Fréttablaðið - 04.10.2010, Blaðsíða 31
MÁNUDAGUR 4. október 2010 3
Húsgögnin hans Eggerts Más
eru antikgripir. Til dæmis fal-
legur skenkur og skúffuskápur
með 36 skúffum. Hvort tveggja
notar hann undir verkfæri til að
hafa þau innan seilingar. Smíðatól
prýða líka veggi, glugga og borð
á heimilinu. Skyldi hann þurfa á
þeim öllum að halda við hljóðfæra-
smíðina? „Já, ég hef þurft að grípa
til þeirra flestra einhvern tíma,“
svarar Eggert en segir söfnun
þeirra líka stórt áhugamál. „Ég hef
safnað verkfærum frá því ég man
eftir mér,“ segir hann. „Keypt þau
á fornsölum hér á landi, mörkuð-
um erlendis og á Netinu. Svo fékk
ég mörg frá föður mínum.“
Eggert kveðst alltaf hafa verið
að smíða. Hann lærði húsgagna-
smíði við Iðnskólann í Reykjavík
en gítarsmíði og fiðlusmíði við
virta skóla í Englandi. Nú er hann
með tvo gítara á smíðaborðinu,
einn á lokastigi og annan sem hann
er búinn að setja saman. „Í fyrra
sérsmíðaði ég gítar fyrir mann
sem er nú búinn að panta hjá mér
kassabassa. Það hljóðfæri er eins
og gítar nema með stærri búk,“
útskýrir hann. Skyldu menn ekki
þurfa að vera með tóninn á hreinu
þegar menn smíða hljóðfæri? „Það
hefur aldrei neinn sett út á hljóð-
færin frá mér,“ svarar Eggert með
hægð. „Strákur sem á sérsmíðað-
an gítar eftir mig frá því í fyrra
fór til útlanda í sex vikur og skildi
gítarinn eftir hjá Þorvaldi Bjarna
sem var í Todmobil. Þorvaldur
sagðist aldrei hafa spilað á betri
gítar. Það þótti mér góður vitnis-
burður.“
gun@frettabladid.is
„Ég nota húsgögnin mín sem vinnuborð, til dæmis þennan skenk í fínvinnuna,“ segir
Eggert. FRÉTTABLAÐIÐ/DANÍEL RÚNARSSON
Sjálfur spilar Eggert á gítar og banjó. Glugginn er vel nýttur undir verkfæri og
hirslur.
Arkitektafélag Íslands mun í samvinnu við skipulags- og byggingasvið
Reykjavíkur, taka þátt í alþjóðlegum degi arkitektúrs sem haldinn er árlega á
fyrsta mánudegi októbermánaðar.
Í tilefni dagsins verður haldið málþing í sal ráðhússins í dag milli 16.30 og
19. Þema dagsins er Betri borg, betra líf - sjálfbærni í krafti hönnunar.
Meðal erinda á málþinginu eru: Bábiljur og borgarbragur sem Páll Gunn-
laugsson flytur, Vistvæn hverfi og byggingar sem Björn Axelsson, umhverfis-
stjóri skipulagssviðs Reykjavíkur heldur, Hverfaskipulag – sjálfbærari hverfi í
flutningi Ólafar Örvarsdóttur, skipulagsstjóra Reykjavíkur, og Rewind – orka
framtíðarinnar, sem nemendur LHÍ og HR standa fyrir. Nokkrir aðilar frá
Reykjavíkurborg munu síðan tjá sig um framtíðarsýn og vistbyggðaráð mun
fjalla um vistvæn vinnubrögð í byggingaiðnaði. Að lokum flytur Steinþór
Kárason, prófessor í arkitektúr við LHÍ, erindið Húsið og borgin.
Betri borg – betra líf
ALÞJÓÐLEGUR DAGUR ARKITEKTÚRS ER HALDINN HÁTÍÐLEGUR VÍÐA UM HEIM.
Málþing verður í Ráðhúsinu í dag í tilefni af alþjóðlegum degi arkitektúrs.
Þú getur alltaf lesið Fréttablaðið frítt á Vísi
eða fengið sendan daglegan tölvupóst
með blaði dagsins. Nánari
upplýsingar á: visir.is/dreifing
FRÉTTABLAÐIÐ Á NETINU
Vertu vinur
Vandaðir skór fyrir veturinn!
Sérlega þægilegir herraskór úr mjúku leðri og með góða breidd.
Sími 551 2070.
Opið mán.-fös. 10-18.
Laug. 10-14.
Góð þjónusta - fagleg ráðgjöf.
www.misty.is
Teg: 48096
Litir: svart og brúnt
Stærðir: 40 - 47
Verð: 19.885.-
„aircomfort´´
YFIRHAFNADAGAR
20%
AFSLÁTTUR AF YFIRHÖFNUM
GILDIR TIL 19.OKTÓBER
Framhald af forsíðu