Fréttablaðið - 28.09.2010, Blaðsíða 14
14 28. september 2010 ÞRIÐJUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Á fimmtudaginn birtist rannsóknargrein í hinu virta læknatímariti New Eng-
land Journal of Medicine um árangur hóp-
leitar að brjóstakrabbameinum í Noregi.
Samkvæmt niðurstöðum á hópleitin minni
þátt í lækkun dánartíðni en áður hefur
verið talið. Í tíufréttum Ríkissjónvarpsins
var þeirri spurningu varpað fram, hvort
endurskoða þyrfti fjárframlög til hópleitar-
innar hér á landi þar sem fjármunum væri
e.t.v. betur varið með öðrum hætti.
Greinin er einn biti í hinni flóknu púsl-
mynd um brjóstakrabbamein og ber að
skoða hana sem slíka. Hún er ekki öll
myndin. Aðrir góðir bitar í púslið eru m.a.
merkar niðurstöður rannsókna á vegum
Krabbameinsfélagsins, sem vakið hafa
mikla athygli. En myndin er samt ófull-
gerð.
Stöðugt þarf að endurskoða áherslur í
krabbameinsleitinni. Krabbameinsfélag
Íslands hefur beint því til heilbrigðisyfir-
valda að myndað verði sérstakt ráð sem
meti hagkvæmni leitar að krabbameinum
á frumstigi og veiti yfirvöldum ráðgjöf þar
að lútandi. Leitin hér hefur verið talin til
fyrirmyndar, en hún er framkvæmd sam-
kvæmt samningi við heilbrigðisráðuneytið.
Krabbameinsfélagið fagnar rannsóknum
á krabbameinum og hefur stutt vísinda-
starfið með ráðum og dáð í bráðum sextíu
ár. Krabbameinsleitin er byggð á gagn-
reyndri þekkingu og viðamiklum vísinda-
rannsóknum. Engin hópleit er eins vel
rannsökuð og leitin að brjóstakrabbamein-
um. Skemmst er að minnast umfjöllunar í
British Medical Journal nú síðsumars um
mikla lækkun dánartíðni hér.
Viðbrögð við greininni í New England
Journal of Medicine hafa verið áhugaverð.
Fjöldi fræðimanna, meðferðaraðila og sam-
taka nota tækifærið til að benda á mikil-
vægi hópleitarinnar. Einn höfunda greinar-
innar segist myndi fara í hópleit, væri hann
kona. Greinin er innlegg í umræðuna, en
ákvarðanir um að leggja niður mikilvæga
þjónustu má ekki taka á grundvelli hennar.
Öll samanburðarlönd okkar halda áfram að
leggja mikla áherslu á þennan þátt þjónust-
unnar.
Krabbameinsfélag Íslands býr yfir mik-
illi þekkingu á hópleit að krabbameinum,
og er reiðubúið að miðla henni og taka
þátt í umræðunni. Á næstunni munum við
kynna áherslur okkar varðandi krabba-
meinsvarnir kvenna í hinum hefðbundna
bleika októbermánuði. Hvetjum við lands-
menn til að tileinka sér þá fræðslu sem við
bjóðum og leggja okkur lið við árangursrík
verkefni.
Púslmynd af brjóstakrabbameini
Brjósta-
krabbamein
Ragnheiður
Haraldsdóttir
forstjóri
Krabbameinsfél-
ags Íslands
Óskar eftir hressum
söngfélögum í allar raddir.
Sópran, Alt, Bassa og Tenó. Í amstri lífsins er svo gott að
gleyma sér og vera glaður vinhópi í HRE.
Markmið kórsins er að skemmta sér og öðrum með söng og
gleði ásamt ferðalögum innanland sem utanlands.
Stjórnandi Kórsins er Magnús Kjartansson hljómlistamaður.
Komið í kaffisopa og spjall í Lágafellsskóla í Mosfellsbæ
miðvikudaginn 29. september nk. kl: 20.00.
Upplýsingar í síma 862 1600 Hjördís og 898 9998 Ásgeir
Æskan á Alþingi
Víðir Smári Petersen, þriðji varaþing-
maður Sjálfstæðisflokksins í Reykja-
neskjördæmi, settist á Alþingi og er
yngsti maðurinn sem gegnt hefur
starfi þingmanns, tæplega 22 ára
gamall. Víðir Smári virðist maður ekki
einhamur, hann varð stúdent 17 ára,
er að ljúka meistaraprófi í lögfræði
og er útskrifaður frá tónlistarskóla
í klarinettleik. Þá hefur hann sinnt
ýmsum trúnaðarstörfum
í stjórnmálum
og félagslífi,
auk þess
að vinna
tvö sumur á
Fréttablaðinu.
Ungir og efnilegir
Með þingsetu sinni er Víðir Smári
kominn í athyglisverðan og býsna
breiðan hóp manna sem sest hafa á
þing liðlega tvítugir. Yngsti maðurinn
sem hefur náð kjöri sem þingmað-
ur er Gunnar Thoroddsen, sem var
23 ára gamall þegar hann settist
á þing með fullt umboð. Þetta
met Gunnars stendur óhaggað.
