Fréttablaðið - 07.09.2010, Blaðsíða 36

20 7. september 2010 ÞRIÐJUDAGUR
menning@frettabladid.is
Tónleikar ★★★
Fúsi í 90 ár – afmælistónleikar Sigfúsar Halldórssonar
Flytjendur: Bergþór Pálsson, Sigrún Hjálmtýsdóttir og Jónas Ingi-
mundarson
Gleym mér ei
„Jæja, ertu kominn til að rifja
upp gömlu slagarana?“
Þetta heyrði ég eldri mann
segja við annan á undan tónleik-
um í Salnum í Kópavogi á laug-
ardaginn. Ég gat ekki betur séð
en að meðalaldur áheyrenda
væri býsna hár. Enda einmitt
gamlir slagarar á dagskránni. En
ekki bara slagarar. Lög Sigfúsar
Halldórssonar, sem hefði orðið
níræður um þessar mundir, eru
mörg hver forkunnarfögur. Það
er synd ef þau falla nú orðið
aðallega í kramið hjá gamla fólkinu.
Tveir ástsælir söngvarar stigu á svið, þau Bergþór Pálsson og Sigrún
Hjálmtýsdóttir, eða Diddú. Jónas Ingimundarson lék með á píanó og á dag-
skránni voru 28 lög. Þar á meðal voru Austurstræti, Tondeleyó, Vegir liggja til
allra átta og Dagný. Þessar perlur munu vonandi aldrei gleymast.
Diddú hefur hlýlega rödd sem hentaði tónlistinni fullkomlega. Hún söng
hvert lag af einlægni. Það var ekkert tilgerðarlegt í túlkun hennar. Söngurinn
var blátt áfram og ekta; maður naut hvers tóns.
Bergþór er líka flottur söngvari með glæsilega rödd. Mörg laganna fóru
honum þó ekki sérlega vel. Hann er kannski fyrst og fremst óperusöngvari;
hann á heima þar sem voldugar aríur eru á dagskránni. Hér var eins og hann
vissi ekki almennilega hvernig hann átti að vera. Lítil, viðkvæm lög eins og
t.d. Við Vatnsmýrina nutu sín ekki. Þar var tilgerðin allsráðandi. Bergþór var
bestur í óperukenndum lögum á borð við Í dag og Við eigum samleið. Þá
gneistaði af honum.
Jónas spilaði fallega á píanóið. Hófstilltur leikur hans hæfði minnstu
lögunum afar vel. Nostalgían sem svífur þar yfir vötnunum komst ágætlega
til skila í túlkun hans.
Píanóleikurinn er í sjálfu sér ekki sérlega bitastæður í lögum Sigfúsar.
Það er kómískt að heyra hversu oft hann endar á svipaðan hátt, á glimmer-
kenndum tónum efst á hljómborðinu. Svona klisjur reyna á ímyndunarafl
píanóleikarans. Hann þarf að gæða fábrotna píanórulluna mörgum litum, ef
hún á ekki að verða tilbreytingarlaus. Samt er mikilvægt að ýkja ekki, missa
sig ekki í tilgerð. Jónasi tókst það ágætlega.
Talandi um liti þá var sviðsmyndin fremur flöt. Gaman hefði verið að hafa
fjölbreytilega lýsingu, mismunandi liti í hverju lagi. Í staðinn var risastórri
mynd af Sigfúsi varpað á tjald fyrir ofan sviðið. Þar var hún alla tónleikana.
Myndin var yfirþyrmandi og maður átti hálfpartinn von á að hún breyttist í
Maó formann. Smá fjölbreytni hefði gert dagskrána ennþá meira spennandi.
Jónas Sen
Niðurstaða: Skemmtileg lög Sigfúsar Halldórssonar voru á dagskránni, en
söngurinn var ekki alltaf sannfærandi. Píanóleikarinn spilaði fallega en sviðs-
myndin leið fyrir hugmyndaleysi.
Erna Ómarsdóttir og Willi-
am Shakespeare eru meðal
höfunda verka sem Íslenski
dansflokkurinn (ÍD) sýnir í
vetur. Katrín Hall, listrænn
stjórnandi flokksins, segir
veg danslistar fara sífellt
vaxandi á Íslandi og merk-
ir aukinn áhuga hjá yngri
áhorfendum og körlum.
Fyrsta sýning vetrarins heitir
Transaquania – into thin Air og
verður frumsýnd 7. október. Þetta er
framhaldssýning af Transaquania
– out of the blue eftir Ernu Ómars-
dóttur, Damien Jalet og Gabríelu
Friðriksdóttur, sem sýnt var í Bláa
lóninu í apríl 2009.
„Sú sýning heppnaðist það vel
að við ákváðum að halda áfram að
vinna með kynjaveröldina sem var
búin til þarna,“ segir Katrín Hall,
listrænn stjórnandi ÍD. Gert er ráð
fyrir átta sýningum hér á landi.
„En það er aldrei að vita hvort hún
fari á flakk erlendis,“ bætir Katrín
við. „Ég og markaðsstjórinn hjá ÍD
vorum nýlega á dansmessu í Düssel-
dorf, þar sem við kynntum meðal
annars þetta verk og það vakti
mikla athygli þar. Við sjáum hvað
setur með framhaldið.“
Litháískur Shakespeare
Um áramót leiða ÍD og Leikfélag
Reykjavíkur saman hesta sína í
uppfærslu á Ofviðri Shakespeares
í leikstjórn Litháans Oscaras Kor-
sunovas. „Þetta verður mjög stór
og sjónræn sýning,“ segir Katrín.
