Fréttablaðið - 15.09.2010, Blaðsíða 25
MIÐVIKUDAGUR 15. SEPTEMBER 2010
Eldhúsið er hjarta heimilisins
og því skiptir miklu að huga
vel að hönnun þess. Hér á
eftir eru nokkrar tískustefnur
sem eru ráðandi í eldhúsum
nútímans.
ELDHÚSIÐ SEM ÍVERUSTAÐUR
Í æ meiri mæli hefur fólk sam-
einað eldhús, borðstofu og setu-
stofu í einu rými. Þar af leiðandi
eyðir fjölskyldan mun meiri tíma
í herberginu. Þessi sameining á
mörgum herbergjum hefur einn-
ig þau áhrif að eldhússkápar fá
oft á tíðum fínna útlit í anda stofu-
skápa, og há vinnuborð og eyjur
hafa þróast í borðstofuborð með
barstólum.
HVÍTAR INNRÉTTINGAR
Hvítar eldhúsinnréttingar eru
óháðar tískusveiflum og gefa fólki
meiri möguleika. Til dæmis passa
hvítar innréttingar með ólíkum
stílum arkítektúrs, allt frá sveita-
til nútímastíls. Hvítir skápar gefa
líka fólki möguleika á að velja aðra
liti með, til dæmis á veggjum eða í
skreytingum.
RYÐFRÍTT STÁL Á ELDHÚSTÆKI
Eldhústæki úr ryðfríu stáli veita
eldhúsinu fágað yfirbragð auk þess
sem þau virka með mismunandi
stílum. Hið stílhreina útlit hent-
ar bæði á ísskápa, ofna og jafnvel
ruslafötur. Margir hafa áhyggj-
ur af fingraförum á hinu glans-
andi yfirborði en í dag er fram-
leitt ryðfrítt stál sem ekki kámast
auðveldlega.
BÚRSKÁPAR
Búrskápar eru frábær lausn. Þar
má geyma allt frá kryddi og nið-
ursuðudósum upp í bökunarvörur
og eldhúsrúllur. Annað skápapláss
og skúffur er þá hægt að nota fyrir
eldhúsáhöld af ýmsu tagi.
TÆKNIN Í ELDHÚSINU
Eftir því sem tækniöldin hefur
dunið yfir hefur fólk í meiri mæli
kosið að útbúa eldhús sín og bað-
herbergi rafmagnstækjum frem-
ur en hefðbundnu skrauti. Vin-
sæl rafmagnstæki eru flatskjáir
sem festir eru á vegg, hljóðkerfi
og tölvur. Önnur vinsæl stefna
á heimilum er að gera allt þráð-
laust.
INNFELLD ELDHÚSTÆKI
Ísskápar verða sífellt stærri en ný
tækni gerir þá hins vegar nánast
ósýnilega. Með því að fella ísskápa
og uppþvottavélar inn í innrétting-
ar verður heildarútlit eldhússins
mun sléttara og felldara. Auk þess
draga eldhústækin ekki athyglina
frá innréttingunni.
INNFELLD LÝSING
Ljós sem felld eru inn í loft eru
vinsæl. Þau eru látlaus en lýsa vel.
Fallegar ljósakrónur og áberandi
eru hins vegar fremur hafðar yfir
eyjum eða eldhúsborði.
Ríkjandi tískustefnur
Fyrstu ryðfríu pottarnir frá Rösle gjörbyltu öllu
fyrir 70 árum. Í dag eru pottarnir með Multiply
„samloku“-kerfi þannig að þeir eru fljótir að hitna
og kólna og dreifa hitanum einnig jafnt um pottinn,
alveg upp í topp. Rösle pottarnir henta á allar gerðir
eldavéla, rafmagns-, gas- og spansuðuhellur .
Algjörar
samlokur
Fólk sameinar í meiri mæli eldhús, borðstofu og setustofu. Þannig verður vinnuborð-
ið oft að borðstofuborði.
Hvítt eldhús opnar óteljandi möguleika til skreytinga. Með litríkum aukahlutum má lífga upp á rýmið en einnig er auðvelt að
breyta algerlega um stíl bara með því að skipta um gólfmottur og gardínur. NORDICPHOTOS/GETTY
Eldhústæki úr ryðfríu stáli veitir eldhúsinu fágað yfirbragð.Búrskápar nýtast sérstaklega vel undir
flest allt matarkyns.