Fréttablaðið - 08.09.2010, Blaðsíða 6
6 8. september 2010 MIÐVIKUDAGUR
• Yfirborðsmeðhöndlun
• Gróðureyðir
• Þvottaefni
GERÐU KLÁRT FYRIR VETURINN
Við höfum réttu efnin gegn sliti, veðrun, olíu og
ryðblettum, bæði fyrir hellur og mynstursteypu.
Hafðu fallegt í kringum þig allt árið.
173.800 kr.Verð á manní tvíbýli, frá:
Nánar á expressferdir.is
eða í síma 5 900 100
Golf á Spáni
La Sella 7, 9, 12 eða 14 daga ferðir
Góðir rástímar, íslensk fararstjórn
Innifalið: Flug með sköttum
og öðrum greiðslum, frítt fyrir
golfsettið í flug, ótakmarkað
golf, gisting á 5* lúxushóteli
með hálfu fæði, frí afnot af
golfkerru, fríir æfingaboltar og
akstur til og frá flugvelli.
DÓMSMÁL Mál níu manna sem ákærðir eru
fyrir árás á Alþingi í búsáhaldabyltingunni
verður tekið fyrir í Héraðsdómi Reykjavík-
ur í dag.
Þinghaldið í málinu hefur ekki verið átaka-
laust til þessa. Í maí var lögregla kvödd til og
fjarlægði hún nokkra viðstadda úr troðfullum
dómsalnum með valdi eftir að þeir neituðu að
yfirgefa hann. Ragnar Aðalsteinsson, verj-
andi nokkurra sakborninga, kallaði aðfarirn-
ar mannréttindabrot í bréfi til ráðherra.
Ögmundur Jónasson, nýr dómsmálaráð-
herra, fór sem óbreyttur þingmaður ekki
leynt með óánægju sína með það að Alþingi
skyldi óska eftir því við ríkissaksóknara að
ákært yrði í málinu, meðal annars fyrir brot
gegn 100. grein almennra hegningarlaga, sem
kveður á um árás á Alþingis, svo því eða sjálf-
stæði þess sé hætta búin.
Spurður um málið nú segist Ögmundur
þurfa að fara varlega í yfirlýsingar sem ráð-
herra. „Ég skil tilfinningar fólks og óánægju
með að málið skyldi yfirhöfuð fara inn í þenn-
an farveg, en þarna er það,“ sagði Ögmundur.
„Þannig að mínar óskir standa bara í þá átt
að þessi leiðindamál verði leidd til lykta með
eins friðsamlegum hætti og hægt er.“ - sh
Mál níumenninganna sem ákærðir eru fyrir árás á Alþingi er tekið fyrir í Héraðsdómi Reykjavíkur í dag:
Ögmundur vonast eftir friðsamlegu þinghaldi
BORINN ÚT Uppþot varð í Héraðsdómi
í maí þegar málið var tekið fyrir. Tveir
voru handteknir.
FRÉTTABLAÐIÐ / VALLI
ALÞINGI Össur Skarphéðinsson
utanríkisráðherra uppskar hlátra-
sköll þingmanna á Alþingi í gær
þegar hann gaf í skyn í tvígang
að þingmeirihluti fyrir ríkis-
stjórnarsamstarfi Samfylkingar
og Vinstri grænna væri hæpinn í
meira lagi.
Guðlaugur Þór Þórðarson, þing-
maður Sjálfstæðisflokksins, gerði
að umtalsefni ummæli Álfheið-
ar Ingadóttur við ráðherraskipt-
in á Bessastöðum í síðustu viku,
þegar Álfheiður sagði að þau
hefðu meðal annars verið gerð til
að tryggja þingmeirihluta fyrir
fjárlagafrumvarpinu.
„Nú held ég að flestir hafi stað-
ið í þeirri meiningu að hér væri
meirihlutastjórn í landinu,“ sagði
Guðlaugur. „Hvar hefur þú verið?“
kallaði Össur þá utan úr sal svo
þingheimur hló við.
Guðlaugur bætti við að hefði
stjórnin ekki þingmeirihluta ætti
hún að að fara frá.
Össur sté skömmu síðar í pontu
og sagði: „Ég hef fulla trú á því að
Ögmundur Jónasson styrki ríkis-
stjórnina og læt mér því jafnvel til
hugar koma að ríkisstjórnin hafi
hugsanlega meirihluta fyrir fjár-
lögunum,“ við mikla kátínu við-
staddra. - sh
Hlegið að ummælum utanríkisráðherra um ríkisstjórnina á Alþingi:
Hæpinn meirihluti Össurar
GLETTINN RÁÐHERRA Dátt var hlegið að
gráglettnum – eða kannski hreinskilnum
– glósum Össurar í þingsalnum í gær.
