Fréttablaðið - 02.10.2010, Blaðsíða 32
32 2. október 2010 LAUGARDAGUR
1996 DJÖFLAEYJAN LEIKSTJÓRN: FRIÐRIK ÞÓR
FRIÐRIKSSON
Þessi niðurstaða kemur mér nokkuð á óvart, því Sódóma
hefur ekki beinlínis verið talin
mjög listræn mynd í gegnum tíð-
ina. Við gerð hennar var höfuð-
áherslan lögð á skemmtanagild-
ið. En mér þykir vænt um þessa
mynd og hef alltaf haft mikla
trú á henni,“ segir Óskar Jónas-
son, leikstjóri kvikmyndarinnar
sem kom best út í könnun Frétta-
blaðsins, og bætir við að vin-
sældir Sódómu meðal almenn-
ings hafi ekki farið fram hjá
honum síðustu átján ár. „Ég get
óvíða farið án þess að fólk vitni
í samtöl úr myndinni eða gauki
að mér frösum, en það er bara
skemmtilegt.“
Sódóma Reykjavík fjallar um
lúðann Axel og leit hans að sjón-
varpsfjarstýringu móður sinnar,
sem leiðir hann um undirheima
Reykjavíkur með kostulegum
afleiðingum. Óskar segir hand-
rit myndarinnar að hluta byggt
á atvikum sem hann sjálfur
lenti í og húmornum sem mynd-
aðist meðal fólksins sem hann
umgekkst á þessum tíma.
„Ég var í hljómsveit og stund-
aði næturlífið og upplifði ýmis-
legt í svipuðum dúr og það sem
gerist í myndinni. Hugmyndin
var alltaf að fylgja Axel eftir í
eina nótt, en það var ekki fyrr
en á lokastigum að fjarstýring-
in kom inn í dæmið. Mér þótti
ákveðið tilgangsleysi í þessu
ferðalagi aðalpersónunnar og
datt í hug að fjarstýringin yrði
gulrótin sem væri sniðugt að
elta,“ segir Óskar, en téð fjar-
stýring varð nokkuð ráðandi afl í
söguþræði myndarinnar og varð
meðal annars til þess að Sódóma
hlaut titilinn Remote Control
erlendis. Þar fékk myndin víðast
hvar góða dóma, og nefna má að
Entertainment Weekly gaf henni
hæstu einkunn. Í dómi tímarits-
ins sagði að Ísland, sem hingað
til hefði verið best þekkt í heimi
alþýðumenningarinnar fyrir
tilgerðarlegar rokkhljómsveit-
ir, reki af sér slyðruorðið með
Remote Control.
Óskar segir góðan anda hafa
ríkt við gerð myndarinnar sum-
arið 1991. „Það var mikið fjör
og ég man eftir einu tilfelli þar
sem seinka þurfti æfingu vegna
þess að einhver var að sofa úr
sér í Hverfissteininum. Ég nefni
engin nöfn en sá aðili er vel
þekktur í þjóðfélaginu í dag,“
segir Óskar.
Af öllum litríkum persónum í
Sódómu segir Óskar að sér þyki
vænst um brjálæðinginn Brjánsa
sýru, sem Stefán Sturla Sigur-
jónsson túlkaði eftirminnilega.
„Brjánsi var byggður á nokkrum
kakterum sem ég hafði kynnst á
skuggalegum börum borgarinn-
ar. Við fórum í pílagrímsferðir
til að hitta þessa aðila, hittum til
dæmis þann sem Brjánsi er helst
byggður á á Hlemmi. Hann var á
spítti, veifandi hnífi og nýbúinn
að brjóta bjórglas í andliti vinar
síns, sem vildi ekki fara á slysa-
varðsstofuna þrátt fyrir brot-
ið kinnbein og innfallið auga. Á
köflum leið manni ekki allt of vel
í þessum vettvangskönnunum,“
segir Óskar og skellir upp úr.
ÓSKAR JÓNASSON HEF ALLTAF HAFT MIKLA TRÚ Á SÓDÓMU7 8
9 10
1992 SÓDÓMA REYKJAVÍK LEIKSTJÓRN: ÓSKAR
JÓNASSON
1983 NÝTT LÍF LEIKSTJÓRN: ÞRÁINN
BERTELSSON
2010 MAMMA GÓGÓ LEIKSTJÓRN: FRIÐRIK
ÞÓR FRIÐRIKSSON
SÓDÓMA Leikstjórinn Óskar Jónasson með frummyndina af fuglinum sem síðar
prýddi plakatið fyrir Sódómu Reykjavík. FRÉTTABLAÐIÐ/GVA
Meira í leiðinniWWW.N1.IS / SÍMI 440 1000
Keppni í fyrstu umferð N1 deildar kvenna
heldur áfram í dag. Við óskum stelpunum
og stuðningsfólki þeirra góðrar skemmt-
unar í vetur. Megi besta liðið vinna!
Fram – Haukar Framheimili kl. 13:30
Fylkir – ÍBV Fylkishöll kl. 13:00
FH – HK Kaplakrika kl. 16:00
Grótta – Valur Seltjarnarnesi kl. 16:00
VELKOMIN
TIL LEIKS!