Fréttablaðið - 17.09.2010, Blaðsíða 11
FÖSTUDAGUR 17. september 2010 11
Það erHafðu samband í síma 800 4000 og fáðu Fjarvinnu fyrir fyrirtækið þitt.
heimatengingar fyrir starfsmenn
Við aukum hraðann í Fjarvinnu í 12 Mb/s
Fyrirtækjum bjóðast 3 grunnpakkar fyrir heimatengingar starfsmanna og viðbætur sem auka
gagnaöryggi og tengimöguleika. Hægt er að stækka pakkana upp í allt að 120 GB og skipta
kostnaði á milli fyrirtækis og starfsmanna.
Hringdu í síma
ef blaðið berst ekki
VIÐSKIPTI Kaup Framtakssjóðs
Íslands og aðkoma lífeyrissjóð-
anna að endurreisn efnahagslífsins
í kjölfar kreppunnar var harðlega
gagnrýnd á morgunverðarfundi
Samtaka verslunar og þjónustu í
gær þar sem farið var yfir fjár-
festingarstefnu sjóðsins.
Fjárfestirinn Hallbjörn Karlsson
sagði aðkomu lífeyrissjóðanna að
atvinnuuppbyggingu og fjármögn-
un ýmissa framkvæmda, svo sem
vegalagningu, sem til þessa hafi að
mestu verið á könnu hins opinbera,
bera þess merki að ríkissjóður hafi
ekki lengur bolmagn til að standa
að þeim. Hafi byrðinni verið velt
yfir á lífeyrissjóðina. Það kunni
ekki góðri lukku
að stýra.
Þá taldi hann
ó l í k l e g t a ð
Framtakssjóð-
urinn og lífeyr-
issjóðirnir væru
réttu fjárhags-
legu bakhjarl-
arnir til fyrir-
tækjakaupa, svo
sem á Icelandair
Group og Vestia.
Innan Vestia er Húsasmiðjan auk
fleiri fyrirtækja. Enn á eftir að
koma efnahagsreikningi fyrirtæk-
isins Húsasmiðjunnar á réttan kjöl.
Hallbjörn sagði varasamt að setja
fjármagn í slíkan rekstur, ekki síst
í fyrirtæki sem eigi eftir að reisa
við. Fjárfestingar Framtakssjóðs-
ins séu áhættufjárfestingar. Líf-
eyrissparnað almennings eigi ekki
að nýta með þessu hætti.
Þá gagnrýndi Matthías Ims-
land, forstjóri Iceland Express,
kaup Framtakssjóðsins á hlut í
Icelandair. Matthías efaðist um
gæði flugfélagsins, sagði vísbend-
ingar um að óefnislegar eignir
Icelandair, svo sem viðskiptavild,
hefðu verið stórlega ofmetnar í
bókum félagsins. Þrátt fyrir fjár-
hagslega endurskipulagningu séu
þær hærra metnar en hjá flugfélög-
um á borð við norræna flugfélagið
SAS og British Airways. Matthí-
as bætti við að eftir að Framtaks-
sjóðurinn varð hluthafi í félaginu
hafi það kynnt nýja áfangastaði,
og nokkrir þeirra hefðu verið þeir
sömu og Iceland Express fljúgi til.
Finnbogi Jónsson, framkvæmda-
stjóri Framtakssjóðsins, gerði
ítarlega grein fyrir fjárfesting-
arstefnu sjóðsins og fyrirtækja-
kaupum hans. Hann svaraði því
til að lífeyrissjóðirnir væru ekki
að kaupa fyrirtækin. Þeir hefðu
sett á laggirnar félag sem sæi um
það. Hvað hann áhræri hafi hann
um árabil unnið að fjárfestingum
í fyrirtækjum. Vísaði hann þar til
Nýsköpunarsjóðs atvinnulífsins.
Þá hafi Framtakssjóðurinn ekki í
hyggju að eiga allt hlutafé fyrir-
tækja til lengri tíma. Öðrum hlut-
höfum verði boðið að kaupa hlut í
Framtakssjóðnum og sé ætlunin að
selja þau eftir fjögur til sjö ár.
jonab@frettabladid.is
ÞÉTTSETIÐ VAR Á FUNDI UM FJÁRFESTINGARSTEFNU FRAMTAKSSJÓÐSINS Framtaks-
sjóðurinn var gagnrýndur harðlega í gær. Sparnað landsmanna á ekki að nýta til
kaupa á hlutafé fyrirtækja í vanda og við endurreisn atvinnulífsins, segir Hallbjörn
Karlsson, fjárfestir. FRÉTTABLAÐIÐ/GVA
Ábyrgðinni velt af
ríkinu á lífeyrissjóði
Kaup á hlutafé fyrirtækja er áhættufjárfesting sem lífeyrissjóðirnir eiga ekki
að stunda. Hætt er við að tap fyrirtækjanna lendi á herðum sjóðsfélaga, segir
fjárfestir. Framtakssjóðurinn er ekki lífeyrissjóðirnir, segir Finnbogi Jónsson.
FINNBOGI
JÓNSSON