Fréttablaðið - 07.09.2010, Blaðsíða 4
4 7. september 2010 ÞRIÐJUDAGUR
HEYRNARSTÖ‹IN
Læknastö›in, Kringl
unni • Sími 568 7777
• heyrnarstodin.is
SAMGÖNGUR Ferðir Herjólfs milli
Vestmannaeyja og Landeyjahafn-
ar féllu niður í gær vegna uppsafn-
aðs gosefnis frá Eyjafjallajökli í
innsiglingu hafnarinnar. Vegna
veðurs var svo fallið frá því að
reyna að sigla á flóðinu síðdegis,
að sögn Guðmundar Nikulássonar,
framkvæmdastjóra Eimskips inn-
anlands. Hálfur annar mánuður er
síðan Landeyjahöfn var formlega
opnuð fyrir siglingar Herjólfs milli
lands og Eyja.
Næstu daga siglir Herjólfur eftir
„sjávarföllum og áætlun sem unnin
er í samráði við Siglingastofnun“
að því er fram kemur á vef Vega-
gerðarinnar. Gert er ráð fyrir því
að fara þrjá ferðir á dag og þarf
því ekki að sigla til Þorlákshafnar.
Áður voru farnar tvær ferðir á dag
þangað.
Dýpkunarskipið Perlan býður
færis í Reykjavík og gæti verið
komið í Landeyjahöfn á fimmtu-
dag, en veður hamlaði för í gær. Þó
fór sérfræðingur Siglingastofnunar
með lóðsinum í Vestmannaeyjum og
gerði bráðabirgðamælingar á dýpt í
Landeyjahöfn.
Guðmundur segir að í gær hafi
verið farið yfir flóðatöflur og búin
til áætlun, en ráð sé fyrir því gert
að hratt gangi við dýpkun innsigl-
ingarinnar þegar hafist verði handa
við hana á fimmtudag, jafnvel svo
að hægt verði að fjölga ferðum á
laugardaginn.
Vegna veðurhæðar og hliðar-
vinds segir Guðmundur hins vegar
að skipstjóri Herjólfs hafi fallið frá
ferðum í gær.
Herjólfi verður siglt
eftir sjávarföllunum
Uppsafnað gosefni frá Eyjafjallajökli í innsiglingu Landeyjahafnar stöðvaði
ferðir Herjólfs í gær. Ekki verða teknar upp ferðir til Þorlákshafnar á ný. Áfram
verða ferðir í Bakkafjöru, en eftir sjávarföllum og í samráði við Siglingastofnun.
Á vef Siglingastofnunar er bent
á að Herjólfur risti metra dýpra
en ferja sem áætlað var að smíða
sérstaklega fyrir þessar sigling-
ar. Guðmundur segir að inna verði
samgönguráðherra eftir því hvort
taka eigi upp að nýju ráðagerðir
um nýja ferju. Hins vegar nýtist
Herjólfur ágætlega enn um sinn,
þar sem ýmsum þáttum í hönnun
hafnarinnar hafi verið breytt svo
hann gæti farið þar um. Herjólfur
taki hins vegar á sig meiri vind en
skipið sem ráðgert var að nota og
því sé reiknað með að allt að 15 pró-
sent ferða kunni að falla niður yfir
vetrartímann.
„En það er ágætismál að prufu-
keyra þessa höfn með Herjólfi,“
segir Guðmundur, því þá verði
komin slík reynsla á siglingarnar
að allar þarfir liggi vel fyrir þegar
að því kemur að panta nýtt skip.
olikr@frettabladid.is
Siglingar Herjólfs út vikuna
Dagur/staður tími tími tími
Þriðjudagur 7. september
Frá Vestmannaeyjum 06.00 14.30 17.30
Frá Landeyjahöfn 07.30 16.00 19.00
Miðvikudagur 8. september
Frá Vestmannaeyjum 06.00 15.00 18.00
Frá Landeyjahöfn 07.30 16.30 19.30
Fimmtudagur 9. september
Frá Vestmannaeyjum 06.30 15.30 18.30
Frá Landeyjahöfn 08.00 17.00 12.00
Föstudagur 10. september
Frá Vestmannaeyjum 07.00 16.30 19.30
Frá Landeyjahöfn 08.30 18.00 21.00
Laugardagur 11. september
Frá Vestmannaeyjum 07.30 20.00 -
Frá Landeyjahöfn 09.00 21.30 -
FR
ÉTTA
B
LA
Ð
IÐ
/A
R
N
ÞÓ
R
STJÓRNSÝSLA Vestmannaeyjabær á
ekki við fjárhagsvanda að stríða,
samkvæmt sameiginlegu mati
Eftirlitsnefndar með fjármálum
sveitarfélaga og bæjaryfirvalda í
Vestmannaeyjum.