„Korsunovas hefur getið sér orð
fyrir sérstakar sýningar og afger-
andi stíl. Þetta
verður mjög
spennandi og
ögrandi sýning
fyrir dansarana
og spennandi
fyrir ÍD og LR
að starfa saman
á þessum vett-
vangi.“
Í mars verð-
ur efnt til dans-
hátíðarinnar Sinnum þrír þar sem
boðið verður upp á þrjú verk á einu
kvöldi; nýtt verk eftir Jo Strömgren,
höfund Kvart, Heilabrot eftir tví-
eykið Brian Gerke og Steinunni Ket-
ilsdóttur og White for Decay eftir
Sigríði Soffíu Níelsdóttur.
Flokkurinn rekur smiðshöggið á
starfsárið með sýningu í menning-
arhúsinu Hofi á Akureyri í apríl.
„Við höfum farið reglulega til Akur-
eyrar undanfarin ár,“ segir Katrín,
„en hlökkum sérstaklega til að sýna
í Hofi. Loksins fáum við meira pláss
þannig að ég á von á því að geta
farið með örlítið umfangsmeiri sýn-
ingu, fjölskyldusýningu sem höfðar
til breiðs aldurshóps.“
Uppbyggingarstarf að skila sér
Að sögn Katrínar fer vegur danslist-
ar á Íslandi vaxandi, sem má meðal
annars merkja í aukinni aðsókn, auk
þess sem eftirspurn eftir sýningum
ÍD erlendis sé sífellt að aukast.
„Áhorfendahópurinn er aðeins
að breytast, fleiri yngri áhorfend-
ur eru að koma á sýningar og fleiri
karlar. En auðvitað viljum við alltaf
frá fleiri áhorfendur.
Ég held að þetta sé fyrst og
fremst afleiðing af því góða starfi
sem hefur verið unnið innan dans-
heimsins hér á landi undanfarin
ár sem og stofnunar listdansdeild-
ar innan LHÍ. Þetta er ung list-
grein hér á landi, sem tekur tíma
að byggja upp. Það uppbyggingar-
starf er smám saman að skila sér í
auknum áhuga hérlendis og orðspori
okkar á erlendum vettvangi.“
Nánari upplýsingar um vetrar-
dagskrá Íslenska dansflokksins má
finna á id.is. bergsteinn@frettabladid.is
Dansflokkurinn á ráslínu
KATRÍN HALL
TRANSAQUANIA Fyrsta verk vetrarins er
sjálfstætt framhald af hinu óvenjulega verki
Transaquania – Out of the Blue sem Íslenski
dansflokkurinn sýndi í Bláa lóninu í apríl 2009.
Kynntu þér rótsterkt
og ilmandi leikár
Skoðaðu nýja Borgarleikhúsblaði
ð á
borgarleikhús.is
eða pantaðu eintak á
dreifing@posthusid.is.
Skelltu þér á áskriftarkort!
Kl. 20
Kolbeinn Bjarnason heldur útskriftar-
tónleika í tónsmíðum klukkan 20
annað kvöld í Sölvhóli, tónlistarsal
Listaháskóla Íslands. Kolbeinn
útskrifast með BA-gráðu í tónsmíðum
frá tónlistardeild LHÍ í haust. Á tón-
leikunum verður frumflutt nýtt verk
eftir Kolbein sem ber yfirskriftina „El
mar y las campanas“ fyrir sópran,
hörpu, víólu og altflautu en meginefni
verksins eru þrír söngvar við ljóð
Pablo Neruda.
> Ekki missa af ...
Í kaffihúsi Gerðubergs stendur
nú yfir sýning á ljósmyndum
Gísla Hjálmars Svendsen sem
nefnist Ísland í ramma. Mynd-
irnar hefur Gísli tekið á ferðum
sínum um Ísland á síðustu
tveimur árum.
Kaffihúsið er opið virka
daga frá 10 til 16 og um helgar
frá 13 til 16.
Gerður Kristný og Sögufélag Borgfirðinga hlutu
ljóðaverðlaun Guðmundar Böðvarssonar og
Borgfirsk menningarverðlaun, sem veitt voru í
sjöunda sinn í Reykholti á sunnudag.
Minningarsjóður Guðmundar Böðvarssonar,
skálds og bónda á Kirkjubóli, og Ingibjargar
Sigurðardóttur, konu hans, veitir verðlaunin. Að
sjóðnum standa Rithöfundasamband Íslands,
Ungmennasamband Borgarfjarðar, Samband
borgfirskra kvenna, Búnaðarsamtök Vesturlands
og afkomendur þeirra hjóna. Sögufélag Borg-
firðinga, sem hlaut menningarverðlaunin, hefur
senn lokið útgáfu á Borgfirzkum æviskrám í 14
bindum. Snorri Þorsteinsson, formaður Sögufé-
lags Borgfirðinga, veitti verðlaununum viðtöku.
Gerður Kristný Guðjónsdóttir, sem hlaut ljóða-
verðlaunin, las úr væntanlegri ljóðabók sinni að
afhendingunni lokinni. Það er skammt stórra
högga á milli hjá Gerði, en í liðinni viku hlaut
hún vestnorrænu barnabókaverðlaunin.
Borgfirðingar veita verðlaun
GUÐMUNDUR BÖÐVARSSON