Fréttablaðið - 08.09.2010, Blaðsíða 18
MARKAÐURINN 8. SEPTEMBER 2010 MIÐVIKUDAGUR2
F R É T T I R
Viðræður standa nú yfir um leigu
sendinefndar Evrópusambands-
ins (ESB) hér á landi á húsnæði í
miðborg Reykjavíkur. Stefnt mun
að því að skrifa undir leigusamn-
ing í vikulokin og áætlar nefnd-
in að opna upplýsingaskrifstofu
fyrir gesti og gangandi sem vilja
fræðast um ESB í nýju húsnæði
á næsta ári.
Sendinefnd ESB var sett á lagg-
irnar í desember í fyrra eftir að
stjórnvöld lögðu fram umsókn um
aðildarviðræður við ESB og tók
hún til starfa í byrjun árs. Nefnd-
in er fulltrúi ESB gagnvart stjórn-
völdum hér og miðlar upplýsing-
um til höfuðstöðva ESB í Brussel
um afstöðu og hagsmuni Íslands
í málum sem snerta samstarf Ís-
lands og ESB.
Hjá sendinefnd ESB eru ellefu
starfsmenn og er Timo Summa,
sendiherra ESB hér á landi. Skrif-
stofur nefndarinnar hafa frá upp-
hafi verið í bráðabirgðahúsnæði á
hótelinu Radison 1919 í miðborg
Reykjavíkur.
Nefndin hefur frá upphafi viljað
vera í miðborginni nálægt stjórn-
sýslubyggingum og á jarðhæð til
að auðvelda aðgengi áhugasamra
um ESB. - jab
ESB mundar pennann
MIÐBORGIN Sendinefnd ESB mun
opna skrifstofu í miðbænum.
FRÉTTABLAÐIÐ/ANTON
B A N K A B Ó K I N
Samanburður á
vaxtatöflum bankanna
*Miðað er við 250.000 króna innlegg og sem skemmsta bindingu. A Bundinn í tíu daga. B Bundinn í sjö
daga. C Bundinn í einn mánuð. D Úttektargjald hjá gjaldkera 0,25%
Athugið að ekki er tekið tillit til árgjalds, sem getur fylgt yfirdráttarreikningum.
Hæstu Yfirdráttarvextir Yfirdráttarlán
innlánsvextir eru hæstir fyrirtækja
Markaðsreikningur
3,10%A
12,85% 12,50%
Vaxtaþrep
4,05%
13,00% 13,00%
Vaxtareikningur
3,90%B
13,50% 13,50%
MP-1 11,50 til
4,30%C
13,00% 13,00%
PM-reikningur 13,35 til
4,35% 13,95% 14,70%
Netreikningur
4,60% D
13,65% 13,85%
Sparnaðarreikningur
3,70%
11,60% Ekki í boði.
„Við erum að leggja loka-
hönd á áfangaskýrsluna.
Hún verður afhent ráð-
herra í vikunni,“ segir
Maríanna Jónasdótt-
ir, fulltrúi Steingríms J.
Sigfússonar fjármálaráð-
herra og formaður starfs-
hóps á vegum fjármála-
ráðuneytis, sem leggja á
fram heildstæðar tillögur
að breytingum á skattkerfinu.
Starfshópurinn var settur á
laggirnar seint í apríl og átti að
skila fyrstu áfangaskýrslu
15. júlí. Erfiðlega gekk að
setja saman samráðsnefnd
hagsmunaaðila sem vinn-
ur með hópnum og var
skilafrestur því fram-
lengdur til 31. ágúst.
Maríanna segir sam-
vinnuna hafa skilað miklu
og hefur ekki áhyggjur
af töfum enda hafi ríkis-
stjórnin haft öðrum hnöppum að
hneppa upp á síðkastið. Lokatillög-
um á að skila fyrir áramót. - jab
Skattaskýrsla fæðist
MARÍANNA
JÓNASDÓTTIR
Þriðji tölvuleikurinn í Duke
Nukem-seríunni, Duke Nukem
Forever, kemur á markað á næsta
ári. Aðdáendur tölvuleikjarins
hafa þurft að bíða í þrettán ár
eftir þessari nýju útgáfu. Sýnis-
horn af leiknum má sjá á net-
inu.
Fyrsti Duke Nukem-
leikurinn kom út árið
1991 og fylgdi þrívíddar-
útgáfa í kjölfarið fimm
árum síðar. Tæknin þótti
framúrskarandi þá og átti
að gera enn betur með þriðju út-
gáfunni árið 1998.
Litlu munaði að Duke Nukem
Forever liti aldrei dagsins
ljós þegar framleiðandinn, 3D
Realms, fór á hliðina í fyrra.
Fyrrverandi starfsmaður
fyrirtækisins tryggði sér
útgáfuréttinn í kjölfar-
ið og mun ábyrgur fyrir
því að uppfylla vænting-
ar þeirra leikjaunnenda
sem muna eftir upp-
hringimótöldum. - jab
Duke Nukem Forever
loksins á leiðinni
Óli Kristján Ármannsson
skrifar
Norræna ferðaskrifstofan Kilroy Tra-
vel hefur í vikunni innreið sína á ný á
íslenskan ferðamarkað. Á morgun verð-
ur nýr vefur og þjónusta fyrirtækisins
kynnt á veitingastaðnum Faktorý.
