Fréttablaðið - 29.09.2010, Blaðsíða 39

MIÐVIKUDAGUR 29. september 2010 27
Tónleikar ★★★★★
Sinfóníuhljómsveit Íslands lék
verk eftir Dvorák, Stravinsky
og Ravel.
Einleikari: Isabelle Faust
Stjórnandi: Pietari Inkinen.
Maður tengir Fást við myrkra-
höfðingjann.
Fást, eða Faust, kom fram á
sinfóníutónleikum í Háskólabíói
á fimmtudagskvöldið. Ekki sögu-
persónan fræga, galdramaður-
inn og alkemistinn, heldur fiðlu-
leikari. Þetta var Isabelle Faust,
sem spilaði einleik í fiðlukonsert
í D-dúr eftir Stravinsky. Það var
ekkert skuggalegt við þá spila-
mennsku.
Þótt tónlist Stravinskys teljist
engan veginn til framúrstefnu
(hvað svo sem það nú er), eru
verk hans óaðgengilegri en flest
á dagskrá Sinfóníunnar. Hljóm-
sveitin hefur stundum verið
gagnrýnd fyrir stöðnun og í því
samhengi var fiðlukonsertinn
eins og ferskur andblær. Hann
kom stöðugt á óvart. Tónmálið
hafði á sér klassískt yfirbragð,
en allar klisjurnar í eldri tón-
list voru ýmist víðs fjarri, eða
skopskældar.
Kannski hefur einhverjum
fundist þetta óaðgengilegt. En það
var ekki upplifun mín. Faust spil-
aði eins og engill; túlkun henn-
ar var fyllilega í anda verksins.
Það var ekkert banalt við spila-
mennskuna. Tæknilega séð var
leikurinn vandaður og nákvæm-
ur. Framsetningin var stílhrein,
túlkunin markviss og grípandi.
Faust kom öllum skemmtilegu
tilþrifunum í tónlistinni prýði-
lega til skila; manni leiddist
aldrei. Útkoman var frumleg,
þarna voru óvæntar uppákom-
ur, spennandi framvinda, litrík-
ur söguþráður – engin yfirborðs-
mennska eða ódýr trix.
Sem aukalag spilaði Faust Past-
orale eftir Stravinsky, lítið stykki
sem er til í nokkrum útgáfum.
Fjórir tréblásarar fluttu það með
henni. Hún gerði þetta svo fallega,
af svo miklum þokka og innlifun
að unaður var á að hlýða. Tré-
blásararnir léku líka sína rullu
af notalegri mýkt og fágun.
Stjórnandinn, hinn finnski
Pietari Inkinen, var með allt sitt
á hreinu. Strax í byrjun fyrsta
verksins á dagskránni, Le tomb-
eau de Couperin eftir Ravel, var
ljóst að hann er með músíkalsk-
ari mönnum. Hljómsveitin spilaði
af tæknilegu öryggi, og litirnir í
tónlistinni voru tærir og í réttum
fókus. Hver tónahending sagði
heila sögu. Maður dáðist sér-
staklega að safaríkum strengja-
hljómnum, hann var óvanalega
munúðarfullur og djúsí. Einmitt
svona eiga strengir að hljóma.
Sömu sögu er að segja um sjö-
undu sinfóníu Dvoráks, sem var
síðust á dagskránni. Strengja-
hljómurinn var flottur og aðrir
hljóðfærahópar voru líka pott-
þéttir. Styrkleikajafnvægið á
milli þessara hópa var eins og
best verður á kosið. Túlkunin var
óvanalega skáldleg, uppbygging
verksins var sérlega sannfærandi
og undiraldan ótrúlega mögnuð.
Stemningin greip mann strax
frá byrjun og þráðurinn slitnaði
aldrei. Það verður varla betra en
þetta. Jónas Sen
Niðurstaða: Frábær fiðluleikur og
frábær hljómsveitarstjórn. Með
skemmtilegustu sinfóníutónleikum
á árinu.
Djúsí strengir
Vesturhrauni 3 · 210 Garðabæ.
Sími 480-0030 · www.burstagerdin.is
- Í öll anddyri
- Hvaða stærð sem er
- Afgreidd á 2 dögum
• •B
U R
S TA G E R Ð I N
ÍS
L
E N S K U R I Ð N
A Ð
U
R

Hilmar Örn Hilmarsson
Allsherjargoði
Gakktu með í klukkustund laugardaginn 2. október
Landssöfnun Rauða kross Íslands gerir félaginu kleift að byggja athvörf í Malaví fyrir börn sem
eiga um sárt að binda vegna alnæmis, gefa þeim eina heita máltíð á dag og veita þeim fræðslu.
Í Síerra Leóne aðstoðar Rauði krossinn stríðshrjáð börn, endurhæfir barnahermenn og veitir þeim
tækifæri til að losna úr viðjum borgarastyrjaldar. Okkur vantar 3000 sjálfboðaliða til að ganga
í klukkustund og ná þannig til allra heimila á landinu.
Mættu á söfnunarstöð í þínu hverfi á laugardaginn
Taktu einhvern með þér – það er miklu skemmtilegra!
Þar færðu bauk og götu til að ganga í
Gerðu ráð fyrir u.þ.b. klukkutíma
Þú skilar bauknum á söfnunarstöðina
– og líður miklu betur eftir góðverk dagsins!
Skrefin til góðs
eru einföld:
„Ég tek Goðheima“
Hvar ætlar þú að ganga til góðs?
Skráðu þig á raudikrossinn.is
ISABELLE FAUST
ROKKTÓBER
FEST 2010
Á SÓDÓMU
30.9 – 2.10