Fréttablaðið - 24.09.2010, Blaðsíða 10

10 24. september 2010 FÖSTUDAGUR
UPPLÝSINGATÆKNI Sala á 3G net-
tenglum fyrstu átta mánuði ársins
hefur þrefaldast hjá Vodafone frá
sama tímabili í fyrra. Nettengl-
arnir hafa einnig verið nefnd-
ir 3G-pungar, en um er að ræða
háhraðanettengingu fyrir tölvur
um þriðjukynslóðar farsímanet.
Fram kemur í tilkynningu
Vodafone að bæði árin hafi sala
nettenglanna verið mest yfir sum-
armánuðina og notkunin mest á
vinsælum sumarhúsasvæðum.
„Sala á 3G nettenglum (pung-
um) hófst hér á landi snemma árs
2008 og eftir að hafa farið frekar
rólega af stað hefur algjör spreng-
ing orðið í sölunni. Nettenglarnir
hafa lækkað mikið í verði, auk þess
sem þjónustuleiðir hafa breyst og
kostnaður við notkun hefur minnk-
að mikið,“ segir í tilkynningu
fyrirtækisins.
Um leið er varað við kostnaði
sem fylgt geti notkun nettenglanna
erlendis, sér í lagi utan evrópska
efnahagssvæðissins. „Innan EES
eru í gildi reglur sem tryggja, að
lokað er fyrir notkun nettenglana
þegar kostnaðurinn er kominn upp
í 50 evrur.“
Þá kemur fram að gagnanotkun
í farsímum hafi jafnframt marg-
faldast, bæði vegna aukinna
afkasta dreifikerfanna og betri
símtækja sem auðveldi notkun
tölvupósts og Netsins í símanum.
„Þá hafa vinsældir samskiptasíð-
unnar Facebook aukið gagnanotk-
un í farsímum til mikilla muna og
nú er svo komið, að 50 prósent af
öllum gögnum sem notendur hala
niður í símtækin sín eru tilkomin
vegna Facebook.“ - óká
Sala á 3G nettenglum
EFNAHAGSMÁL Í uppsveiflunni var
hér búið til umhverfi með afar
lágum sköttum. Bómullarumhverfi
sem skilaði litlu, að sögn
Steingríms J. Sigfússonar
fjármálaráðherra.
Steingrímur var harð-
orður í garð Viðskipta-
ráðs Íslands og Samtaka
atvinnulífsins (SA) á fundi
þeirra um skattamál í gær.
Hann gagnrýndi þær full-
yrðingar að aðhald í ríkis-
fjármálum hafi að mestu
komið í gegnum skatta-
hækkanir, sem ógni
rekstri fyrirtækja. Mælti
hann til þess að SA geri
upp þátt sinn í aðdraganda
efnahagshrunsins og skrif-
aði um það skýrslu líkt og
aðrir hafi gert.
Steingrímur benti á að á upp-
gangsárunum fyrir hrun hafi
skattar á fyrirtæki og eigendur
þeirra verið með þeim lægstu sem
þekktust í hinum vestræna heimi.
„Þetta átti að auka fjárfestingu og
skila því að erlendir aðilar myndu
streyma til landsins því hér væri
svo gott umhverfi,“ sagði Stein-
grímur og bætti við að reyndin hafi
orðið önnur.
„Eignarhald fyrirtækja streymdi
til útlanda, stór hluti þess varð að
skúffufélögum í öðrum löndum
og arður af starfseminni fór burt.
Íslensk fyrirtæki voru skuldsett
og notuð til að fjármagna útrás og
útflutning á fjármagni. Það er ekk-
ert orsakasamhengi sannað á milli
allra þeirra þátta sem menn ganga
út frá sem staðreyndum í þessum
efnum,“ sagði fjármálaráðherra
og bætti við að væri skattlagning,
öflugt velferðarkerfi og mikil sam-
neysla sú nagandi hönd sem sumir
héldu fram, þá væru Norðurlöndin
ekki í fremstu röð hvað lífskjör og
samkeppnishæfni snerti.
