Fréttablaðið - 24.09.2010, Blaðsíða 32

4 •
Plötu frá Garðbæingunum í Cliff
Clavin er beðið með gríðarlegri
eftirvæntingu á skrifstofu Popps.
Lögin sem hljómsveitin hefur
hleypt í spilun undanfarin misseri
hafa verið frábær og platan hefur
verið lengi í vinnslu.
Nú er loksins farið að sjást í
land, eftir því sem útsendarar
Popps í tónlistarbransanum
komast næst. Hljómsveitin hefur
samið við útgáfufyrirtækið Kölska,
sem félagarnir Barði í Bang Gang
og Máni af X-inu stýra. Cliff Clavin
kemur fram á Iceland Airwaves-
hátíðinni nú í október og verður
vafalaust dugleg við spilamennsku
eftir að platan kemur út.
PLATAN Í SJÓNMÁLI
HJÁ CLIFF CLAVIN
PLATA Á LEIÐINNI Frumburður Cliff Clavin hefur látið bíða eftir sér allt of lengi.
MÚSÍK
Er nýjasta plata Arcade Fire, The
Suburbs, meistarastykki sveitarinn-
ar? Verður hljómsveitin sú stærsta
í heimi?
Kanadíska hljómsveitin Arcade
Fire hefur fengið frábærar viðtökur
við þriðju plötu sinni The Suburbs
sem kom út í byrjun ágúst. Sumir
gagnrýnendur telja hana meistaraverk
sveitarinnar sem seint verði toppað
á meðan aðrir benda á frumburðinn
Funeral og vilja meina að sú plata sé
enn efst á blaði.
Sextán lög eru á The Suburbs og
sem fyrr en indí-poppið með dimma
undirtóninum í forgrunni. Textarnir
eru forvitnilegir sem fyrr og byggja í
þetta sinn á barnæsku þeirra meðlima
Arcade Fire sem ólust upp í úthverfum
borgarinnar Houston í Texas.
Dómarnir sem platan hefur verið
að fá eru framúrskarandi, þar á meðal
fimm stjörnur í breska tónlistartímarit-
inu Q sem heldur því einmitt fram að
platan sé hugsanlega meistarastykki
Arcade Fire. Platan fær jafnframt
fjórar stjörnur í Mojo, Rolling Stone
og Uncut. Gagnrýnandi BBC er sömu-
leiðis jákvæður og telur plötuna þá
bestu frá Arcade Fire og líkir henni
við meistarastykki Radiohead, OK
Computer frá árinu 1997. „Það væri
hægt að kalla plötuna þeirra OK
Computer en hún er einfaldlega betri
en hún.“ Á síðunni Metacritic.com
þar sem teknar eru saman einkunnir
allra helstu gagnrýnenda fær platan
86 af 100 mögulegum. Ef miðað er
við þá einkunnagjöf er hún engu að
síður eftirbátur plötu númer tvö,
Neon Bible, og Funeral. Þar fær sú
fyrrnefnda 87 í einkunn en Funeral
fær 90. Hvað sem því líður er ljóst
að The Suburbs verður ofarlega á
mörgum árslistum yfir bestu plötur
ársins 2010 og hver veit nema hún
verði með tímanum almennt talin
besta verk Arcade Fire.
The Suburbs hefur ekki bara fengið
góða dóma því hún hefur einnig
selst vel. Hún komst á toppinn í sex
löndum þar á meðal í Bretlandi og
Bandaríkjunum, þar sem hún varð
fyrsta plata sveitarinnar til að ná
toppsætinu. Nýverið var Arcade Fire
svo tilnefnd til fernra Q-verðlauna,
þar á meðal fyrir bestu plötuna og
sem besta hljómsveit heimsins. Þar er
hún í flokki með Green Day, Kasabian,
Kings of Leon og Muse.
En hvernig skilgreinir maður bestu
hljómsveit heimsins eða þá stærstu?
Vinsældir hljóta þar að skipa þar
vænan sess og vissulega er Arcade
Fire vinsæl hljómsveit. Tónlistin er
aftur á móti ekki þeirrar gerðar að
hún höfði til nægilega breiðs aldurs-
hóps og því mun sveitin líklega aldrei
ná þeim stalli að verða talin sú stærsta
í heimi eins og U2 hefur jafnan verið
kölluð. Gæði tónlistarinnar eru samt
tvímælalaust fyrir hendi og þar er
hún líkast til á stalli með sveitum á
borð við Radiohead og jafnvel Sigur
Rós, sem ein besta hljómsveit heims.
Hérna er Chris Martin úr Coldplay í
viðtali sem var tekið við hann 2008
í tengslum við útgáfu plötunnar
Viva La Vida: „U2 sagðist einu sinni
ætla að sækja aftur um starfið sem
besta hljómsveit í heimi. Á Viva La
Vida erum við einfaldlega að sækja
aftur um að vera hljómsveit á nýjan
leik,“ sagði hann og bætti við: „Bestu
hljómsveitirnar í heiminum í dag eru
líklega Arcade Fire og Sigur Rós. Ég
hugsa að Coldplay sé aðeins númer
sjö í röðinni.“
WIN BUTLER Forsprakki Arcade Fire, Win Butler, á tónleikum með hljómsveit sinni í París í ágúst síðastliðnum. NORDICPHOTOS/GETTY
WOLF PARADE
Í stuttu máli: Stofnuð 2003 í
Montreal. Vakti fyrst athygli sem
upphitunarband fyrir Arcade Fire.
Staðreynd: Kom fram á Iceland
Airwaves árið 2006 á Gauknum.
Hlustaðu á: Apologies To Queen
Mary (2005)
FLEIRI KANADÍSKAR ÞRIÐJA PLATA ARCADE FIRE HEFUR FENGIÐ FRÁBÆRAR UNDIRTEKTIR:
ARCADE FIRE Í FREMSTU RÖÐ
Þrjú ár hafa liðið
á milli útgáfu allra
þriggja platna
Arcade Fire. Það má
því búast við þeirri
næstu 2013.
EINKUNN THE SUBURBS Á METACRITIC.COM
ISLANDS
Í stuttu máli: Stofnuð í Montreal
2005 en er núna staðsett í New
York.
Staðreynd: Arcade Fire og Wolf
Parade eru á meðal gesta á fyrstu
plötunni Return To Sea.
Hlustaðu á: Return To Sea (2006)
BROKEN SOCIAL SCENE
Í stuttu máli: Stofnuð í Toronto
1999 og hefur gefið út fjórar
plötur.
Staðreynd: Meðlimirnir eru á bil-
inu sex til nítján talsins. Allir spila
þeir einnig í öðrum böndum.
Hlustaðu á: You Forgot It In
People (2002)
86