Þetta var niðurstaða fundar
sem fulltrúar nefndarinnar áttu
með bæjaryfirvöldum. Óskað var
eftir fundinum í kjölfar þess að
nefndin sendi bæjaryfirvöldum
bréf þar sem skuldir voru yfir
150 prósent af tekjum.
Nefndin ítrekar í tilkynningu
að fjárhagsstaða bæjarins sé
traust og engin vandkvæði í fjár-
málum Vestmannaeyjabæjar
fyrirsjáanleg. - bj
Eftirlitsnefnd um fjármál:
Ekki fjárhags-
vandi í Eyjum
VEÐURSPÁ
Alicante
Basel
Berlín
Billund
Frankfurt
Friedrichshafen
Gautaborg
Kaupmannahöfn
Las Palmas
London
Mallorca
New York
Orlando
Ósló
París
San Francisco
Stokkhólmur
HEIMURINN
Vindhraði er í m/s.
Hitastig eru í °C.
Gildistími korta er um hádegi.
32°
20°
18°
18°
14°
17°
18°
18°
24°
19°
29°
30°
33°
18°
22°
18°
17°Á MORGUN
10-15 m/s S-lands,
annars hægari.
FIMMTUDAGUR
5-10 m/s,
hvassast syðst.
15
15
14
18
17
17
14
12
13
13
8
9
8
4
5
4
8
7
6
10
17
6
14
13 14
12
12
13
12 14
12
12
HVASSAST SYÐST
Í dag og á morgun
verður strekkingur
eða allhvasst við
suðurströndina en
á fi mmtudaginn
lægir heldur. Ann-
ars staðar verður
fremur hægur vind-
ur. Á morgun má
búast við töluverðri
rigningu SA-til en
minni úrkomu ann-
ars staðar.
Soffía
Sveinsdóttir
veður-
fréttamaður
ALÞINGI Ögmundur Jónasson, nýr
samgönguráðherra, hyggst ekki
stöðva neinar vegaframkvæmdir
sem þegar eru komnar á áætlun.
Þetta sagði hann í svari til Bjarna
Benediktssonar, formanns Sjálf-
stæðisflokksins, á Alþingi í gær.
Bjarni spurði Ögmund um fyr-
irætlanir hans í vegamálum og
afstöðu hans til einkaframkvæmda
á því sviði, meðal annars í ljósi
þess að Ögmundur studdi ekki lög
um stofnun hlutafélaga um vega-
framkvæmdir á sínum tíma.
„Ég mun ekki bregða fæti fyrir
nein þau áform sem þegar eru
í pípunum,“ svaraði Ögmundur.
Hann myndi funda síðar um dag-
inn með Kristjáni Möller, fyrrver-
andi ráðherra, og til stæði að funda
með Vegagerðinni og lífeyrissjóð-
unum um þessi mál í dag.
„Það er rétt að ég hef haft efa-
semdir um ágæti einkafram-
kvæmda í vegamálum sem öðrum
málum,“ sagði Ögmundur. Hann
væri jafnframt hlynntur því að
nota lífeyrissjóðina til að byggja
upp stoðkerfið í samfélaginu.
Hann sagðist ekki leggja gjald-
töku í vegakerfinu að jöfnu við
gjaldtöku í heilbrigðiskerfinu, en
engu að síður þyrfti að huga að því
hvað slíkt gjald er hátt og hvert
það rennur. - sh
Ögmundur Jónasson samgönguráðherra fundar með lífeyrissjóðum í dag:
Mun ekki stöðva vegaframkvæmdir
ÖGMUNDUR JÓNASSON Útilokar ekki
vegtolla. FRÉTTABLAÐIÐ/GVA
NÝJA-SJÁLAND, AP Jarðskjálftinn
sem lagði um 500 hús í rúst í
borginni Christchurch á Nýja-
Sjálandi á föstudag gæti hægt
verulega á efnahagsbatanum á
svæðinu, segir John Key, forsæt-
isráðherra Nýja-Sjálands.
„Þetta mun hafa umtalsverð
áhrif á efnahag svæðisins og
landsins alls, en þau áhrif verða
tímabundin,“ segir Key. Hag-
vöxtur hefur verið jákvæður í
landinu síðustu sex mánuði, eftir
átján mánaða niðursveiflu.