„Það þýðir ekkert að
halda þessu endalaust
fram,“ sagði Steingrím-
ur og sagði rekstur hins
opinbera arðsaman þar
sem hlutverk hans væri að
byggja upp innviði samfé-
lagsins. „Slík verkefni eru
leyst í gegnum samneysl-
una,“ sagði ráðherra og
lagði áherslu á að á sama
tíma og fyrirtæki hafi
greitt lægri skatta en áður
á árunum fyrir hrun og
hátekjufólk komist undan
skattaálögum hafi byrðin
lent á almenningi, launa-
fólki, ekki síst fólki með
meðaltekjur og þar undir.
jonab@frettabladid.is
Íslensk fyr-
irtæki voru
skuldsett og
notuð til að
fjármagna
útrás og
útflutning á
fjármagni.
STEINGRÍMUR J.
SIGFÚSSON FJÁR-
MÁLARÁÐHERRA
STEINGRÍMUR Fjármálaráðherra gagnrýndi harkalega kröfur Viðskiptaráðs og SA um
lægri skatta á fundi þeirra um skattamál í gær. Hann segir eignarhald og arðgreiðslur
hafa flust úr landi þegar skattar voru hér sem lægstir. FRÉTTABLAÐIÐ/GVA
Steingrímur vill að SA geri
upp hlut sinn í bankahruni
Ekkert orsakasamhengi er á milli hárra skatta og skertra lífskjara. Skattalækkanir fyrri ára skiluðu því að
hagnaður fyrirtækja fluttist úr landi og hátekjufólk greiddi lægri skatta, segir fjármálaráðherra.
Tillögur Samtaka atvinnulífsins og Viðskiptaráðs að umbótum á skattakerfinu komu út í ritinu Skattkerfi atvinnulífsins:
Fjárfesting – atvinna – lífskjör, sem kom út samhliða skattafundi SA og Viðskiptaráðs. Tillögurnar unnu samtökin með
um þrjátíu sérfræðingum í skattamálum og hagsmunaaðilum. Hér eru nokkrar tillögur:
■ Lagt er til að tekjuskattur fyrirtækja verði lækkaður úr 18 prósentum í 15.
■ Skilyrði um frádráttarbærni arðs á milli fyrirtækja veldur því að arður sem myndast hjá erlendum dótturfyrirtækjum
skilar sér ekki. Lagt er til að ákvæðin verði felld á brott.
■ Lagt er til að skattlagning verðlausrar kröfu myndi ekki skattskyldu.
■ Lagt er til að hámark vegna skattafrádráttar taki til einstakra rannsóknar- og þróunarverkefna og að fjárfestingar í
sjóðum eða félögum sem fjárfesta í nýsköpunarfyrirtækjum myndi rétt til skattaafsláttar.
■ Lagt er til að heimilt verði að draga vaxtagjöld frá tekjum við útreikning fjármagnstekjuskatts.
■ Vaxtagjöld af skuldum sem færast yfir við samruna félaga hafa neikvæðar afleiðingar.
■ Lagt til að gengishagnaður á gjaldeyrisreikningum verði ekki staðgreiðsluskyldur og myndi ekki skattskyldar tekjur
nema við úttekt með sama hætti og við sölu á hlutabréfum.
■ Lagt til að tekin verði upp skattaívilnun til starfsmanna fyrirtækja sem sendir starfsfólk í vinnu út fyrir landsteina.
■ Lagt til að fella niður auðlegðarskatt.
■ Lagt til að vörugjald á heimilistæki og byggingarvörur verði lagður niður. Þá verði sykurskattur tekinn upp í stað
vörugjalda á matvæli.
Skattatillögur Samtaka atvinnulífsins og Viðskiptaráðs Íslands
Nóatúni 4 · Sími 520 3000
www.sminor.is
A
T
A
R
N
A
Hrærivél
komin
aftur!
Tækifærisverð:
kr. stgr.
EFNAHAGSMÁL „Í röksemdafærslu
ráðherra er horft framhjá þeim
afleiðingum sem skattahækkanir
hafa á undirliggjandi skattstofna,
sem minnka í takt við aukna skatt-
heimtu og minni umsvif í hagkerf-
inu,“ segir Finnur Oddsson, fram-
kvæmdastjóri Viðskiptaráðs.
Finnur bendir á að séu skattar á
tiltekna vöru eða þjónustu hækk-
aðir um hundrað prósent og hækk-
unin valdi því að minna sé selt af
viðkomandi vöru eða þjónustu, þá
dragist tekjur ríkissjóðs saman í
hlutfalli við landsframleiðslu.
