Fréttablaðið - 02.10.2010, Blaðsíða 86
38 2. október 2010 LAUGARDAGUR
Margir eyða lunganum úr deginum í vinnunni,
við skrifborðið og fyrir framan tölvuna. Sigríður
Björg Tómasdóttir leit í heimsókn á vinnustaði
fjögurra einstaklinga sem fást við ólíka hluti og
hafa allir skipulagt umhverfi sitt eftir sínu höfði.
Hitt heimilið
ENDURSPEGLAR HUGANN „Ég veit hvar allt er hérna, en það gæti
líklega enginn annar gert það,“ segir Goddur, prófessor við Lista-
háskóla Íslands. „Ég hef sankað að mér bókum og þær eru hér í
hillunni fyrir aftan mig, mér finnst gott að grípa í þær. Einnig til
dæmis bækur um leturgerð, þó að ég noti netið líka. Umhverfi mitt
endurspeglar algjörlega hvernig ég hugsa, og þannig er innihaldið í
tölvunni minni einnig skipulagt. Enda held ég að enginn myndi rata
hér eins og ég.“ Myndir prýða veggi vinnustofunnar og styttum héðan
og þaðan er raðað á hillu. „Þær hafa sumar bara endað þarna,“ segir
Goddur, sem vinnur ekki alltaf á vinnustofunni sinni – en þó oftast.
FRÉTTABLAÐIÐ/STEFÁN
HUGMYNDIR KVIKNA Í HEIMILISLEGU UMHVERFI „Við vildum gera húsnæði fyrirtækisins heimilislegt,
þannig væri það ekki dæmigert skrifstofuhúsnæði. Við innréttuðum einnig mikið með notuðum húsgögn-
um, sem við fundum til dæmis í Góða hirðinum,“ segir Svanhildur Sigurðardóttir hjá Auði Capital. Svan-
hildur vann mikið með innanhússhönnuði fyrirtækisins, Hönnu Stínu. „Það er alveg magnað hvað fundir
í litla fundarherberginu verða til dæmis öðruvísi en hefðbundnir fundir, það kvikna öðruvísi hugmyndir í
svona heimilislegu umhverfi,“ segir Svanhildur, sem situr ásamt Guðlaugu Kristínu Pálsdóttur og Þórönnu
Jónsdóttur í heimilislegu afdrepi fyrirtækisins. Til að undirstrika heimilislegan anda á skrifstofunni hefur
myndum af börnum og barnabörnum starfsmanna fyrirtækisins verið komið fyrir í móttökunni, gestum
og gangandi til ánægju. FRÉTTABLAÐIÐ/VALLI
HELDUR UPP Á HANDBÆKUR „Þetta er gömul skrifstofa eins og sést,“ segir Eiríkur Blöndal, framkvæmda-
stjóri Bændasamtakanna. „Hér eru margir munir sem fylgt hafa samtökunum um skeið, til dæmis
brjóstmynd af Sigurði Sigurðarsyni, fyrrverandi búnaðarmálastjóra, og Sleipnisbikarinn sem veittur hefur
verið fyrir besta íslenska kynbótahrossið síðan 1947. Þessir hlutir fara vel hér ásamt listaverkum dóttur
minnar og ýmsu öðru. Gögnin sem ég nota eru nú aðallega í tölvunni, en ég vinn líka með málsskjöl
og gögn sem ég raða í möppur og hef við hendina. Ég held líka upp á handbækur og er með talsvert af
þeim,“ segir Eiríkur, sem kveðst ekki vera alveg jafn mikill snyrtipinni og myndin gefur til kynna, yfirleitt
sé borðið hans þakið gögnum í litlum bunkum. „En ég finn alltaf það sem ég þarf.“ FRÉTTABLAÐIÐ/VALLI
ÚTSÝNI YFIR ARNARHÓL „Það er frábært að fylgjast með mannlífinu á Arnarhóli,“ segir Regína Bjarnadóttir,
hagfræðingur hjá Seðlabanka Íslands, sem getur ekki kvartað yfir útsýninu úr skrifstofunni sinni. „Áður sá
ég yfir tónlistarhúsið og fylgdist með því í hruninu þegar framkvæmdir nær stöðvuðust. Nú horfi ég yfir
hólinn og get vottað að hann er mikið notaður.“ Skrifstofa Regínu er snyrtileg og skipulögð, er það venjan?
„Ég er skipulögð en yfirleitt þekja nú staflar af skjölum borðið,“ segir Regína, sem er að fara að vinda sér í
vinnu við næstu peningamál Seðlabankans. „Gögnin sem ég vinn með eru flest í tölvunni,“ segir Regína,
sem safnar aðallega í hillur hagfræðiritum, gömlum Peningamálum Seðlabankans og á veggi listaverkum
dætranna. Á skrifstofunni er líka að finna minjagrip frá veru Regínu í Gvæjana. „Samuel Hinds, forsætis-
ráðherra Gvæjana, gaf mér þennan platta þegar ég lauk störfum fyrir Sameinuðu þjóðirnar þar í landi.“
FRÉTTABLAÐIÐ/VALLI
LAGERHREINS
UNA
ðeins í
BYKO Breidd
Lýkur á sunn
udag!afsláttur
Mikill
Hringdu í síma
ef blaðið berst ekki