Fréttablaðið - 08.09.2010, Blaðsíða 42
8. september 2010 MIÐVIKUDAGUR22
sport@frettabladid.is
UNDANKEPPNI EM
EIRÍKUR STEFÁN ÁSGEIRSSON
skrifar frá Kaupmannahöfn
eirikur@frettabladid.is
Parken, áhorf.: 18.908
Danmörk Ísland
TÖLFRÆÐIN
Skot (á mark) 15–7 (7–3)
Varin skot Lindegaard 3 – Gunnleifur 5
Horn 3–2
Aukaspyrnur fengnar 16–7
Rangstöður 1–0
1-0 Thomas Kahlenberg (90+1.)
1-0
Douglas McDonald (6)
Einkunnir íslenska landsliðsins gegn Danmörku
Gunnleifur Gunnleifsson 8
Þegar reyndi á Gunnleif stóð hann vaktina vel. Hann varði nokkrum sinnum
mjög vel og var öruggur í sínum aðgerðum. Markið var klaufalegt en það er
ekki við hann að sakast. Átti þó nokkrar slakar markspyrnur.
Indriði Sigurðsson 6
Var í afar erfiðu hlutverki gegn hinum stórhættulega Dennis Rommedahl í fyrri
hálfleik. Lenti í smá basli en hefði mátt fá meiri hjálp í baráttunni.
Kristján Örn Sigurðsson 7
Spilar nánast undantekningarlaust vel með landsliðinu og slíkt var einnig
tilfellið í gær. Góður í návígjum og las sóknarleik Dana mjög vel. Gekk illa að
skila af sér bolta.
Sölvi Geir Ottesen 7
Var fastur fyrir í vörninni og skilaði sínu vel af sér. Barðist mjög vel og var
harður í horn að taka.
Birkir Már Sævarsson 7
Sinnti varnarhlutverkinu ágætlega og átti nokkra góða spretti upp kantinn í
leiknum. Sýndi að hann býr yfir góðum hraða og var nálægt því að skora.
Aron Einar Gunnarsson 8 - Maður leiksins
Einn af hans allra bestu landsleikjum. Kæfði miðjuspil Dana og stöðvaði ófáar
sóknir. Átti nokkrar fínar rispur fram á við í seinn i hálfleik.
Eggert Gunnþór Jónsson 8
Var í svipuðu hlutverki og Aron og var afar fastur fyrir í fyrri hálfleik. Afar dug-
legur og lét finna vel fyrir sér.
Jóhann Berg Guðmundsson 6
Betri en gegn Norðmönnum og það kom meira úr honum í þessum leik. Átti
þó í vandræðum í fyrri hálfleik en bætti fyrir það með í þeim síðari.
Gylfi Þór Sigurðsson 7
Hljóp mikið og sinnti ef til vill meira varnarhlutverki en maður í hans stöðu á
að venjast. Skilaði sínu ágætlega
Rúrik Gíslason 8
Sýndi að hann á heima í byrjunarliðinu. Samviskusamur með eindæmum og
einna duglegastur að sækja fram og byggja upp sóknir.
Heiðar Helguson 5
Duglegur eins og alltaf en fékk úr afar litlu að moða í fyrri hálfleik. Var meira
með í spilinu í seinni hálfleik en fór þá nokkrum sinnum illa að ráði sínu.
Varamenn:
Kolbeinn Sigþórsson fyrir Heiðar Helguson á 77. mín -
Birkir Bjarnason fyrir Jóhann Berg Guðmundsson á 90. mín -
FÓTBOLTI Ísland er enn stigalaust í
undankeppni EM 2012 eftir grát-
legt tap fyrir Dönum á Parken í
Kaupmannahöfn í gær, 1-0. Sigur-
markið var afar slysalegt og var
skorað í uppbótartíma í þokkabót.
