Fréttablaðið - 29.09.2010, Blaðsíða 46

34 29. september 2010 MIÐVIKUDAGURFÉSBÓKIN
„Þetta verður ógeðs-
lega erfitt. Þetta er eitt
stærsta almannatengslafyrir-
tæki heims og það eru mörg
hundruð manns að keppa um
hverja stöðu.”
Eins og ný skoðanakönnun Frétta-
blaðsins leiðir í ljós er mikill fjöldi
kjósenda óákveðinn í afstöðu sinni
til stjórnmálaflokka. Spekingar leiða
að því líkur að pláss sé fyrir nýtt
framboð á Alþingi, rétt eins og í
borginni í vor. Bubbi Morthens
lýsti yfir í útvarpsþætti sínum,
Færibandinu, á mánudagskvöld
að hann íhugaði framboð. Það
veltir upp spurning-
unni hvaða Bubbi
íhugi framboð. Er
það harðskeytt-
ur baráttumaður
litla mannsins eða
stuðningsmaður auð-
valdsins? Fáum við
kannski Besta
Bubba, sem
vill „allskonar“
fyrir Reykjavík?
Það styttist óðum í að
almenningur fái að sjá
spennumyndina Inhale
eftir Baltasar Kormák,
fyrstu kvikmyndina sem
leikstjórinn gerir í Amer-
íku. Diane Kruger,
Sam Shepard og
Dermot Mulroney
leika aðalhlut-
verkin í þessari
mynd sem verður
sýnd á Wood-
stock-kvikmynda-
hátíðinni á næstunni auk þess
sem hún verður lokapunkturinn
á Anaheim-kvikmyndahátíðinni í
Los Angeles í næsta mánuði. Þar
verður Hector Elizondo heiðraður
en hann lék einmitt ráðsmanninn í
gamanmyndinni Pretty Woman frá
árinu 1990.
Nokkrir mánuðir eru liðnir síðan
Elsa María Jakobsdóttir hætti
störfum í Kastljósinu á RÚV en
hún hefur síður en svo setið með
hendur í skauti. Elsa hefur tekið að
sér kynningarstörf fyrir kvikmynda-
fyrirtækið ZikZak í tengslum við
kvikmyndirnar Gauragang og Brim
en hún er einmitt unnusta Þóris
Snæs Sigurjónssonar, annars stofn-
anda ZikZaks. Undanfarið hefur
Elsa María verið ötul við að kynna
vinnufatabúðina Vír sem Sigurjón
Sighvatsson er að
opna um þess-
ar mundir.
Sigurjón
er einmitt
tengdapabbi
Elsu svo ljóst
má vera að
henni lætur
vel að vinna
með sínum
nánustu.
- afb, fgg,
hdm
FRÉTTIR AF FÓLKI
Stundum þarf að stökkva!
Tobba Marinós sagði upp störfum hjá
Séð & heyrt eftir að ritstjóra blaðsins,
Eiríki Jónssyni, var sagt upp störfum.
„Mér finnst þetta frábært verkefni þannig
að ég var til í að vera með frá upphafi.
Ég fékk tölvupóst frá Ragga og Gunnari
[Hanssonum] og var búinn að svara sam-
dægurs,“ segir André Wickström, vinsæl-
asti grínisti Finna.
Wickström kom til landsins á mánu-
dag og kemur fram ásamt hinum danska
Frank Hvam og úrvali skemmtikrafta á
Kvöldskemmtun Frímanns Gunnarssonar
í Háskólabíói í kvöld. Eins og hinir grín-
istarnir er Wickström einn af þeim sem
Frímann heimsækir í þáttunum Mér er
gamanmál sem hófu nýlega göngu sína á
Stöð 2. Wickström segist aldrei hafa unnið
í jafn afslappandi umhverfi og leikaranum
Gunnari Hanssyni og Ragnari, leikstjóra
og bróður Gunnars, tókst að skapa. En
hvernig var að vinna með Frímanni?
