Fréttablaðið - 24.09.2010, Blaðsíða 36

8 •
Alfreð Finnbogason er búinn að vera einn besti leikmaður
Íslandsmótsins í sumar. Hann hefur skorað 14 mörk, flest
allra í deildinni, og lið hans Breiðablik situr nú á toppnum og
tryggir sér Íslandsmeistaratitilinn með sigri á morgun. Það
er þó ekkert í hendi því mótherjarnir í Stjörnunni eru til alls
líklegir ásamt því að fjarvera Alfreðs hefur vafalaust áhrif.
Það er möguleiki á því að þið verðið Íslandsmeistarar
og þú markakóngur á laugardaginn, en þú getur ekki gert
neitt í því.
„Já, það er mjög skrýtin tilfinning. Það er samt mjög af-
slöppuð tilfinning. Núna væri ég að hugsa um hvernig ég
get spilað leikinn, en í staðinn veit ég að ég get engu breytt.
Þess vegna tekur því ekki að stressa sig á því. Ég reyni að
hugsa það þannig.“
Þú ert ekki meira stressaður en ella?
„Nei, en ég get lofað þér því að á leikdag verð ég orðinn
rosalega stressaður. Sérstaklega meðan á leiknum stendur. Ég
var einhvern tíma í banni í fyrra og það var erfiðasti leikurinn
sem ég tók þátt í – að sitja uppi í stúku og horfa á strákana,
vita að maður getur ekki gert neitt til að hjálpa þeim, það er
mjög skrýtin tilfinning.“
Hversu reiður verðurðu ef Breiðablik tapar, ÍBV vinnur og
Atli Viðar úr FH skorar tvö og hirðir gullskóinn?
„Maður reynir oftast að undirbúa sig undir það versta og
vona það besta. Númer eitt, tvö og þrjú er að taka titilinn. Þá
má Atli Viðar skora eins mörg mörk og hann vill.“
Fótboltamenn tala um að það skiptir þá engu máli að taka
markatitilinn, en er það ekki bara rugl?
„Auðvitað vilja allir sem eru í baráttunni taka markatitilinn.
En ég er allavega ekki að fara að skora fleiri í sumar og það
munu örugglega einhverjir af hinum skora – það er bara
spurning hversu mörg. Þessi lokaumferð er oft mjög steikt
og lítið undir hjá mörgum liðum.“
Þú ert búinn að skora 14 mörk, ert markahæstur. Ertu besti
fótboltamaðurinn í íslensku deildinni í dag?
„Ég er ekki að fara að láta hafa eftir mér að ég sé bestur.
Það eru margir búnir að standa sig vel og það eru margir í
okkar liði sem eru búnir að eiga frábært tímabil.“
Er þetta síðasta sumarið þitt á Íslandi í bili?
„Það eru meiri líkur á því en minni. Það er mikið um
þreifingar í gangi núna og ég fer ekkert leynt með það
að takmarkið mitt er að komast út. Það væri draumur
að kveðja með Íslandsmeistaratitli.“
Er stefnan þá að komast út og verða milljónamær-
ingur?
„Þegar maður var yngri voru milljónirnar ekki það
fyrsta sem maður hugsaði um í sambandi við atvinnu-
mennsku. Það var bara hversu gaman það væri að
spila fyrir 30-40 þúsund manns á viku og að vinna við
það sem manni finnst gaman. Peningarnir sem eru
komnir í fótboltann í dag skemma ekki fyrir – þeir
eru góð gulrót í að komast sem lengst.“
Þetta Breiðablikslið virðist vera fullt af spöð-
um, þið klæðið ykkur í jakka fyrir viðtöl og
fagnið mörkum með því að rífa í merkið. Er
það meðvitað hjá ykkur eða er þetta
einskær tilviljun?
„Þetta er svo skemmtilegur ungur
hópur. Elsti leikmaðurinn í liðinu er fædd-
ur ́ 83. Við erum sjö, átta leikmenn sem
höfum spilað saman í gegnum alla yngri
flokkana. Við gerum mikið saman, förum
í keilu eða póker og ég held að það skili
sér inni á vellinum að vera með þéttan
hóp. Það eru ekki komin mörg börn,
þannig að menn eru ekki í bústað allar
helgar með konuna og börnin. Þetta
eru flest menn á sama reki.“
Er engin kergja þegar þú færð meiri
athygli en hinir, þótt þið séuð góðir
vinir?
„Ég er kannski ekki rétti maðurinn
til að svara því. Það eru alltaf einhverjir
sem stela athyglinni og það dreifist líka.
Markaskorararnir, ég og Kristinn Steindórs,
erum búnir að vera áberandi, en svo eru aðrir
í vanmetnum hlutverkum. Innan hópsins eru
HROKAFULLUR Í
AUGUM MARGRA
Fótboltakappinn Alfreð Finnbogason gæti orðið Íslandsmeistari með Breiðabliki og marka-
kóngur sumarsins á morgun. Hvorugt er samt undir honum komið því hann er í banni í loka-
leiknum á móti Stjörnunni og neyðist því til þess að sitja í stúkunni á meðan félagar hans
heyja lokaorrustuna upp á fyrsta Íslandsmeistaratitil Breiðabliks.
EN AÐ ÉG LENDI Í EINHVERJU KYNLÍFSHNEYKSLI? ÞAÐ SKAL ÓSAGT LÁTIÐ.
ÞEGAR MENN NÁ ÁRANGRI ER TEKIÐ EFTIR ÞEIM OG EINHVERJU ÞARF AÐ
TROÐA Í BLÖÐIN (HLÆR). ÞAÐ ER SVO MIKIL ATHYGLI Á ÞEIM AÐ ÞEIR ERU
EIGINLEGA SKYLDUGIR TIL AÐ PASSA SIG.
ORÐ: Atli Fannar Bjarkason
MYNDIR: Anton Brink
FÖT: Gallerí 17, KronKron og GK