Talið er að allt að 100 þúsund
af 160 þúsund heimilum í
Christchurch og nágrenni hafi
skemmst. Tjónið hefur ekki verið
metið, en það mun nema jafnvirði
tuga milljarða króna. - bj
Skjálftinn hefur víðtæk áhrif:
Hægir á efna-
hagsbatanum
ENDURREISN Yfirvöld í Christchurch
hafa þegar látið rífa hús sem hætta þótti
stafa af vegna skemmda. FRÉTTABLAÐIÐ/AP
NÁTTÚRA Rostungurinn sem kom í
land við Flateyjardal fyrir helgi
var heppinn að sleppa lifandi.
Fyrir hugað var að skjóta dýrið
þar sem það var talið illa sært.
Jón Gunnar Ottósson, forstjóri
Náttúrufræðistofnunar Íslands,
segir að um misskilning hafi
verið að ræða og við nánari
athugun hafi ekki reynst mikið að
rostungnum. Rostungurinn stakk
sér enda aftur til sunds og hefur
ekki til hans spurst síðan.
Ekki er óalgengt að rostungar
komi á land á Íslandi og reynast
þeir oft hinir gæfustu. Dýrin eru
alfriðuð. - sv
Rostungurinn á Flateyjardal:
Stakk sér til
sunds að nýju
ROSTUNGURINN Dýrið lét fara vel um
sig í fjörunni á Flateyjardal. MYND/VÍÐIR
Verð á kókaíni hækkar
Kókaín virðist aldrei hafa verið dýrara
en nú. Grammið kostar um 15.800
krónur samkvæmt nýrri verðkönnun
SÁÁ. Hins vegar hefur verð á kanna-
bisefnum lækkað mikið eftir sumarið
og kostar grammið nú 2.500 krónur.
LÖGREGLUFRÉTTIR
VIÐSKIPTI Actavis lýtur fullkomn-
um yfirráðum Deutsche Bank, ef
eitthvað er að marka tilkynningu
Deutsche Bank til framkvæmda-
stjórnar ESB. Þetta kom fram í
fréttum Stöðvar 2 í gær.
Ragnhildur Sverrisdóttir, tals-
maður Björgólfs Thors Björgólfs-
sonar, segir tilkynninguna snúa að
fjárhagslegri endurskipulagningu
á Actavis. Um sé að ræða „tækni-
legt atriði“ þar sem bankinn sé að
leggja fram til samþykktar samn-
ing um fjárhagslega endurskipu-
lagningu. - þþ
Deilt um eignarhald Actavis:
Þýskur banki
með yfirráðin
Allir á batavegi eftir bílslys
Allir farþegar bílsins og ökumað-
ur sem lentu í alvarlegu bílslysi á
Nýbýlavegi aðfaranótt föstudags,
eru nú á batavegi. Slösuðust tveir
alvarlega og var einum haldið sofandi
í öndunarvél. Þeir eru nú báðir einnig
á batavegi.
AUGLÝSINGADEILDIR FRÉTTABLAÐSINS – AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Hendrik Sigurðsson hendrik@frettabladid.is, Guðmundur Steinsson gudmundurs@365.is, Laila Awad laila@365.is, Örn Geirsson orn.geirsson@365.is, Sigmundur Halldórsson sigmundur@frettabladid.is
ALLT SÍMI 512-5402: Jóna María Hafsteinsdóttir jmh@365.is, Henný Árnadóttir henny@365.is, Þórdís Hermannsdóttir thordish@365.is SÉRBLÖÐ SÍMI 512-5016: Sigríður Hallgrímsdóttir sigridurh@frettabladid.is, Hlynur Þór Steingrímsson hlynurs@365.is, Bjarni Þór Sigurðsson bthor@365.is, Benedikt Freyr Jónsson benediktj@365.is
RAÐAUGLÝSINGAR /FASTEIGNIR SÍMI 512-5403: Hrannar Helgason hrannar@365.is, Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Sigurlaug Aðalsteinsdóttir sigurlaug@365.is, Arna Rut Kristinsdóttir arnarut@365.is, Guðný Gunnlaugsdóttir gunny@365.is
GENGIÐ 06.09.2010
GJALDMIÐLAR KAUP SALA
HEIMILD: Seðlabanki Íslands
204,7359
GENGISVÍSITALA KRÓNUNNAR
117,04 117,60
179,77 180,65
150,69 151,53
20,237 20,355
19,123 19,235
16,198 16,292
1,3886 1,3968
177,47 178,53
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR