Fréttablaðið - 15.09.2010, Blaðsíða 6

6 15. september 2010 MIÐVIKUDAGUR
létt&laggott
Ert þú sátt(ur) við niðurstöðu
þingmannanefndarinnar um
rannsóknarskýrslu Alþingis?
JÁ 46,3%
NEI 53,7%
SPURNING DAGSINS Í DAG:
Hefur þú orðið vitni að kyn-
þáttafordómum hér á landi?
Segðu þína skoðun á visir.is
VIÐSKIPTI Verslanir 10-11 hafa verið
teknar út úr Haga-samstæðunni
og verða þær settar í opið söluferli
á næstu mánuðum. Þetta jafngild-
ir því að Hagar verði í kringum
þrjátíu prósentum minni en áður.
Matvöruverslanir Haga verða
eftir þetta 38 í stað 61.
Með sölu 10-11 er ætlunin að
dreifa eignarhaldi á matvöru-
markaði og gefa fleirum kost á því
að láta að sér kveða á markaðnum,
að því er segir í tilkynningu frá
Arion banka.
Rekstri Haga var skipt upp í vor
og nokkrar einingar færðar inn í
aðskilin dótturfélög. Verslanir 10-
11 fóru inn í eitt félag.
Höskuldur H. Ólafsson, banka-
stjóri Arion banka, segir ekki
stefnt að því að selja fleiri versl-
anir úr Haga-samstæðunni aðrar
en verslanir 10-11 og þær tísku-
verslanir sem samið var um að
Jóhannes Jónsson, stofnandi Bón-
uss, fái að kaupa.
Enga klásúlu er að finna í
bókum Arion banka sem bann-
ar Jóhannesi að kaupa verslanir
10-11. Í samkomulagi hans við
Arion banka á dögunum felst hins
vegar að Jóhannesi og fjölskyldu
hans er meinuð samkeppni við
Haga á matvörumarkaði á næstu
átján mánuðum. Höskuldur telur
mjög líklegt að matvörukeðjan
verði seld áður en fresturinn renn-
ur út. - jab
Ólíklegt að Jóhannes í Bónus og fjölskylda hans kaupi matvörukeðjuna 10-11:
Hagar minnka um þriðjung með sölu 10-11
Verslanir 10-11 hafa verið starf-
ræktar frá árinu 1991 og verið hluti
af Hagasamstæðunni frá 1999.
Þær eru nú 23 talsins víða á
höfuðborgarsvæðinu, í Reykja-
nesbæ og á Akureyri. Starfsmenn
verslunarinnar eru 230 talsins.
Verslanir 10-11
STJÓRNMÁL „Þetta var argasti dóna-
skapur,“ segir Sigríður Magnús-
dóttir, formaður Arkitektafélags
Íslands, um framkomu Marðar
Árnasonar, þingmanns Samfylk-
ingarinnar, á fundi umhverfis-
nefndar Alþingis fyrir hálfum
mánuði.
Fulltrúar Arkitektafélagsins
voru kallaðir á fund umhverfis-
nefndarinnar 30. ágúst.
Félagið hafði áður veitt
umbeðna umsögn um frumvarp
til mannvirkjalaga og til skipu-
lagslaga sem ræða átti á fund-
inum. Sigríður og tveir félagar
hennar komu á fund nefndarinn-
ar.
„Mörður mætti okkur með
miklum fordómum gagnvart því
starfi sem arkitektar eru að vinna
og fór með miklar rangfærsl-
ur eins og jafnan er þegar menn
þekkja ekki vel til. Hann taldi að
allt sem illa hefði farið í mann-
gerðu umhverfi á Íslandi væri
vegna aðkomu arkitekta,“ lýsir
Sigríður.
Sigríður segist hafa sent for-
manni nefndarinnar, Ólínu Þor-
varðardóttur, sem er flokks-
systir Marðar, tölvuskeyti eftir
fundinn. „Ég sagði að þetta hefði
komið okkur verulega á óvart og
við værum hugsi yfir framkomu
þingmannsins,“ segir Sigríður.
Mörður Árnason segist ekki
hafa heyrt af bréfi formanns
Arkitektafélagsins. Það komi
honum mjög á óvart að arki-
tektarnir skuli hafi móðgast og
kveinkað sér undan orðum hans
sem sögð hafi verið í samræðum
í léttum dúr. Arkitektarnir hafi á
fundinum sagst hafa áhyggjur af
stöðu byggingarlistar á Íslandi.
„Ég sagði að arkitektar bæru
sinn hlut ábyrgðarinnar á því að
byggingarlist á Íslandi sé með því
móti sem raun ber vitni. Arkitekt-
ar eru ákaflega misjafnir eins og
aðrar starfsstéttir. Sumir þeirra
eru frábærir listamenn. Aðra
arkitekta hefur því miður hent
að láta faglegan heiður víkja fyrir
peningasjónarmiðum,“ útskýrir
Mörður.
Ólína Þorvarðardóttir seg-
ist engar athugasemdir hafa við
framgöngu Marðar. „Mín skoðun
er sú að hann hafi verið að tala
í hálfkæringi og verið frekar
grínaktugur um ljótar bygging-
ar sem væru teiknaðar af arki-
tektum.
Ég held að ummælum Marðar
hafi alls ekki verið ætlað að gera
lítið út arkitektum,“ segir formað-
ur umhverfisnefndar.
„Við höfðum ekki húmor fyrir
þessu en kannski er þetta ný teg-
und af íslenskri fyndni,“ segir
formaður Arkitektafélagsins.
gar@frettabladid.is
Arkitektar móðgast
á fundi þingnefndar
Formaður Arkitektafélagsins kvartaði undan framgöngu Marðar Árnasonar á
fundi hjá umhverfisnefnd Alþingis. Mörður segir suma arkitekta hafa látið fag-
legan heiður víkja fyrir peningasjónarmiðum. Það hafi verið sagt í léttum dúr.
ÓLÍNA ÞORVARÐ-
ARDÓTTIR
SIGRÍÐUR
MAGNÚSDÓTTIR
MÖRÐUR ÁRNASON Þingmaðurinn segist ekki skilja hvers vegna arkitektar kveinki
sér undan orðum hans. FRÉTTABLAÐIÐ/VALLI
DANMÖRK Danska lögreglan og
Evrópulögreglan EUROPOL aug-
lýstu í gær eftir upplýsingum
um sprengju-
manninn, sem
særðist lítillega
þegar sprengja
sprakk á hótel-
salerni í Kaup-
mannahöfn á
föstudaginn
var.
Myndir voru
birtar af mann-
inum, hann
sagður um þrítugt af suður- eða
austur-evrópskum uppruna. Ekki
þykir ljóst hvort hann hafi ætlað
að fremja hryðjuverk. Mögu-
legt þykir að hann sé útsendari
erlendrar leyniþjónustu.
Hann hefur gert sér far um
að fela uppruna sinn og meðal
annars fengið til lestrar trúar-
rit kristinna manna, múslima
og gyðinga. Hann talar frönsku
mjög vel, en ensku með frönskum
hreim og ágæta þýsku. - gb
Upplýsinga enn leitað:
Lítið vitað um
sprengjumann
SPRENGJUMAÐ-
URINN
ÍRAN, AP „Ég er þakklát,“ sagði
Sarah Shourd, 32 ára bandarísk
kona, sem látin var laus úr fang-
elsi í Íran í gær. Áður en hún fór
úr landi þakkaði hún bæði írönsk-
um stjórnvöldum og öllum öðrum
ríkisstjórnum og einstaklingum
sem unnu að því að fá hana látna
lausa.
Hún var handtekin snemma
á árinu ásamt tveimur öðrum
Bandaríkjamönnum, Shane
Bauer, sem er kærasti hennar, og
Josh Fattal, sem er vinur þeirra
beggja.
Þau voru sökuð um njósnir, en
fjölskyldur þeirra segja þau hafa
verið í fjallgöngu á landamærum
Íraks og Írans. Bauer og Fattal
eru enn í haldi. - gb
Bandarísk kona látin laus:
Sagðist þakklát
forseta Írans
SARAH SHOURD Laus úr fangelsi.
FRÉTTABLAÐIÐ/AP
DÓMSMÁL Karlmaður á sextugsaldri, Auðunn Þor-
grímur Þorgrímsson, hefur verið dæmdur í tveggja
ára fangelsi fyrir að kveikja í húsnæði við Tryggva-
götu í Reykjavík í janúar á síðasta ári.
Maðurinn hellti bensíni úr plastbrúsa inn í stiga-
gang húsnæðisins og á gólf á jarðhæð þess og
kveikti síðan í.
Maðurinn játaði sök í málinu. Hann kvaðst hafa
komist að því að fyrrverandi eiginkona hans, sem
þarna átti heima, hefði verið í tygjum við tvo aðra
karlmenn sem hún hefði einnig haft fé af. Þenn-
an morgun hefði hún hringt og vakið hann, „hálf
geggjuð“, eins og hann orðaði það. Sjálfur hefði
hann verið búinn að vera á nokkurra daga fyll-
iríi þegar þetta gerðist og eftir símtalið hefði hann
haldið áfram að drekka. Hann hafi þá í reiði tekið
„þá skyndiákvörðun að loka þessu greni“ með því að
kveikja í því.
Húsið var að hluta til ónotað, en nokkur íbúðar-
herbergi í því voru leigð út. Maðurinn kvaðst hafa
fullvissað sig um að fólk væri ekki í húsinu áður en
hann kveikti í því. Vitni bar að svo hefði ekki verið.
Enda taldi dómurinn að svo háttaði til í húsinu að
manninum hefði ekki verið unnt að ganga úr skugga
um það á skammri stundu. - jss
TRTYGGVAGATA Slökkviliðinu tókst að ráða niðurlögum eldsins
á Tryggvagötunni.
Karl á sextugsaldri fundinn sekur um að kveikja í húsi við Tryggvagötu:
Tveggja ára fangelsi fyrir íkveikju
STJÓRNMÁL Ólafur Ragnar Gríms-
son, forseti Íslands, segir deilur
Íslendinga við Breta og Hollend-
inga vegna Icesave-innstæðna
veki spurningar um aðildarum-
sókn Íslendinga að Evrópusam-
bandinu.
„Aðgerðir Breta og Hollend-
inga, sem voru um langt skeið
studdar af Evrópusambandinu,
hafa vakið spurningar í hugum
margra Íslendinga: Hvers konar
félag er þetta eiginlega?” sagði
Ólafur Ragnar í viðtali í gær
þar sem hann er staddur á World
Economic Forum í Tianjin í Kína.
- jhh
Forseti Íslands um ESB:
Hvers konar
félag er þetta?
MANNRÉTTINDI Jón Gnarr, borgar-
stjóri Reykjavíkur, afhenti Liu
Qi, fyrrverandi borgarstjóra í
Peking, höfuðborg Kína, bréf
þar sem handtöku Liu Xiaobo,
kínversks mannréttindafrömuð-
ar, var mótmælt.
Liu Qi, sem er aðalritari
Kommúnistaflokksins í Pek-
ing, fundaði með Jóni og öðrum
borgarfulltrúum Besta flokks-
ins í gær. Fundarefnið var jarð-
varmi og náttúruvernd.
Í dagbók borgarstjóra á Face-
book kemur fram að Jón hafi
afhent mótmælabréf vegna
handtöku Liu Xiaobo á fundin-
um. Hann var handtekinn árið
2009 og dæmdur í ellefu ára
fangelsisvist fyrir að vinna
gegn kínverska ríkinu. - bj
Heimsókn frá Kína:
Borgarstjóri af-
henti mótmæli
KJÖRKASSINN