Íslenska liðið spilaði vel í leikn-
um. Það hélt danska liðinu niðri
í níutíu mínútur og lét það hrein-
lega líta illa út lengst af. Það var
lítið um það léttleikandi spil sem
danska liðið er yfirleitt þekkt fyrir
og agaður varnarleikur Íslands sá
til þess að þeim gekk illa að byggja
upp sóknir sínar.
Reyndar skapaðist hætta nokkr-
um sinnum í fyrri hálfleik og allt-
af frá hægri kantinum. Dennis
Rommedahl reyndist erfiður við-
ureignar fyrir Indriða Sigurðsson
og félaga í íslensku vörninni og var
hann langhættulegasti leikmaður
Dana í fyrri hálfleik. En íslensku
strákunum tókst vel upp að loka á
hann í síðari hálfleik og þá höfðu
Danir afar fá úrræði.
Eins og búist var við voru Danir
mun meira með boltann í leiknum.
Íslendingum hefur ekki gengið vel
á Parken í gegnum tíðina og því var
ofurkapp lagt á að verjast skipu-
lega og kæfa spil danska liðsins.
Það gekk vel upp. Varnartengilið-
irnir Aron Einar Gunnarsson og
Eggert Gunnþór Jónsson voru afar
fastir fyrir aftarlega á miðjunni og
sáu til þess að ungstirnið Christi-
an Eriksen, sem Danir binda afar
miklar vonir við, náði sér aldrei á
strik og var skipt af velli snemma
í síðari hálfleik. Danska liðið, eins
og það íslenska, er nú að ganga í
gegnum kynslóðaskipti og það var
augljóst á leik liðanna í gær að
ungu strákarnir í íslenska liðinu
áttu mun betri dag en þeir ungu í
liði heimamanna.
Íslenska liðið sótti lítið sem ekk-
ert í fyrri hálfleik en strax í upp-
hafi þess síðari var kominn meiri
kraftur í sóknarleikinn. Á fyrstu
tíu mínútunum átti Ísland þó nokk-
ur færi sem komu Dönum í opna
skjöldu. Eftir það virtust íslensku
leikmennirnir stundum missa
kjarkinn í sóknaraðgerðunum og
eftir því sem á leið fækkaði þeim
jafnt og þétt.
En um leið var sífellt meira óða-
got á leik danska liðsins. Heima-
menn náðu þó að koma sér í tvö
ágæt færi en þegar venjuleg-
ur leiktími var að renna út benti
ekki margt til þess að þeir myndu
skora. Kolbeinn Sigþórsson hafði
komið inn á sem varamaður og var
ekki langt frá því að koma bolt-
anum í markið eftir aukaspyrnu
Jóhanns Bergs.
En svo kom skellurinn. Áður-
nefndur Rommedahl renndi bolt-
anum út í teig þar sem Thomas
Kahlenberg stóð einn og óvald-
aður. Íslenska vörnin virtist hafa
gleymt honum. Skot Kahlenberg
var þó ekki gott en breytti um
stefnu á Aroni Einari og einfald-
lega lak inn í markið. Afar svekkj-
andi og einfaldlega alger óþarfi.
Það eru því blendnar tilfinning-
ar fyrir stuðningsmenn íslenska
liðsins eftir leik. Það er ekki annað
hægt en að hrífast af íslenska lið-
inu eins og það spilaði í gær. Það
var vissulega lítil glansáferð á
leik liðsins en agaður og skipu-
lagður var hann. Engu að síður
er niðurstaðan tap og ekkert stig
eftir fyrstu tvo leikina. Ísland átti
meira skilið úr leiknum en í knatt-
spyrnu er ekki spurt að því.
Grimm örlög Íslendinga á Parken
Ótrúlegt klaufamark í uppbótartíma reyndist örlagavaldur íslenska landsliðsins í knattspyrnu er það sótti
Dani heim á Parken. Agað íslenskt lið hélt Dönum í skefjum í 90 mínútur og átti meira skilið úr leiknum.
