Fréttablaðið - 02.10.2010, Blaðsíða 105

LAUGARDAGUR 2. október 2010 57
Yoko Ono, ekkja Bítilsins Johns
Lennon, ákvað að búa áfram í
Dakota-byggingunni í New York
vegna þess að hún telur anda
hans vera þar á sveimi. Lennon
var myrtur fyrir utan bygg-
inguna árið 1980 af brjáluðum
aðdáanda. „John er enn þá hér.
Straumarnir sem hann skildi
eftir sig, staðirnir sem hann
snerti. Skoðið bara DNA-leifarn-
ar. Það er allt til staðar,“ sagði
Ono. Hún var gagnrýnd harð-
lega fyrir að halda áfram að búa
þarna eftir að hann dó. „Þetta
voru kynþátta- og kynjafor-
dómar: „Við hvíta fólkið gætum
aldrei gert þetta – búið á staðnum
þar sem einhver nákominn dó,“
sagði hún um ummælin sem hún
heyrði.
Andi Lennon
enn á sveimi
ONO OG LENNON Yoko Ono ásamt John
Lennon skömmu áður en hann var
myrtur.
„Við erum bara ótrúlega glöð og þakklát,“
segir Víkingur Kristjánsson, meðlimur í
Vesturporti sem ásamt Borgarleikhúsinu
hlaut Evrópsku leiklistarverðlaunin í gær
fyrir leiksýninguna Faust. Evrópsku leik-
listarverðlaunin eru með þeim virtari í
bransanum. Í hópi fyrri verðlaunahafa má
nefna Peter Brook, Tinu Bausch og Harold
Pinter.
Víkingur var staddur í London í gær þar
sem hann hefur verið Gísla Erni Garðars-
syni til halds og trausts vegna frumsýn-
ingar Faust í Young Vic-leikhúsinu í gær-
kvöldi. Hann segir að verðlaunin hafi komið
aðstandendum sýningarinnar algjörlega á
óvart. „Við höfðum ekki hugmynd um þetta
fyrr en daginn sem við fengum símtalið um
að sýningin hefði unnið til þessara verð-
launa.“
Víkingur telur líklegt að verðlaunin komi
til með að opna fleiri dyr fyrir Vestur port
úti í heimi. „Okkur hefur gengið vel og
finnum fyrir miklum áhuga og velvild, til
dæmis í sambandi við frumsýningu Faust
hér í London, og mér finnst líklegra en ekki
að þessi verðlaun eigi bara eftir að kynda
undir því.“
Víkingur flýgur heim í dag til að vera
viðstaddur frumsýningu kvikmyndarinn-
ar Brims í kvöld. „Það er feykinóg að gera
hjá okkur um þessar mundir, en við gefum
okkur væntanlega tíma til að fagna þessum
árangri með því að skála í kampavíni við
fínt fólk.“ - bs
Vesturport skálar í kampavíni við fínt fólk
ÚR FAUST Verðlaunauppfærsla Vesturports og Borgarleikhúss-
ins var frumsýnd í London í gær.
Söngvarinn og leikarinn Justin
Timberlake hefur lýst því yfir að
ný tónlist sé ekki á dagskrá hans
á næstunni. Í nýlegu viðtali gríp-
ur Timberlake í rándýra myndlík-
ingu til að útskýra mál sitt.
„Málar listamaður málverk
vegna þess að hann verður að
skila því 21. desember? Nei. Það
gerir hann ekki. Það gerist þegar
andinn kemur yfir hann,“ sagði
Timberlake. „Ég hætti aldrei að
gera tónlist. Ég veit ekki hvað ég
á að segja þér – ég er ekki viss
hversu mikið ég vil helga mig tón-
listarbransanum. Í stuttu máli er
ég að segja að ég veit ekki hvenær
ég veit hvað ég vil gera. Og þang-
að til veit ég ekkert.“
Timberlake þykir standa sig vel
í hlutverki sínu í kvik-
myndinni The Social
Network, sem segir frá
fyrstu árum samskipta-
síðunnar Facebook.
Ný tónlist
ekki á dagskrá
VEIT EKKERT Timberlake
er ekki viss um hvort
hann vilji gera mikið af
tónlist í framtíðinni.
Rapparinn Kanye West hefur gefið
aðdáendum sínum eitt lag á hverj-
um föstudegi að undanförnu. Hann
hætti við það síðasta föstudag
eftir að lag af væntanlegri plötu
hans lak á Netið án hans samþykk-
is. Hann er sérstaklega óánægð-
ur því lagið sem lak út var ekki
fullklárað. „Það er ömurlegt að
vita til þess að einn hakkari geti
eyðilagt fyrir öllum. Mér finnst
frábært að eyða ári í að ljúka við
lögin mín og bjóða ykkur upp á
þau um leið og þau eru tilbúin,“
sagði West. „Fyrst ég gef lögin
mín í hverri viku hefði ég haldið
að enginn myndi leggjast svo lágt
að leka ókláruðu lagi af plötunni
minni á Netið.“ Platan er væntan-
leg í nóvember en West hefur ekki
enn ákveðið hvað hún á að heita.
Síðasta plata hans, 808´s
& Heartbreak, kom út
fyrir tveimur árum.
Óklárað lag á
Netið
KANYE WEST Rapparinn
er brjálaður yfir því
að lagi af plötunni
hans var lekið á
Netið.