Fréttablaðið - 07.09.2010, Blaðsíða 6

6 7. september 2010 ÞRIÐJUDAGUR
Skráðu þig á forgangslista og við sendum þér reglulega upplýsingar í tölvupósti um
tækifæri sem við getum ekki sett í auglýsingar. Upplýsingar og skráning á www.
kontakt.is.
Heildverslun með neytendavörur (ekki matvæli). EBITDA 80 mkr. Engar skuldir.
Þjónustufyrirtæki með yfir 500 fyrirtæki og stofnanir í föstum viðskiptum. Ársvelta 150
mkr.
Rótgróið glerfyrirtæki. Ársvelta 80 mkr.
Framleiðslufyrirtæki með eigin verslanir. Með yfir 50% markaðshlutdeild og góða
vaxtamöguleika. Ársvelta um 400 mkr.
Grænlenskt byggingarfélag með góða verkefnastöðu.
Þekkt heimilisvöruverslun með eigin innflutning. Ársvelta 80 mkr.
Vélsmiðja með góða verkefnastöðu. 7 starfsmenn.
Meirihluti í stóru iðnfyrirtæki. EBITDA 75 mkr.
Rótgróin heildverslun sem selur tæknivörur og rekstrarvörur til opinberra stofnanna.
EBITDA 15 mkr.
Tvö iðnfyrirtæki sem henta vel til sameiningar. Sameinuð ársvelta um 150 mkr. og
EBITDA um 25 mkr. Viðkomandi kaupandi þyrfti að leggja fram um 20 mkr. í peningum
og um 20 mkr. fasteignaveð til að ná meirihluta í báðum fyrirtækjunum.
Meirihluti í rótgrónu iðnfyrirtæki. Ársvelta 90 mkr. EBITDA 10 mkr. Litlar skuldir.
Fyrirtæki á heilbrigðissviði með langtímasamninga. EBITDA 12 mkr.
Verslun með heilsuvörur í góðum rekstri. Eigin innflutningur.
•
•
•
•
•
•
•
•
•
•
•
•
•
•
DANMÖRK Hópur danskra geim-
áhugamanna þurfti að hætta við
fyrirhugað eldflaugarskot á sunnu-
dag vegna bilunar í eldflaug. Hóp-
urinn hefur það að markmiði að
koma manni út í geim.
Áhorfendur biðu spenntir þegar
eldflaugin átti að taka á loft frá
fljótandi skotpalli skammt frá
Borgundarhólmi, en urðu fyrir
vonbrigðum þegar eldflaugin gaf
frá sér lítinn reykjarhnoðra og
gerði sig ekki líklega til frekari
afreka þann daginn.
Markmið hópsins, sem kallar sig
Copenhagen Suborbitals, var að
koma eldflauginni, sem er um níu
metra löng og vegur 1,6 tonn, í 30
kílómetra hæð. Með í för var dúkka
í mannsmynd. Lokamarkmið hóps-
ins er að senda fólk út fyrir gufu-
hvolf jarðarinnar, og þar með út í
geiminn, í skamma stund áður en
eldflaugin snýr aftur til jarðar.
„Við munum ekki skipta út dúkk-
unni fyrir alvöru manneskju fyrr
en við höfum séð eldflaugina ná í
rétta hæð nokkrum sinnum,“ sagði
Kristian von Bengtson, talsmaður
Copenhagen Suborbitals, við BBC
eftir að skotið hafði misheppnast.
Hópurinn áformar að bjóða
áhugasömum geimferðamönnum
upp á stuttar ferðir út í geim á
mun ódýrari hátt en aðrir. Á móti
munu ferðalangarnir sem taka sér
far með þeirra geimflaugum njóta
takmarkaðra þæginda, enda lítið
pláss í stjórnklefanum.
Geimferjan sem farþegar munu
sitja í er rétt rúmlega axlabreitt
rör sem geimfararnir væntanlegu
standa eða sitja í. Þeir munu geta
séð allt í kring og ætti útsýnið að
vera magnað ef eldflaugin nær
að koma geimferjunni í nægilega
mikla hæð til að fara út fyrir gufu-
hvolf jarðar. Ætlunin er að geim-
ferjan sveigi skömmu síðar aftur
að jörðu. Fallhlífar eiga að tryggja
að farþeginn lifi af lendingu geim-
ferjunnar á sjónum.
„Það gæti tekið meira en þrjú ár,
en gæti tekið innan við tíu ár. Það
er erfitt að segja af því við erum
ekki að reyna að drepa okkur á
þessu, við höfum bara gaman af
þessu,“ segir von Bengtson.
Við skoðun á eldflauginni kom í
ljós að leiðsla fyrir fljótandi súr-
efni, sem er afar kalt, hafði stífl-
ast og kom það í veg fyrir eld-
flaugaskotið. Ekki var hægt að
gera við eldflaugina á sunnudag
og því varð ekkert úr eldflaugar-
skotinu.
Dönsku geimáhugamennirnir
hafa fengið afnot af heræfinga-
svæði danska sjóhersins við
Borgundarhólm til 17. september,
og eru vongóðir um að koma eld-
flauginni á loft fyrir þann tíma.
Takist það ekki gætu þeir þurft að
bíða með eldflaugarskotið fram á
næsta ár. brjann@frettabladid.is
Hnökrar á danskri
geimferðaáætlun
Tilraun danskra geimferðaáhugamanna til að skjóta á loft eldflaug sem á að
geta flutt menn út í geim mistókst á sunnudag. Vonast til að geta komið manni
út fyrir gufuhvolfið innan tíu ára. Stefna á að gera aðra tilraun bráðlega.