BARÁTTA Heiðar Helguson og félagar börðust grimmilega í gær en stóðu eftir tóm-
hentir. NORDIC PHOTOS/AFP
BOLTINN LAK Í NETIÐ Kahlenberg fagnar hér sigurmarki sínu með félaga sínum. Birkir Már Sævarsson er bugaður enda markið
einkar grátlegt fyrir íslenska liðið. NORDIC PHOTOS/AFP
DANIR hafa skorað 19 mörk í röð gegn Íslandi á Parken. Það er ekki bara að Íslandi gangi illa að vinna á Park-
en heldur virðist íslenska landsliðinu fyrirmunað að skora þar. Hermann Gunnarsson gerði það síðast árið 1967 í
hinum fræga 14-2 leik.
19
FÓTBOLTI Ólafur Jóhannesson segir
að það sé erfitt að vera ánægður
eftir fyrstu tvo leiki Íslands í und-
ankeppni EM 2012. Liðið tapaði
báðum þessum leikjum en í gær
tapaði Ísland fyrir Dönum ytra,
1-0.
„Við erum stigalausir eftir tvo
leiki og þetta gengur út á að fá
stig. En ég er samt ánægður með
margt sem liðið hefur verið að
gera. Í kvöld vorum við mjög fínir
í 90 mínútur og ég held að frammi-
staða leikmanna hafi verið mjög
góð. Ég held að allir hafi gengið
sáttir af velli með frammistöð-
una,“ sagði landsliðsþjálfarinn
eftir leikinn í gær.
Hann segir leikskipulag íslenska
liðsins hafa gengið vel upp. „Við
vorum með fínar upplýsingar um
Danina og þó svo að liðið sé með
nokkra nýja leikmenn beita þeir
yfirleitt svipuðu leikskipulagi.
Okkur tókst að lesa það nokkuð vel
og við lentum ekki í teljandi vand-
ræðum með að loka á þá. Þeir voru
meira með boltann en við vorum
búnir að ákveða að við myndum
ekki stressa okkur á því.“
Eftir því sem leið á leikinn
urðu Danir óþolinmóðari og Ólaf-
ur sagiðst hafa reiknað með því.
„Við vissum að þeir myndu þá taka
ákveðna sénsa og yrðu óþolinmóð-
ir og svekktir. Þá fóru þeir að gefa
langar sendingar fram völlinn og
mér fannst það gefa okkur fleiri
sóknarfæri. En það vantaði smá
brodd í okkur þá – að þora að vera
á boltanum. En það kemur með
reynslunni. - esá
Ólafur Jóhannesson landsliðsþjálfari var svekktur eftir tapið gegn Dönum í gær:
Er ekki ánægður með árangurinn
GRIMMUR Eggert Gunnþór Jónsson stóð vel fyrir sínu í leiknum í gær.
NORDIC PHOTOS/AFP
HARÐUR Aron Einar Gunnarsson var
sterkur á miðjunni. Dennis Rommedahl
fær hér að finna til tevatnsins.
NORDIC PHOTOS/AFP
FÓTBOLTI „Þetta verður ekki mikið
verra,“ sagði Aron Einar Gunn-
arsson eftir tapið fyrir Dönum í
gær. „Við hlupum og börðumst
um allan völlinn og ætluðum að
sýna og sanna fyrir íslensku þjóð-
inni að við gætum þetta. En það
var afar grimmt að fá þetta mark
á okkur og ég veit varla hvort ég
eigi að hlæja eða gráta.“
Aron er ánægður með framlag
leikmanna í leiknum í gær.
„Við getum gengið stoltir af
velli og ég vona að íslenska þjóð-
in sé líka stolt af okkur. Nú þýðir
ekkert annað en að rífa sig upp
og ná þremur stigum gegn Portú-
gal því við eigum það skilið. Það
sem gerðist í kvöld var ekki sann-
gjarnt.“ - esá
Aron Einar Gunnarsson:
Þetta var ekki
sanngjarnt