Fréttablaðið - 29.09.2010, Blaðsíða 8

8 29. september 2010 MIÐVIKUDAGUR
LANDSDÓMUR
Alþingi samþykkti í gær
með 63 atkvæðum skýrslu
þingmannanefndarinnar,
undir formennsku Atla
Gíslasonar.
Skýrslan er viðbrögð
Alþingis við skýrslu rann-
sóknarnefndar Alþingis
frá í apríl. Hún inniber
þingsályktunartillögu þar
sem meðal annars er lagt
til að lífeyrissjóðirnir og
sparisjóðirnir verði rannsakaðir
og að stjórnsýsluúttekt verði gerð
á Fjármálaeftirlitinu og Seðla-
bankanum. Þá er lagt til að
fjöldi laga, auk stjórnar-
skrárinnar, verði tekinn
til endurskoðunar.
Ályktað er um ýmis
atriði. Meðal annars á
þann veg að skýrsla rann-
sóknarnefndarinnar sé
áfellisdómur yfir stjórn-
völdum, stjórnmálamönn-
um og stjórnsýslu, verk-
lagi og skorti á formfestu.
Einnig að stjórnendur og eigend-
ur fjármálafyrirtækja beri mesta
ábyrgð á bankahruninu. - bþs
Skýrslan samþykkt
ATLI GÍSLASON
Dómþing landsdóms á að
halda í heyranda hljóði.
Það fer væntanlega fram
í húsi Hæstaréttar. Vitni
verða leidd fyrir dóminn.
Alþingi kýs saksóknara og
fimm manna þingnefnd til
að fylgjast með og vera sak-
sóknara til aðstoðar.
Saksóknari í málsókn Alþingis
gegn Geir H. Haarde verður kos-
inn í fyrsta lagi á þriðjudag. Um
leið verður kosin sérstök fimm
manna þingnefnd sem á að fylgj-
ast með málinu og vera saksókn-
aranum til aðstoðar. Samkvæmt
upplýsingum Fréttablaðsins er lík-
legt að þingmannanefndinni, undir
formennsku Atla Gíslasonar, verði
falið að bera upp tillögu um sak-
sóknara.
Þingnefndin verður að líkindum
kosin hlutfallskosningu í samræmi
við þingstyrk flokkanna. Í því felst
að Samfylkingin fær tvö nefndar-
sæti og VG, Sjálfstæðisflokkur
og Framsóknarflokkur eitt sæti
hver.
Í landsdómi sitja fimmtán dóm-
endur: Fimm Hæstaréttardómarar,
dómstjóri Héraðsdóms Reykjavík-
ur, prófessor í stjórnskipunarrétti
við HÍ og átta menn kjörnir af
Alþingi. Forseti Hæstaréttar er
forseti landsdóms. Málsaðilar geta
báðir krafist þess að dómari víki
sæti vegna vanhæfis.
Sókn málsins er, samkvæmt
lögum um landsdóm, bundin við
kæruatriðin sem tiltekin eru í
þingsályktunartillögunni sem
þingið samþykkti í gær. Saksókn-
ara ber skylda til að leita allra
fáanlegra sannana fyrir kæru-
atriðum. Um störf sín hefur
hann samráð við saksóknarnefnd
Alþingis.
Dómþing landsdóms á að vera
opið en dómurinn getur ákveðið
að þinga fyrir luktum dyrum telji
hann til þess sérstakar ástæður,
svo sem vegna hagsmuna ríkis-
ins.
Búist er við að landsdómur þingi
í húsakynnum Hæstaréttar.
Óvíst er hvenær dómurinn hefur
störf. Ræðst það af framvindunni
næstu daga og vikur. Engin eru
fordæmin.
Í málsmeðferð síðustu daga
hefur verið vísað í mál Eriks Ninn-
Hansen ráðherra í Danmörku sem
sakfelldur var í danska ríkisréttin-
um í svokölluðu Tamila-máli. Í því
tilviki liðu tvö ár frá því að þingið
samþykkti málssókn þar til dómur
féll. Ber þess að gæta að málsmeð-
ferðin tafðist nokkuð vegna veik-
inda Ninn-Hansen.
Viðbúið er að réttarhöldin beri
svipbragð þess sem tíðkast í hér-
aðsdómi, fremur en í Hæstarétti.
Vitni verða kölluð fyrir dóm-
inn, sem jafnan gerist ekki fyrir
Hæstarétti. Sækjandi og sakborn-
ingur kalla báðir vitni fyrir dóm-
inn. bjorn@frettabladid.is
Óljóst hvenær lands-
dómur hefur störf
SALUR HÆSTARÉTTAR Líklegast er að landsdómur komi saman í húsakynnum Hæstaréttar við Arnarhól. FRÉTTABLAÐIÐ/STEFÁN