„Söguþráður þáttarins var svo góður að
það var ekki erfitt að vinna með Frímanni.
En hann er mjög sérvitur,“ segir Wick-
ström og vefst tunga um tönn í leit að fleiri
orðum til að lýsa þessum sérstaka karakter.
Wickström kom í fyrstu heimsókn sína
til landsins í nóvember á síðasta ári og seg-
ist því ekki þurfa að ferðast um landið. „Þá
fór ég gullna hringinn og gerði allt þannig
að ég þarf ekki að vera svona mikill túr-
isti í þetta skipti,“ segir hann léttur. „Ég
get einbeitt mér að því að drekka ótæpilega
sem er kjarni þess að heimsækja Ísland. Ég
verð ekki litinn hornauga fyrir að drekka
bjór í hádeginu.“ - afb
Getur einbeitt sér að drykkju á Íslandi
MÆTTUR Á SVÆÐIÐ Finnski grínistinn André Wickström
kemur fram á Kvöldskemmtun Frímanns Gunnarssonar í
Háskólabíói í kvöld. FRÉTTABLAÐIÐ/STEFÁN
„Ég er búin að skrifa undir tveggja
ára samning. Ég flýg svo út á sunnu-
daginn og byrja á mánudaginn,“
segir markaðssérfræðingurinn
Líney Inga Arnórsdóttir.
Líney, sem varð 25 ára gömul
í júní, hefur þegið starfstilboð
hjá Ketchum, sem er eitt stærsta
almannatengslafyrirtæki heims.
Allt benti til þess að hertar innflytj-
endareglur í Bandaríkjunum myndu
hindra að hún gæti þegið starfið, en
yfirmönnum fyrirtækisins tókst að
sannfæra bandarísk stjórnvöld um
að enginn væri hæfari í starfið.
„Það gekk upp í þetta skipti. Þeir
buðu mér yfirmannsstarf þannig
að ég fæ sérstakt landvistarleyfi,“
segir Líney. „Ég er mjög góð í töl-
fræði, þó að það hljómi fáránlega.
Þannig að þeir sögðu að ég væri ein-
hvers konar tölfræðisnillingur.“
Líney starfaði í sumar við skipu-
lagningu You Are in Control-tón-
listarráðstefnunnar sem fer fram í
Reykjavík um helgina. Hún heldur
svo á vit ævintýranna í New York
að henni lokinni. Hún útskrifaðist
á síðasta ári frá Miami-háskóla í
Bandaríkjunum með hæstu einkunn
á MA-prófi í almannatengslum.
Líney og átta aðrir útskriftarnemar
voru valdir úr hópi 700 umsækjenda
í starfsnám hjá Ketchum og að því
loknu var henni einni boðið áfram-
haldandi starf.
„Ég lít á þetta sem fjárfestingu
í starfsferli mínum,“ segir Líney.
„Þetta verður ógeðslega erfitt. Þetta
er eitt stærsta almannatengsla-
fyrirtæki heims og það eru mörg
hundruð manns að keppa um hverja
stöðu. Ég þurfti að fórna öllu til að
fá stöðuna.“
Líney er ekki að ýkja enda
eru viðskiptavinir fyrirtækisins
risar á borð við Kodak, FedEx,
IKEA, Nokia og Rússland. „Ég er
í alvörunni að fara að vinna með
pressuvél Pútíns, sem er svolítið
klikkað,“ segir Líney að lokum í
laufléttum dúr.