6 mínútur í keilu
eða
Stöð 2, Stöð 2 Bíó og Stöð 2 Extra kosta aðeins 229 krónur á dag. Tryggðu þér áskrift í dag!
FYRIR
229
KRÓNUR
FÆRÐ ÞÚ:
frábæra skemmtun í
heilan sólarhring fyrir
alla fjölskylduna
VILDARÁSKRIFT AÐ STÖÐ 2 INNIHELDUR: AUK STIGVAXANDI AFSLÁTTAR. 512 5100 STOD2.IS VERSLANIR VODAFONE VERSLANIR OG ÞJÓNUSTUVER SÍMANS 800 7000
SKOTPALLUR Danskir geimáhugamenn höfðu fengið leyfi til að skjóta eldflaug á loft frá fljótandi skotpalli. Pallurinn var byggður
sérstaklega fyrir verkefnið á hafsvæði skammt frá Borgundarhólmi. NORDICPHOTOS/AFP
DÓMSMÁL Ríkissaksóknari hefur
ákært tæplega fertugan karlmann
fyrir brot gegn valdstjórninni og
gegn sóttvarnalögum.
Manninum, sem er íslenskur en
nú búsettur í Gautaborg í Svíþjóð,
er gefið að sök að hafa að morgni
sunnudagsins 10. maí á síðasta
ári veist með ofbeldi að lögreglu-
manni sem var við skyldustörf.
Atvikið átti sér stað á þáver-
andi heimili árásarmannsins í
Reykjavík.
Maðurinn er ákærður fyrir
að hafa stungið blóðugum fingri
sínum í munn lögreglumannsins.
Árásarmaðurinn vissi að hann var
smitaður af lifrarbólgu C og stofn-
aði þannig á ófyrirleitinn hátt lífi
og heilsu lögreglumannsins í aug-
ljósan háska enda hætta á því að
hann smitaðist af sjúkdóminum.
Skammt er um liðið síðan tveir
handrukkarar voru ákærðir fyrir
gróf ofbeldisverk gegn ungum
manni.
Annar handdrukkarinn stappaði
á manninum, hótaði að smita hann
af lifrarbólgu, ógnaði honum með
blóðugri sprautunál, sem hann
stakk síðan í eyrnasnepil hans. Sá
sem stunginn var greindist síðan
með lifrarbólgu C. Hann gerir
kröfu um ríflega fjögurra millj-
óna króna bætur. - jss
HÉRAÐSDÓMUR Maðurinn er ákærður
fyrir Héraðsdómi Reykjavíkur.
Karlmaður smitaður lifrarbólgu C veittist að lögreglumanni í Reykjavík:
Stakk blóðugum fingri upp í lögreglu
EFNAHAGSMÁL Tekjuhalli hins opin-
bera var 30 milljarðar á öðrum
ársfjórðungi ársins, sem er tals-
vert betri afkoma en á síðasta ári
þegar tekjuhallinn var 42 millj-
arðar á sama tíma. Þetta kemur
fram í tölum Hagstofunnar.
Þar segir jafnframt að tekju-
hallinn hafi einnig lækkað sem
hlutfall af landsframleiðslu, frá
11 prósentum í fyrra niður í 8
prósent nú. Þessa bættu afkomu
megi fyrst og fremst skýra með
auknum skatttekjum, en þær
hafa hækkað verulega milli
tímabila á sama tíma og dregið
hefur verulega úr fjárfestingu
hins opinbera, eða um tæplega
þriðjung.
Heildartekjur hins opinbera
námu 162 milljörðum á öðrum
fjórðungi í ár, samanborið við 147
milljarða króna á sama tíma 2009.
Tekjuhækkunin skýrist fyrst
og fremst af 6,6 milljarða króna
auknum tekjum af tryggingagjöld-
um milli ára og um 5,7 milljarða
króna meiri tekjum af tekjuskött-
um. Á sama tíma jukust heildar-
útgjöld hins opinbera um 2,3 pró-
sent milli ársfjórðunga, úr tæplega
189 milljörðum króna 2009 í ríflega
193 milljarða króna 2010.
Heildarskuldir ríkissjóðs námu
1.636 milljörðum í lok annars árs-
fjórðungs, eða 106 prósentum af
áætlaðri landsframleiðslu ársins.
- þj
Tekjuhalli hins opinbera minnkar milli ára:
Auknar skatttekjur laga halla
BATI Tekjuhalli hins opinbera á öðrum
ársfjórðungi er minni nú en í fyrra.
FRÉTTABLAÐIÐ/GVA
Er það rétt hjá fangelsisyfirvöld-
um að banna fæðubótarefni í
fangelsum?
JÁ 89,1%
NEI 10,9%
SPURNING DAGSINS Í DAG:
Ætlar þú í leikhús í vetur?
Segðu skoðun þína á visir.is
AKRANES Stjórn Dvalarheimilisins
Höfða á Akranesi segir aðkallandi
að byggja tíu hjúkrunarrými til að
fækka fjölbýlum á heimilinu.
„Það reynist sífellt erfiðara að
fá fólk til að búa í tvíbýli og þau
tvíbýlisherbergi sem boðið er upp
á eru álíka stór og krafa Félags-
og tryggingamálaráðuneytisins er
um einbýli í dag,“ segir í fundar-
gerð framkvæmdaráðs Akraness.
Framkvæmdasjóður aldraðra mun
veita 113 milljóna styrk en Akra-
neskaupstaður og Hvalfjarðarsveit
myndu greiða afganginn. - gar
Vilja byggja við dvalarheimili:
Æ færri fást í
tvíbýlisherbergi
KJÖRKASSINN