Hann fagnar að fjármálaráð-
herra taki undir ábendingar um
nauðsyn þess að laga ýmis mistök
við skattabreytingar í fyrra. „Við
höfum hreinlega ekki efni á öðru,“
segir hann. - jab
Skattheimtan og hagkerfið:
Verðum að laga
skattkerfið
FRÁ SKATTAFUNDINUM Fundur Samtaka
atvinnulífsins og Viðskiptaráðs var vel
sóttur og setið við hvert borð.
FRÉTTABLAÐIÐ/GVA
SKÓLAMÁL Nauðsynlegt var að
senda tólf börn heim af yngstu
deild leikskólans Engjaborgar í
gær. Ástæður voru veikindi sex
starfsmanna, en alls eru átján
stöður á leikskólanum.
Valborg Guðlaugsdóttir leik-
skólastjóri segir atvikið ekki eins-
dæmi í leikskólum landsins og
vissulega sé óheppilegt þegar þau
eiga sér stað. Þó hafi hún ekki átt
neins annara kosta völ en að senda
börnin heim þegar þriðjungur
starfsfólksins sé fjarverandi vegna
veikinda. - sv
Börn send heim af leikskóla:
Oft erfitt að
manna í stöður
Sigldi án yfirvélstjóra
Héraðsdómur Suðurlands hefur
dæmt skipstjóra til fimmtíu þúsund
króna sektar. Skipstjórinn er sakfelld-
ur fyrir að sigla skipi sínu undir-
mönnuðu í febrúar síðastliðnum.
Enginn yfirvélstjórinn var um borð.
Skipstjórinn játaði brot sitt. Hann var
hins vegar sýknaður af ákæru um
skjalafals.
DÓMSMÁL
Sala og notkun 3G nettengla fyrir tölvur margfaldast milli ára:
Mest notað yfir sumartímann
janúar febrúar mars apríl maí júní júlí ágúst
H
EIM
ILD
/VO
D
A
FO
N
E
Sala milli ára borin saman
Hlutfallsaukning fjölda seldra 3G
nettengla hjá Vodafone fyrstu átta
mánuði áranna 2009 og 2010.
2009
2010
GENGIÐ Á BÁTUM Vegfarendur í Dakka,
höfuðborg Bangladess, þurftu að fara
yfir þessa sérstæðu brú gerða úr bátum
yfir fljótið Buriganga þegar ófært varð
vegna mikils hýasintugróðurs.
NORDICPHOTOS/AFP
NOREGUR Norska lögreglan rann-
sakar nú atburði í bænum Mortens-
rud, þar sem fjölskyldufaðir myrti
eiginkonu sína og þrjú börn áður en
hann stytti sér aldur.
Móðirin og fárra mánaða gam-
alt ungbarn þeirra hjóna fundust í
íbúð þeirra síðdegis á miðvikudag
eftir að systir konunnar hafði sam-
band við lögreglu. Hún hafði ekki
getað náð sambandi við fjölskyld-
una síðan á þriðjudag, sem var
óvenjulegt.
Síðar um daginn fannst níu ára
dóttir þeirra í stöðuvatni, sem heitir
Gersjøen og er skammt frá Osló, og
var þá gerð áköf leit að föðurnum
og þriðja barninu, sjö ára stelpu, í
von um að hún væri enn á lífi.
Seint um kvöldið urðu þær vonir
að engu þegar feðginin fundust látin
á svipuðum slóðum og eldri dótt-
irin fannst. Margt bendir til þess
að morðin hafi átt sér stað strax á
mánudag. Norskir fjölmiðlar halda
því fram að maðurinn hafi verið frá
Íran en konan frá Marokkó. Maður-
inn er sagður hafa flust til Noregs
árið 1993 en konan 1998.
Haft er eftir vinum fjölskyldunn-
ar að maðurinn hafi verið rólyndur,
vingjarnlegur og hjálpfús. - gb
Myrti eiginkonu sína og þrjú börn og stytti sér síðan aldur:
Engin skýring hefur fundist
NORSKUR LÖGREGLUÞJÓNN Lögreglan
hefur ekki fundið skýringar á því sem
gerðist. NORDICPHOTOS/AFP