atlifannar@frettabladid.is
LÍNEY ARNÓRSDÓTTIR: ÞETTA ER EITT STÆRSTA PR-FYRIRTÆKI HEIMS
Fórnar öllu fyrir drauma-
starfið í Bandaríkjunum
„Þetta er stuttmynd, tekin upp í
Cornwall og það er reiknað með sjö
dögum í tökum. Ég hef ekki sinnt
stuttmyndaforminu nægjanlega
vel en það er góður leikari í aðal-
hlutverkinu og það skiptir miklu
máli,“ segir kvikmyndatökumað-
urinn Karl Óskarsson. Hann er á
leiðinni til Bretlands eftir tvo daga
til að gera stuttmynd með enska
stórleikaranum John Hurt. Hurt
hefur tvívegis verið tilnefndur til
Óskarsverðlauna og hlaut Bafta-
verðlaunin fyrir leik sinn í Fíla-
manninum, kvikmynd sem líður
flestum seint úr minni. Þar að
auki hefur Hurt leikið í stórmynd-
um á borð við Alien og Midnight
Express frá 1978.
Karl kemur reyndar við sögu
í kvikmynd sem sýnd er á RIFF,
Alþjóðlegu kvikmyndahátíðinni
í Reykjavík. Hún er tékknesk og
heitir Þrjár árstíðir í helvíti (3
sezony v pekle) en Karl fékk kvik-
myndaverðlaun Tékklands fyrir
kvikmyndatöku. „Ég hafði vitað
af leikstjóranum, Tomás Masín, í
dágóðan tíma. Svo hringdi fram-
leiðandi myndarinnar og bauð mér
verkið. Ég hringdi í umboðsmann-
inn minn og hann sagði mér að
handritið hefði legið inni á borði
hjá þremur breskum tökumönn-
um sem vildu ekki fá það af því að
myndin væri á tékknesku. En ég
sló bara til,“ segir Karl.
Tékkland er gamalt stórveldi í
Evrópu og myndin fjallar um nið-
urbrot þess, fyrst undir stjórn
nasista og svo kommúnista eftir
lok seinna stríðs. Karl segist hafa
upplifað sérkennilega tilfinningu á
meðan á tökum myndarinnar stóð
því þær fóru fram á sama tíma og
bankakerfið á Íslandi hrundi eins
og spilaborg. „Þetta var mjög svip-
að, að sjá heilt samfélag hrynja
smám saman og molna.“ - fgg
Gerir mynd með John Hurt
Á FERÐ OG FLUGI Karl Óskarsson er
nýkominn heim frá London þar sem
hann tók upp auglýsingu fyrir Ólympíu-
leika fatlaðra sem fram fara í London
2012. Og svo er hann að fara að taka
upp stuttmynd með John Hurt.
Vættir, álfar, goð fornaldar
... sagnir eða veruleiki?
Fyrirlesarinn og höfundurinn Christopher Vasey
frá Sviss kynnir nýja bók sína (í íslenskri þýðingu)
Erindi (flutt á ensku)
fimmtudaginn, 30. september 2010 kl. 20:00
á Radisson Blu Hótel Sögu v/Hagatorg
í Reykjavík Aðgangseyrir er 500 kr.
Skipuleggjandi: Christof Leuze
Sími: +354 821 1607 Netfang: Christof.Leuze@leuze.de
Pósthúsið | Suðurhraun 1 | S: 585 8300 | www.posthusid.is
Nú þegar farið er að dimma úti viljum
við vinsamlega minna íbúa á að hafa
kveikt á útiljósum við heimili sín á
næturnar til að auðvelda blaðberum
Pósthússins aðgengi að póstlúgu.
Með fyrirfram þökk,
Pósthúsið
dreifingaraðili Fréttablaðsins og
annarra dreifinga
Blöð og tímarit
Bréfasendingar
Markpóstur
Fjölpóstur
Vörudreifing
Plöstun blaða
og nafnamerking
Munum eftir að
kveikja útiljósin!
Við látum það berast
FR
ÉTTA
B
LA
Ð
IÐ
/STEFÁ
N
NEW YORK! NEW YORK! Líney heldur til New York
í lok vikunnar og hefur störf á mánudaginn hjá
einu stærsta almannatengslafyrirtæki heims.