Fréttablaðið - 24.09.2010, Blaðsíða 33
• 5
Segja má að Sports Champions sé stóri leikurinn
sem kemur út í fyrstu bylgju Playstation Move-
leikja. Hugsunin hjá Sony hefur eflaust verið sú að
þetta myndi sannfæra fólk um að Move væri alvöru,
ekki bara eitthvað Nintendo Wii rip-off. Hafi það
verið hugmyndin, þá hefur takmarkið náðst því
undirritaður er nú sannfærður um ágæti Move.
Sports Champions samanstendur af sex íþrótta-
greinum og allar greinarnar krefjast þess að notandi
sveifli höndunum eins og óður maður, þó mismun-
andi hversu ákafar sveiflurnar eru. Greinarnar eru:
boccia, bogfimi, blak, borðtennis, frisbí-golf og
skylmingar. Menn geta valið sér karakter til að spila
með í gegnum íþróttagreinarnar á móti sífellt sterk-
ari andstæðingum og safnað stjörnum sem opna fyrir
ýmsa aukahluti, svo sem ný föt og svo framvegis.
Það fyrsta sem maður tekur eftir varðandi Sports
Champions er hversu nákvæmur Move-pinninn er. Í
leikjum eins og borðtennis liggur við að hann sé of
nákvæmur því minnsti úlnliðssnúningur getur valdið
því að stórkostlega smassið manns breytist í laflaust
skot með baksnúningi. Annars er ekki hægt að segja
annað en að leikurinn líti vel út og spilist vel.
Í raun er lítið út á Sports Champions að setja fyrir
utan það að borðtennishlutinn er frekar leiðinlegur
og svo er það alltaf spurning hversu lengi fólk helst
við að spila leikinn. En þar sem fólk er nú enn að
spila Wii Sports ætti ekki að hafa neinar áhyggjur
af Sports Champions þar sem það er miklu meiri og
betri leikur. - vij
POPPLEIKUR: SPORTS CHAMPIONS
ÉG ER ÍÞRÓTTAÁLFURINN
ÆFÐU ÞIG Bogfimi er á meðal sex keppnisgreina í Sports
Champions.
GRAFÍK
HLJÓÐ
SPILUN
NIÐURSTAÐA
ENDING
SPORTS
CHAMP-
IONS
4/5
5/5
4/5
3/5
4/5
Rokktóberfest X-ins 977 verður
haldið á Sódómu dagana 30.
september til 2. október. Tilefnið
er hin tvö hundruð ára gamla hefð
frá Bavaríu í Þýskalandi þar sem
ár hvert eru drukknir milljónir lítra
af öli. Allar vinsælustu hljómsveit-
ir X-ins troða upp, þar á meðal
Cliff Clavin, Mammút, Ourlives,
Endless Dark, Bloodgroup og
Agent Fresco. Miðaverð á alla
hátíðina er 2.500 krónur í forsölu.
Hægt verður að kaupa tíu bjóra
kort á 3.500 krónur. Forsala á
hátíðina fer fram á Midi.is og í
verslunum Levi´s á Laugavegi og
í Kringlunni.
ÞRIGGJA DAGA
ROKKHÁTÍÐ
Rokksveitin Yeah Yeah Yeahs
kom aðdáendum sínum á óvart
með því að halda leynilega tón-
leika í New York í tilefni af tíu ára
afmæli sínu. Miðar á tónleikana
seldust upp á innan við hálftíma.
Sveitin spilaði helling af gömlum
lögum á tónleikunum, flest frá
fyrstu tveimur EP-plötum hennar
og frumburðinum Fever to Tell
sem kom út 2003. Söngkonan
Karen O fór á kostum á sviðinu
þrátt fyrir mikinn hita í salnum,
sem varð til þess að einn tónleika-
gesta féll í yfirlið.
FAGNAÐI TÍU
ÁRA AFMÆLI
MAMMÚT Verður með á Rokktóberfest.
YEAH YEAH YEAHS Rokksveitin heldur
upp á tíu ára afmælið sitt um þessar
mundir.