Fréttablaðið - 08.10.2010, Síða 28

4 föstudagur 8. október
núna
✽ dekraðu við þig
Að reyna
Sem kona á barneignaraldri þá verð ég að tjá mig aðeins um þá spurningu sem brennur á vörum samferðamanna minna: Eruð þið
að reyna? Áður fyrr, áður en ég varð við, var ég spurð alls konar spurn-
inga sem oftar en ekki sneru að praktískum atriðum, líkt og almennu
gengi í lífinu og makaleitinni. Spurningarnar voru alls ekki nærgöng-
ular nema þá kannski helst þegar ég var spurð hvort ég héldi að þessi
eða hinn væri „langtímaeign“. Ég var aldrei spurð hvort ég væri kyn-
ferðislega fullnægð eða hvort ég notaði getnaðarvarnir. Hvort ég hefði
staðsett G-blettinn og hvort ég þyrði að biðja bólfélagann um að leyfa
mér að kenna honum að fullnægja mér. Slíkt var ekki rætt og eflaust
talið viðkvæmt umræðuefni, jafnvel óviðkomandi og einkamál.
Nú er annað uppi á teningnum. Ég er „gengin út“, og eins og allir
telja sig vita eru samfarir einn af fylgifiskum þess að vera í sambandi.
Þessi sannindi virðast gefa tilefni til þess að annar hver maður spyr
mig hvort við séum ekki að reyna. Þú spyrð kannski, reyna hvað? Jú,
við eigum að reyna að búa til barn. Bláókunnugt fólk spyr mig hvort
við stundum ekki regluleg og óvarin kynmök. Í sjálfu sér er það „krútt-
legt“ að fólki sé umhugað um mitt samlíf en ég skil ekki af hverju
fólk talar um barneignartilraunir eins og þær séu algerlega ótengdar
kynlífi.
Ætli það sé tilgangurinn sem helgi meðalið? Þegar kynlífi er gefinn
annar og jafnvel æðri tilgangur en unaðurinn sjálfur, þá má tala um
það opinberlega og jafnvel hvetja til þess. Ég hef prófað að gefa alls
konar svör við þessari spurningu. Þegar ég neita, þá pírir viðkomandi
augun og ég hraða mér að koma með lífsstílsútskýringu frekar en líf-
fræðilega því það tengist engu óþægilegu, eins og ófrjósemi. Fólk vill
eiginlega ekki heyra af slíku, enda fá ráð við því. Ef ég játa, þá æsist
viðkomandi allur upp við bumbuleysið og fer að dæla út frjósemis-
aukandi ráðum tendum vítamínum, nálarstungum og hormónum. Það
svar er vekur mestu lukku er „laissez-faire“- viðhorfið, „þetta bara ger-
ist þegar það gerist“. Þá getur viðkomandi andað léttar og treyst á að
náttúran sjái um sína.
En nú spyr ég. Er þetta ekki dónaleg spurning? Þú veist ekki hvað
gerist bak við luktar dyr og fræðin hafa sýnt að kynlíf með barneign-
artilgangi getur verið ánægjulítið og streitumikið. Þungun er oftar en
ekki gleðiefni sem flestar tilvonandi mæður vilja gjarnan deila með
öllum í heiminum. Þetta eru tíðindi sem þér eru tilkynnt um tólf
vikum eftir getnað. Þannig að í staðinn fyrir að setja barneignarpressu
á kynlífið má bara spyrja einfaldrar en fallegrar spurningar líkt og:
„Ertu kynferðislega fullnægð?“
Á RÚMSTOKKNUM
Sigga Dögg kynfræðingur
Sendu Siggu Dögg póst með spurningum eða óskum um umfjöllunarefni.
netfangið er kynlif@frettabladid.is
HLÝTT OG FLOTT Þótt það sé kalt í veðri er engin ástæða til
að ganga um bæinn með kaldar hendur. Fallegir hanskar setja
punktinn yfir i-ið þegar komið er í fallega vetrarkápu og góða
kuldaskó. Þessir fást í Sautján í Kringlunni.
S túlkurnar í hljómsveitinni The Charlies hafa verið búsettar í borg
englanna frá því í byrjun maí og vinna
hörðum höndum að tónlist sinni. Þær
hafa hingað til búið í fjölskylduvænu
hverfi rétt fyrir utan Los Angeles en
fluttu nýverið í ys og þys miðborgar
Hollywood.
Alma Guðmundsdóttir segir ástæðu
flutninganna vera þá að þær voru
orðnar þreyttar á löngum bílferðum á
hina ýmsu fundi. „Eftir að hafa búið í
Woodland Hills í allt sumar vorum við
orðnar þreyttar á að þurfa að keyra
svona mikið. Stundum þurftum við að
eyða rúmum tveimur klukkustundum
á dag í bíl þegar umferðin var mikil
þannig að við fluttum því til West
Hollywood og erum núna nær öllu sem
tengist vinnunni,“ segir Alma.
Stúlkurnar leigðu sér flutningabíl
og fluttu búslóð sína sjálfar á heitasta
degi í sögu Los Angeles. „Það kostaði
að vísu nokkra marbletti og þó nokk-
urn svita þar sem við vorum að flytja
á heitasta degi í sögu LA, en við vorum
ekkert smá stoltar þegar við vorum
búnar.“
Stúlkurnar búa þrjár saman í lítilli
eins herbergis íbúð og deila því svefn-
herbergi og baði. Alma segir sambúð-
ina ganga vel þrátt fyrir þröngan húsa-
kost enda séu stúlkurnar allar góðar
vinkonur. „Okkur kemur alveg ótrúlega
vel saman, annars væri þetta náttúru-
lega alveg ómögulegt. Til að þetta gangi
upp þurfum við að standa saman í einu
og öllu sem viðkemur vinnunni og það
er oft á tíðum ekkert grín að eiga við
fólk í þessum bransa.“
Fyrsta smáskífa The Charlies verð-
ur gefin út í byrjun næsta árs og fara
stúlkurnar í mikinn útvarpskynningar-
túr um Bandaríkin í janúar. „Það verð-
ur svakalega skemmtilegt en brjáluð
vinna svo okkur veitir ekki af að vera
vel undirbúnar. Við ætlum að eyða jól-
unum í faðmi fjölskyldunnar áður en
túrinn hefst en þó við ætlum fyrst og
fremst að hlaða batteríin heima höfum
við þegar bókað gigg fyrir jólin,“ segir
Alma að lokum. - sm
The Charlies fluttu á heitasta degi í sögu Los Angeles:
FLUTTAR NIÐUR Í MIÐBÆ LA
Harðduglegar Stúlkurnar í The Charlies, Alma, Steinunn Camilla og Klara, hafa flutt sig um set og búa nú í miðbæ
Hollywood.
40
AF VÖLDUM VÖRUM
AFSLÁT TARDAGAR
AFSLÁTTUR
%
I
Smáralind S: 522-8380