Starfsemi Kilroy Travels er umtals-
verð utan Íslands, mest í Danmörku,
Noregi, Finnlandi og í Hollandi. „Og
þótt við höfum áður selt hér flugmiða
í mörg ár, þá höfum við aldrei sinnt ís-
lenska markaðnum á þann hátt sem við
ætlum núna að gera, með vefnum kil-
roy.is og framboði á margvíslegri þjón-
ustu,“ segir Claus Hejlesen, forstjóri
Kilroy Travel.
Hejlesen var staddur hér á landi í síðustu viku
vegna stjórnarfundar í fyrirtækinu sem haldinn var
hér á landi í fyrsta sinn. „Venjulega hittist stjórnin í
Kaupmannahöfn,“ segir hann.
Claus Hejlesen áréttar að þótt fyrirtækið sérhæfi
sig í þjónustu við námsmenn og ungt fólk þá kunni
sveigjanleiki og nálgun í skipulagningu ferða hjá Kil-
roy að henta mörgum. „Kannski ekki þeim sem ætla
að dvelja á fimm stjörnu hóteli, en ef einhver vill enda
bakpokaferðalag um Asíu á slíkri slökun, þá ættum
við að geta hjálpað,“ segir hann.
Stúdentaferðir voru í eina tíð aðalþjónusta Kilroy,
en nú hefur verið bætt við hana öðrum hlutum. Fé-
lagið veitir til dæmis víðtæka námsráðgjöf og ráð-
leggur þeim sem hyggja á nám fjarri heimahögum
um þá kosti sem í stöðunni eru, mögulega styrki,
atvinnumöguleika að loknu námi og
fleiri hluti.
Einhverjum kann að þykja bratt af
erlendri ferðaskrifstofu að hefja rekst-
ur á Íslandi í miðri kreppu, en Hejle-
sen kveður svo ekki vera. „Kreppan
hefur ekki jafnmikil áhrif á starfsemi
okkar og aðrar ferðaskrifstofur,“ segir
hann. Sérhæfing starfseminnar og sú
staðreynd að háskólanemar hætta ekki
að ferðast þótt að kreppi í hagkerfinu
segir hann gera að verkum að fyrir-
tækið finni minna fyrir sveiflunum en
aðrir. „Við græðum ekki jafnmikið á
uppsveiflunni, en töpum heldur ekki
jafnmiklu þegar þrengir að.“
Þá segir forstjóri Kilroy að sökum
staðsetningar sinnar njóti Ísland nokk-
urrar sérstöðu þegar kemur að ferðum ungs fólks.
„Þótt íbúatalan sé ekki há þá gerir tíðni ferðalaga og
fjöldi þeirra sem stunda nám í útlöndum að landið er á
sama stigi og Danmörk í þeim efnum,“ segir hann.
„Íslenskir, danskir og finnskir fjárfestar eiga fé-
lagið,“ segir Hejlesen, en fyrirtækið á söguleg tengsl
við rekstrarfélög stúdenta á Norðurlöndum og var
áður í þeirra eigu. Þannig átti Félagsstofnun stúd-
enta í eina tíð hlut í félaginu og minnast margir enn
Kilroy-ferða hjá Ferðaskrifstofu stúdenta. „Finnska
stúdentasambandið átti lengi meirihluta í félaginu, en
tengslin við stúdentasamfélagið teygja sig allt aftur
til fimmta áratugarins.“
Félagið Íslensk fjárfesting fer með ráðandi hlut í
fyrirtækinu, en stjórnarformaður Kilroy er Arnar
Þórisson.
CLAUS HEJLESEN Forstjóri Kilroy
Travel, fundaði í Reykjavík með
stjórn fyrirtækisins fyrir helgi.
FRÉTTABLAÐIÐ/PJETUR
Kilroy mætir aftur
Kilroy Travel snýr aftur á íslenskan ferðamarkað. Áhrif
kreppunnar eru minni í stúdentaferðum, segir forstjórinn.
Hafðu samband
símiVerðbréfaþjónusta Arion banka
er söluaðili sjóða Stefnis.
Stefnir - Ríkisvíxlasjóður.
Góður kostur fyrir
einstaklinga og fyrirtæki.
90% ríkisvíxlar og ríkisskuldabréf / 10% innlán
Stefnir - Ríkisvíxlasjóður er verðbréfasjóður skv. lögum nr. 30/2003, um verðbréfasjóði og fjárfestingarsjóði. Rekstrarfélag sjóðsins er Stefnir hf. Vakin er sérstök athygli á að almennt fylgir áhætta fjárfestingu í hlutdeildarskírteinum sjóða, t.d.
getur fjárfesting rýrnað eða tapast að öllu leyti. Fyrri ávöxtun sjóða gefur ekki áreiðanlega vísbendingu um framtíðarávöxtun þeirra. Nánari upplýsingar um sjóðinn, þ.á m. nánari upplýsingar um áhættu við fjárfestingu í hlutdeildarskírteinum
hans, má finna í útboðslýsingu eða útdrætti úr útboðslýsingu sjóðsins, sem nálgast má á www.arionbanki.is/sjodir.
ÍS
L
E
N
S
K
A
S
IA
.I
S
A
R
I
50
13
3
09
/1
0
Arion banka
444 7000,
arionbanki.is/sjodir