Gunnar átti síðan einstæðan feril
í opinberu lífi á Íslandi, varð borg-
arstjóri, hæstaréttardómari,
fjármálaráðherra,
varaformaður
Sjálfstæðis-
flokksins og svo
forsætisráðherra.
Breiður hópur
Metið sem Víðir Smári sló í gær átti
hins vegar sem yngsti varaþingmaður-
inn Sigurður Magnússon. Hann settist
á þing árið 1971 sem varaþingmaður
Alþýðubandalagsins í Reykjavík, um
23 ára gamall, og var varaþingmað-
ur af og til næstu ár en haslaði sér
svo völl sem myndlistarmaður.
Sigurður sneri aftur í stjórnmálin
á sextugsaldri og var bæjarstjóri
Álftaness framan af síðasta
kjörtímabili. Eftirlitsnefnd
um fjármál sveitarfélaga
tók yfir ábyrgð á rekstri
sveitarfélagsins áður en
kjörtímabilinu lauk.
peturg@frettabladid.is
Ý
msar ályktanir er hægt að draga af niðurstöðum skoðana-
könnunar Fréttablaðsins á fylgi flokkanna, sem sagt var
frá í gær. Í fyrsta lagi vekur það athygli að þrátt fyrir að
stjórnarflokkarnir séu ósammála um mörg stærstu málin
í íslenzkri pólitík, hver uppákoman reki aðra í stjórnar-
samstarfinu og ýmis mikilvæg mál sitji föst vegna þess að ríkis-
stjórnin hefur í raun ekki þingmeirihluta fyrir þeim, styður áfram
um helmingur þeirra sem afstöðu taka stjórnarflokkana. Þetta
bendir til að stjórnarandstöðunni hafi mistekizt að nýta sér veik-
leikana í stjórnarsamstarfinu og
bjóða upp á trúverðugan valkost.
Þetta er ekki gæfulegt ástand,
allra sízt þegar þjóðin þarf svo
sárlega á því að halda að haldið
sé af festu um stjórnartaumana
og framtíðarsýnin sé skýr.
Í öðru lagi kemur vantrúin á
flokkunum fram í því að nærri
annar hver kjósandi hefur ekki þá trú á neinum flokki, að hann
treysti sér til að nefna hann. Um helmingur svarenda tók þannig
ekki afstöðu.
Líkast til er óþolið gagnvart hinum hefðbundnu flokkum líka
ástæðan fyrir því að fylgi Hreyfingarinnar tekur skyndilegan kipp,
eftir að litið hafði út fyrir að flokkurinn væri að deyja út.
Ólafur Þ. Harðarson, prófessor í stjórnmálafræði, segir í Frétta-
blaðinu í gær að niðurstöður könnunarinnar sýni meðal annars að
jarðvegur geti verið fyrir nýtt framboð á borð við Bezta flokkinn,
sem vann ótrúlegan kosningasigur í borgarstjórnarkosningunum í
Reykjavík síðastliðið vor.
Sigur Bezta flokksins sýnir þeim sem gætu viljað ögra gamla
fjórflokkakerfinu hverju er hægt að áorka, jafnvel án pólitískrar
reynslu, efnismikillar stefnu eða mikilla fjármuna. Kjósendur eru
einfaldlega opnir fyrir nýjungum.
Grundvöllur nýrra framboða getur verið margs konar. Flokkur,
sem byði fram hæft fólk undir merkjum siðbótar í stjórnmálum gæti
líkast til náð árangri. Sama má segja um framboð, sem nýtti sér að
ýmis stór mál kljúfa einn eða fleiri flokka. Niðurstöður úr könnun
Fréttablaðsins, sem birtar eru í dag, sýna til dæmis að Framsókn-
arflokkur og Sjálfstæðisflokkur eru klofnir nokkurn veginn til
helminga um afstöðuna til aðildarviðræðna við Evrópusambandið.
Miðju-hægriflokkur sem hefði á dagskrá að ljúka aðildarviðræðum
og ná fram góðri niðurstöðu fyrir Ísland gæti nýtt sér það. Sama
má segja um Evrópusinnaðan umhverfisflokk, sem miðað við nið-
urstöðu könnunarinnar gæti náð fylgi af Vinstri grænum.
Allt gefur þetta hefðbundnu flokkunum ástæðu til að forðast þing-
kosningar eins og heitan eldinn. En hvað geta þeir gert til að vinna
traust kjósenda á ný? Benda umræðurnar á Alþingi, ekki aðeins um
Landsdómsmálið heldur ýmis önnur mál, til að flokkarnir séu þess
trausts verðir?
Gömlu flokkarnir njóta ekki trausts og hafa
ástæðu til að óttast kosningar.
Kjósendur opnir
fyrir nýjungum
Ólafur Þ.
Stephensen
olafur@frettabladid.is
SKOÐUN