Fréttablaðið - 08.09.2010, Blaðsíða 10

10 8. september 2010 MIÐVIKUDAGUR
Í BIÐRÖÐINNI Þessi palestínski snáði
setti pott á höfuðið meðan hann beið
í biðröð eftir mat í súpueldhúsi í Hebr-
on á Vesturbakkanum. NORDICPHOTOS/AFP
BANDARÍKIN, AP Æðsti yfirmaður
herafla Bandaríkjanna og NATO í
Afganistan, David Petraeus, segir
lífi vestrænna hermanna þar stofn-
að í hættu, ef lítill trúarsöfnuður í
Flórída lætur verða af áformum
sínum um að brenna Kóraninn 11.
september.
Terry Jones, leiðtogi safnaðar-
ins, viðurkennir að Petraeus hafi
þarna nokkuð til síns máls. „Samt
finnst okkur kominn tími til að
Bandaríkin hætti að biðjast afsök-
unar á verkum sínum og lúti kon-
ungum,“ bætti hann þó við. „Við
verðum að senda hinum róttæka
hluta íslamstrúar skýr skilaboð.
Við viljum ekki lengur láta stjórn-
ast af ótta þeirra og hótunum.“
Söfnuðurinn hefur boðað til alls-
herjar bókabrennu á lóð kirkju
safnaðarins, þar sem brenna á
eintök af Kóraninum. Söfnuður-
inn segir að gagnrýni Petraeusar
hafi þó orðið til þess að málið sé í
skoðun.
„Myndir af logandi Kórani yrðu
vafalaust notaðar af öfgamönnum
í Afganistan og víðar um heim til
þess að æsa upp almenningsálitið
og hvetja til ofbeldis,“ sagði Pet-
raeus á þriðjudag, daginn eftir að
hundruð manna söfnuðust saman í
Kabúl, höfuðborg Afganistans, til
þess að mótmæla þessum áform-
um kirkjufólksins.
Kirkjusöfnuðurinn, sem nefn-
ist Dove World Outreach Center
og hefur aðsetur í borginni Gai-
nesville í Flórída, komst í fréttir
á síðasta ári þegar liðsmenn hans
dreifðu bolum með áletruninni:
„Íslam er frá djöflinum komið“.
Söfnuðinum hefur verið neitað
um leyfi til að efna til brennu, en
hafði þó sagst staðráðinn í að láta
verða af þessu áður en Petraeus
lýsti áhyggjum sínum.
Þetta er fámennur söfnuður af
meiði evangelískrar lúterstrúar.
Meðlimir eru á vefsíðu hans sagð-
ir rétt um fimmtíu talsins. Hann
hefur óspart notfært sér Internet-
ið til að vekja athygli á áformum
sínum.
Árið 2005 létu fimmtán manns
lífið og tugir særðust í óeirðum
í Aganistan eftir að bandaríska
fréttaritið Newsweek hélt því fram
að fangar Bandaríkjahers í Guant-
anamo á Kúbu væru niðurlægðir
með því að hafa eintök af Kóranin-
um inni á salerni og þeim jafnvel
sturtað niður.
Tímaritið dró þá frétt síðar til
baka. Víða urðu einnig óeirðir í
múslímaheiminum eftir að danskt
dagblað birti skopmyndir af Múh-
ameð spámanni haustið 2006.
gudsteinn@frettabladid.is
Yfirmaður NATO óttast
bókabrennu 11. september
Kristinn söfnuður í Bandaríkjunum ætlar brenna eintök af Kóraninum 11. september. Yfirmaður herafla
Bandaríkjanna í Afganistan óttast afleiðingarnar. Hundruð manna mótmæltu í Afganistan.
LEIÐTOGI BRENNUFÓLKS Terry Jones viðurkennir að áhyggjur herforingjans séu
réttmætar. FRÉTTABLAÐIÐ/AP
UMHVERFISMÁL Nefnd leidd af
skógræktarstjóra hefur sent drög
að nýrri stefnumótun í skóg-
ræktarmálum Íslendinga til
umsagnaraðila.
Í ljósi krafna um opna stjórn-
sýslu býður Skógrækt ríkisins
almenningi að gera athugasemd-
ir við drögin. Frekari upplýsing-
ar og drögin sjálf má finna á vef-
síðu Skógræktar ríkisins, skogur.
is. Athugasemdir þurfa að berast
í tölvupósti til Þrastar Eysteins-
sonar, sviðsstjóra skógræktarinn-
ar, fyrir 20. september. - þj
Stefnumótun í skógrækt:
Leita viðbragða
hjá almenningi
INDÓNESÍA, AP Eldfjallið Sinabung
sendi frá sér væna spýju af kol-
svartri ösku í gær, rúmri viku eftir
að það rumskaði fyrst eftir að hafa
legið í dvala í fjórar aldir. Kraft-
urinn var meiri en áður hefur sést
í fjallinu.
„Það heyrðust hrikaleg þrumu-
hljóð, eins og þúsund sprengjur
væru að springa í einu,“ sagði
Ita Seipu, 29 ára íbúi undir hlíð-
um fjallsins, sem hefur eins og
þúsundir annarra íbúa dvalist í
öruggri fjarlægð síðan byggðirn-
ar voru rýmdar fyrir nærri tveim-
ur vikum.
Fólkinu hefur verið komið fyrir
ýmist í neyðarskýlum eða skólum
og öðrum opinberum byggingum.
Fjallið kom vísindamönnum í
opna skjöldu þegar það tók upp
á því að gjósa í lok ágúst. Um
130 virk eldfjöll eru í Indónes-
íu, þannig að misjafnlega vel
hefur verið fylgst með landrisi og
skjálftavirkni í þeim.
Ekki er vitað hvort fjallið á eftir
að sýna af sér meiri ofsa næstu
vikur eða mánuði eða hvort það
mun mjatla úr sér gosefnum hægt
og rólega, eða jafnvel lognast út af
fljótlega. - gb
Eldfjallið Sinabung í Indónesíu heldur áfram af enn meiri krafti:
Hrikaleg þrumuhljóð í eldfjallinu
AKANDI Í ÖSKUNNI Í nágrenni fjallsins
þurfti fólk að setja upp grímur.
NORDICPHOTOS/AFP
FÓLK Skemmtinefnd Stangaveiði-
félags Reykjavíkur stefnir að því
að sameina alla stangveiðimenn
í einni allsherjar uppskeruhátíð
í lok október í tilefni að vertíðar-
lokum.
Að því er kemur fram á vef
stangaveiðifélagsins er ætlunin
að virkja ýmis stangveiðifélög og
veiðiklúbba til þess að koma og
skemmta sér saman. Yrði þetta í
fyrsta skipti sem slíkur atburður
yrði skipulagður á svo víðtækum
grunni. Sífellt fleiri leggja fyrir
sig stangveiði. Má til dæmis
nefna að í haust fór félagatala
Stangaveiðifélags Reykjavíkur
yfir fjögur þúsund í fyrsta skipti.
- gar
Vertíðarlok stangveiðimanna:
Skemmta sér
saman í haust
KERIÐ Í GLJÚFURÁ Sumarið hefur leikið
við veiðimenn. FRÉTTABLAÐIÐ/SVAVAR