FRÉTTABLAÐIÐ / GVA
SKÓLAMÁL Foreldar grunnskóla-
barna í Reykjavík hafa kvartað
undan einhæfum mat í mötuneyt-
um skólanna. Þá hafa menntaráði
Reykjavíkurborgar einnig borist
kvartanir frá matráðum, umsjón-
armönnum mötuneytanna.
Oddný Sturludóttir, formaður
menntaráðs Reykjavíkur, segir
hækkandi matarverð hafa haft
áhrif á mötuneytin. „Við höfum
hins vegar tekið pólitíska ákvörð-
un um að hækka ekki gjaldskrárn-
ar á móti. Matseðillinn er fábreytt-
ari en áður en hann er samt góður,“
segir Oddný.
Í Vesturbæ Reykjavíkur er nú
gerð tilraun í samræmdum hráefn-
iskaupum fyrir mötuneyti grunn-
og leikskólanna. Vonast er eftir
hagræðingu í innkaupum en um
leið verði hægt að bjóða upp á betra
hráefni. „Með þessu móti getum
við hagrætt og um leið fylgst betur
með því hversu gott hráefnið er,“
segir Oddný.
Hjá innkaupastofnun Reykjavík-
urborgar starfar næringafræðing-
ur sem fylgist með tilrauninni sem
lýkur í nóvember.
Guðfinna Guðmundsdóttir
matreiðslumeistari í mötuneyti
Engidalsskóla segir gríðarlega
mikilvægt að starfsfólk skóla og
mötuneyta geri sér grein fyrir
hversu miklu máli gott og nær-
ingarríkt hráefni skiptir varðandi
heilsu barna. Hún segir að þó svo
farið sé eftir hinum ýmsu stöðl-
um frá Lýðheilsustöð sé auðvelt
að komast í kring um þá með unnu
hráefni sem oftast sé ódýrara og
ekki eins næringarríkt.
Guðfinna leggur mikið upp úr
beinu sambandi við birgjana. Hún
telur mikinn mun vera á því hvort
maturinn sé eldaður beint í eldhúsi
skólanna eða hvort hann sé flutt-
ur þangað til upphitunar. Guðfinna
telur að ekki muni líða mörg ár þar
til allsherjar átak um matarvenjur
barna verði gert í skólum landsins.
„Hollur og vandaður matur á að
vera partur af skólastarfi. Krakk-
arnir þurfa virkilega að læra að
borða slíkan mat.“
Sigurveig Káradóttir matreiðslu-
meistari er sammála Guðfinnu.
Hún hefur, ásamt Sigurrósu Páls-
dóttur og Margréti Gylfadóttur,
skoðað málefni mötuneyta í grunn-
skólum á höfuðborgarsvæðinu á
síðustu misserum og finnst víða
pottur brotinn. Hún segir skóla
meira og minna bjóða upp á unnar
matvörur eins og bjúgu, nagga eða
pakkasúpur, forsteikt kjöt eða fisk
í raspi jafnvel innflutt. Einnig séu
réttir eins og lasagna og plokk-
fiskur oft búnir til utan skólanna
og hitaðir upp. Sigurveig tekur þó
fram að það sé misjafnt eftir skól-
um.
Sigurveig og samstarfskonur
hennar telja, eins og Guðfinna, að
yfirvöld þurfi að setjast að borðinu
og skoða matarmál skólabarna upp
á nýtt. - sv, - kh
Kvartað undan ein-
hæfum mat í skólum
Foreldrar og matráðar kvarta undan einhæfum mat í grunnskólum Reykja-
víkur. Hækkandi matarverð hefur haft áhrif á fjölbreytileikann. Formaður
menntaráðs bindur vonir við tilraun um samræmd innkaup fyrir mötuneyti.
FR
ÉTTA
B
LA
Ð
IÐ
/STEFÁ
N
LÁGAFELLSSKÓLI
Boðið upp á
hollan og góðan
mat í mötuneyti
Lágafellskóla.
Slátur og grjóna-
graut.
Ætlar þú í leikhús í vetur?
56%
44%
SPURNING DAGSINS Í DAG:
Ert þú vongóð(ur) um að sátt
náist um fiskveiðistjórnunar-
kerfið á næstunni?
Segðu skoðun þína á visir.is
KJÖRKASSINN