leikmenn en margir
eru auðvitað að spila erlendis. En
við sýndum það á móti Noregi að
við erum með sterkan hóp líka. Við
þurfum bara að laða fram það besta
í okkur,“ segir Sölvi.
Hann segir yngri strákana sem
hafa komið inn í landsliðið hafa
fallið vel að hópnum. „Það er mjög
gaman að fá þá inn. Það verður
spennandi að sjá hvort þeir haldi
dampi,“ segir Sölvi eins og sönn-
um fyrirliða sæmir og heldur
guttunum á jörðinni.
Hann segir að liðið vilji halda
markmiðum sínum innan liðs-
ins, en að eitt stig sé góður
árangur á Parken. „Þetta verð-
ur gríðarlega erfiður leikur.
Auðvitað viljum við koma heim
með stig af Parken, við erum ekk-
ert sáttir með tap. Þrjú stig væri
alveg magnað en eitt stig væri
fínt,“ segir fyrirliðinn Sölvi Geir
Ottesen. hjalti@frettabladid.is
Þeir ungu vita ekki neitt
Andinn í íslenska landsliðinu virðist vera með besta móti. Þeir eru komnir til
Danmerkur þar sem það mætir heimamönnum á morgun. Sölvi Geir Ottesen
fyrirliði segir að andinn sé enn betri en áður.
GLEÐI Marki Heiðars Helgusonar á föstudaginn fagnað. FRÉTTABLAÐIÐ/ANTON
HANDBOLTI Danska ofurfélagið AG Köbenhavn,
með þá Snorra Stein Guðjónsson og fyrirlið-
ann Arnór Atlason innanborðs, fór vel af stað
í dönsku úrvalsdeildinni um helgina. Það lagði
ríkjandi meistara í AaB 29-25 þar sem Arnór
skoraði eitt mark en Snorri var á meðal
bestu manna vallarins. Hann skor-
aði sjö mörk.
Félaginu hefur verið líkt við
Galactico-stefnu Real Madr-
id, að kaupa alla þá bestu sama
hvað þeir kosta. Pressan á lið-
inu er mikil en á meðal þeirra
sem liðið fékk í sumar voru Kas-
per Hvidt, Joachim Boldsen og
Mikkel Hansen.
Um 6.200 áhorfendur mættu á
leikinn og Snorri segir að stemning-
in hafi verið eins og í þýsku úrvals-
deildinni. „Það var klikkuð stemn-
ing í höllinni. Það sem Jesper Nielsen
er að gera með félagið er einsdæmi
og hann er að ná umgjörðinni í nýjar
hæðir. Stemningin var bara eins og í
þýsku úrvalsdeildinni,“ segir Snorri
en liðið vekur gríðarlega athygli í Kaupmannahöfn
og víðar.
„Við erum gríðarlega mikið í fjölmiðlum. Við
Arnór sleppum reyndar mikið við það, fjölmiðl-
arnir vilja tala við dönsku stjörnurnar frekar. En
við þurfum að vera í fjölmiðlunum, það fylg-
ir þessu og félagið vill fá alla
athygli sem það getur. Þetta er
markviss vinna hjá klúbbnum að
sækja í blöðin.“
Pressan á liðinu er líka mikil, með
allar stórstjörnurnar og peningana
sem hafa farið í félagið. „Ég vissi af henni þegar
ég kom. Það er eðlilegt miðað við hvernig liðið er
á pappírunum og markmiðin sem félagið gefur
út. Það var mikilvægt að byrja mótið vel og það
gekk upp. Við erum með gríðarlega sterkt lið og
það var gott að vinna einn af okkar helstu keppi-
nautum um titilinn.“
Snorri er búinn að koma sér vel fyrir í Kaup-
mannahöfn. „Okkur líður mjög vel hérna. Við
búum rétt hjá Arnóri og ég er bara rosalega
ánægður. Kaupmannahöfn er frábær borg og
mér líður bara hrikalega vel,“ segir landsliðs-
maðurinn Snorri Steinn Guðjónsson. - hþh
Snorri Steinn Guðjónsson átti frábæran leik fyrir stórliðið AG Köbenhavn:
Stemning eins og í Þýskalandi
Búmenn auglýsa íbúðir
Búseturéttur á markaðsverði
Hólmvað 8B, Norðlingaholti í
Reykjavík
Réttarheiði 40 í Hveragerði
Búmenn hsf
Húsnæðisfélag
Klettháls 1
110 Reykjavík
Sími 552 5644
Fax 552 5944
bumenn@bumenn.is
www.bumenn.is
BÚMENN AUGLÝSA ÍBÚÐIR
Suðurtún 27 í Sveitarfélaginu Álftanesi
Prestastígur 9 í Reykjavík
Simon Kjær, miðvörður Dana og leikmaður
Wolfsburg í Þýskalandi, segir að Sölvi sé frábær
leikmaður sem Danir þurfi að varast.
„Þetta verður mjög spennandi leikur. Þeir
eru með nýtt landslið og marga unga og efni-
lega leikmenn. Þeir eru líka með Sölva Ottesen
sem við þekkjum úr dönsku úrvalsdeildinni.
Hann skoraði mark fyrir liðið í síðasta leik, mikil-
vægt mark í Meistaradeildinni, og hann er virkilega
virkilega góður leikmaður. Ég ber mikla virðingu fyrir
honum,” segir Kjær. - hþh
Simon Kjær:
Ber mikla virðingu
fyrir Sölva